(Phone conversation)
11:10 PM
Liam:
Hello, baby. Akyat ba 'ko diyan? O bababa ka rito? (Chuckles)
Miles:
Hmp. I'm comfortable on my bed na. You can't make me move na.
Liam:
Hmm. Sigurado ka na? Gusto mo akyat ako diyan ta's subukan ko? (Chuckles)
Miles:
(Laughs softly) I hear naughty in your voice. Stay in your room, baby. No more of that tonight.
Liam:
Hmm. Ano 'yong that?
Miles:
You're makulit. (Laughs softly) Don't tease me anymore. Susunod ako kay Mother Lily. She called me again kanina.
Liam:
Sikyu si Mama ah. (Laughs)
Miles:
I appreciate her reason naman. I'm actually touched that she cares for me. I heard some stories na 'yong parents ng boyfriend, they don't care 'cause hindi naman at a disadvantage ang guys when it comes to relationships.
Liam:
'Buti naman naiintindihan mo siya. Gano'n talaga 'yon si Mama. Lagot tayo ro'n 'pag 'di tayo sumunod.
Miles:
Yeah. She's a little scary. I thought she'd lecture me about being too easy or something along those lines. 'Yon pala she wants me to be mindful and to take care of myself. To sleep in my unit instead of yours. 'Wag daw ako paaabuso sa 'yo. (Laughs softly) And nagwo-worry siya dahil hindi n'yo pa na-meet ang parents ko or anyone from my family.
Liam:
Nabanggit nga rin niya sa 'kin 'yan.
Miles:
You know what... (Yawns) I'm excited to introduce you to my family too. But my aunt's not in the country right now and she's the first one I'd like you to meet. Kasi she's the one who took me in after Mommy died. Dapat siya muna bago mga cousins and uncles ko. Although, uhm, I'm quite nervous din talaga. Wala pa 'kong naipakilala na kahit sino sa kanila. Not even a crush. I wonder how they would take it if I tell them I have a boyfriend.
(Pause)
Miles:
Oh. Uh, but... I'll only introduce you if you want. I mean, if you're ready. I'm not pressuring you to meet them or to be ready... but you know, it's one of the things I thought about kanina.
Liam:
(Chuckles) Gets ko naman. Kanina ba 'yan sa drive?
Miles:
Yeah...
Liam:
Kaya ka tahimik?
Miles:
Yeah. Bukod sa I'm really sleepy because of our noontime activity, I'm thinking about a lot of things. Uh... awkward ba kanina?
Liam:
Hindi. May mga iniisip din naman ako.
Miles:
(Yawns) Like what, baby?
Liam:
Na ang saya mo mahalin at na ang saya mo magmahal pabalik.
(Pause)
Miles:
Hmmm. Really? I make you happy?
Liam:
Oo. (Pause) Gulat nga rin ako kung bakit ang lakas ng tama ko sa 'yo. Hindi pa tayo matagal magkakilala. Marami pa 'kong hindi alam at gustong alamin sa 'yo. Siguro sa mga susunod na araw, mag-aaway rin tayo sa maliliit na bagay o hindi magkakaintindihan. Pero alam kong iba 'yong tayong dalawa. Nasasakyan mo mga trip ko, at kahit mas malaki ang sahod mo, alam kong wala lang sa 'yo. Magulo pero gano'n.
Miles:
Oh-em-gee, baby. Later on, hahanapin ko na ang payslip mo. (Laughs softly)
Liam:
Hahanapin mo ba sa katawan ko? (Chuckles)
Miles:
You're naughty! (Giggles) But can I? (Giggles)
Liam:
'Wag mo 'kong hinahamon, Miss Miles, may payslip na 'ko rito.
(Both laughs)
Miles:
But tell me, naging isyu ba 'yon before sa past mo?
Liam:
Oo. Kay Maggie.
Miles:
Why?
Liam:
Pag-uusapan ba talaga natin?
Miles:
Yes. I want to know about your past with her.
Liam:
Hmm. Ano ba'ng gusto mong malaman?
Miles:
Nag-start din ba kayo kagaya sa atin?
Liam:
Hindi ah.
Miles:
Tell me about it.
Liam:
Baka awayin mo 'ko mamaya. Past na 'yon.
Miles:
(Laughs) No.
Liam:
Hmm. (Sighs) Nakilala ko si Maggie sa debut na covered namin. Kaibigan siya no'ng kaibigan ng client. Nakakuwentuhan ko habang nagso-shoot. Friendly siya eh. Madali kausap. Palaalok. Ni-refer service namin sa ilang kakilala niya.
Dahil siya ang may kakilala, sinasamahan ako para i-introduce sa client. Dumalas 'yong pagsama-sama niya hanggang isang event, pareho kaming tipsy, nahalikan ko siya.
(Pause)
Liam:
Tuloy ko pa ba?
Miles:
Yes. That's past naman na. What happened after?
Liam:
Nag-sorry ako. Sabi ko, 'di ko uulitin if ayaw niya. Eh gusto niya.
Miles:
Hmp. Parang I know na what happened next. Hmp.
Liam:
(Chuckles) Tama ka ng iniisip.
Miles:
Ang cheap mo, Liam!
Liam:
Aawayin mo na ba 'ko?
Miles:
That's how naging kayo?
Liam:
Oo. No'ng una, 'kala nina Vernon hanggang gano'n lang magiging koneksyon ko kay Maggie. Pisikal. Pero minahal ko eh. Niligawan ko kahit kami na. Ipinakilala ko kay Mama. Ewan ko lang do'n kung minahal ako.
Miles:
Why would you doubt if she loved you?
Liam:
Nakipag-date do'n sa Quin habang kami pa. No'ng una, nagdadahilan lang na busy siya sa trabaho. Naging panggabi kasi shift niya. Online finance analyst siya sa company nila. Inintindi ko naman kung busy lang. Sweet pa rin naman siya saka ginagawa pa rin naman namin 'yon.
Miles:
Oh-em-gee! You're still sharing the bed that time?!
Liam:
Oo. Girlfriend ko pa siya no'n eh. (Pause) Hinto ko na ba kuwento?
Miles:
Hmp. Then what happened?
Liam:
Minsan, nagpunta 'ko sa apartment niya para i-surprise dapat siya. Ipagluluto ko sana. Dami kong dalang ingredients, bulaklak, condom. 'Tapos nakita ko, bumaba siya sa kotse no'ng Quin. Kabisado ko pa nga plate number. Naghalikan sila. Galawang jowa. Nagtago ako. (Pause) 'Tapos 'tang ina, nag-sex sila sa apartment.
(Pause)
Liam:
(Sighs) Kahit ang laking sampal na no'n, tanga na kasi ako. Naisip ko, baka naman one-night stand lang 'yon kahit hindi naman gabi no'n. Nagmanman muna ako. Sinusundan namin nina Vernon kung sa'n siya nagpupunta 'pag sinasabi niyang may company outing o event o kahit ano. Nagkikita sila no'ng lalaki. Boyfriend niya na parang wala siyang boyfriend. (Laughs sarcastically) 'Tang inang 'yan.
(Pause) No'ng wala na 'kong choice kundi tanggaping ginagago ako, kinompronta ko siya. May pictures ako eh. Pinagbintangan pa 'kong bina-blackmail ko raw siya. Kung gusto na raw niyang makipaghiwalay, hindi ko raw siya dapat i-blackmail. Eh tanga pa rin ako no'n... Kaya nagmakaawa ako. Ako pa nag-sorry. Sabi ko, iwan na niya 'yong lalaki. Handa naman akong patawarin siya. Kaso inisa-isa mga pagkukulang ko. Hindi raw secured sa 'kin. Luma raw kotse ko. Asa raw ako sa kita sa apartment ni Mama.
(Pause) 'Tapos nag-walkout. Break na pala kami no'n. 'Yong sumunod na usap namin, nagsabi sa 'king 'wag ko raw pagkakalat 'yong mga pictures. Blackmail daw 'yon. Hinabol-habol ko pa rin pero ipinangalandakan na niya 'yong Quin. Kaya tumigil na 'ko.
(Silence)
Liam:
Okay ka pa, Miss?
Miles:
(Sighs) Are you okay pa? It must have hurt.
Liam:
Tapos naman na 'yon. Saka naiinis lang naman ako 'pag naaalala ko kung pa'no ako naging tanga. Iba naman na ngayon.
Miles:
She's bad. She's really bad...
Liam:
Gets ko rin naman siya kahit pa'no. No'ng kami pa, hindi pa ganito karami clients ng business namin. Ilang taon kaming inalat sa clients, sa feedback, sa bayad... Luma pa kotse ko no'n, 'yong kay Papa pa. 'Kala niya siguro, hanggang do'n lang 'yong business. 'Kala niya siguro, wala akong pangarap at walang kakayahang magpundar. Saka totoo namang mas malaki sahod niya sa 'kin no'n.
Miles:
It's sad that those things mattered more to her than being with you.
Liam:
Gano'n lang talaga siguro kasi hindi kami para sa isa't isa. Hindi niya puwedeng ipilit 'yong gusto niyang mangyari sa buhay ko o gusto niyang maabot ko sana. Kung may mga isyu pala siya, puwede naman niyang sinabi no'ng kami pa. Para na-assure ko siya. Para nagawan ko ng paraan kasi willing naman akong gawan ng paraan. Pero klaro na may iba siyang gusto. Gusto niya ng stability at security. Gusto niya ng boyfriend na maipagyayabang. Gusto niya ng magbibigay ng luho niya. Hindi ko naman tututulan 'yong mga gusto niya kung nakipaghiwalay muna siya nang maayos. Pero pinagsabay niya kami no'ng lalaki, 'tapos no'ng nahuli ko siya, parang ako pa ang mali. Baka nga hindi pa alam no'ng lalaki hanggang ngayon na gano'n ginawa ni Maggie.
Miles:
Have you thought about telling, uh, the other guy?
Liam:
Hindi. Hindi rin naman ako paniniwalaan no'n. Mukhang mahal siya eh. Isa pa, hindi ko na sila problema ni Maggie. Bahala sila.
Miles:
Well, that's also true...
Liam:
Okay na ba, Miss? Ano ba'ng gusto mong marinig sana para mapanatag ka? Akala mo ba, pareho tayo sa kami ni Maggie no'n?
Miles:
A little, yes...
Liam:
Iba ka at iba siya. At kung iniisip mo na pinagkukumpara ko kayo sa isip ko, walang gano'n kasi ikaw lang ang laman ng isip ko.
(Silence)
Miles:
(Giggles) Oh-em-gee. That sounded so cheesy.
Liam:
(Laughs) Oo nga. Pero totoo. Hindi ko iniisip si Maggie. Kahit no'ng hindi pa tayo okay at naghahanda na 'kong uminom tuwing Sabado kasi ang lamig mo, hindi ko siya naisip.
Miles:
I guess I'm worrying too much about her.
Liam:
Oo, baby. Alisin mo siya sa isip mo kasi past na siya. At kahit ano'ng galit o pagpapabalik-balik niya, wala akong pakialam. 'Yong tayo at 'yong atin lang ang iisipin ko.
Miles:
(Sighs) I'll try to be as decisive as you.
Liam:
Decisive ka naman, ah. Solid nga pagsunod mo kay Mama.
Miles:
Are you going to hirit again? (Giggles) I'll really obey her 'cause ayokong mapunta sa bad side niya. Nag-picture pa nga ako kanina to report that I'm in my room.
Liam:
(Laughs loudly) Ano'ng sabi niya?
Miles:
Sabi niya, baka raw you're under the covers so I sent her crying emoticons and showed her my covers. Muntik na 'kong mag-swear to every living and non-living thing that I'm really alone here.
Liam:
Lakas ni Mama. (Laughs) Kinukulit ka lang no'n.
Miles:
Naisip ko rin but I don't want to be too relaxed. (Deep breath) Actually, it's so nice to talk to someone her age. Na-miss ko si Mommy but para din akong may bagong Mommy. She even told me to pour hot sauce on your thing if you insist daw.
Liam:
(Laughs hysterically) 'Tang inang 'yan. (Coughs) 'Kala niya ba mapipigilan ako no'n?
Miles:
Liam!
Liam:
(Still laughing) Joke lang. (Coughs) 'Yong sinasabi mo kanina, hindi ko pala nasagot. Okay sa 'king i-meet ang pamilya mo. Gusto ko rin silang makilala.
Miles:
Are you sure?
Liam:
Oo naman. Gusto kong makita kung sinong nag-alaga sa baby ko no'ng wala pa 'ko.
Miles:
I'll set up a dinner with them soon. I'll talk to them lang muna about you, so give me time, ha?
Liam:
Take your time, baby. Marunong akong maghintay.
Miles:
(Soft voice) Thank you...
(Silence)
Miles:
And baby, I have to sleep na. Maaga pa tayo tomorrow.
Liam:
Sa rooftop tayo mag-breakfast, ha?
Miles:
Yes. Excited na 'kong kumain uli ng luto mo.
Liam:
Maaga ako mamamalengke. Tulog na para hindi ka lutang bukas.
Miles:
Yes. Good night, baby.
Liam:
Good night.
Call ended.