༺༺༺༺༺༺༻༻༻༻༻༻
حلقة(20)
#جُمِّلْت أخلاقها
✍🏻كاتبة الجنوب
لو كان هنالك منفذ للهروب من واقعي لهربت
وتركته، لو كان لي قدرة على مسك قلبي ورميه لرميته لكن لا سلطة على قلوبنا هي تنبض متى شاءت ومتى أرادت،
_أمين اخوي حاجاني عليج وايريدج وصاني احاجي اهلي حتى نخطبج اله حور تردين أمين؟
يسألني عن ماذا أحب ولا يعلم بأن قلبي أمتلئ به وأكتفى ولا يعلم إن عيني لا ترى غيره وتصف
الجميع ببشاعه الا هو تراه أجمل وأذكى لا يعلم بأن عيني تحفظ تفاصيله وتنسى تفاصيلي،
_شبيج حور معقولةفاجئتج،
_اي
_ههه بشنو فاجئتج يعني ما تدرين أمين حاط عينه عليج
_لا
_وهذاك اليوم شفته واكف وياج ولزمج من كتفج! معقولة صدفة وماكو بيناتكم شي
_يعني شنو شي
_تحبينه حور
_لا ما أحبه وإذا شفتني وياا، إبن عمي حاله من حالك
_هاا، ضنيت بيج سوء، بس هو يحبج
_هو كالك
تنهد وهو يكول
_من يوم الفاتحة شفتج واكفة يمه، وسألته شنو علاقتك بحور شفت لمعة عيونه وانا أنطق إسمج كال أحبها، حور اخوي يحبج لا تعوفينه
_بس انا ما أحبه.
_حبييييييي، هو رجال ما يتعيب، وعادي حب يجي ورا زواج
_ماا أريد أزوج سمعت
_أعصابج عيني أعصابج
بس ترى اخوي ما يتعوض!!!
_أصلاً ما خاله زواج بالي أفتهم
_حصل خير
_وهسه رايد مني شي
_لا صار واضح
_أروح
_حور دربالج على حالج وخلي فكرة الزواجج من أمين بالج ترى ولد شاريج ويحبج وانا تأكدت منه ، وانتم ولد عم واحد يعرف ثاني أحسن من الغريب بميت مرة .
باوعت بعيونه شلون أقنعك انت بگلبي وبعقلي وما اشوف احد غيرك ولا يحلى احد بعيني، رديت عليه
_عود من افكر أزوج، راح اخلي أمين اول واحد
يتصدر القائمه!!
_خبله انتي اذا عمي جابلج العريس خلي يفيدج سالفه امفكرة لو لا
_هم صدك، بس هم اخلي هو اختيار رقم واحد والعريس اختيار رقم اثنين
_حور انتي مكانج يمي مميز انتي جوهرة ثمينه عندي وما أريدلج غير الراحة، جاي اشوف أمين هو مناسب لج والله مو لأن اخوي بس شفته شكد يحبج، سؤال حور بس أتمنى جاوبينا بكل صراحة
هزيت راسي ب اي
_حور انتي تحبين أحد، سمعت تشتغلين وصايرة روحات وجيات معجبه بأحد
_لا والله اروح بطريقي وأرجع بطريقي لا شفت أحد ولا حبيت أحد
_لعد عرفت علتج!
_شنو!
_(بيه انت) كلتيها وثولتيني ثول أعرفها كلش زين وعرفها طالعة من گلبج بس أختيارج مو صح العمر اله تأثير كلش جبير طلعي هذا تفكير من بالج مو صحيح أبد مو صحيح.
كالها وإبتعد عني تقرب من يم شباك ويتلمس بزجاج الشباك
_ما جاي أفتهم عليمن جاي تحجي
_هو سؤال واحد واعرف جوابه بس أريد اسمعه منج
_اي
_انتي تحبيني حور؟
كالها بدون ما يلتفت
بهاي لحضه ماكو جواب لسؤاله غير هروب طلعت وسديت وراي باب بدون أي كلمه
تنهدت غمضت عيوني لهناا وكافي يگلبي أعلن استلامك وأقتنع كاافي والله تعبتني مشيت بخطوات بطيئه وكلامه يدور بالي، ما اشوف غير نصدمت ب ام سمر
وهي صايرة عبارة عن كتله من نار
لزمت أذني ولوتها
_شسوين بغرفة رافد.
_اخخخ، ابن عمي وصاحلي يعني شسوي
_الله، كتيلي ابن عمج هاا، عمه عماج كون ما توبين انتي
_اووف ذبحتيني ترا ما ميته عليه هذاك هو وروحي سألي شتريد من صخامو حورو عطت بصوت عالي
_اششش فضحتينه امشي ولي منا
نظرتلها بنظرة حقد بعدها كملت طريقي وصلت بنات ذبيت حيلي على شغل وانا بس جسد يمهم سولفن ويضحكن وانا ارد عليهم على كد سؤال، وكل شوي الوم روحي شجابني هناا للمغرب صلو وبدا سيد يقرا للزلم واحنه إجتمعنا كلنا وكفنا بمكان قريب عليهم حتى نستمع لمجلسهم، على ما خلص
كالو حضرو اكل بدينا بتحضير، والولد ياخذون وصلونا للزلم برا، انتبهت على عماد ونظراته وجدان وما ياخذ بس من ايدها عرفت وراهم شي هذول ثنين ردت اكطع عليهم طريق إجيت محمله وشايله صحون وهو عينه على وجدان حتى ياخذهم من عدها وهي جايه صوبه مشيت سريع وصلتله قبلها صحت عليه
_إخذهن
تحنط وكف وعينه عليها أخذهن من عدها وانا واكفه قريب عليه صحت عليه
_ترا الي عندك نفس الي عندي ما يختلفن
_لا اختلاف جبير فرق سمه على أرض كالها وهو يمشي أشرتله اعلمك فشلتني إجالي صوت قريب عليه
_انطيني الي بإيدج
باوعتله أمين أخذهن بدون ما يحجي أي شي ، همزين ما نطق نفس كل مرا وانا متحاميه عليه جان فشلته، لهناك كملو وبعدها هوسة نسوان، وبيومها ما شتهيت أكل بس اريد اطلع من بيتهم لأن اختنكت، صار دور غسل اماعين وهنا صاحت نرجس
_يلا اروح، ابوكم ينتظر
فرحت وأخيراً خلصتينه ما صدكت أرجع بليل ودعناهم وطلعنا، ابوي ينتظرنه وما اشوف غير رافد وياا، شنو جاي يحجي وياا معقوله علمود أمين، وصلنا يمه باوعلي ونرجس وابوي يحجون وياا
دنكت يمي آمنه شوي بعيد عنهم وكل ما أرفع عيني اشوفه يباوعلي، ما هتميت ترخص منه ابوي وطلعنا،
باوعلي ونرجس وابوي يحجون وياا دنكت يمي آمنه شوي بعيد عنهم وكل ما أرفع عيني اشوفه يباوعلي، ما هتميت ترخص منه ابوي وطلعنا،
أول ما دخلنا للبيت وينج يلمخدة خلصيني اسمع عياط بسه وآمنه بس رحت بغير عالم،
في زاوية أخرى..
_عماد بويه لمنهن ل اماعين خايبات شبيجن باردات هنن شنو يرادلهن لك سرمد كابلني نغسلهن
_جاا هنن شنو شغلهن
_متشوفهن ايديهن ناعمات جنهن گطن والگطن من يحطو بالماي يموع بويه، كووم
_جاا انا هم إيدي گطن ما أغسل
_لا بويه وينك وين الگطن غير جنهن گربة مال نخل
_اشبيك خليني أنغر مناا بنات بس انت طيح حظ الواحد
_أحجي مالت الله، مو جيب وسطر
صاحت أماني (مرت سرمد اخت وجدان)
_لو تغسلون لو ادكومون يلا مو كاعدين تتناكرون
_مرتي حبيبتي اليوم أريح إيديج
_اوو صارلي جوم سنين أغسل بس هسه تريحني
_حمدي ربج من شفتي هذا اليوم
_اي والله محمود مشكور ربي
_هاا عماد نبلع لسانك
همس بصوت ناصي
_كدام الحريم يتنازل هذا عن شي اسمه الحديث
_اووو تنكط خجل انت
_اكيد بلا شك
_يلا تعال خليهن يساعدنه
بدينا نغسل والكل تجمعت وانا عيني تعاينها من بين الكل خطفت گلبي لك بويه وزة مو نثيه، رفعت راسها شافتني صافن عليها إبتسمت، شهل إبتسامه الحلوة، ماخذه ركن وتغسل مشگله ردن وإيد تبرج برج من بياض شايله إنتبهت عليه بقت صافنه عليه مثل ما انا صافن عليها أشرتلها بيدي ماكو ما تنتبه آخر شي عفت مكاني وتوجهت الها أخذت منها سجينه
_لج متخافين على روحج تنجرحين من مساع ألوح عليج، خفت تنجرج ايدج
رحت مكاني وهي ما غافلت عني دقيقه، رسمت شكلها بمخيلتي، ونطبعت بعقلي
لهناك خلصنا،
_لك سرمد خلصناا
_غير لو ما إحنه، رايح امشي ما تروح
_يلا جاي
_توني ردت امشي وما أحسلك غير جرررق، تنكعت الماي
رفعت راسي ما شوف غير وجدان لازمه سطل المي حطت ايدها على حلكها
_والله ما ادري بيك
_مو كدامج نمله حتى ما تنشاف
_صاحت أماني هاي ليش هيج بلولد
_والله ما ادري بي
_بلا عليج كدامها نمله ما نشاف زلمه طول بعرض كدام اختج طلعت نمله مع أسف والله
_امسحها بوجهي وتضحك
_هاي هي يعجبج سويتيني مضحكه كدام العالم، بس بسيطه!
ضحكت ودنكت راسها
_أجيبلك ملابس من سرمد
_بلا هذا سؤال روحي يمعوده شنو تنتضرين يغروكني مرة ثانيه
_هاي هي إنفصلك بملابس
_روحي اختي
راحت، وهاي فطيرة واكفهه گبالي وتضحك فوك ما مغركتني تضحك عليه
صحت هسه من اجيب راسج وأغركه بسطل اكو احد يولمني صاحو لا
زين مدام صار بيها تأييد جايج يوجدان هي تضحك ستفزتني بت اللذينه ترست سطل للآخر وشمرته عليها، اشو ضلت تضحك معقوله ما نصدمت ولا شي، علت صوتها بضحك
بقيت أضحك وياها يا بويه شكد فطيرة هاي لبنيه،
في زاوية أخرى من روايه...
كعدت الصبح سويت أكل لزوجي وهما كل واحد يسوي نفسه وميكعدون سوا كل شوي وكعد واحد وانا صايرتلهم نادل، وكل شوي صايحتلهم رايدين شي وطلباتهم أوامر، بيوم أجيت
أحضر ريوك كريم ما لكيت لا جاي ولا شكر عرفت هاي عمتي ماخذتهم، رحت للغرفة، الغرفة الي صايرة عبالك مستودع للقطط، بهاي فترة عمتي
تربي قطط وشكو وحدة شوفها تايهه، تاخذها وتربيها، دخلت امشي بطيء بس لا ادوس على واحد وخاصة اذا هذا واحد عمتي هناا الله يكون بعوني، دخلت أتلمس وين حاطه شگر اووف يربي على بخل، امشي أدردم وحدي ما اسمع الا عاطت وحده من بزازين كضيت گلبي يمه اسم الله،
وعمتي كعدت وهي ادكول
_هاي منو الي يريد ياخذ بزوناتي هاا احجي تريد تحط راسك براسي عساك نشليت كون متحجي ولك وعاطت ولكم لحكووووني الحرامي يريد مني أشياء متسولف
_فريت ايدي هسه حرامي ميت عليج
سويت روحي ما اسمعها وصوتي من بعيد تقربت يمها
_هاا عمه شبيج صيحين
_الحرامي يريد ينهبني
كاعدة وجر بثوبها علمود الحرامي، لا يجي هناا
_عمه حرامي ميجيلج لا يخاف منج
_ليش انا أخوف
_لا غزاله بريه.
_العرمه تقلدين عليه موو أعلمج يم كريم
ولو هذا هم صاير مطفي لا يفيد ولا ينش
_عمه شگر وين جوعانه والله،
حيبي كلاص احطلج
نطيتها وبقت تنكط تنكط بحبيات الشگر
_عمه ما طلع شكرات..
_ يلا روحي
رحت وأخذت اول رشفه جاي واشوفه مر، رجعت عمتي هذا بعده ماصخ
_طرگاعه تريده يهري بلعومها
_اهوو بطلت ما أريد، ما أريد عفتها
وطلعت تلكاني كريم شبيج ليش هل بجي
_امك اكو غيرها
_اهووو مو كلنا عتبريها أمج
_عرفنه والله بس هي خلي تعتبرني نفس بتها
ذيج ساعه أعتبرها امي
_اهووو والله ذبحتني انتي وياها حسبي الله ونعم الوكيل
_انت أبقى تحسب
_لعد شسوي يا مرا
_هم يجي يوم وتحبني
_اي ايجوز ما نعرف أمر الله
_عوووع ما اريد حبها
نفضت ايدي ودخلت
صاح هم زعلت....
حور: ايام تمشي وكل خطوة تعتبر من أعمارنا
ما تغيير شي غير رقم بعدنا نشتغل بيت الحجي، الحجيه رجعت وجمانه موجوده وصايرة حرب الضرات، وأحنه طايحين بيها، الصياح كله علينا، اشتغلوا عدل، مو من ورا خشمكم
نرجس طلعت حامل وبدت تكبر بطنها خطيه نورس كلش زغيرة عمرها أشهر وعرفت هي حامل
بس انا ادري من ورا حجي الناس كلهم يكلولها خلفي ولد يا نرجس ولد يعينج وصيرلج ظهر، من يوم احنه صرنا، هي معتبرتنه جهالها، بس اخخخخ من كلام الناس لا يقدم ولا يأخر المهم نرجس نفذت كلامهم وطلعت حامل، حملت وهملت نورس لأن هل مرا حمالها غير كله نايمه ومريضه واحنه نساعدها، نورس صارت امنه هي أمها حتى بليل تنام يمها،
بالنسبة أمين بعد محد فتح موضوعه لا هو ولا رافد، أحس نفسي تحررت من قفص رافد بعدها عرفت هذا مجرد سوء فهم تعلقي بي ميروح بيوم وليله
الى أن اجه اليوم الغير مجرى حياتنا....
يتبع...
أعتذر عن تأخير وأعتذر عن بارت وأعتذر اذا كان هنالك بعض أخطاء، لو تشوفون حالتي منعسه وأكتب ما نايمه غير أربع ساعات وعد باجر بهيج وقت أنزلكم بارت وطويل هم أحداث القادمه مشوقه
لا تنسون تصويت وتعليق حلو مثلكم لأن حيل جاي أتعب وانتم تقرون وترحون ما ادري شنو مانعكم ☹️وبس والله
احبكم