༺༺༺༺༺༺༻༻༻༻༻༻
حلقة (13)
#جُمِّلْت أخلاقها
✍🏻كاتبة الجنوب
______________بسمه تعالى ______________
جسم منحني تمشي بخطوات بطيئة
تحتاج الى سند تتكأ عليه
فأتيت لأكون سند لها..
هي ليست امي.... لكن
هي تنادينا كأننا أبناءها،
لديها حنان الأم وعطف الأب
وجدنا في أحضانها أمان
ودفئ في يديها..
وهي تمسح على كتفنا
وحنية كلامها وهي تنادينا وتخشى علينا
من طرقات الزمن ،
لهذا فرضت محبتها علينا
وأكملت نصفنا الضائع!!!
الكل سعيد بها وبالأخص والدي كانت له زوجة وسند...
وأخيراً رجعوا يمه هلكت من البيت هاي شلون اصير أم صافنة اباوع الكل فرحان بزغيرة ومحاوطينها وكاعدين وهي نايمة مثل ملاك لحد الآن ما بجت ولا سمعنا صوتها
آمنه: هاي من نصيبي أربيها على ايدي لأن كلش زغيرة
بسه: بابا لا تخليها تاخذها ترى تضربها، ماما آخذها بحضني ونطيها حليب حتى تكبر بس ما ننطيها ل آمنه مو ماما
نرجس تباوع عليهن حتى مابيها تحجي رد عليها ابوي
_آمنه عليها تغسلها وتغيير ملابسها وانتي سويلها حليب وبهيج تكون الكم ثنينكم،
_هم حطت روحها لا هي الي وبس
_إشگلنة تتعاونون بينكم ترى ما خليكم تلزموها ابد
_زين انا اريد ابوسها غير اختي
_خطيه بابا زعجينها
_لا والله بوسه زغيرة بدون ما تحس
_بوسيها وانتي هم جنج تردين بوسه
هزت راسها بمعنى
اي
_تعاي انا ابوسج ختولي هاي
_لا بابا هاي حلوة
_هسه صرتي ترديها وانا لا تعاي اليوم أعضج
بقت تضحك وهو يحاول يعضها لزمها وبدل ميعضها بقى يبوس بيها، وهي تضحك
اباوع ابوي شكد فرحان بيهم ولا جنه مخلفنة قبل ليكول اول مرة ايصير عندةواطفال
_حور شو صافنة سويتينه أكل لا
_هاا يباا اي
ذكرت التمن
اشوف التمن خاف احترك....
_هههه لا هاي هيه حاركته
_لا يباا اليوم تمن غير شي
صاحت آمنه اكيد غير شي
غيرر...
اشرتلها من بعيد اششش اموتج
سكتت محد انتبه ركضت طفيته لا مابي شي ايجنن شكله اكيد طعم أحلى
رجعت اباوع طفلة بعدها نايمه
صاحت ام احمد حضري ملابس نرجس تريد تسبح
_اي رايحة
دخلت غرفتها طلعت ملابس وسديت الباب سحبت ايدها اجيت الزمها
ضربت على كتفي
_انا امشي مبيه شي
ابتسمتلها
ورحت كدامها حطيت ملابس بلحمام وهي اجت وراي تمشي على كيف
صاحت ام احمد
_خيه نرجس خاف مابيج اجي ادخل وياج لا طيحين علينا بعد
أشرتلها بمعنى لا
دخلت وسدت وراها باب
_تعاي يمه حور يم لبنيه
_اي خالة جايه
_رحت يمها وآمنه وبسه ابد ما تركن مكانهن بس يباوعن على طفلة ولمكافش كايم
عاطت عليهم ام احمد ولجن مو زين توها صايرة لبنية
وهنن ماكو
_أمنوو اذا ما سكتي اصيح ابوي يكطعج
_اي ما اسوي شي بس اباوع والله
_انتي كل شوي ضاربه بسه وعاد بسه اذا بجت نسد أذاناتنا من صوتها مزعج
دخل ابوي
_اشبيجن خطيه زغيرة خلوها نايمه
_تعال ابو احمد هنا وسكت بيهن والله نحجي ميفيد بيهم
أخذله ركن وكعد
_لا بناتي مؤدبات وعاقلات مو صح
_اي اصلاً انا فقيرة
ضحكت ام احمد
_يمه انتي فقيرة هسه انتي لو نروح جان حتى زغيرة ضربتيها
_لا صرت جبيرة عمري عشر سنوات وتأشر ايديها ثنينهم
وهما يضحكون
حور: صدك هي زغيرة شنو اسمها شو مكلتو كل شوي كلتو زغيرة وزغيرة غير نعرف اسمها
_هاا بابا حور سميتها نورس شنو رئيكم بي
_حلو اسمها
ردت آمنه وهي ادكول بس اسمي احلى
_هههه كلكم اسماءكم حلوة
_هسه نورس منو سماها انت لو امي
_لا انا لو ضل على امج سميها اسم صعب ما يلفظ مثل بسه
مدري بيسان وراحت عليها بسه هم ثلث احرف وأخف
_لعد انا منو سماني
_انتم كلكم ما سميتكم امكم سمتكم اكثركم من صرتو ما موجود لو بلعكسريه لو بشغل اشتغل شفتين صبح والعصر اجي الكاكم صايرين، قندة سمتها امها على اسم بيبيتها امي اسمها قندة وسمتها وام امج زعلت شلون ما سميتوها على اسمي بعدها صارت حور
سمتها على اسمها حتى يراضون اثنين
حور: والله ولا ادري اسم بيبي حور
ام احمد: يلا هاي ابوج كلج حتى من سألونج ليش سموج حور كولي على اسم بيبي
_وانا ليش سموني آمنه
_انتي سمتج على اسم دكتورة جانت تراجع عدها امج
_هنا الحجي
_جاا يباا والولد منو سماهم
_حتى الولد ما سميتهم سالم جانت امكم مريضة وخايفة لا يجي مريض من صار شافو مابي شي كالو هذا سالم من امراض، وسمو سالم
_وهسه جاي تعوض سمي باقي اخواني انت
_اي هدير الماتت انا سميتها وهاي نورس
ام احمد: عاشت اسامي ان شاءلله اصير حلوة مثل طير نورس
_هنن بنات كلهن حلوات
_الله يحفظهن الك ابو سالم
_ويحفظ اولادج ام احمد مقصرتي ويانا تعبناج جار ونعمة الجار
_واجبي نرجس مثل اختي
طلعت نرجس وركضت عليها آمنه لزمتها من ايدها يمه راح اجيب مشط امشطلج شعرج
وهي تضحك وادكول
_حنينه هل بنيه
_الله يحفظها يلا انا رايحه اشوف بيتي من البارحة عايفتهم
_وين رايحه ام احمد
_ماكو روحه تغدي وروحي
_لا اسوي عليكم زحمة هذا هم بيتي
_مدام هذا بيتج ما طلعين منه بدون غدة يباا حور شمسويه اليوم
_يباا سويت سمج
_هاا شوفي هاي حور طابختنه
_كومي يباا حطي على ما تحطين جايين الولد
_يلا آمنه
ام احمد: عوفي آمنه امشي انا وياج
_لا خالة شسالفة
_امشي امشي
لشوي دخلو الولد وسليم قبلهم جان جاي، هذا الولد مندري بي يمتى يروح ويمتى يجي
حطينا غدة وكعدنا على سفرة وحدة مثل كل يوم وام احمد بقت ثلاثة ايام يوميه تجي صبح والعصر بعدها نرجس ستلمت كلشي وكامت على رجليها وانا تخليت عن سالفة امومه رجعت للكسل، بس ما استمريت بي لأن بيوم اجه ابوي وهو يكول باجر اريدجن تشتغلن وياي
_منو ومنو
_انتي وآمنه
_شنو نشتغل
_البيت اشتغل عدهم طالبين عمال هو بيتهم بس هما عدهم معمل بالبيت وعدهم عمال قسم على معمل يشتغلون وقسم على بالبستان رجال خيرة مكفي الدنيا، الله يرزقه ويرزقنا وياا شفت شغلهم ما يتعب وهو يريد عمال كتله باجر اجيب بناتي
نرجس: يلا أخذهن
على أقل يطلعون مصرفهن بدل ما كاعدات بلبيت
_هاا يبا حور شكلتي
_يعني ينطينه فلوس
_اي قابل مجاني
_احسن ما كاعدين بلبيت
_يلا لعد باجر اريدجن من الصبح
حور مجنت فرحانه حسيت ابوي تعاجز من أكلنا او يمكن كثرنه عليه وصار ميكدر على لكمتنا ورادنا نساعده حزت بنفسي لأن ابوي يريدنه نشتغل بس آمنه فرحانه
يوم ثاني كعدنا من صبح لكينا مرت ابوي محضرة صينية أكل
كعدت آكل وأباوع آمنه شلون فرحانه ما تدري راح نشبع ذل ونموت من تعب
_لج حور اكلي بسرعة حتى روح
تنهدت اي خلصت خلي أبدل
_اي صح انا هم اغير ملابسي البس بدلة حمرا خيطتها امي
_زفرت انتي هيي وين رايحه ترى مو العرس وتردين تتونسين انتي رايحه تشتغلين ويطيح حظج
_ميخالف اهم شي نطلع، بعدين هو شغل شنو يرادله ترى بسيط
نسوي سريع ونكعد
_اوو نسيت انتي محد يلحكج حتى معلمة شغلتج بيتها
_هاا حور ترى اكل ابوي عليج متريد تشتغل
_بدلي وسكتي بعدين شوفين كراب شلونه
_عادي هذا كراب ورى فلوس
بعدين من ترحين بيت رجلج ما صيرين جوا نفس خدامه تشتغلين وسكتين
_حبيبتي منو كال تزوج اصير خدامة ايصير بيتها وليشتغل بيته مو خادم، بعدين منو كلج راح ازوج اصلاً شايله فكرة زواج من بالي
_لعد حبيبتي ابقي هنا والله انا انتظر عمري ايصير 15 وازوج واصير أم وما اعوفهم ابد.
_هو منين اكو ام تعوف جهالها حجيتها بصوت ناصي (غير امج)
نرجس: يلا مصارت ابوجن يتاني
_هاا يمه خلصت شوفيني شلوني
تخبلين تعاي خلي أعدل شعرج
_يلا جايه
خلصنا وآمنه كل شوي باست نورس زغيرة وابوي ايصيح يلا هو جم ساعة ونرجع
_يلا روحو الله وياكم ابو سالم دربالك على بنات
أشر بيده ويمشي كدامنه سريع واحنه نركض ورا مشينا مسافة مو كلش بعيدة بدا يخفف مشي وصلنا يمه كال يلا هذا هو وصلنا دخلنا بيت كلش جبير نمشي ونلتفت ومتفاجئين اول مرة ندخل مثل هيج بيت آمنه تباوع ليفوك ومتعجبه حالها من حالي جان تعثر بطابوقه ولزمتها شبيج
_والله ما شفتها.
_لج هذا بيت اذا نعيش بي نضيع
_لا ولج اصلاً وناسة نركض نركض وما يخلص البيت
_اشش سكتي فتح باب بس مو باب بوابة كلش
جبيرة فتحها رجال جبير وصاح تفضلو
سلم عليه ابوي ودخل
_سأله الحجي كاعد
_اي تعال هنا
دخلنا داخل لكينا رجال متين وجبير بالعمر وراسه متروس شيب شافنه وصاح.
_هلا بيك ابو سالم تعال تفضل يمنه
دخل ابوي وأشر علينا نجي ورا
لزمت آمنه من ايدها ورحنه يمهم
_اليوم جبتلك عاملات
_هلا بيهم عاملات، هذن بناتك الله خليهن
_اي بناتي
_ما شاءلله انت حلو بعد بناتك شلون يطلعن اكيد احلى، تعاي حجيه شوفي الجمال
_تعاي انتي يحلوا
يأشر على آمنه، لزمتها من ايدها حيل وهي تباوعلي مستغربه
_بابا روحي ل عمو يصيحلج
فلتت ايدها مني بلكوا شبيج حور جاي ايصيحلي
باوعت ابوي أشرلي أهدها تركتها راحتله، بعد صارلي صارت بيه خوفة من شكو زلمة
_انتي شسمج عمو
_آمنه
_امونه حلوة
باسها وكال ابو سالم هاي ناعمة ورقيقة شلون أخليها تشتغل
ضحك ابوي وهو ايكله
_لا تخاف عليها بتي سباعيه
_اي انا ام سبع
_هاي شنو
_الذئب اسمه هيج ولأن ما ينقلب ايسمونه ابو سبع، هذا أيسرو هيج كال
_ضحك وكال تسميه صحيحة بس مو ذئب هذا اسد اسمه سبع
_لعد أيسرو جذب عليه انا اعلمه من اشوفه
_لك ابو سالم وين ضام هاي بتك علينا
_اوو هاي أمنو ام لسان مشفت شي من لسانها
_الله يخليها الك.
التفتت شفت وحدة جاية سمينة وقصيرة لابسه ثوب عريض أزرك وبي ورد صغار لافه براسها شيله سودة، بيضه وجها عريض بنص حنجها ثلث نقط خضر، تمشي بطيء شافوها.
صاحو
_اجت الحجيه
رد رجال كاعد ظاهر هذا زوجها
_هلا بيج حجيه، تعاي شوفي اليوم جبنالج عاملات جدد
رفعت راسها باوعتنا
_بيها الخير
حتى سلام ما سلمت حجتها من ورا خشمها مثل معاجبها
ابو سالم: اترخص منكم اروح شغلي وبناتي أمانه يمكم
رد عليه رجال الي كلوله حجي
_توكل شغلك وبناتك بالحفظ وصون
حور: رحت يم ابوي وانا مرعوبه لزمت ايده يباا وين رايح وعايفنا..
_رايح شغلي وانتن هنا تشتغلن ويه هاي مرا
_خاف تضربنا شوفها تخوف
_لا حبابة معليج بشكل، أخلص شغلي وأجي هناا و آخذكم واروح،
عافني وراح وانا ميته رعب اباوعلهم ياكلون وسولفون مدري شنو يحجون صوتهم ناصي وهذا فتحنا الباب راح ويه ابوي وباقين احنه وهما كاعدين ياكلون ولا معتبرين وجودنا
_لج حور باعي هاي دبيه شلون تاكل جنها دب مفترس
_خايبة سكتي هي دب مشوفين
_اشوف مجمعة لحم كله بطنها..
حاطه ايدها على حلكها وكاتمة ضحكتها
_ولج سكتي فضحتينه لا يشوفونج
_هذا دبدوب ميلتفت لا تخافين اذا ما يخلص كل أكل الموجود يلا شوفنا،
_لج كافي عيب
_حور سكتي انا جايه اتونس مو بس اشتغل
_لعد ابقي احجي حتى يلكفوج ويضربوج،
_شوفوني حلوة وسويلهم نظراتي بريئة يتركوني
_وسم سكتي
كملو التفتت علينا مرة جبيرة أشرت صابيعها انتم ثنين تعالو وراي
_رحنا وراها بس انا ميته خوف وصلتنا مكان جبير متروس خيار وطرح وجزر وهواي اشياء ما اعرفها كالت
_ تعالو كعدو هنا خلي أعلمكم على شغل اول شي اريدكم تنظفو لخيار طلعونه من صناديك ضعيفة تقسموها بنص والي شوي متينه تشكون بطنها
آمنه: ليش شكون بطنها شنو يطلعون بطنها بس لا حامل
_لا شنو حامل حتى نحطلها حشو اكو ناس يردون طرشي محشه اكو يردو بدون حشوا
انتي بعدج زغيرونه اذا بقيتي سألين اطردج واجيب وحدة مكانج
_لا حجيه بعد ما تحجي
_يلا ابدن اشوف شغلجن
_بقينا نسوي مثل ما كالت، شوي شوي بقت يجن بنات غيرنا، طلع عدهم هواي عمال
آمنه اباوعلها، تشتغل وعينها على حجيه خفت لا سويلها مصيبه أمنو وأعرفها،
اباوع على بنات سريعات ويشتغلن بحماس تشجعت وشكلت ايديه وأخذني حماس وياهم وهنن ايصيحن عفيه، عفيه، لا صيرين باردة
بقينا نشتغل ونسولف وكل شوي اجت وحدة وزاد عدد صار تقريباً عشر بنات اكو كبار وبنات بعمري وحدة بكبر آمنه، نسيت نفسي وانا وياهم سوالف وضحك وما نسمع غير صوت عالي ركضنه بإتجاه صوت وما نشوف غير الحجيه طايحة واصيح
اخخخخ ظهري لحكوني اباوع على آمنه ماكو وين اختفت، كلها هجمت على حجيه حتى يرفعونها وانا ادور على آمنه وين اختفت شوي واسمع صوتها تصرخ، عرفت هذا صوت آمنه ركضت ولج آمنه وينج...
يتبع
لا تنسون تصويت تضغطون على نجمة وتعليق حلو مثلكم وأعتذر على قصر بارت اعوضكم بالبارت القادم
احبكم 😍