༺༺༺༺༺༻༻༻༻༻
حلقة (8)
_جُمِّلْت أخلاقها
✍🏻كاتبة الجنوب
_______________بسمه تعالى _____________
عينانِ يا ورقَ الخريفِ هنا
تسّاقطانِ لِيورِقَ الجسَدُ
كم راودَت نبضاته شغَفًا
ودموعُها في وجهها بَرَدُ
أنثى يداها ذابتا وجعًا
ألديكَ يا هذا الخريفُ يدُ؟
-
صوت بجي وصريخ نساء وصوت سماعة عالي وكل شوي ينعاد (يَا أَيَّتُهَا النَّفْسُ الْمُطْمَئِنَّةُ * ارْجِعِي إِلَى رَبِّكِ رَاضِيَةً مَرْضِيَّةً * فَادْخُلِي فِي عِبَادِي * وَادْخُلِي جَنَّتِي)
صوت الي أخاف منه أجواء موت ترعبني،أذكر
هذاك اليوم المرعب الي غير حياتنا، امي ميته،
دم مسيل، سكينةملطخة بالدم ، لازمها ابوي مدنك راسه وجها صاير دم من العصبيه صوت خوالي
وهما يعيطون على ابوي ودوي سيارات ذكرني
بسيارة أسعاف وسيارة الشرطه أمي أخذوها
بالأسعاف وابوي صعدوه الشرطه، وصريخ قندة
وهي تركض ورا سيارات واصيح رجعولياهم وين
ماخذينهم يمه يباا مو ثنينكم مو ثنينكم وين
عفتونا تعالو ذبيتونا بهذا بيت ورحتو منو النا آمنه
اذا كعدت ورادت امي شكلها وسليم من يريدج
وميريد أحد يغسله غيرج شكلهم، كل حدث وكل
كلمه ترسخت بعقلي وبدت تمر كدام عيوني كأن
شي صار أمس رتفعت شهكاتي وعله صووتي وانا
اكووول آخ يمه هديتي حيلي ليش هيج سويتي ليش
شلون هان عليج سوين بينا هيج نهاريت بالبجي
سمعت اصوات رجلين ما كدرت اسيطر على نفسي
دخلو مرعوبين عماد وسالم وأيسر
هاي شبيج
_ترى هناك الفاتحه مو عدنه تردين تبجين روحي
هناك شكو كاعدة وحدج تبجين
عماد: اششش سالم ما شوفها شلون منهارا حور كولي صاير شي
شكد حاولت احجي بس ماكو ما يطلع مني ولا حرف
زفر سالم وهو يكول لبارحة آمنه وهسه انتي يابه
ولد زغير طير من جنة، الله ما رادة يتعذب بالدنيا
أخذ أمانته اوو هسه انا متعب روحي عليمن وطلع
وهما راحو ورا
شوي وحسيت خطوات يمي وايد نمدتلي رفعت راسي متوقعته!!!
٠رافد: ضلين طول عمرج تبجين مشبعتي
مو ادكولين قويه ومحد يكدرلي وين راح كل هذا
الحجي اشو بحادث زغير بجيتي هي هاي كل قواج
تدرين انتي شنو جبانه وراح تبقين طول عمرج
جبانه وصدكي راح تخسرين هواي ناس وأولهم
أعز إنسان على گلبج كومي لشوف مسحي دموعج كافي نوح
بقيت جامدة بس اباوعله رجع كرر مسحي دموعج كتلج
بقيت امسح بيهم
اشبيج ليش تبجين ولو عارفج كلش زين شبيج بس اريد اسمع منج احجي لشوف.
_ماكو بس خطيه نقهرت على توفي زغيرون ومات امه خطيه راح تموت ورا
تنهد وهو يكول..
محد يموت ورا احد والموت حق والله من خلقنا
انطانه علم بأن اكو شي اسمه موت يلحق بالبشر،
بس ليش حاس انتي تبجين مو على توفي انتي
ذكرتي حادثة امج
دنكت ورجعت ابجي
خلاص كافي بجي لا صيرين ام دميعة كاااافي
خنزر ويه ملامح وجها حادة صرخ هو امج لو بيها
خير ما عافتكم اصلا ما تسوى دمعه وحده منج
طيح امج زانيه تعرفين شنو زانيه!!
هزيت براسي لا وعطت لا ما ادري شبيها وليش
كلها صيح أمج وأمج كرهت ناس حتى كلمة يمه
كرهتها ما اريد أم وما اريد شي اسمه أم ما اررررريد
تنهد وهو ايكول آسف اهددي أهدي
تقرب مني وبقى يمسح بدمعتي وعيونه بعيوني
شوفي ام توفي هسه مو تلجي وتلطم وادكول بعد
ما أعيش بدون ابني بعد كم يوم راح ترجع
بعافيتها وراح تذكر ابنها بثواب وتتقبل موت ابنها
لأن الله مثل ما خله موت واجب انطانه صبر
ونعمة نسيان حتى نكمل حياتنا اكو شي هنا يأشر
على گلبه اسمه ايمان بالله وانتي تآمنين بي صليين
وصومين يعني عندج بصيرة بالأيمان وهواي راح
اصير كدامج هيج حوادث لا تبقين تذكرين هذيج
حادثه شي وراح وتوقعي امج لو بيها خير الكم جان الله ما خذه امانته
_شنو يعني أمانته
_روح أمانه عدنا الله من خلق جسد خلق وياا روح
من يموت إنسان، روح راح تترك جسد يبقى جسد فقط بس هيكل اما روح تصعد الى سماء
_يعني هسه انسان من يموت وينحط بالقبر ما يحس
_هذا بس جسد يندفن لأن اذا يبقى بدون دفن راح
تطلع ريحته ف مايجوز يبقى بدون دفن اما روح
فراح ترجع ربها وهناك حياة ثانيه لهذا كل اهل
ميت ينتبهون بأن اول ما يدفن ميت روحه تجي
بيتا وتفتر على اهل بيته ويشوفهم واحد واحد على شكل فراشه بيضه
_تدري اول مرة اسمع هيج شي
_حتى تكبرين عقلج وتعرفين شنو موت ومو كل ما
واحد يموت تنهارين يلا هسه ضحكي خلي اشوف
هاي ابتسامه، حيل وانا واكف هل كد ذبيتي دموع
هسه لو جايب سطل منترس خرب بيجن نسوان
هلكد عدجن دموع بقيت اضحك وهو ايكول االا
احرك بيت عبيس، على هاي ضحكة حلوة وكضني
من حنجي الحركة دائماً يسويها بعدة ما رافع ايده وجان طب ام سمر وهي ادكول
_هاا رافد انت هناا مو على اساس بالفاتحه لو لازم تاخذلك طلى على حبايب
_ياا حبايب خاطر الله ام سمر
_اشوف ماخذين راحتكم وبيت اكيد ماكو احد
ودخلت وهي اصيح وينك ابو سالم تعال شوف بتك الكح... ههه امها منو اسكت احسن
_رافد: لزمي لسانج وامشي كدامي احسلج
_هههه ما حزرت اعوفلكم البيت حتى تاخذ راحتك ويه كح....
عصب رافد وضربها راشدي
بقت تبجي وتأشر بأيدها اعلمج اعلمج حسابج يمي
.
ما أنساها الج وانت والله ما هكيتها تطلع منك تضربني علمود هاااي
امشي كدامي جم مرا اكلج هذا شكج طلعي من
مخج امشي انتي مو مال دلال متجين اله بلعين الحمرة
أخذها وطلع اوووف هاي منين أجت سم تسمها
غميتها من بعيد يمكن حقها تغار عليه اوو كافي
صارلها سنين وياا ما ملت منه وله هو هذا شكله
ينمل رزانه وجسم وأخلاق وكلامه حلو حقها مو
مال ينمل منه قاطع افكاري سالم وهو يكول
_شبي رافد هيج عصبي ماخذ مرته سح وطالع اثنينهم مدري شبيهم
_هاا
_وجع شبي رافد
_وين ادري يمكن متعاركين بيناتهم واجت من
فاتحة شافته وذكرت عاركتهم وصار لمجادح هناا
فر ايده وهو ايكول
_واحد ليش ما يشتهي يزوج من هاي سوالف
عماد ما دخل
لا والله ما شفته
اهووو عالم تريد ماي كتلها عطش نجيب ثلج هذا
رافد شرد ويه مرته وهذا عماد مدري وينه شلون بلى
_والله ما ادري يخوي هم انا ادور على آمنه ماكو
هسه تلكينها مجمعه زعاطيط منطقة ومسوين عزاا بحدهم
اسويها أمنوو اروح انا لا تبقين وحدج لبسي عبايتج وعبري عليهم
لا راح انام مابيه اسمع بجي بعد
سدي باب لعد زين
طلع وسديت باب اخذت مخدة وحطيت راسي
عليها والف فكرة براسي ما ادري اضوج على منو
وتعاطف ويه منو امي شنو وضعها وليش ما
تستاهل ابجي عليها، رافد شنو قصته وليش كل
هل حنان يحمله الي وليش هيج سيطر عليه،
زوجته وكرها الي ساعه الومها لأن وصفتني بأبشع
كلمة وساعة اكول حقها جنت زغيرة عادي يحجي
وياي ويلزمني بس هسه انا بنيه جبيرة اكيد تشتعل غيره عليه...
آمنه: اليوم فاتحة توفي توفي الي خاف مني توفي الي شابع ضرب مني هواي ضربته هواي رزلته
هواي ظلمته جنت ماخذه زاويه ركن وحدي وباوع
على نسوان شلون كطعن روحهن من بجي وانا
دموعي جامدة بس أذكر أن بعد ما اشوف توفي للأبد مثل امي طار وياها بالسما
بس اكو شي بداخلي أذيني لأن شبع ضرب مني
حسيت بعذاب ضمير هو فقير ولأن فقير نكول عنه
جبان "الفاهي"
بس هسه ماكو توفي راح نقصت العصابه مالتنا
بقيت كاعده واباوعلهم شلون يبجون ويلطمون كل
شوي كالو طلعي يم جهال بس انا ما اسمعهم ما
الي خلك أحد لتزمت سكوت بقيت أيام على هذا
حال ما احجي اله قليل بيوم اسمع امي كاعده
وحطت راسي بحضنها باوعتلها حلكها يتحرك
عرفت جاي تقرا أيات تنهدت ورفعت راسي
_يمه مابيه شي
_ليش هيج نبلع لسانج
_ما نبلع بس انا كبرت بعد ما اسوي مشاكل ولا
اضرب اصغر مني كبرت صرت عاقله!!
_ههه فديت بنيتي عاقلة
_اي يمه عاقله
_يعني ما ضايجه على توفي
_لا
_مممم متأكدة
_اي متأكده
_مو هو يلعب وياج
_اي واذا حتى امي جابتني هم عافتني وراحت
_عفيه لأن هذا موت وكل واحد نصيبه يموت
_هم كولي انتي تردين تموتين
_بعد ما أعلم انا شوكت يخلص عمري
_ليش عمر هم يخلص
_اي بتي كل واحد مكتوبله هلكد يعيش وبعدها ينتقل ربه
_بس توفي بعده زغير
_بعد هذا شي راجع ربج
_معلمة علمتنا صلاة بس انا غلست وما صليت
ليش لازم صلين هسه انتي صرتي 9
_اي صرت 9وراح أدخل ب 10 سنوات رفعت ايديه اثنينهم
_لازم تتعلمين شنو علمتج معلمه
_اول شي جابت ماي وبدت اول شي غسلت وجها مرتين وكالت حجي بس ما حفضته
وبعدين ايدين وبعدين كالت لازم نثبت نخلي ايدنا
على بداية راس وحتى كالت خلي امكم لا
تخليلكم دهن هواي بهاي منطقه لأن لازم تكون
نضيفه بدون دهن وبديت اكلها على صلاة واكو
اشياء ما حافظتهم كتبتهن بورقه امي وبديت
احفظ بيهم وانا سريعة بالحفظ حفظتهم وسمعت
امي وانا طايرة من الفرح بقيت انتظر أذان بس
حتى اروح اصلي وكل شوي سائلتهم هاا أذن ومن
أذن صليت وانا فرحانه!!
ويوم ثاني اول ما اجت معلمة إسلاميه كتلها
حفظت صلاة وبقيت اصلي كالت عفيه وخلت
طلاب كلهم يصفكولي وانا فرحانه وأبتسامتي
تارسه وجهي معلمات كلهم يحبوني وصيحولي
شگرة وخاصة ست جمهوريه عصا مالتها تخليها
عندي ومساحة وطباشير كله عندي ومراقبة صف
وشنو اسوي ما تحاسبني وحتى لو ما ادرس هي
تنجحني بس ما ادري بيها راح تستغلني وتاخذني وياها بيتهم...
حور اليوم دخلنا بسنة 1999صار كم شهر من وفاة
توفي، رافد بعد ما شفتا وحتى من اروح أتجنب
شوفته أخاف من مرته بعدني ما ناسيه شكلها آخر
مرة وهي تهددني انا اعلمج، وهو هم ما وصل بس
هذا كله ما يمنع حور لأن شوقها وحبها رافد ما
ينوصف أراقبه من بعيد وأعرف وقت روحته وقت
جيته شوكت يجي من دوام وشوكت يرجع
لأن هو وحيد بالمنطقة عنده سيارة حديثه ولونها
رصاصي هما بِعِد، فرعين بس لأن بيوت قليله
وأكثرها بساتين رؤيا واضحة تكون من بستانه
لفرعهم، بيوم ظهر سليم رجع من المدرسة بس
آمنه ماكو اشوفهم كلهم حلوو من مدارس،
وهي ما بينت
وكفنا انا ونرجس
يم بات وننتظرها وماكو
سليم اختك ما شفته
_لا
مو نفس مدرسه انتم
_اوو شلي غرض بيها وين تروح هسه تلفي
_اووف انت ثاني كلبك مو على گلب اختك شلون
هسه البس عبايتي واروح ادور عليها
حور: انتظري شويه اذا ما إجت نروح انا وياج،
بس تجي اذا ما اكتلها
_هسه خلي تجي الله كريم اووف يمه هسه وين
راحت هاي بت، ولج شوفي بلا مناك رفعي روحج
_ماكو شارع فارق مابي جنس بشر
_هسه لو سالم هنا جان راح دور عليها
_همزين مو هنا جان شبعت ضرب منه
_هم حقه غير خاف عليها هي حلوة ودمها خفيف ولسانها حلو شلون ما تردينه يخاف عليها
_يعني تتوقعين نخطفت
_ياا يمه اسم الله عليها بيش طالبتنه لا ان شاءلله ترجع مابيها شي ايجوز معلمه ماخذتهم درس،
اضافي شي
_اي مو هي سادس حتى ياخذونها درس اضافي
_جا وين راحت ياربي والله كلش خفت عليها بلا روحي شوفي بيش ساعة
_راح اصير بلوحدة
ما اشوف غير نرجس كعدت بالباب وتلطم
ولج رجليه بادن وين راحت اختج
والله حتى انا خفت وگلبي ضل يدك خاف صايرلها شي مو عاداتها تتأخر
_لا ان شاءلله مصاير شي
يارب رجعها سالمه غانمه يارب ولج حور شوفي شارع بلكت تلكينها جايه
_هو كل ساع اشوف رايحه رايحه
_هاا ولج بشري
_اكو واحد جاي من بعيد
_يالله بلكت هي
_ما ادري ما مبين
_يارب يارب تطلع هي
_يمكن هي
يارب لا تردنه خايبين
_ورا كم دقيقة اي يمه هاي أمنو
_صلوات على محمد وأخيراً
لهناك وصلت
_هاي شبيك واكفات بشارع صاير شي
_مو ننتظر استاذة آمنه تجي، وين جنتي.
_ليش هلكد انا تأخرت
_لا أبد ولا متأخرة هو مشوفين شارع فارق ولا بنيه بي بعدين ليش جايه وحدج
_تعاي يمه عوفج من حور
_حضنتها وهي ادكلها خوفتينه عليج
_حور: تعالو ندخل داخل
يلا امشو
حور: جريتها من ايدها احجي وين جنتي
_اخخخ ايدي ما جنت مكان
نرجس: صارلج شكد وما رحتي مكان احجي وين جنتي وليش تأخرتي.
_ما تأخرت نفس كل يوم اجيت
_لا تأخرتي
_احجي وين جنتي
_هاا مو انا مراقبه ورحت ويه معلمه بيتهم
_شسوين
_بس رحت انا ونور لأن عدها اوراق ودفاتر املاء متكدر تلزمهم أخذتنا وياهم
_هاا وهيج بيتهم بعيد
_هو مو بعيد كلش بس هي سمينه مبيها تمشي وعلى ما حلو طلاب يلا طلعت من مدرسه وصلناها للمدرسه ورجعنا
_مو كولين وياج نور وين هي رجعتي وحدج
_هاا مو نور بيتهم مو مناا بنص طريق وصلت بيتهم
_يلا روحي بدلي وبعد لا تعيديها
اي
حور باوعت عليها حسيتها جذب يمكن وراها قصة جبيرة سكتنا بأوامر نرجس ما وصل لا ابوي ولا سالم وكالت هاي آخر مرة تتأخر بس ما كانت آخر مرة
بيوم اجت آمنه تركض لكتني كاعدة وحدي بقت تباوع جميع تجاهات تأكدت ماكو أحد وكفت فوك راسي وذبت بحضني ورقة وهي ادكول دزاها الحب الج
_يا حب
رافد
فتحتها على سريع مكتوب حبيبتي اليوم تعاي بيتنا مشتاقلج فتحت عيوني على وسعهن معقوووله هاي من رافد
_أمنو هو نطاها الج
_لا هاي سالي صغيره جنت عدهم وكالت هاي وصليها حور بدون ما تفتحيها بس انا ما نطاني گلبي فتحتها
_بس هو ما يكول حبيبتي
_ايجوز اليوم عجبه روحي وشوفي
_خاف هاي لعبة
_لو لعبة ليش تتختل سالي حتى لحد يشوفها لا ما اعتقد
روحي وشوفي
_امشي ترحين وياي
_لا توني اجيت
_خاف نرجس ما تقبل
_لا كليلها ضحى تريدني
_هم ضايجه من زمان ما رايحتلهم
_ممم كولي مشتاقه للحبيب
_صدك هو اليوم ما شفته تعده بسيارته خاف بالدوام
_والله صراحه ما، شفته بعدين احتمال انتي ما نتبهتي اليوم لسيارة
_اي يمكن
غيرت ملابسي وكلت نرجس ما كالت شي وهو
بيتهم مو بعيد نمشي شوي ونعبر النهر حاطين
ابلام اثنين مثبتيهن بحبل بحيث بس انزل امشي على بلم واعبر صفحتهم رحت دخلت هدوء محد
هسه انا وين اطيح بي عيني على بيتهم انتظرا
يطلع شلون اخاف ادك بابهم خاف تطلع ام سمر
مشيت اروح يم ضحى جاي اروح مشيت خطوات حسيت اكو خطوات قريبه مني جاي التفت راسي
حاوطتني ايد وسدت حلكي وايد ثاني صار قطعة
قماش على عيوني نسحبت حيل وانا لازمه ايد
اريد اوخرها ما اكدر كلش قوي اريد اصيح ماكو مكتوم على أنفاسي...
يتبع
اعتذر عن تأخير اذا متابعيني على انستا تعرفون شنو وضع البصرة خلال هاي 4ايام عشناها بظيم
والحمد الله استقر الوضع ردت أنشر البارحة بس كلت حرام يوم عاشر نحترم هذا اليوم، ان شاء الله مقصرت اليوم كتبت 2517 كلمة ما وصلت 3000 ردت تتحمسون للبارت قادم لأن راح يكون أكشن، وهسه لا تنسون تصويت وتعليق حلو مثلكم، وها شكراً لصاحبة تعليقات الحلوة ابقي كتبي كملي واليوم ماكو بارت حتى اكتبلكم وأتشجع لأن كلماتكم هي شجعني وهسه اكولكم تصبحون على خير
احبكم