SECOND WEEK OF JULY
[ KATHRYN's POV ]
Ako na ata ang pinaka-malungkot na tao sa buong mundo. Nawawalan na ako ng pag-asa para magkaroon na ka-date sa Heart's Day Party. Okay na sana eh, na-yaya na ako ni Khalil pero biglang sinabi niya na 'di na siya makakapunta. May family matters ata siya sa araw na 'yun kaya 'di na niya ako masasamahan.
Ano ng silbi ng bonggang preparation ko kung wala naman akong ka-date? Ang theme ay Hearts at Valentines Day, at syempre, expected na may mga date ang pupunta. Ugh.
"Huy, baks, anyare sa'yo? Paiyak na na oh!" Nagulat nalang ako kay Julia.
"Wala na.. wala na! Sayang lahat, walang kwenta ang Heart's Day Party ko!" Mangiyak-iyak kong sabi.
"Anong wala na? Umayos ka nga, Kath! Anong inaarte mo?"
"Wala na akong ka-date!" Sigaw ko.
"Ha, eh si Khalil?" Tanong niya.
"'Yun nga eh. Kakatawag niya lang sa'kin kagabi ta's sabi niya may family matters siyang kailangan pagtuunan ng pansin sa araw na 'yun." Malungkot kong sabi.
"Hayaan mo na 'yun, baks, ako rin naman walang ka-date kaya magdamayan tayo!" Natawa ako.
"Pero, duh, sayang rin 'yung bonggang preparation natin kung wala tayong kadate. Ano 'yun, nagpaganda para sa wala? Maglalakad sa red carpet mag-isa? Ugh, ang loser tignan."
"Edi tayong tatlo nalang magkaka-date!" Natawa kaming tatlo. Baliw talaga 'tong si Miles.
Magsasalita na sana si Julia pero biglang may nag-announce,
"Paging the SC Officers, please proceed to the HS office now. I repeat, paging the SC officers, please proceed to the HS office noe. Thank you."
Nang marinig na namin ang announcement, tumayo na kami ni Julia.
"Oh, Miles, kitakits nalang mamaya ah." Sabi ko.
"Loner na naman ako." At nagpout pa ang loka.
"'Kaw kasi, may nalalaman pang back-out sa pagiging officer, 'yan tuloy 'pag may meetings, iwan ka." Umirap siya kay Julia.
"Che, umalis na nga kayo!" Tinulak tulak pa kami.
Pumunta na kami sa office, naghiwalay kami ni Julia kasi may ginagawa na rin 'yung mga co-organizers niya sa isang table.
"Miss Bernardo," Tawag sa'kin ng principal. Lumapit naman ako. "Pumunta ka sa announcement room at i-announce mo 'to." Inabot sa'kin 'yung papel.
"Sige po," Sinulyapan ko 'yung papel habang papalabas ng office. Whole details 'to para sa Heart's Day Party.
Agad na akong dumiretso sa announcement room at in-on ang microphone.
"Attention, everyone," Tumigil ako saglit, "Please listen to this announcement regarding the Heart's Day Party that will be happening tomorrow. I'm very sure that everyone is already prepared for the event." Tumigil uli ako, "For those who are not yet able to check the details of the event on the bulletin board, please do check now.. To remind you, the party will start exactly 5 PM until 11 PM. This will be held at Room A social hall. We are expecting to have outsiders from other schools so please do not make an unnecessary behavior that will break the school's reputation. Other details are already posted on the bulletin board. Thank you." Pinatay ko na 'yung microphone at lumabas na ng room.
Dumiretso na uli ako sa HS office. Nando'n pa rin si Julia kausap ang mga co-organizers niya kaya nilapitan ko sila.
"Guys, gusto niyo tignan 'yung Room A? Para makita rin natin ang outcome ng powers natin." Sabi ko at natawa sila sa huli kong sinabi.
"Tara!" Sabi nila.
Nung huli kasi akong pumunta sa Room A, makalat pa. Ano na kaya itsura ngayong naalis na 'yung mga kalat? Nakaka-excite.
Pagpasok naming mga officers, napanganga kami. Sobrang ganda ng gawa namin! I'm so proud of my team.
May heart shaped balloons na nagfo-float sa celing tapos medyo madilim ang venue kasi puro red and lights namin. May white rin pero konti lang. Red lahat at feeling ko tuloy, Valentine's Day talaga kahit July pa lang.
Biglang na-imagine ko naman na may nagsasayaw na couple sa dance floor. And how I wish may gano'ng mangyari sa'kin bukas.
[ DANIEL's POV ]
Nalaman kong 'di makakapunta si Khalil sa Heart's Day Party.. so ibig sabihin, wala ng ka-date si Kath? Hm, sayang naman.
Ako, walang ka-date. 'Di ako niyaya ni Kath eh. Sanay na kasi ako na siya ang naga-aya sa 'kin sa mga events tulad na ganito kaya 'di na rin ako nagrereklamo.
Loner ako bukas. Tsk.
Karirinig ko lang rin ng announcement at lahat excited, pero ako, 'di masyado. Pa'no, isang gwapo ba naman, mag-isa? Tss.
**~
Nagsimula na ang first period.
"Class, no lessons for today because we will have an orientation regarding the Heart's Day Party tomorrow." Naghiyawan ang mga kaklase ko.
Lumingon ako sa sa pwesto kung nasaan naka-upo si Kath pero wala siya. Nasaan siya? Ugh, eto na naman ako iba ang pakiramdam. 'Di ako mapakali.
Ba't ba 'ko nagkakaganito? Oo inaamin ko, 'di talaga ako sanay ng walang nangungulit sa'kin
**~
Buong araw wala si Kath at buong araw rin akong wala sa mood. Hindi ko man lang siya nakita ngayon. Pero at least, narinig ko nung nag-announce siya.. at least
[ KATHRYN's POV ]
Hindi na kami umattend ng orientation dahil kami mismo gumawa ng mga nakalagay do'n at syempre alam na alam na namin.
Umuwi muna kami para iwan ang mga gamit namin at para magpalit ng damit dahil pawis na pawis na kami. Kanina pa kami nag-aayos at nagdo-double check ng venue at namuo na ang jabar kaya kailangan talaga mag-freshen up.
Pagtapos naming mag-ayos ni Julia, bumalik na kami agad ng school. Marami rami pa rin kaming aayusin dahil kulang ng ilaw sa isang parte ng room. Nagdagdag rin kami ng balloons kasi parang ang konti.
**~
Halos magseseven na ng gabi nang matapos kami sa pag-aayos. Pa'no natanggal 'yung screw sa stage at naging dahilan para bumagsak ang kumakapit sa screw. Tulong tulong namin inayos 'yun.
Bago kami umalis, sinigurado namin na okay na ng lahat. TInest na namin 'yung aircon, microphone at mga projector.
Grabe feeling ko magcocollapse na 'ko sa sobrang pagod. 'Di na nga ako nakakain ng dinner pero keri lang.
Kinuha ko ang phone ko dahil gusto kong magtweet.
@bernardokath : jgh from school gah, so tired fixing the venue
Nakita kong online si Khalil dahil niretweet niya ang tweet ko kaya naisipan kong i-mention siya.
@bernardokath : 'di na 'ko gano'n ka-excited bukas @TheKhalilRamos bonding pa naman o tsk
Agad siyang nagreply,
@TheKhalilRamos : @bernardokath sorry na hehehe marami namang iba diyan ehem
Nanlaki mata ko. Bwisit talaga 'tong lalaking 'to! Sa public ba naman i-bulgar. Ugh.
@bernardokath : @TheKhalilRamos utang na loob pare huwag kang madaldal dito
@TheKhalilRamos : @bernardokath hehehehe enjoy ka nalang bukas at huwag tunawin ng tingin si ano HAHAHA :))))))
@bernardokath : @TheKhalilRamos bahala ka diyan magpapahinga na nga ako!!!.