༺༺༺༺༺༺༻༻༻༻༻༻
جُمِّلْت أخلاقها
_حلقة (5)
✍🏻 كاتبة الجنوب
____________بسمه تعالى _________
الگاع من يكبر گلبها يشب عشبها ،
وتوصل ﺣـﭼـاياتها لتالي الجروف ..
عريان السيد خلف
حور: فرحتنه برجوع قندة ما تنوصف شي فقدنا
ورجعنه بس هي مجانت فرحانه لأول مرة أحس
قندة كبرت واكو شي مسيطر بالها، معقوله بهاي
اشهر قضتها ويه كريم حبته معقوله هي تشعر
بفراق فراق كريم لو بيها شي ثاني،
تقربت منها وهي منتجيه بركن وحاطه ايدها على خدها
_شبي الحلو ضايج
قندة: هنا شي وفززني صحاني گلبي نبض بإسمه
هاي جملته كل ما يشوفني ساكته يسألني شبي
حلو ضايج بس هل مرة شنو سبب!!!
ليش انا ضايجه شجاوبها
بقيت ملازمه صمت!! معندي جواب رجعت كررت
_ولا كأنما احجي وياج؟
_هاا حور مبيه شي!
_احمممم هاي صفنات اكيد ل كرومي
_ ل لا
_هممم متأكدة
_اي
_شبي وجهج اصفر والعقل شارد والگلب ينبض تم تك تم تاك
_هاي دكات نغمات موسيقيه
_والله بكيفج شسمينها سميهاا
_ههههه خبله
_اي طالعة على اختي
_امشي ولي مناا روحي شوفي آمنوو
_اووو تلكينها تلعب وين تروح
_روحي بس خلصيني
_كلش صايرة مو خوش
_اي عاادي
_عوووع كرومي رجعنه نسخته
_شلون يعني
_صايرة نسخة كريم حتى كلامج متغير
_هممم
تجاهلت كلام حور لكن بداخلي فرحت اي انا صرت
ملك كريم كلشي بداخلي ينادي صرت نسخة مثل
مكالت حور انا شي يخص كريم وبس، بس اذا شي
يخصه ليش تركني ليش عافني اروح شلون
متحمل بدوني شلووون!!!
قطع سلسلة افكاري حور وهي جرني
_لج كافي تفكير ام وجه الأصفر ارتاحي كم يوم
هناا اول وتالي راح ترجعيلهم ما ماخذين بيج طابو
هناا
_هيج برأيج يرجعوني
_اكيد شنو هي لعبه، انتي شوكت يكبر عقلج ترى
كل الي سوا ابوي صح رفع شأنج وزاد من كرامتج
لا حسبالج ابوي جابج هناا بس لأن ضاج من ام
كريم ترى هي هانتج وابوي رجعلج كرامتج
_تدرين اكو غصه بكلبي خايفه من سالم خاف
ميزوج احلام وهنا شيخلصني منهم!!
_انتي تتوقعين سالم يزوج احلام لج سالم عامي
الحب وراكض على درب المدرسة مكابل سمر تردي
يزوج غيرها!!
_لا صدك شكون هيج صار بعدها يحبها مو تركها
_هاي شكوون كريم وربعه صدك من عاشرة قوماً
صار منهم هههههه
_عابتلج حور ولا منتبها احجي مثلهم
_انتبهي انتبهي نسختهم بعد
_تعاي احجيلي على سمورا وسالم
_شحجي، اعرف ايحبه بس مستحيل يتنازل عن
كرامته باقي يراقبها بصمت ومن يشوفها يحترك
من داخل وگلبه يفور عليها بس اخخخخ من
كبرياء!!!
_الله يعينك يخوي
آمنه بينما الكل ملتهي بنفسه انا نفسي أولى بالكل
معندي غيرها اهتم بيها، طفله صغيرة كبرت قبل
آوانها الكل يتودد الها شكلها بريء وجمالها طاغي
وجها يزيد محبة الناس الها آمنه طفله جميله
والقويه الي كل تهابها بس يبقى شخص واحد
يكون سبب ونقطة ضعف هاي طفله سليم
ومعاملته!!!
وضربه اليه بسبب او بدونه بس هو كادر يكسر
آمنه...
بيوم هدوء تام بالبيت دخل سليم وعلامات
العصبيه باينه على وجها برغم الحديه بشكله لكن
ملامحها جميله يعكس جديته، طفل بس مو اي
طفل شراني من يوم يومه البؤس مسيطر عليه كل
هما دجاجاته وبس محد يوصلهم ويا ويله يوصل يمهم ،
اجه صوبي
وشكله متعكر هنا لازم الكل يخشاه اولهم انا، بقيت
مركزة ميت سؤال بالي شبي معصب ما نطقت اي
كلمه بس مجرد نظراتي متوجها صوبه وصلني وانا مركزة عليه نطق
_خير شبي وجهي بي شي تباوعيلي
_لا بس شكلك عصبي
_اي وعصبي شتردين ضحكيني مثلاً
_لا بس ليش عصبي هيج
_تعاي يمي واكلج شبيه
وانا مثل ثوله رحتله
برجليه جرني من ملابسي وفرني فر راسي وجعني وانا اصيحله
_لك شبيج راسي دوختني هدني
_مو تردين تعرفين شبيه
الدنيا فارتني فر بمصايبها يلا ارتاحي
_خبل خنكتني مو هيج فرون اخخخخ
توقف وبدا يضربني منو الخبل منو
_انت انت ذبحتني
_وبعد تتجرأين انا اعلمج اليوم
هذا لسانج اله اكسرها
_والله اعلمك يم ابوي بسيطه
_اووو خليتيني أرجف ابوج سائل عليج
بعده متمسك بملابسي وانا بحالة دفاع عن نفسي الى أن هلك وجها تحول الى احمر دم
من عصبيه تعب وتركني وانا بعدني نظراتي عليه
ابد ما بجيت وانا اتحدى نفسي قويه انتي مو
سليم زعطوط يبجيج بعدني على نفس موقف
طلعت بسه وهي صيحلي وتضحك تريدني العب
وياها جريتها من ايدها ودخلت للغرفة وقفلت
الباب وهي فرحانه كل ظنها العب وياها جريتها من
ملابسها وضربتها على وجها وهي صافنه تباوعلي
متعجبه ليش اضربها رجعت كررت ضربي الها هنا
ما تحملت ضلت تبجي حطيت ايدي على حلكها
حتى لا يسمعوها ويجون يضربوني صوتها مينسمع
وهي تستنجد بيه بس دموعها تنزل وشهكاتها ويه
كل ضربه بقيت ملازمتها ايدي على حلكها امنع
ظهور صوتها وايد ثانيه أضربها طلعت كل قهري بيها
_كله منج اجيتي للدنيا وضلو يضربوني ابوي جان
يشيلني وجيبلي انواع حلويات هسه انتي ياخذج
بحجة انا كبرت لج انتي منين طلعتي وغيرتيهم
عليه جابتج عله على گلبي موتي حتى ارتاح منج،
سمعت صوت جاي للغرفة خفت لا احد يشوفها
وهي تبجي صحت بيها والله اذا كلتي آمنه سوت
بيه هيج الا اموتج كولي ما ادكولين
هزت راسها ب لا
تركتها وبقيت امسح بدموعها فتحت قفل باب على
گييف حتى لا يحسون جنت قافلته دخلت نرجس
سويت نفسي الاعبها
_حبيبتي بسه جم مرة كتلج لا تلعبين هاي لعبه بعدج زغيره عليها
شافتها نرجس وشهكت
يمه بتي هاي شبيها ركضت بسه حضنت امها
ونظراتها عليه وانا أشرلها بدون متشوف امها بأيدي على رقبتي بمعنى أذبحج
آمنه: جايين نلعب وجان طيح على راسها وتأذت
خطيه وبقت تبجي وجبتها هنا خطيه ماتت من البجي
نرجس: اوووف يا يمه جم مرة كتلكم دربالكم على
نفسكم زين هسه صارلج أخذتها وطلعت وهي ادكلها كافي امي كافي لا تبجين
وانا اباوعلهم منتصرة ومنا بدت اول كذبه وأول
ضربه ل بسه وبدت غيرة والحقد بداخلي يكبر
اكثر واكثر وخاصه من اشوف اهتمامهم زيادة ل بسه وانا عتبروني كبرت،
نرجع للبنت الوسطى حور..
حور: بيوم لكيت قندة ضايجه وهي تطلب من
نرجس تطلع تروح يم ضحى (بيت عمي ابو رافد) نرجس مقبلت كالت روحي انتي وحور
_يلا حور روح شوي ونرجع
انا من يوم رافد راح صرت ما اطيق بيتهم ولا
اطيق نظرات ام سمر روحاتي قليله اروح يم
ضحى وأرجع لا اشوف سمر ولا أمها
_انتظريني شوي أبدل
ركضت لبست اي شي كبالي ورحنه اول ما دخلنه
حسيت بخنكه وبدت دكات كلبي تنبض سلمت
عليهم وطلعت واني مخنوگه رجليه أخذتني آخر
مكان كعدنه بي بديت استعاديت كل ذكرياتي
اخخخ يا نار فراقك تشوي گلبي شلون يهون عليك
تتركني شلون ونفس كل يوم افكر بي ويجي بالي سؤال شجاي سوي وأمر
على باله لو نساني مرن سبع تشهر على آخر مرة
شفته بيها بس صورته مراحت من خيالي كأن هو
موجود وياي حبك وين وصلني يارافد صورته
محفورة بعقلي ابد متروح ، وفجئه شميت عطرة
بعدين ضحكت على نفسي حتى عطره أتخيله
شبيه يا ربي لفيت اريد ارجع كافي حتى لا
يحسون عليه التفتت ركعت ريحه بخشمي احد
يمي رفعت راسي شهكت حطيت ايديه على حلكيي
_رااااافد
_اي رافد شبيج ما مصدكه
مد ايده يسلم عليه لكيت نفسي أذب روحي عليه
ودكات گلبي مسموعه تنهد وحضني خله ايديه
على ظهري ضعت بين ضخامة جسمه ونعومه
جسدي دفنت راسي بصدره وبدت شهكاتي ترتفع انتبه عليه رفع راسي يباوع بعيوني
مثل غيوم ولتمت تشابكنه وعلي ذبت حملها
ورعد بينه الحنين اشتد لحد كطعت حجلها
ملهوفين احس الروح برحيه وعطش كيض الكتلها..
حيدر ال عليان
_ليش هل دموع تبجين يحور تبجين
ما كدرت اسيطر على نفسي ولا اكدر انطق كلمه
وهو مبين عليه علامات استغراب على وجها
بقى يمسح بدموعي وهو ايكول اهدي يحور ليش
هيج ترجفين شصايرلج
_اهلج بيهم شي
هزيت راسي ب لا
_نرجس مضايكتج
وبقى يسأل وانا أهز براسي
ميعرف كل انا بي بسببه بقى مصر وهو يسأل اخر شي نطقت
_شلون هان عليك تعوفتي
ضحك ليش اول مرة!
_ اي اول مرة تبقى سبع تشهر
_لا وحاسبتلي يوم يوم
حسيت بي أنزعج وبتعد عني كم خطوة بعد ما كان قريب مني كلش،
_اكدر اكول هنيالي عندي بت عم حنينه عليه
_وانا هنيال گلبي مات على فراكك وهنيال روحي دور خيالك
_هيج فركه سوي
_واكثر
صفنت وتنهد وهو ياخذ شهيق وزفير بعدها نطق
_امشي الوقت تأخر لا يحسون عليج
تركته ورجعت وانا طايرة من الفرحه شي ناقصني
وكملني بشوفته التفت عليه لكيت باقي نفس مكان
أشرلي بمعنى روحي لوحت بأيدي ودخلت يم
ضحى وباقي بنات الي مستلمات قندة وحش ب
كريم واهله وانا كاعده يمهم فقط جسد اما بالي
بغير مكان اما قلبي طاير من الفرح، لهناك ستأذنا
وردنا نطلع بطلعتنا لكينا رافد يم الباب كان سلامه
حار ويه قنده بقت سأله متفاجئه برجعته وضح الها
امس رجع وما كدرت أمر عليكم
_تعال خلينا نشوفك
_اجي اجي اشوف عمي
يحجي وعيونه عليه اما انا نظراتي راح تفترسه
شياكه ورزانه وعطره يفوح مكان متواجد بي
التفتت وراي ام سمر زوجة رافد خزرتني بنظراتها
حادة طنشتها ولا كأنما هامني رجعت مركزة ب
رافد كحلت عيني بشوفته جرتني قندة ترخصنه منهم وطلعنه وهنا ستلمتني قندة
قندة: انتي ليش ما تطبلين من رافد ترى مرته
أكلتج أكل بنظراتها
_هههه هم انتي نتبهتي عليها
والله ل خليها تموت قهر
_يااا حور شجاي ايصير تردين تنتقمين منها ابتعدي
عن رافد ميت الف مرة كتلج انتي كبرتي مو طفله
حتى تبقين لازكه بي
_هسه شفتيني لازكه بي مو حالي من حالج سلم عليه
_ليش قبل لا تجين وين جنتي
_اشم هوا يم نهر
_الله بيتنا ماكو نهر ولا اكو هوا مكطوع نفس بس
يم بيت ابو رافد تتهوين آنسه حور
_اووو كافي نكد
_بسيطه اذا ما توبين من رافد اكل ابوي وهو يصرف وياج
_اي بس سكتي راح نوصل للبيت لا تنقصين عليه فرحتي
_فرحانه لأن قرت عينج برافد
_اي والله ميته من الفرح
_اوووف اوووف منج حور
هههههه
والله ولا ابطل من حبك يرافد
فتحنا الباب ماكو هدوء
حور: كالعادة تلكيهم بالبستان يم ام احمد وبناتها
_يلا اروح يمهم هواي مشتاقه زينب
وصلنا للبستان متجمعين اجيتلهم وبصوت عالي
_الله شكد مشتاقه هاي جمعه
ام احمد: والله مكانج فارغ من بين هل كعدة والله كبرانه قندة حبيبتي
بديت اسلم عليهم وتلكتني زينب وسلامهم حار
ويايه صدك حسيتهم اهلي مو جيران
_وينها شيماء حلوة
_اجتلي تركض حضنتني
_انتي ليش سافرتي
_هههه شردت منج
_لا ليش بس انا حبابه
_يمه من لسانج انتي حبابه
قندة: ام احمد شلونهم الولد احمد وظاهر العقدة مالتكم
_حمدالله
بخير وظاهر بعده على عقدتها مثل ما تركتي مكابل حيطان وضال
_خلي كابلهم ولا يسويله شي يضركم
_اي والله الله يجفينه شرا
زينب: تعاي قندة اروح يم هذاك خضار عندي الج
كومه حجي
ام أحمد: واحنه نبزز ما تحجين يمنه
زينب: اسرار اسرار
ابتعدنا شوي عنهم شفت شجرة ورد بلون وردي
لونها بارز من بعيد يبين
كلش عجبني رحت صوبها واني اقطف بالورد
واشم ريحته جنن بقيت واكفه واصيح على زينب لج تعاي شوفي ورد شلون حلو
_وهي ادكول شابعه شابعه منه
انتبهت على صوت بسه وهي تصرخ وتباوعلي وتأشر وتصرخ بهستيريا
_لج بسه شبيج ليش صرخين هيج
نرجس من بعيد اجت تركض واصيح يمه اسم الله
رحمان شبيها بتي وانا باقيه على وكفتي ما تحركت
_واصيح مدري شبيها تأشر عليه زينب زينب روحي انتي قريبه عليها
تعالي بسه ليش هل صراخ وهي بعدها تبجي
وايدها تأشر بيها اتجاهي وصلت نرجس حضنتها واصيح
_شبيج يمه
_أشرت على نفس مكان التفتت نرجس وصرخت
_ولج قندة جوا رجلج حيه صاحكتها لج قندة تحركي من مكانج
بلعمت بمكاني جسمي يرجف يعني جوا رجلي حيه
تحركت شويه رجلي صايرات طابوكه تحركت
ومشت الحيه سريع شردت باوعتلها حيه طويله
حور: صرخت نرجس وعله صوتها وهي ادكول
_ولكم لحكو قندة...
برأيكم حب حور ل رافد راح يستمر؟
هلوو يحلوين لا تنسون ورا ما تخلصون قراءة
تصويت ضغطون على نجمة حتى تصعد القصة
وبس والله واذا تحبون تبدون رئيكم بتعليق حلو
مثلكم اكون ممنونه واذا عجبتكم شاركوها مع
اصدقائكم..
استودعكم الله...
احبكم جميعاً