༺༺༺༺༺༺༻༻༻༻༻༻
حلقة (24)
#جُمِّلْت أخلاقها
✍🏻كاتبة الجنوب
____________بسمه تعالى _________
وهذا الولد الرادته نرجس إجة للدنيا وأحتل مكان بگلب ابويه الي كل ما يرزقة بطفل اشوف الفرحة بعيونه مثل أول فرحة طفل عدنه، كثرنه وكثرت ويانا مسؤلياتنا الأب الفقير صار يحمل مسؤولية عشر أشخاص بدل سته بس كلمة وحدة بكل طفل من ايصير ايكول "يجي ورزقة ويا" بس نسه الحياة مو بس نحصل لگمه لا المسؤوليه مو بس أكل لا، نسه ظروف الي يمر بيها كل واحد نسه مساواة وأعطاء الحب بكل واحد بدون تفرقة الأبناء اذا كثرو لازم نعطيهم حب متساوي بيناتهم هو حب ابناء في قلوبهم اهل لكن لازم يظهرون للأبناء مشاعرهم....
_حلو اسم كيان
_بعد هذا اختيار نرجس
يباا انتي منعسه سدي وراي باب رجعي نامي خذيت كم غرض مناا، محتاجهن دربالج على خواتج
_صار
_من يكعدن جيبوهم
_خوش
_تعاي سدي وراي باب خلي اروح
_اي جايه
طلع ابوي لوحت بيدي الله وياك
رجعت للفراش اباوع على بنات شلون نايمات ميدرن صار عدهن سند
حطيت راسي على مخدة مدري شكد غفيت أسمع صوت بجي نورس بس عيوني مثكلات بعد بيهن نوم صحت نرجس نرجس مسمعين نورس تبجي وين رحتي، زادت بالبجي فتحت عيوني غصب باوعتلها ضربت على كصتي ذكرت نرجس مو هناا، أخذتها وهي تبجي صرخت بوجها شبييييج سكتي وهي زادت ما نقصت يربي شسويلها وتسكت مو حمل اطفال
آمنه، آمنه كعدي كافي نوم
_ هاا اااا
_شوفي نورس نطت من بجي
_نورس شجابها هناا
_شوف هاي متدري بالدنيا
_غير نرجس جابت
_لا صدك امي جابت
_اي والله
أخذتها وضلت ادك على ظهرها ورجعت كالت
_شنو جابت
_ولد
_اي احسن
_ليش أحسن
_كافي بنات شبعت منهم
_سكتي نورس سكتيها، شبعت منهم
'مجاي تنام، حبيبتي نوروسه تردين آمااا شلتها لج هاي خفيفة اكيد جوعانه روحي نكعيلها خبز بالجاي
_اهوو نعسانه
_زين لزميها وانا اسوي
_يوو بس تبجي ما تسكت عندي
_لعد شلون انخليها تموت من الجوع،
بسه رفعت راسها
_انا هم راح اموت من الجوع
_كلكم راح تموتون، كايمه كايمه
كامت معصبة وركعت الباب أخذت نورس شلتها حبيبتي ليش تبجين يمه العيون الحلوا تبجي امشي وأحجي وياها غسلت وغسلت وجه نورس بقيت امشي بيها بس حتى تسكت لهناك هدأت بستها بخدها انتي جوعانه ادري بيج هسه اوكلج وشبعين بطونه، مدري جوعانه مدري حسيتي اجه اخوج للدنيا وراح ياخذ مكانج والله احسج مظلومه انتي بعدج توا يلا عمرج سنة ونص وكسرو خشمج وب ولد
نوب امي من زمان تنتظرا وهل إجه واحتل مكانج ولو هي اول ما حبلت بي احتل مكان وصرتي الي انتي، وانا أبد ما خليج وهي تباوعلي مدنفشه خدودها يخبلن كل شوي بايستها امشي خلي اوكلج حتى تشبع بطونه
كعدت اوكلها وبسه طفر يمي وحور تنظف البيت وكل شوي صايحه عليه ساعديني نهد حيلي وانا أتحجج بالبنات وهي صايرة أعصاب نار باوعت على نورس يحتاجلها تبديل، رحت بدلت وأخذت بنات كتلها رايحه بيت ابوي ما حجت عفتها وطلعت،
حور: انظف بالبيت وادردم كلهم طلعو وتركو
الخدامة تگرب،
اندك الباب محد بلبيت بس سليم ونايم منو هذا جاينه هسه فتحت الباب
وأشوفه أمين عيونه حمر ولازم جگارة بيده شافني وجر حسرة
_هاا هذا انت
تنهد وهو يكول
_هذا انا ما شفت راحة بيوم نبض كلبي وحدة ما ترحم
_اوووف شتريد
_هذا يريدج ومتعلق بيج إرحمي
_لا أرحمك ولا ترحمني عوفني
غمض عيونه وفتحهن جر نفس بجكارته ونفخ دخان وكال
_احبج حورية گلبي
_محد كلك حبني
_هو محد كلي ومحد جبرني بس محبة تجي من الله وانتي الله ذبج عليه يمكن عقاب الي
_بس كلي انت حلمان بيه
_حلمان ليش انا نمت حتى أحلم ليل كله سهران وتخيلج گبالي يوميه احجي وياج انتي بفكري وعقلي وگلبي يذكروج بكل مكان لج حني مو شلعتي گلبي شلع يعني شيصير لو تبادليني شويه من الحب والله ل عيشج أميرة والله، خلي نسوان كلها يحسدنج على عيشتج انتي بس أرضي
_وما أرضى لأن أعتبرك مثل اخوي
_شنو تعتبريني مثل اخوج قابل راضعين سوا من أنعل استغفر الله لج ابن عمج شجابني على اخوج
_ابن عمي مثل اخوي مو غريب
_بس ريحيني انتي اكو احد بالج
_لا
_لعد شبيه وترفضيني
ناقصني شي ايد رجل بس كولي اشو شاب ومابيه كل عيب وكل بنيه تتمناني
_ومدام كل بنيه تتمناك اخذ وحده منهن
_ما أريد بس انتي تحلين بعيني
_وانا ما هاويتك
كعد بالكاع صحك كطف جكارة برجله ورث ثانيه
_لأن ما معاشرتني نزوج بعد زواج راح تحبيني
_ما اريد ازوجك افهمني
_لج بت الكلب شناقصني
بس گليلي شناقصني
_لا سب ابوي
_استغفرالله ابوج ما يستاهل، يابت عمي يا عشگي ابدي كليلي شنو حل
_يا حل
_اوووف يربي يربي صبرني على هذا راس اليابس شوفي اهلي جاي ينگون فوك راسي يردوني أزوج وأدري اذا اكلهم عليج مراح تقبلين وبس هيج أفشل روحي
_اي ومدام تدري ما اقبل شكو جاي ..
سكت وضل صافن بوجهي عيونه الحمر وجها تعبان ردته يحجي ما حجه بربع ساعة هو ساكت كاعد يم باب تعبت كتله
_راح أدخل هسه يجون الولد
_واذا اجو غريب انا ابن عمهم وباب بيتهم
_بكيفك راح ادخل تعبت
_اوكفي
_احجي
_شكد گلبج قاسي
ما رديت
رجع كال
_شايفة هاي جكارة انتي سببها وصارت ادماني
_ليش طاكتك على ايدك وكتلك دخن
_لا مو انتي بس انتي سببها، من يوم جبتي هل سم وضليتي تبيعينه لكيتها خوش حجه حتى آخذ منج واحجي وياج وكحل عيني بشوفتج بلبداية جنت آخذه منج وأشمرا بس بعدها كل جگارة أشربها اشم بيها ريحتج وأحرك روحي حرك وصرت مدمن عليها
صارت تسليتي وحيده واستمتع بيها لأن كل نفس أجرا بي تفصيل من حوريتي، كسرتي هذا (يأشر على گلبه) ودمرتي روحي، كام على حيله رايح يا حور بس عايف گلبي يمج، اجيت اخذ منج جواب لأن اهلي يردون خطبولي فكلت اشوف بت عمي احسن من غريبه وبلكت رف گلبها عليه بس عرفت جواب وترى اكدر انهي عليج بت عمي وانا أولى عليج من الغريب بس ما اريد الي ما يريدك لا تريده، بس ثقي بالله انتي بعمرج ماراح تتهنين وتنسعدين بحياتج مدام كسرتي گلبي
أودعناج بت عمي
سديت باب ونزل شكو دمع بعيني راح مكسور الخاطر مو ذنبي لأن ما أحبه ولا أتقبله بحياتي، الذنب، ذنب گلبه تعلق بوحده ما تريده، حب من طرف واحد صعب وأصعب تأنيب ضمير لما واحد يحبك وانت ما رايده هنا ضميرك راح ياكلك أكل لو تستسلم لو تبقى محافظ على وضعك، جملة كالها بالنهاية مراح تتهنين وتنسعدين بحياتج مدام كسرتي گلبي ما دريت هاي كلمة دمر حياتي دمر...
آمنه: بيت ابوي لكيت نرجس
نايمه اول ما رحت باوعت على طفل خطيه زغيرون لكيت ابوي كاعد يمها بسة راحت بحضنه
_شو محد يمها
_ام ضاري توا راحت
_هاا
أخذت نورس غيرت ملابسها وبقت تلعب كعدت أنظف بالبيت ولو هو نظيف بس هيج ارتب بي
صاح عليه ابوي
_يباا ما ادكدرين سوينا فد لگمه ناكلها
_اي هسه اسويلك
_اي والله بنيتي جوعان
_من عيوني
_بتي كبرت وصرت اطلب منها أكل
_شعبالك يباا ماني زغيرونه
_قبل كم سنة هل كبيرتج تركضين كدامي
_عمر يركض ركاض
_ سنين تمشي وهاي كله من اعمارنا
_لعد هسه انت يباا شكد عمرك
_والله شعرفني بعمري بهذاك الوكت جنا زغار وصار فيضان وغركت بيوتنا وراحن جناسينا عود بعدين طلعونه جناسي واحنه مندي شكد اعمارنا قدروهن تقدير حطوني انا وعمتج ام احمد بنفس عمر وانا جنت شكبرني وهي هلكدوتها حتى من رحت عسكرية زغيرون وسلاحي بطولي اروح ابوي يبجي عليه لأن زغيرون من بين جنود وياي وتاليتها كرفس مرا براسي وخلاني اصير ابو
_يلا لو ما مزوج امي جان احنه ما صرنه
_بعد يا يباا هذا مكتوب
حضرت أكل وكعد ياكل كمل أكله وكال مدام انتي هنا رايح اسويلي جم شغلة
_روح يباا
باوعت بيت جبير حلو بي لعب كعدنا نلعب انا وبسه ونورس ويانا ما تعرف شي بس تكمز فرحانه نسينا روحنا بلعب وماكو مكان ما دخلناله لهناك اندك باب رحت أركض فتحت الباب واشوف عمتي ام رافد هي وام سمر دخلن
_تعالو هنا امي
_لكيتها كاعدة مفتحه عيونها صحت يمه يمه هاي عمتي وام سمر
اجونه
_هلا بيهم
دخلو تحمدولها سلامه وكعدن يسولفن عن ولادتها وانا اسمع شوي ذكرت خطار لازم ينطونهم ماي رحت ركض جبتلهم ماي وكعدت اصبلهم، وهما يمدحون بيه، وانا بداخلي طايرة من الفرح
بعدين سألو امي شنو إسمه وكتلهم كيان، وام سمر الضاهر ما عجبها الإسم كالت
_خو سمو احمد او محمد شهل إسم هذا
_٠والله يم سمر احب اسماء ما متكرره هواي
_جا شبيهم أسماء اهل البيت
_ونعم منهم ومن أسماءهم بعدين اذا سميته عليهم راح يصير مؤمن وتقي يم سمر هو اسم
_اوو بكيفج
حجت عمتي وياها كلتلها
_عوفج من اسمه روحي حضرينه ماي خلي نسبح الولد وشوفينه جم ورق سدر واذا ياس بعد أحسن.
صاحت عليه احنه انا وياها نشلع ورق السدر ولكينا ياس هم أخذنه الماي ورحنه يم عمتي لكيناها محضرة ملابس طفل، اخذت طاسه وحطت رجليها داخلها شالت طفل وجردته من ملابسه وخلته بين رجليها اباوعله كلش زغير هاي شلون سيطر عليه حطت ورق مال سدر بالماي وبدت تروق الصابونه، وتفرك بي وام سمر تصب عليهة الماي،
وهو ضل يحجي وهي ادكله لا تصرخ جاي نطيح وصخك بعد عليمن هل بجي على ما خلصت وهو ميت بجي
اخذته ولبسته وام سمر تغسل بملابسه وشرتهم صاحت عليه امشي ندور حديده امشي وياها ما ادري شسوي بيها لكينه وحده زغيرة خذتها وراحت للغرفة بيها نرجس حطتها بعتبت الباب فضول يقرا الف عندي بعد ما أكدر ما اسئل
_عود ليش تحطين حديده هناا
_احسن عن سحكه
_يا سحكة
_اوو انتي شعرفج، بس هي شي زين للطفل
_هاا
كل شوي مسويات شغله وانا اباوعلهم وشايله نورس صفح وامشي بيها وهنن كل شوي مطلعات شغله
اخر شي كالت نسويلها حرمل قبل لا اروح
جابت طاسه زغيرة وحطت بيها خشب وشويه سعف خرطت ورق مالهن ادكول السعف احسن يشتعل النار بسرعه جمعتهن بطاسه وحركته وخلت دخان صاعد لسما الا أن هدئت النار بس جمر مشتعل أحمر خذت طاسه وراحت يم امي حطت حرمل وبدت تبخر بيهم اثنينهم ومدري شنو تحجي بصوت ناصي ما ينفهم كل هاي سوالف اول مرة صير كدامي معقولة الولد يختلف عن لبنيه، وبقن كاعدات عمتي ام رافد حتى أكل سوتنا للمغرب يلا راحن الي عرفته ابوي كايلهم يجون، بعدين ردت اروح ابوي ما قبل كال ابقي يم امج بقيت وبالي يم حور هاي هسه تاكل روحها أكل من العصبيه، وادري بيها جبانه ما تطلع من البيت، بقيت يم امي هل مرا كلش متأذيه حتى مابيها حيل تمشي، كاعدين يمها وبسه كل شوي ماده ايدها بعيون طفل وانا أضربها على ايدها وهي تضحك، بعدني زغيرة ومو كلشي أعرف اسوي، ابوي بقى محتار وخاف عمتي ما تجي بعد ويستحي يروح يكلها ويشوف نرجس تتألم ومابيها، وباقي محتار،
يوم ثاني من الصبح كلها راح اجيب اختج تبقى يمج وهي ما كالت لا لبس دهداشته وراح عليها لهناك اجت اختها الزغيرة عدها اثنين خوات ما مزوجات، إجت وحدة يمها بقيت لحضات يمهم ورحت اشوف حور، وبسه ما قبلت تبقى الا تجي وياي ومن عدها بسه بقت يمنا بلبيت وتروح حالها من حالنا زيارات وترجع ويانا،
بيت كريم:
قندة: بعد سنوات من زواجي من كريم وعمتي هاي هي نفس تعاملها ما غيرته، لكيت أفضل حل ما أسكت لأن يسكت عن الحق شيطان أخرس صرت أعاملها نفس ما تعاملني بضبط، ولدت وصار عندي ولد وبنيه، هذا شي خلاني احب الحياة وتقويت بيهم جبرت كريم على تلفزيون وحدي جابه خلا بالغرفة بقت عمتي تطلع حجج هذاك تلفزيونه ناصي، كتلها والله لو تطلع براسج نخله ما اخليج تاخذينه، تروح تتبجبج يم كريم بس كريم عرف طبع أمه وصار ما يميل الها ويكلها شغلت نسوان مو يمي وهذا خلاني افرح لأن قلل ميوله امه، ضليت ما شتغل شغل بيت هواي تساعدني احلام وتغطي عني يم امها لأن صار عندي طفلين ويادوب الحك الهم، بس الحلو هاي فترة بقت ما تبقى بلبيت هواي دائماً تطلع ما ندري بيها وين ما وين تروح ومن تجي تبقى صيح لو على بيت لو على بزازينها الي تارسين غرفتها، كل ما نتعارك ضل ما تدخل لغرفتنا دز بيد احلام تاخذ جهال يمها من يجون كبل اسبحهم لأن احسها وصخه من بزازينها كلش تلعب روحي من حيوانات بس طامه الكبرى لكيت فرح تحك راسها، تعجبت كلت بس لا صار بيها مرض بقيت افتش بشعرها والكا بيها گمل هو مو گمل طلع لايكه قنابل فزيت وگبل يم عمتي، عمه هذين بزايين لو ذبينهن لو سويلهن صرفه تحجي وياي وأنتبه عليها تحك بشعرها حيل، عرفت منها
_عمه انتي بيج گمل
_ولي خاف انتي ام گمل
_لا يمه، هاي انتي جايبتنا وصخ ببزازينج وهسه
عله جديد نوب گمل
_امشي ولي ولي انتي ام گمل
وتحك شعرها
_هو انتي الوصخة يمه ألمع من نظافة قابل انتي صارلج قرن ما سابحه
_ولي انتي بت بندرو الوصخه، دبيه
_احسن منج باقيه بس جلد وعظم على اقل انا مدنفشه شحلاتني امحح ابوس روحي
_عييع انتي وحده خايسه خاصه بصيف دبه حميسه
_لج احلام صدك تحجين جذب اخليها تسبح شنو هاي تدرين اليوم لكيت گمل ب فرح،
_شسويلها اذا ما تقبل تسبح
_خيه نسبحها كوا، شنو ما تقبل
_باعي عمة هسه ليل بس باجر اذا ما أسبحج ما اطلع انا قندة اريد اطيح وصاختج
_ولي بعد عليه بنت بندر طيح وصاختي جايفه ام وصخ انظف مني انتي
_طبعاً أنظف منج، بعدين لو مو كريم يجي باجر ندور عليج ونسبحج سمعتي
_ما اسبح لو كطعوني
_هاا احلام شكلتي
_اي يمه سبحي ترى عيب من العالم وانتي يوميه عبايتج على راسج ورايحه للناس عيب شيمون ريحتج لو مكابلتهم وتحكين
_شفتي هاي بنات يردنج سبحين
سمعني ابو كريم
_اي بنيتي صايرة طفله الا واحد ايصيح عليها يلا تسبح
_باجر اخليها تسبح غصباً عليها وهي لابده واكول مااريد اسبح
_انتي بكيفج،
الصبح كعدت متحاميه عليها هم حارة وهم ما تقبل تسبح بقيت اتانيها تطلع ماكو ما طلعت اخر شي لبدت يم مطبخ واباوعلها من باب بدون ما شوفني شوي وطلعت لازمه عبايتها بيدها وايد ثانيه نعالها وتمشي بطيء تريد تشرد الملعونه خليتها تحس بأمان وصلت يم الباب تريد تلبس عبايتها واركض واصير ورا باب حتى ما تكدر تفتح الباب
_جاي سوين عوفيني اطلع
_شكلت البارحة ما طلعين اذا ما سبحين ترى مو علمودج ابقي جايفه، بس جهالي شنو ذنبهم ينترسون گمل من وراج هاا شنو ذنبهم
_ولي ما اسبح كتلج
_خوش ما سبحين ماكو طلعه
_انتي منو حتى تردين سبحيني
_وشدعوا راح احطج وأفركج عييع
تعاي احلام تعاي فردوس نسبحها
إجن، ركض
وهي اصيح جلبات انا امجن تمشن ورا هاي كح.. بت كح... هدني
_والله يا يمه اليوم ما نهدت
_انا أعلمج
جان صرخ بعلو صوتهاا يبوووي يهل وادم لحكووووني يا ناس يا عالم اخخخخخ يمه شمسويتلج انا تردين ذبحيني ولكم لحكوووني مرت اكريم راح تذبحني
_ولجن صمن حلكها فضحتنا...
عله صوتها وما نكدر عليها جان يجي عمي
_هاي شبيها صرخ
_عمي ماكو شي بس اريدها تسبح ستغلت حجينا ويه عمي وجان تصرخ بصوت عالي وما شوف غير باب يندك نسوان يصيحن فتحي باب حرام عليج هاي عمتج اله نخابر الشرطه، عمي صاح راح اطلع احجي وياهن وانتي هييي سبحي ام الوصخ طلع عمي، حضرت حمام كلت بنات يلا وهي صرخت رحت جبت عكازة عمي والله اذا سمعت صوتج اتولاج بالعكازة يلا دخلنها بنات جرنها وحده منا وحده منا وهي على صرخه وحده جان يجي كريم
_هاي شبيكم
_كرومي ماكو شي بس اريدها تسبح وهي صرخ ما تقبل
_خرب يومكم گلبي طاح اجولي ايكلولي مرتك راح تذبح امك
_ نوب تذبحها
_اكول دنفش يذبح هل ايدين رقيقات يذبحن ..
صاحت عليه
_سليمه كون واكف بصف مرته مشوفها لازمه عكازة تريد تضرب امك
_يمه انتي هم طوختيها روحي سبحي فضيها
جان يدخل عمي
رجع كال..
_هو صوج ابوي مخليج هيج ميعرف ايكلج سبحي شلون ينام يمج
_وشعندي نايم يم صخيمه هاجرها من سنين طواعين
_يمه من جذبك لعد شلون جابتنا، يمه مو خوش سالفه من ابوي
_مو انتم نغوله رحت كح... وجبتكم
_يا ملعونه على هاي سالفة صرنا نغولى
_اسوينها انتي الجايفه جنتي تخونيني يعني
_روح نلاصت طلعنا مناغيل
عاطت احلام
_رحنا بيها يخوي على هاي دكه ناقصة
_يلا يمه فدوة رحتلج روحي سبحي وهسه احطلج مكياج من قندة وعطرج اصيرين تخبلين
وليله نزفج انتي ولحجي بعد شتردين
_ضحكت وكالت جيبلي نفنوف أزرك
_تدللين اهم شي ابوي ياخذ حقوقة الليله
_لا جيب غيرا لأن ابوك منتهي ما يفيد
_لا كولي غيرها يعني ابوي منتهيه صلاحيته صاير اكسباير
صاج حجي ورفع عوجيته
_اياا ملعونت الوالدين اصلاً بعده ثابت مثل جبل ما يميل.
متنا عليه من ضحك
غمز كريم ل أمه
_يمه بروح ابوج جربي وكليلنا صدك ما يميل لو طالع تقاعد
_شبيكم هذا ابوكم صار شايب كل خير مابي
_شعدها بت ام 15 سنة
_والله بعدني بحيلي
_جا طبعاً يطيح ابوي اذا انتي هاجرته وما منطته حقوق زوجيه
_هو غير ما يشوف ويعرج ما يندل دربه منين
_انا اخوك طلع ميوجل الحجي
_بويه طريق اذا مفتوح اروح زرك بي بس اذا سادته منين ادخله بلا
_لك روح طلع ابوي ابو دروب، يدور طرق مفتوحه والمغلقة.
اخر شي كال راح اجيبلج نفنوف وارجع بس هاا اذا لكيتج ما سابحه انطي قندة
_لا ما تنطي راح ادخل وجيبلي وياك ديرم وكحله
_لك هاي توكحت الحجيه راح ترجع صدك بنيه
روح حجي بعد شتريد
اباوع عمي يضحك ومتونس
اجه يمي كريم وهمس اياا ملعونه يا دنفش سويتي اليوم سودنتي اهلي، اروح وأرجع حضري روحج هم اريد حقوقي حالي حال الحجي، دروح دور حقوق عض شفته وهو يكول دنفش...
روح روح قبل لا تغير رأيها...
_اي والله رايح
وصدك دخلت واحلام وياها سبحتها لهناك اجه كريم وهو يكلها
_احلى نفنوف ل امي
_وكحلة وديرم
_هاي هم جبتهن
وهي فرحت راحت لبسته وكعدت احلام تمشط وطيح بالگمل وهي تغني وتحط بديرم ولازمه لمرايا بيدها والحجي نظراته عليها ويبتسم إجالي كريم طبع بوسه على خدي وكال
_اليوم فرحتي اهلي
_بس باع الحجي شلون فرحان
_يدور حقوق طلع خطيه محروم ضحكنا ثنينه ورا ما خلصت كعدت تتمايل يم الحجي وهو يباوع عليها ويعض شفته
_صدك مراهقين
_لج باوعي شراح أسوي
_راح تخبلهم انت
_والله انتي بديتي
راح يمهم كال يلا نزفكم ضربته امه وكالت
_زفة بليل
_لا ايصير بالنهار هم
جرهم من ايدهم ودخلهم للغرفة وسد الباب
واحنه شبعنه ضحك عليهم وهاي ما جانت اخر مرا كل سباحة لازم وياها هوسه.
يتبع...
لا تنسون تصويت وتعليق حلو مثلكم مشاهدات كلش نازله