حلقة (32)
#جُمِّلْت أخلاقها
✍🏻كاتبة الجنوب
_____________بسمه تعالى ____________
يا كاع ترابج كافوري
علساتر هلهل شاجوري
كلمات اغنية ابقت في آذان عراقيين وتخذوها، اهزوجه لكن تراب كافوري ستطعمو بي
وأخذو هذه الأرض وستعمروها وسرقوا خيراتها، اخذو الكافور وابقو لنا مخلفاته تالفه، سرقو جماليته وحطموا ارواحنا
اخذو معالم ارضنا، وبقينا بدون وطن.. وطن خيراته مسروقه وابناء الوطن مشردين، وطن مبيوع والمشتري متربع وكاعد بي هما الهم أوليه، ونحن نستمتع بمشاهدت المسرحيه..
_حلووو احتلونه الكفار
_وهاي صرنه بيد امريكا
بهتت ملامح ابوي وهو يصفك ايد بإيد هو هذا عراق، وامريكا اول طامعين بخيرا، خلي نشوف شراح يصير،
_شراح يصير يباا جماعتنا سلمو رواحتهم كل واحد نزع قميصة سوا علم استسلام
_لا يباا جماعتنا وفوو وكفوو العراق بلد صغير بالنسبه أمريكا، وتحالفو وياا دول عظيمه، وصار فريسه بحلك الأسود، بس ما تفض هيج، نبقى ننتظر ونباوع بعيونه على الي راح صير
_هسه من اجيت شفت من بعيد دبابات جاي دخلن
نرجس: ياا خلي اشوف شصاير
_لا صعدون للسطح خاف حسبالهم من جيش
ويصوبون عليكم
_لا نفتح الباب
رحنه ركض على باب ودبابات جاي تقترب علينا شوي شوي بيتنا على شارع ونباوع على جهة تدخل منها الدبابات لأن من هذا طريق دخلونه،ودخلو لكافة مناطق البصرة
ابوي عاط على عماد يروح للبيت قبل لا يكثرون وحتم عليهم ما يطلعون من البيت وخاصة آمنه لا توصل يمنا راح عماد واحنه لازمين باب الشارع ،
الشارع انترس دبابات قسم منهن يمشن سريع لأن بيهم عجلات مثل عجلات سيارات وقسم بطيء لأن مو عجلات لا اصير مثل زنجيل لهذا يمشن بطيء،
وانا بدوري احسب بدبابات يدخلن قسم يرحن سريع لغير مناطق ينصبن مواقعهم وقسم بقن بشارعنه بكل صفحة وبكل زاويه دبابة واكفة وامريكان ترسو شارع،
يتمشون يحجون بيناتهم اسلحتهم على ظهرهم وانا ولا أبالي مركزة عليهم وعلى حجاياتهم امي وابوي مجرد شافوهم ورجعو اعمالهم والغريب ما خافو علينا ولا لزمو علينا ندخل ونسد الباب واحنه ستغلينا الوضع
وأخذتلي ركن يم باب شارع شايله كوني ونورس يمي من اتعب اكعد
شارعنا من قبل ايام فرغ من الناس بس كم بيت موجودين، ساعات بقينا واحنه صافنين بوجوهم شگران يلمعون بس واحد تعجبت عليه لأن اسود طوخ والحلو وياهم بنيه وحده رابطه شعرها احنه نسمي "ذيل حصان"
الشعر أشگر والعيون ملونه ضليت مركزة عليها اشوفها وين تروح وين تجي نوب بنيه وسلاح بضهرها لعد شكد ما تخاف ساعات وبدو يوزعون حلويات شفت كم واحد عراقي ياخذ منهم حلويات وزلم لكبار انطوهم كراتين مدري شنو بيهم رحت ركض طيارة امي،
_يمه يمه جاي وزعون أكل لزمي كوني اروح اجيبلكم وأجي
_لا ما اريد منهم شي هذول نكسين
_ليش يمه نكسين
_ما اريد منهم وبس لا توصلين يمهم
رجعت وانا متنرفزة بس اخذني طمع والفضول، وبدون علم امي وصلت يم دبابتهم ومديت ايدي وهما ما قصرو ترسو ايديه اثنيناتهم فرحت بيهم وهو هم ابتسم على فرحتي، كتله شكراً مارد، اكيد ما عرفني شكلت!!
ورجعت كعدت انا ونورس نفتح وناكل الشي يعجبنه ناكله وشي ما يعجبنه نذبه كله حلويات بس اكو طعمه مو طيب،
واشياء ما ماكلينها لأول مرا نتذوقها خلصن الي بإيدنا واحنه فرحانين بيهم، لزمت نورس من أذنها والله اذا رحتي وكلتي امي بعد ولا انطيج سمعتي،
وهي ساكته بس تهز براسها، صغيره حتى حجيها مينفهم يلا عمرها ثلث سنوات أمان ما تحجي لأمي وبقينا على هاي حطه وامريكان تارسة الشارع
يتجولون بي واذا تعبو دخلو بدبابتهم هم يرتاحون وهم ياكلون، عرفت هما هذول يسمونهم امريكان كال عنهم مدير بس ما شفتهم اشرار، يمكن لأن احنه لطفيين وياهم لأن ابوي ايكول اذا نصير زينين وياا ناس مراح يأذونه،
بقيت فاتحة عيوني على آخر والي يتقرب منه ابتسملهم ابتسامه صغيرة واتجاهل الخوف منهم بقينا يوم كامل على هاي وضعيه ادخل للبيت قليل واطلع اشوفهم،
لليل وهما بعدهم موجودين دبابات بيها اضويه شغلوهم وكعدو داخل دبابات وقسم يتجولون بس غربت شوي بعد ما طلعنا بس امي بقت تروح وتباوع عليهم من ثقب الباب وتبقى اسولف هي وابوي عن الوضع بس كلشي ما فاهمه منهم، اول
ما طلع الصبح فزيت وكبل على باب حتى وجهي ما غاسلته بس حتى اشوفهم راحو لو لا بس الغريب لكيت امي سابقتني ماخذتلها نظرة وجها مبتسم وطلعت كدامي رحت وراها ارد اشوف ليش تضحك غسلت ايديها وابوي يسألها شبيها
_هاا دكتورا شبيج ضحكين بحدج.
_يبو سالم توني حاطة ايدي اريد اشوفهم راحو لو بعدهم جان ايدي تتبلل بقطرات الماي تفاجأت منين اجه هذا ماي عليه باوعت وشوفلك امريكي جاي يسويها ملعون وهل نگسني الوصخ ولعب روحي ما لكى الا يم بابنا
ضحكنا عليها رجع كال ابوي.
_هما نگسين ما يهمهم، وهاي أكلتي نصيبج
_عييع يا نصيب هذا
_غير انتي غابشه عليهم من الصبح وهاي ستفتح بيج
_اهوو يبو سالم شعرفني هيج راح يصير
_يلا غسلي ايدج زين روحي سوينه لكمه آكلها لو اروح يم جيرانا امريكان اكل وياهم
_هاا ظاهر حطيت عينك على هاي جنديه الشگرا
_شفتيها شلون حلوا خرب يومها شنو من جمال شايلته
_اي بعد انتم تتونسون على حلوين
_يا نرجس شتونس غير اخذو أرضنه من عدنا قابل فرحانين بيهم كتلو ولدنا واحتلو ارضنا، هذول غزو بس هما كدرو على صدام
_ وهسه هو وينه
_الله اعلم وين ايجوز معتقلي عدهم
_بعثيين وين ودوهم
_بعد اكيد بالسجون الي نكتل نكتل والي استسلم اخذو للسجن
صافنه على امي وابوي هواي اسمع هذول بعثيين بس ما اعرف شنو يعني بعثيين بس مدام ابوي موجود مو مثل اخواني ولد من اسئلهم يتجاهلوني ويرحون ستغليت فرصه وسألته
_يباا شنو يعني بعثيين
_انتي بعدج صغيرا مو لازم كلشي تعرفين
_بس يا يباا اذا واحد اجه وسألني ما يصير هم ما أجاوبه يعتبرني ما اعرف شي
_هم صح يباا كلشي ولا ابنيتي ما تعرف ترد على الناس يباا هذول حزب اسمه حزب بعث تابع صدام اسسه موشيل عفلق
_موشيل عفلق شنو يعني.
_يباا هذا اسم مفكر عربي اسس هذا حزب بعد ما مات استلم هذا حزب المهيب صدام حسين المجيد الي هو رئيسنا
سكتت عنه لأن كلشي ما فتهمت وطلعت الفكرة من بالي لأن سوالف كبار،
وهذا اليوم حاله من حال امس مثل فلم كاعدين وعينه عليهم حتى حفظنا اشكالهم بس الصار اليوم امي قبلت ناخذ اكل من عدهم لأن شافت الناس تاخذ منهم وحبت تذوق اكلهم وانا فرحت لأن بعد امي وتقبلت الوضع بقيت كل سيارة توزع اروح اركض اجيب واجي امي وهي مستغربه من حلويات لأن اول مرا نشوف هيج نوعيات جديده
هماا جايين وطنا ومحتلينا وجايبين وياهم أكل بالنهايه احنه ناكل من اكلهم ايام وصارو منا وبينا،
هما فازو واحنه خسرنه، خسرنه وطنه وهما تركزو بي ، استمر الحرب شهرين كحد أقصى، الامريكان كانو يتوقعون نستقبلهم بالوروداجو نصدمو بالمقاومه العنيفه من اهل الجنوب، الاستعمار
القديم بقيادة بريطانيه نهب ثروات البلاد والتبعيه والولاء المطلق هذا هدفهم كانت الامه العربيه امه واحده في القرن السادس عشر، من تمكنو اليهود وعلى رأسهم بريطانيا من جانت امريكا بريطانيه اجت جزئت الامه ورسمت الحدود بين الدول العربيةلذالك صبو قهرهم وحقدهم علينه بني
صهيون وابناء الروم ومعاهم اعاجم الخليج يهود بني قريضه شعبنا ولاد للقاده والرواد بكل المجالات،
شعبنا العراقي موسهل شعب مايخضع لكن القوه والتفوق والتكنلوجيا هي الاقوى،
احتلال بغداد سبب خراب، البلد مخبوص، انهيار بنا تحتيه، الناس مقسومه ثلاث اقسام، قسم مستبشر خير لما وعدوهم احزاب المعارضه وقسم الثاني هو حزب البعث والناس المستفاده من الحكومه هؤلاء ضد الاحتلال، والقسم الثالث مافيات سراق مرتاحين للوضع الفوضوي، يتاجرون بالسلاح بالممنوعات سرقه البنايات الحكوميه، الاسلحه بالاسواق وبالساحات تنباع،
فلتان الى درجه، المهم البلد بحالة خراب معطله كل اركان الحياة اليحكمنا بريمر الامريكي،
كانت وزارة الدفاع العراقية البطله بجد ابطال جسدو اروع الملاحم امام العدوان الامريكي،
معارك ام قصر استبسلو بيها اولوية الحرس الجمهوري والفرقه العاشره المدرعه، حسب مانقلو اهلنا خسائر الامريكان بالالاف لكن تعتيم اعلامي ، بالبر خسرو، وتفوقو علينه بالسلاح الجوي، وتمركزو بلدنا سقط صدام وأختفى من وجود، اهل شهداء وضحايا خلفها صدام بقلوب محتركه اخذو صور صدام ويضربو بأحذيتهم وانواع سب وشتائم وهماا يصيحون هذا قتل اولادنا..
آمنه: ترى والله مليت من البيت شوكت تخلص ملاحمهم،
_اوو بعد انتي وين ادكدرين كعدين بالبيت
_نووب حتى أيسر ماكو مختفي
_يعني الولد يخاف على عمرا شعنده طالع
_اوووف ما يكول اروح اشوف آمنه
_وآمنه شراح تفيده اذا لزمو.
_حور ترى كلش مالي خلكج ولعبت روحي وانا مكابله حيطان وجهج
_روحي كابلي دجله الي هليام صايرين اصدقاء
_جاا شعبالج غير مرت اخوي
_وغير تكرب عليج، وانتي ما دكولين لا
_اوو مالج غرض
ركضت تلبس ملابسها
_هيي وين رايحه
_بيت عمي
_وعماد ما يقبل
_من يشوفني مبدله ما يكول شي
_حجي فيدج
_انتي بس سكتي لأن صدك مليت.
بدلت وراحت تستأذن من عماد، واكيد رفض ما قبل تطلع واجت ضايجه وانا اضحك عليها لهناك انفتح باب نباوع من بعيد دخل سليم ورا أيسر
_هذا حبيب الكلب اجه، ذكرنه قط اجه ينط
_يبووي شكد مشتاقه شوفته ، يمه فدوة وجها
_ايبااه شعدهم قيس وليلى
_عدنا كل الحب وانواع الغزل تردين أسمعج يا حور يا عشقي
_ولي اصلاً مو حلوا منج
_اي لو هذولاك الناس كايلين جان ابتسامه من طول لطول
_ما عندي احد عفت الحب لأهل حب امثالج راح اخصص حبي بس زوجي مستقبلي وبس، تعاي امشي خلي نشوف هذول شبيهم هيج يتختلون
_اي والله جنهم حراميه، مو طبيعيين وراهم شي
_رحنه ركض صحناا بصوت
_صادووو
_ايسر كض كلبه وصاح
_وثول شبيجن
_ممم احنه شبينا لو انتم شعدهم، حجه سليم
_ما عدنه شي، عماد هناا
_اي هذاك بالغرفة.
بقو واحد يباوع لثاني
_شنو شبيكم احجو، شمسوين وخايفين من عماد
أيسر: ومال شنو حتى نخاف من عماد
_لعد اروح اصيحله
اثنينم صاحو
_لااااا
_لعد احجو
_انتي معليج حور
_امشي آمنه يم عماد
_شسوونة رايحين يمه
_نكله أيسر اجه غير يستقبلك لأنك خطار وصارلك ايام غايب علينا
_لا ما اريد، استقبال
بقى يتهامسون بيناتهم مدري شيحجون، توا لافو يردون يطلعون جان يطلع عماد
_هذا أيسر اليوم جاي
_اي والله بعد شسوي حابسيني ولو ما سليم اجالي للبيت جان امي ما خلتني اطلع
_زين يسوون الوضع خطر مو مال طلعه
_اي
اجه يريد يطلع من باب شارع، وكفو اثنينهم يمنعونه من طلعه ستغرب ليش شنو اكو برا
تحايل عليهم عماد وطلع لكاهم جايبين كراسي اثنين باوعلهم هاي منين ،
ما حجو سكتو
_هاا انتم حالكم من حال هذول ستغلو الدمار وخراب بلد وراحو سرقو ممتلكاته
_هسه احنه شجايبين يا عماد
_المهم نكتبتوا من ضمن اهل فرهود، بويه هاي سرقه
_شوف العالم ما خلو شي ما خذو
_واحنه شعلينا بالعالم، شيسون لازم يعني نسوي نفسهم
_هسه هما كراسي احنه شمسوين
_وهاي كراسي ما تعتبر سرقه يم رب العالمين، بويه هاي ممتلكات دوله يعني ممتلكاتته فلوسنه
_ترى جوع والحصار يكتل
_والكرسي ما يخليط جووع، شهل حجي مو مقنع
_والله لو لاكين شي احسن جان جبنا بس ماكو
_روحو دورو ايجوز تلكون شي ثمين
_ شوف هذا، الناس ما خلت شي،
_المهم هذا يترجع لأن حرام وما ندخل شي حرام للبيت
وطلع عماد هما اخذوهم وضموهم حتى لا يشوفه عماد، بقينا نجسس وراهم عرفنه مكانه وين وبس راحو ركضنه كل وحده لزمتلها كرسي
واحد من عدهم اسود وبي ديباج والكعدة مريحه ويتحرك يمين ويسار وثاني خشب القاعدة مالته دائريه مستند على خشبه ضعيفه ويتحرك من جميع جهات بقينا نتفرفر مثل مدراء وفرحانين وعايشين الدور
مسوينه فريرا مو كرسي وهاي صارت لعبتنا الجديده ودجله ما نخليها تكعد لأن سمينه ونخاف على كراسي، عماد متدين وما يقبل لأن سرقة
وسرقه حرام وهما ايكولون ما سارقين لأن هذا مال دولة، سليم بعمر 14 مراهق وطايش وشنو ايشوف يسوي مثلهم بيوم لكيت عماد يدور بملابسه، لأن جان شاك عنده شي وتفاجأ من شاف مسدس عنده
بقى متوتر وعصبي وهو ينتظر سليم واحنه كاعدين على نار، اول ما دخل سليم
لزمه وهو يفتش بجسمه وجان يطلع سجين ضامها بجيبه
_شنو هاي
_مثل ما شوف حرباا
_وشعندك شايلها بجيبك
_ادافع بيها عن نفسي
_هاا دافع بيها ليش انت شعندك حتى دافع عن نفسك منو راكض وراك
_والله كلشي يصير هذول يهود أنجاس اذا كضونه ما يرحمونه
_ما يلزمون واحد منا ودرب الا اذا هاجمهم، واذا لزموك وبيدك سجينه،
طلع مسدس ورجع كله.
_وبيدك مسدس، اكيد يذبحوك
_انت ليش تفتش بغراضي
_لأن اخاف عليك
_وانا ما ينخاف عليه
_الله عليك، ولك هذا موت تريد جيب موت روحك
_مابيها شي اذا نموت علمود نرجع بلدنا ونحافظ على دينه ومقدساتنا وما نخلي اليهود بي ويحكمونه انت راضي بالوضع مو انت صلي ومتدين تقبل اليهود تحكمك
_هاا وتموت وهما يبقون يحكمون بلدك شسوي ترى ايد وحده ما صفك
_منو كلك ايد وحده انا نضميت ويه مجموعه والله يقدرنا نحررا وما نخلي ولا امريكي عدنه.
عصب عماد وعاط عليه
_منو هما هاي مجموعه
_مقاومه ضد احتلال
_يعني نضميت ويه صدريين وتريد تقاتل وانت هلكدوتك
_يا زغير كبرت كافي شوفني زغير، وهاي صرت من جيش المهدي وراح نحرر بلدنا
_وبلدك ما باقي على زعاطيط
اخذ منه سجينه وسلاح وكله تحلم تطلع مناا صار عصبي نار وهو ايصيح اريد أجاهد انتم حالكم حال اليهود،
بسه: هدء الوضع ورجعنا لدوامات اول يوم نداوم بي طلاب منتفضه وكلمن ياخذ كتابه، اول ورقه من كتاب بيها صورت ريس بقو يشكون صوره
ويدوسون بأحذيتهم عليها وهما فرحانين، منعرف شنو سالفة بس واحد يشوف ثاني وكلهم يسووت مثله
لزمت كتبي لازم هم اسوي مثلهم، خاف ما اسوي خاف يكتلوني لزمت اول كتاب شكيت الورقه
باوعتله رجال جبير واحد يتفل عليه لو يدوسه برجله عيب الجاي يسونه ما سويت مثلهم مجرد شككت صورته مزقتها قطع زغيرة ورميتها بالحاويه خاف معلم يجي ويشوف صورة بعدها موجوده، عجيب أمرهم الناس،
هو نفسه جانو يحبونه ويصفكوله وهسه شبع مسبه بس مثل ما كال ابوي كلوبتهم محتركه على اولادهم الي قتلهم، ايقنت هذا شخص مجرم وقاتل واجه اليوم الي ياخذ حقه، هاي هوسه انتهت اول ما دخل معلم كلها اخذت مكانها وكفنا!!
_قياام
_عاش القائد صدام
_جلوس
_يحي البعث المقدام
كلناها واحنه مترددين وقسم ما نطقوها أصلاً بس احنه متعلمين عليها
ضحك المعلم علينا
_هاا ختلف عليكم الوضع وما عرفتو شدكولون خلينا نتفق على عبارة وحده من اجي رددوها، وين مراقب
رفع واحد ايده
طبعاً دائماً يختارون مراقب صاحب لسان لبق ميخاف شيطان وقح حتى يفتن على جماعته وما تهزا عواطفه
_عفيه ابني تعال هنا لشوف
مناا وجاي اول ما ادخل
_صيح قيام, وانتم رددو لا إله الا الله
جلوس، محمد رسول الله، علما يتفقون على عبارة وحده
هسه ندرب عليها
طلع معلم ورجع صاح المراقب قيام
بقينا نجرجر بيها وقسم سكتو ما يعرفون جانت صعبه علينا نطقها بس دربنا الى أن حفظناها...
في زاوية أخرى من رواية..
وجدان: بيوم امي صاحت حضرو ملابسكم لأن احتلال والوضع خطر ويمناا مقرات تابعه للبعث فرغنا البيت توجهنا بيت خالي ابو رافد
هواي احب اروحلهم لأن بستان احب خضار، واحب اكعد على نهر والعب بالماي ابقى ساعات وانا كاعده واستنشق الهوا، اخاف من ركوب بلم بس عشقته بسبب عماد وبيوم كل بنات فرحانات وقررن يصعدن بالبلم ويرحون مكان بعيد يتونسون جرني وياهم وانا رافضه اصعد اخاف منه وهنن ماكو لزمن الا أصعد كلهن فرحانات وصعدن بي الا انا واكفة يم حافت البلم، اجت ضحى لزمتني وانا رفضت اصعد صاحت
_لا صيرين جبانه تعاي صعدي
_ما اريد اخاف
_راح اصيح على زهير اجي الكاج صاعده
بقيت واكفه وبنات يشجعني احط رجلي اشوفه يهتز احس راح ينكلب،
شوي واجت ضحى وهي صيح
_هاي بعدج وتضحك
التفتت عليها متنرفزة منها، واشوف وياها عماد
البنات صاحن هذا منو سايقنه
_والله زهير ما قبل وذبها براس عماد
_صاحن عليه يا سايقناا دوس دوس الله ينطيك العروس
_مو انتن صاعدات بسيارة اشو هو بلم
_نفس شي كلها وسائل نقل
صعد عماد والكل صاعد الا انا باوعلي عماد بحديه مثل عصبي وكال
_لو صعدين لو تخلينا نتحرك
تقدمت خطوات لزم ايدي وسحبني وكعدت يمه بدا يمشي وايديه ترتعش وكلبي خالته بشيشه تحرك والبلم يتحرك وياا، ما متوازن مدري شلون ميخافون غمضت عيوني حتى لا اشوف شي حسيت بيد لزمتني باوعت عليه لكيتااا....
يتبع
ملاحظة //كل مقدمات بداية الحلقة من كتاباتي ما ستعانيت بالشعر مثل جزء الأول، اكتبلولي آرائكم