༺༺༺༺༺༻༻༻༻༻
حلقة (7)
✍🏻كاتبة الجنوب
_جُمِّلْت أخلاقها
____________بسمه تعالى ___________
نرجس: عزاا عزاج آمنه شمسويلج الولد وهيج راكعته
وهسه الولد شصاير بي
سليم: ما ادري جم خياط مخيطي ولافيين راسه
_اووف منج آمنه ومن وكاحتج بلا شمسوي هاا شمسوي
بقيت اباوع عليهم وسليم يهدد يضربني وامي
وشكوكها عليه لازم أبرر، لا اكلهم الصدك بعد هو
شي وصار، نرسمت على وجهي علامات الندم
ودنكت وأحجي بحجة زعلانة على الولد:
_والله هما مخانيث شافو توفي فقير لزمو شبعو ضرب وأخذو فلوسه
سليم: وهسه انتي منو نصبج مدافع اله
_مو خطيه لكيته يبجي
_احجي وياا اضربه ضربة عادية مو هيج خالة دم بطوله
_والله مو قصدي بس شمرت طابوكه وهيج اجت براسه
سليم: عقابج يم ابوي
_لا حباب لا ادكلة
نرجس: باجر اروح للمدرسة بعد شسوي
سليم: ليش مو ابوي
نرجس: ابوك ما يكدر جاي يشتغل
آمنه: يمه لا دكليله
_لا اكوله حتى بعد ما تعيديها
_والله والله ما أعيدها
_عود أفكر!!
_زين هسه بعد ما يجون عليه الشرطه
_هههه الشرطة!
_توفي الحقير كال هسه يلزموج الشرطة
_هل مرة ميلزمونج بس مرة ثانيه اذا عدتيها يلزموج وگبل للسجن
_لا هاي آخر مرة
_نشوف
_يعني هسه ما يلزموني شرطه
عادي اطلع!!
_اياا ملعونه اشوف مطلعين أثاري مسويه مكسورة
وخايفة من الشرطه
دنكت راسي مستسلمه وهي تضحك بس بگلبي فرحت وأخيراً راح اطلع براحتي
بيت ابو كريم:
قندة: وصلنا للبيت ودكات گلبي تنبض سريع
وعيوني يدورنه بكل زاوية استقبلتني احلام
وبتسامة مرسومة على وجها وراها فردوس هاي
دائماً هادئة ومنعزلة عن العالم سلمت وراحت
احلام: تعلمنه عليج والله بيت مو حلو بدونج
ردت عمتي وهي منزعجة منها
ام كريم: يمه منج شهل لواگة احنه ما ماليين عليج البيت لو اله وجه جووب ينور البيت
تنرفزت منها ومن كلامها
قندة: عمه ليش هيج تحجين
ام كريم: والله هذا العندي
وراحت وهي تفر بأيدها
ومنا أعلنت عمتي الحرب دخلت وانا أدورا بين
زوايا البيت مثل ضايعلها شي سبحان الله شلون.
إنسان غريب وما تعرفة وفجئة تحسه أمانك تبقى
تائه من دونك سبحان الله الي خله قلوب تتآلف
بينهم بحجة عقد زغير اسمه زواج، إنسان غريب
ورى ميصير زواج يسقط كل الخجل ويحل مكانه الود وأحترام
عرفت كريم ما موجود، ميته من تعب ونعاس
مسيطر عليه دخلت غسلت وبعد ما سيطرت غفيت
كعدت على لمسات بشعري طفرت مخروعة
_انا وين
_يمه اسم الله رحمان وين انتي بالشارع
_بالشارع، شسوي بشارع
_خرب عقلج وين، كولي بعد انت منو
صفنت ستوعبت انا وين
_رجع كرصني بخدي
عطت بي
_آخخخخ
_وجعااا
شبعتي من أهلج
_وليش مدكول انت مليتني
_يمه انا أمل من هل وجه
_اشوفك حتى بالجذب ما كلت لا، لاتاخذوها اصلاً كييفت
_لا كييفت ولا شي بس كلت خطية يردون شوفونها أهلها كلت مرة وحدة تروح يمهم
_خليني ساكته أحسن
_اي والله أشرف، بعدين ليش هيج صايرة وجه
أصفر جنه لوميه وضعفانه وين راحت بطتي
_غير من ورا ابنك.
تغيرن ملامحة وابتسامته ملت وجها
_شكد فرحت من عرفت راح اصير أب
_منو كلك
_من دزيت عمامي حتى أرجعج ابوج مبلغهم ونطوني خبر
_اي راح يصير عدنه طفل زغيرون شنو راح سمي
_كلشي بوقته حلو لا تستعجلين وهسه روحي
حضريلي أكل لأن كلج جوعان لا استفتح بيج وأفترسج
_هههه بس لا حيوان مفترس انت
_بلا اكو وحدة ادكول على زوجها حيوان شهل
ميانه زايده كووووومي، انتي أكلتي لو ضاله
وجهج مصوفر
_ليش هسه بيش ساعة
_ب 3
_حيل صارلي ساعتين نايمه
_كومي كومي راح تموت الولد من جوع
طالعة
وسدي وراج باب أريد أغير ملابسي
طلعت تلكتني عمتي وهي تفر بأيدها
_هههه كعدت خانو مصدكة روحها عروس
_عمة شبيج
_عما عماج كون بعدين شبيه مابيه شي شايفتني ضاربتج لو ملخة روحي
_لا اقصد وياي ليش هيج تحجين
_هاا وياج والله هيج المحبة من الله بس والله انا ماطايقتج ولا طايقة وجودج ويانا
_مدامج ما طايقتني ليش رجعتيني بأيدج
_كله منهم خبصوني والا يضل عليه تحلمين شوفين تراب بيتنا
_هيج تكرهيني عمة
_والله من صار هذاك موقف أثبتلي كرهي تجاهك ههه.
عصبتني وهي مرا جييرة ما أكدر أسويلها شي تركتها
كملت الغدة وأخذتها للغرفة.
شافتني هم ضلت ذب حجي
_اي شعليج احنه نطبخ وانتي بس عليج تفرقينه
بطنج، وهم ما تاكل ويانا الا يجي رجلها خطيه متشتهي الا هو وياها
شكوون شكول لفت علينا
أحلام من بعيد بس تسمعها التفتت عليها وشافتني
متنرفزة لوحت بأيدها بمعنى روحي لا تهتمين عفتها تقدمت خطوات حجت
_عسى لسانها كص أن شاءلله حتى متعرف ترد عليه
ما حجيت أي كلمة وهذا زادها عصبيه، دخلت أجه كريم كعد ياكل وهو ايكول شبي حلو ضايج
_من ورا أمك والله
_شبيها امي
_تكط حجيها
_عادي شنو يعني
_عندك عادي بس انا ماتحمل
تنهد وهو ايكول
_شوفي حبيبتي هاي امي شسويلها بعدين كبري عقلج واعتبريها مثل امج
_هههه مثل امي ايكول
_يا ملكة يا حبيبتي يا قندة الله من خلقنا ذانات
أثنين مو عبث لا حتى اسمعين باليسرى ويطلع من يمنى
_انت ما تدري الكلام شلون يغث يبقى لازك بنص لا يطلع لا يمين ولا يسار
_والله حتارينه ويا نسوان أكلي وانتي ساكته
_أريد تلفزيون
_شنو كلتي ما أسمع
_تلفززززيووون
_وهم تتعاركن
_معليه اريد أشوف مسلسل راح يعرسون اليوم
_منو هما
_بالمسلسل
_ولج هو تمثيل شدعوا هيج ماخذ عقلجن، تعاي
اليوم احنه هم نعرس وشوفين على حقيقة مو تمثيل
_مو معرسين احنه
_مرة ثانيه صارلج شكد يم أهلج اليوم أحس روحي عريس
_اي شنو تريد جيبلك عروس ثانيه
_لا ليش ثانيه وانتي موجودة، توني ذاب عليج كود فلوس مصارلنا جم شهر شكوون ترديني اعرس
وبعدني ما مطلع فلووسي بيج!!
_انتم زلم تموتون على زواج هسه گلي شلون اشوف مسلسل
_عمي باجر تلفزيون يمج أخلص من حنتج
_واليوم تفوتني مسلسل
_هسه مدكليلي شنو واذا فاتتج
ضجت منه وسكتت محجيت
_يباا اليوم آخذج بيت فاطمة بحجة نشوفهم وهم عدهم تلفزيون وشوفيها
فرحت بگلبي
_ما جذب عليه
_وعد رجال!
وتلفزيون باجر يمج
وصدك صار الغروب كال حضري نفسج ناكل لكمة
ونروح بيت فاطمة رحت ركض حضرنه العشه ويه
أحلام أكلنا على سريع، أحلام وفردوس كالو نروح
وياكم كل شوي أباوع لساعة خاف نتأخر وتروح
عليه لقطة وصلنا قبل نص ساعة كعدو سولفون
ويضكون والجلسة ما تخله من جفصات فاطمة
وهما ميتين من ضحك كوميديه على آخر درجة
من بدأت مسلسل فصلت عنهم وانا استمتع بالمشاهدة لو يحجون لباجر ما أرد عليهم
فاطمة؛ لك كريم هاي شماخذلك اشو هاي فصلت علينا بس طلعت مسلسل
_طفلة الله وكيلج منطيني،
_الله يساعدك يخوي تعال ربيها من جديد
_أحسن أربيها على ايدي
_لوتي، اعرفك مممم اكريم ميكعد راحه
_شفسرتيها بعقلج الوصخ.
_مثل ما موجود بعقلك
والله انتي داهيا خلي ننتظر مسلسل تخلص هاي اذا آخذها هسه تبجي
_شلون ما اشوف مجاي شوفني جاي علمود مرتك شوف تلفزيون
_لا اصلاً علمود نشوف هل وجه حلو
قندة: والله جذب هو كال
_اششش لا تفضحينه ولج
_معليج بي شنو كلج
رجعت باوعت على كريم هو يأشر بمعنى اششش
بس انا بديت بسالفة مستحيل اسكت
_نروح بيت فاطمة حتى نشوف مسلسل
_كلها ضلت تضحك
_صارلنا شكد نحجي ما سمعين بس هاي سمعتيها بسرعة هو هذا حضك يا كريم
والله معرف اضم شسوي
رجعنا من بيت فاطمة
بيوم ثاني جاب تلفزيون بدا يفتحة وانا فرحانه بي ما شوف غير عمتي أجت
_ههه تستاهل جايبلها تلفزين
_هاي ام ابني طبعاً تستاهل
_جا وانا شنو هنا مو امك
_امي وعلى راسي شتردين هسه
شدة الي مو للمسعدة مالتك
_هاي هي روحي سويله مكان بغرفتج حتى اجيبه
باوعتلي بعين منتصرة وراحت سريع
وكفت متخصرة
_مو على أساس تلفزيون الي
_هو الج بس بوقت مسلسل شوفي ويه امي وبنات
ما بيها شي وهسه ادري اذا اشده هنا راح تكابلنا
وتكعد ما تخلينا براحتنا، أخذيها على كد عقلها
تنرفزت بس شسوي وهو قافل
هواي ضجت من عمتي صدك شدت عليه الحرب وسودت عيشتي..
آمنة / كعدت على صوت امي وهي أصيح
-ولكم كعدو شسالفتكم وراكم دوام كومي آمنه
وراج ساعة صفنة وساعة تأكلين وهيج يكون
خلصن دروس ،هي صيح وانا متلل أصيح
-اوووف هم مدرسة خلوني أنام
حور رفعت راسها
-لو دكومين لو تخمدين ما تولين للمدرسة أريد أنام واصواتكم تزعجني
-رفعت راسي
-هلوو زعجنة أنسة حور
-هههف أرجع أنام أحس من هل وجه
-كمت سريع ركعتها بالمخدة
شعندج شغل عمل بس نايمة بس نايمة
رفعت أيدها من جوا بطانيه منتصرة ورجعت غطت حتى راسها
-شكد حقيرة
رحت غسلت واكلت وبديت ألبس ملابسي كملت لكيت بسة مبدلة وهي أصيح
-اليوم اروح وياج مونه امي كالت
-وييع مدرسة ما يردون زعاطيط
بعدين جم مرة كتلج كولي آمنه
-ماا ماا مونه
-أعلمج من أرجع هسه مالي خلكج
لزمت ذانها بأيد وايد ثانيه راسها وهي أصيح
-ماا ماا
حسبالها راح أضربها
تركتها محجيت وياها وبديت أمشط شعري ,واباوع
الجمالي بالمرايا وكل شوي بايسة نفسي بالمرايا يمه شحلاتني أخبل
كعد سليم وهو عاكر وجها بعده نعاس بعينه شافني سوا حركة بأيده بمعنى امداج
باوعتله أخاف منه برغم هو أكبر مني بسنة وحدة بس شكله حاد واخاف احجي وياا
هزيت ايدي هذا جمال ينغم صدك ما عندة
ذوق ،كملت ولبست جنطتي مجبورة ألبسها لان ماكو طلاب شيلوها عني
-يلا يمه أروح
اوكفي بعد وكت أكمل شغل بأيدي وأجي وياج
-هاا تجين شفت بسه مبدله يعني تروح ويانا
-اي
التفت عليها اشوفها مبتسمه
طلعت لساني أعيب عليها وهي ساكته كملت
وصاحت على سليم يلا متروح
اجي وراكم
آحنة راح نتمشى قبلك
- اي
طلعنة طول طريق أمي تحجي
بعد لا سوين مشاكل انتي مو ولد
وانا بس اهز براسي البت المطيعة
وصلنا للمدرسة وبقت تحجي امي ويه معلمين وتعتذر منهم
وعدتهم بعد ما يتكرر ورجعت للصف ورجعت الهيبة وطلعت العصا من جنطتي وانا اكلهم
_جنتو متونسين بغيابي رجعتلكم آمنة
والله اليوم حتى بالفرصة ما أخليكم طلعون
كلهم سكتو وجتفو ايديهم وكعدو عقال
ومر اليوم ولا شفت الولد ضربته بقيت أدور عليه ظاهر ما مداوم مر اليوم رجعت من دوام
العصرية وكالعادة يجي الوريث ويا حلويات وخاصة جكايري الي ما امل منها وبسكت والحلقوم اخلي
حلقوم داخل بسكت واكلها وانا فرحانه بالطعم
أيسر الوحيد يعرف آمنه شتحب وشنو تكره
أيسر: هاي طلباتج
_شكراً
_هاي شنو اليوم شكراً ما سامعها من قبل
_اسمعها مني بعد
_سبحان الله تغيير
_اي اليوم معلمة كلتنا صرنا كبار ونبطل سوالف مالت صغار
_يعني بعد ما اجيبلج حلويات
_جا حلويات شعليها بالكبر هو حتى لكبار هم ياكلون حالهم من حال صغار
_والله حتاريت وياج شتردين
_نزوج
_شنو
_اي غير تزوجني والبس بدلة بيضه واصير أخبل
وانت هم تلبس قاط واصير عووع تخرع انا احلى منك انگوووو
_اي هو يزوج بس هاي هي، يلبس بدلة وقاط بعدج صغيرة بعدين هاي انا يمج يوميه الا تزوجيني
_اي حتى نام بنفس الغرفة
_بلا هاي شتحجي وياها، مو كتلج من نكبر نزوج
_يعني من اصير نفس قندة
_اي
_بس ليش معلمة كالت صرنا كبار وحتى كالت لازم نصلي خمس صلوات
_اي وانتي صليتي
_لا بعد شوي اتعلمها اكثر حتى اصلي والبس حجاب
_اي صيرين كلش حلوا
_وريثي انت تحبني
_اي كلش احبج
_يلا لعد جيبلي بعد بسكت
_أمنو لا صيرين طماعة
امشي نلعب
_يلا نعوف كبر على صفحة ونلعب ويه زعاطيط
_بعد احنه غير أكبرهم اكيد نصير كبار
_حتى يخافون من عدنه
ركضنه بأتجاه بستان جان انشوف اخو توفي جبير جاي صوبنه وهو يركض وصل يمنا
_ما شفتو توفي
_لا ما شفناه
_كل مرا مو يلعب وياكم
_اي
_وين تلعبون
هنا يم بيتنا
تعالو خلي ندور عليه
بقينا ندور كل مكان رحناله وماكو ما لكينا أثر
اهله كلهم واكفين يم نهر ويبجون يتوقعون طايح
بالنهر بقينا نفتر بكل زوايا نهر عسى ولعل نشوفله
أثر أباوع أمه مكطعة روحها بالبجي توفي زغير
بصف ثاني ابتدائي وكلش ناعم اهله مدللينه حيل
جنت دائماً أضربه بقى يخاف مني حيل ضجت
على حال امه وشدينا العزم بس حتى نلكاه
المنطقة سمعت كلهم التمو يدورون عليه بقت بس امه كاعدة يم نهر وتبجي واصيح
كله مني انا عفته يطلع
نرجس وأم أحمد ما تركوها صبرون عليها
_خيه كولي يا الله مو زيين تفاولين على ولد
عاطت ام أحمد وهي ادكلها
صدك جذب منج تتمنين موته امشي داخل للبيت شوفي نهر فارغ يعني مو هنا
خيه هسه يلكونه الولد كلهم جاي دورون عليه يعني وين يروح
تلطم على وجها وهي اصيح راح وليدي ضاع مني يا ناس منين اجيب توفي بعد
اهدي خيه ما بي شي مابي شي
راح ولكم راح لا تلوموني كلب ام ومحد يعرف غيري حاسة بعد ما شوفه
دقايق وأجه ابنها جبير جلبت ملابسة وهي ادكله
برد گلبي وكلي لكيت اخوي
يمه ادعيله بلكت نلكاه توفي ماكو ماكوو يمه كابلها وهو يبجي
ابوهم شافهم من بعيد اجه صوبهم ويصفك ايد بأيد راح توفي راح
_هاا لكيتو
_ماكو ما اله اي أثر مثل فص ملح وذاب كوم ابني
كوم هي امك ناقصها امشي نجيب بلم ابو رافد
بعد ماكو غير ندور عليه بنص بحر زادت امه
بالبجي كابلتها ام احمد وهي تبجي صاحت عليها
نرجس شوف مساع تحجين عليها هسه كابلتيها كومي لا زيدين طين بله
خيه ما شوفينها تكسر الگلب
واحنه اذا نبقى نبجي وياها نكسر گلبها اكثر
ما اتحمل ام بسه ما تحمل
شلون بلوا هاي رادتنه عون نصير فرعون
زادت بالبجي ام احمد وهي تنعي
دِلِلّول يمَّة يالولد يبني دِلِلّول
عدوَّك عليل وساكِن الـﭽول
يابني أنا لا اريد من جِدرَك غموس
ولاريد من جيبك فلوس
رِدْتَك أنا هَيبة وناموس)
دللول يلولد يبني دللول
ردتك وكت عازة الي تجاي
مردت اشوفن چفنك جاي
دللول يلولد يبني دللول
وي نعي زاد البجي ورتفع صوت زلم وكت الغروب
ركضنا بس امه بقت مددت رجليها وهي اصيح
يهل وادم بشروني بشارة زينه على بني وصلنا
مكان زلم كلها ملتمه ويصيحون على كيفكم طلعوا اي هذا هووو هووو ولكم هو
ضياء اخو صرخ لا اخوووي لا
آمنه رحت من بينهم اشوف شنو شافو شفت ملابسه طافحة من فوك النهر عرفته اي هذا
قميصة نزل واحد خاف بس ملابس شمر روحة
ورفعه ليفوك شفت المنظر صرخت اي هذا توفي
اي هو والله هاي شبي ليش هيج صاير وجها
يخوووف سمعت واحد صاح ميت ميت صرخت بصوت عالي ما ميت توفي ما يموت
سالم: جيت ركض اسمع آمنه صيح ما يمووووت سحبتها أتجاهي وهي تضرب بيه هذا مو توفي
توفي ما يموووت
_ اششس كافي ماميت مو هو
_هوووا هوووا وطاحت ضربتها ما صحت شلتها
وركضت بيها للبيت ركض وراي أيسر صحت عليه جيبلها ماي ركضت على ماي ورش عليها لهناك
صحت مرعوبه وبدت تبجي
أيسر: آمنه لا تبجين
سالم: الغريب بس شافت أيسر حضنته وضلت
تشهك من البجي ذكرت ذيج الحادثه من ماتت امي ختنكت وطلعت
نرجس: الكل مخبوص وهما يطلعون توفي من النهر وامه أجت تكزل برجل وحده رجليها ما واسعتها ركضت عليها
_وين رايحه
_لكوو ابني ميت موو
سكتت شحجي وياها ماكو كلمة تجبر بخاطرها بهيج حال
صاحت خايبين يهل وادم كلولي ابني وينه بشروني حتلو بالجذب قابله
محد يرد عليها كعدت بعد ما تحملت هما بعيدين عنها
طلعو وغطو وحطو بسيارة ومشت السيارة اجه ضياء صوب امه وهو ايكلها راح ابنج مدلل الزغير راح يمه..
يتبع...
عظم الله اجوركم بذكرى حلول محرم حرام واستشهاد ابا أحرار الحسين ابن علي( عليه السلام)
جعلنا وأياكم من معزيين والباكيين عليه، تقبل الله عزاءكم،
لا تنسون ضغطون على نجمة وتعليق حلو مثلكم وشاركوها مع أصدقاءكم،
البارتات قادمة مؤثرة كثير من حوادث تصاحب عائلة عمو بندر وسعو صدوركم وان شاء الله ما أتأخر عليكم أدعولي تكمل رواية لأن هواي تعبت بيها تعب نفسي اكثر من ما هو جسدي
احبكم
هذا حسابي أنستغرام