༺༺༺༺༺༺༻༻༻༻༻༻
حلقة (26)
#جُمِّلْت أخلاقها
✍🏻كاتبة الجنوب
______________بسمه تعالى _______________
من منا لا ترهقه مشاعر الخوف من منا لا يخاف من المستقبل من منا لا يلتفت للماضي من منا لا يكبت شيء في داخله من منا لا يشعر بالحب داخله، من منا لا يمتلك عضمة كبرياء، كلنا نمتلك تلك مشاعر لكنها مدفونه بداخلنا بموقف واحد نمر به يتم إسترجاء مشاعرنا. ....
_شصاير؟؟
_هذا الكلب أحمد طلع رافع دعوا عليهم
ردت عليه نرجس
_شمسويله حتى يذبهم بالسجن
_والله من سمعت هو سبب، رحتله للبيت، ليش خالي هيج ذاب ولد خالك بلسجن ما مرجيه منك، كال عماد معتدي على عرضي وفوكاها ضربوني عاطت عليه امه شلون ذبهم ولد اخوي وفقرا وما تطلع منهم العيبه ما تفاهم ويانا عافنا وطلع،
صدمني من كال منتهك عرضي تراجعت عن عماد كلت خلي خييس بالسجن بس عماد ما تطلع منه هذا فقير ابني وأعرفه لو كايليلي سالم بيها باب وجواب ضليت بحيرة خويه ام احمد كليلي ابني شمسوي حتى يعتدي على عرضكم انت رافد ابني شلقصه فهموني، ردت عليه ام احمد
_ابنك وتعرفه زييين، أدب وأخلاق كافي انت ابو
_اي اعرفه بس شيطان شاطر
_لا ما عليك بأحمد هو شاف اخته واكفه يمه شلون محد يمهم وهو متخبل هم حقه ابو سالم اخته وعنده غيرة عليها
_اي حقه بس لو جاي كايلي خالي ابنك كيت وكيت وانا اعرف اصرف وياا مو رايح ل أمن وداخلين للبيت ومكسرين باب وبس بتي موجوده وعماد نايم وجارينه من نومته ومخرعين بتي بعدين هو شغلته ويه عماد سالم شكو
رد رافد
_غير اثنينهم دارو عليه وضربو
تنهد ابوي وكال حتى هذا المسكين أيسر مقبلو طلعونه حتى أمه ما تدري بي مسجون كل عقلها هو يمنا عمي رافد وصلولها خبر امه خلي تعرف وليدها مسجون
_الصباح رباح عمي باجر احمد نخلي يتنازل، ويطلع يروح ل أمه ليش نخرعها بهل ليل.
_هو حتى ما حجه ويانا شيتنازل مدكلي يا عمي..
وهذا كل الصار عود ام احمد كالت ما اخلي يخلي الولد مسجونين يطلعهم بس هو راسه يابس
_لا يطلعهم بلگت يحن عليهم
_باجر اروح بيت ابو رافد وأخليهم يضغطون عليه حتى يتنازل
_سهله تنحل روح نام ابو سالم ارتاح
_وين يجي النوم ولدي مسجونيين،
_آمنه حضري فراش ابوج
_اي يمه كايمه
_هدي بالك ابو سالم يطلعون هونها وتهون
_الله يسمع منج
حور: كاعدين كلنا نستمع ابوي ما حبيت هذا احمد ولا اطيقه دووم راسه يابس هو اله ايد بالدوله ما ادري شنو شغلته بس الي نعرفه ويه حكومه، متكبر وبس هو وبس لهذا سمر ما رفضته لأن يعتبرو كنز مو بس عريس اباوع آمنه دمعتها بعينها همست بأذنها
_ شبيج
_أيسر سجنو
_شبيج راح تبجين
_خطيه أيسر
_جا وأخوانج مو خطيه لو بس أيسر
_هم خطيه بس ايسر غير زوجي وأخاف عليه
_طاح حضج تخاف على أيسر مو على اخوانها، دربالج ادكولين زوجي يم اخوانج لو ابوج والله
يكطعوج
_مو غبيه كدامج حتى أفضح روحي
صاحت علينا نرجس
_تعالن انتن لثنين شنو كاعدان تتهامسن بيناتجن اشو تعالن يمي
تقربنا يمها..
_لا يمه ماكو شي جاي نسولف على ولد خطيه
_لا ان شاءلله يطلعون، بس انتن تدرن بعماد شنو عنده ويه بت ام احمد
_بالنسبه الي كلشي ما اعرف
_انتي ام لسانين يفوتج شي معقوله
_والله هل مرا فاتتني شسوي!!
_وانتي حور ساكته
_ما ادري شكلج يا نرجس بس انا من الفاتحة ابن زهير شكيت بي يحب وجدان بعد الله اعلم.
صاحت آمنه:
_عييع وجدان
_شبيها وجدان
_مغرورا مسويه روحها ملكة جمال
_بس هي حلو ما ناقصها شي
_مغرورا بشكلها ما احبها وغير هنن بنات عمتي مغرورات وعمتي مدلعتهن زيادة
_هسه قابل خاطبها
_هو بعدا ما خطبها ذبو بالسجن
_اي والله سوده عليه
_نرجس ترا هي خوش بنيه بس آمنه ما ادري شبيها ضووج منها
_هي مابيها شي بس صدك حجي آمنه عمتج مدلعتهن زيادة
ججت اخت نرجس
_هسه شتردون من بنيه هو يحبها والقاضي راضي دلوعه غيورا هو حب صفاتها، خلونه نام هسه شوي يكعد اخوكم يصرعنه بالصريخ.
_يلا بنات نامو لتبقون كاعدين وإدعو ربكم يطلعون بالسلامه
_ان شاءلله
حور: حطيت راسي على المخده وأفكر بيهم خاف ضربوهم لا اسم الله قابل مجرمين بس هذا ابو عضلات شواربه وين موصلهن عييع يخووف، خفت وانا أذكره بس نطفت نار الخوف وانا استنشق عطره الي أحس باقي بملابسي حته ذكرياته أمان من تمر على بالي، مدري شكد نمت كعدت على صوت زغير وهو يبجي.
الكل كاعد الا حور غاطه بالنوم طفرت سريع رحت على زغيير اشوف نرجس حاطته على صدرها وسكت بي ما يسكت كابلتها بس أريد ابجي وياا،
شكد حلو من انت زغير وتبجي ويحتارون شلون يسكتوك وكلهم يضوجون عليك لأن تبجي بس من تكبر وتبجي راح يحسبونك ضعيف نسو اليبجي يرتاح، لهناك اجه ابوي وجها ما يتفسر
بقينا مصدومين نريد نعرف هل مرا شصاير طلع متعارك ويه بيت عمي لأن كلهم واكفين ضده ويعتبرون عماد غلطان فكلهم كلمته مشهورا بعمرا ظفر ما طلع من لحم بس اليوم طلعته وذبيته، ايام تعلمكم يبيت ابو رافد شنو آخ وشنو سند ،
وبقى ابوي يشعر بوحده لأن اخوو هو كل أهله ما وكف وياا بأصعب موقف، ابوي شكد طيب وحنين بس من ضوج من احد ويزعل عليه هنا ايصيرون خط أحمر لأن صعب أرضاء ابو سالم حتى لو كان اخو، احمد ما قبل يتنازل بيت عمي شالو ايدهم اهل أيسر لا حول الهم ولا قوة اخو ما يكدر يسوي شي وامه الله يكون بعونها يومين ابوي بس يريد حل حتى يطلعهم لو يقنع ابو راس اليابس باليوم ثالث يلا تنازل احمد بعدها عرفنا بسبب رافد مأثر على أحمد وقبل يتنازل، اليوم يلا دخلت البهجه للبيت ورجعتنا الحياة يرجعتهم هواي فرحت وانا اشوفهم كبال عيني
_هاا يباا حمدالله على سلامتكم
_هلا بيك بويه
_سويتو بيه خليتوني أفر بذاناتي
لا ولي ولا معين الي غيركم
_حشاك يباا وين رحنه احنه
_بس غير هذا عماد ودكته ناقصه والا احنه وينه وين سجون
_لك عماد هيج اسوي نوب علمود مرا ما ترجيتها منك
_مو بلا يباا مدخلينه علمود حضرت جنابه لازم ايد الملكة.
_ايباااه شنو من ملكة هي عاد!!
اباوع عماد ما جاوبهم ولا كلمه مدنك راسه
_آخر شي عاط عليه ابوي هو ايكول يباا متحجي مو عيب سويته انت ولد وعندك مشاعر تحبها يا يباا كول حتى من باجر اخطبها الك
رفع راسه وهو يكول:
_أغرتني بحسنها!
فرتعش جسدي وأصابتني حمى!
_لك يباا هذا ابنك مو صاحي إخذه للشيخ يقرا عليه
_لا صدك خاف مبدلينه
_لا هو نفسه عماد بس انا اكلك أخذ شمرا يمكن من سجين ذبحنه وهو يصيح يا اخاه ويا أبتاه،
وعماد يروح ويرجع ايكوله اللعنة عليكم
وهل صابه خيط خبال
ما اسمع غير عماد طكها ضحكة وهو ايكول
_والله ذبحني هل آتى ونعم وكذلك تحس كاعد تقرا قواعد
_جا غير مثقف
_مثقف ومشمور بسجون
بس غير عجبتني سالفة أحجي مثله اين آمنه
_إنها ورائك
_لك نجب مو هيج خلفك، خلفك أضل أعلم بيك
_اخوك جبير انا شتعلم بيه
_نسيت جبير فاهم وعاقل وكلشي يعرف مو مثلنا
_لا احترامه واجب
_ صاح ابوي
_طلعو متونسين بالسجن وانا محروك گلبي
_جا شعبالك هو سجن اكل وموجود وشغل ماكو وكلشي موجود بس خانكينك بالزنزالة،
_اي وناسه هي بس تشويه سمعتك من تدخله وكالو فلان جان سجين كبل تجي براسهم انت مجرم هاي كلش كافيه وين وناسه بالموضوع
_على أقل لازم تشكر ابن عمتك لأن خلاك تستطلع مكان جديد
_صدك يباا هذا احمد مو هينه طلع ورا ظهر قوي
_هذا بس لا حزبي جبير صاير
_والله هذا ابو راس يابس الله يعلم شنو وضعه روحو ارتاحو
_لا روح بيتنا لا عدنه ملابس لا شي
_يباا براحتكم
صاح عماد
_آمنه وين مشفتها
خاتله بالزاويه وتسمع حجيهم بس بالها يم أيسر لحد الآن محد جاب سيرته
_موجوده تقربت يمهم
_مالج صوت ام لسانين
شبيهن هيج عيونج
_منايمه زين
_حضرن روحجن حتى روح أشرت براسها بمعنى اي
أعرفها كلش زين دور على أيسر وما تكدر تحجي لأن كبرو، ف سألت عليه مدامني اخت جبيرا
وشهدت الموقف كبال عيني حجيت
_أيسر وين مو أخذو وياكم
دنك سالم راسه وكال
_ ما طلعو
_ليش
_غلط بحق حكومه ودافع ويه جندي
رجع ابوي سأل
_شنو مصيرا خطيه هل ولد أمانه اخوي لازم نطلعه
_لا تخاف هسه احمد ما يخلي بالسجن يسوي
مستحيل حتى لا ينحكم يبقى موقوف كم يوم
ويطلع
اشوف آمنه فرت للحمام اكيد. كاعده تبجي على أيسر يمه شهل حب من زغر وبدا يمشي وياها
طلعنه مودعين ابوي ورجعنه بيتنا
ايسر بقى شهر كامل وطلع اول ما طلعو جابو علينا ستغربنه من شكله. ولحيته فوكاها يحششون عليه وهو فرحان
_لك عماد هذا انسان منين
_هذا هسه طلع من عصر حجري قديم
_عييع اكول شهل خلقه
يضحك بصوت عالي
اشوف آمنه صافنه وعينها عليه
_هاا آمنه سالميين
_شوفي ابتسامه حلوا هسه رجعتلي حياة
باوعتلها وفريت ايدي
_لا هاي مو اختي الي أعرفها
_حور ولي من يمي خلينا نركز بالجمال
_خايبه وينه جمال مشوفينه معفن من وصخ هسه حتى گمل هسه بي
_عادي عادي بس سكتي
أرجع اباوع عليه يبادلها نظرات وإبتسامه ضحكت عليهم
_ترى مفضوحين
_مشتاقتله ولج حور
واشتياق ما يوكل خبز امشي نسوي شي ياكلونه
_اوو حور روحي انتي
_مو الي حبيب گلب جوعان.
_لعد امشي خطيه جوعان
_اي صار بيها الحب يلا طفرتي امشي امشي
راح أيسر ما كدرت تحجي وياا ترك ملابسه عووع كلهن وصخ حتى كمل بينهن اخذتهن وشمرتهن بالنهر وهي اصيح جيبيهن أغسلهن شتغسلين منهن قحط ماكو ملابس
بهاي ايام طلع زواج احمد وسمر ما سمعنه غير دك طبول مالتهم وهما جايين بسيارتهم للزفة لأن ابوي كلهم متبري منكم وبعد الي سوا احمد محد وصل لعرسهم
واكف سالم وعيونه بهذاك صوب وصلت يمه هاا يخوي شنو وضعك
كلمات كالها حسيتها طالعه من كل كلبه
_لهنا خلصت وإنتهت قصتنا بس انا شو مشتاكله..
يتبع..
لا تنسون تصويت وتعليق حلو مثلكم واذا عجبتكم شاركوها مع اصدقاءكم
التمس منكم العذر بارت قصير وفد يوميين وأنزل بارت جديد لأن خطار عندي حبايبي