လျှပ်စစ်ဘဲလ်သံကြားရသည်နှင့်တစ်ပြိုင်နက် အတန်းအသီးသီးမှကျောင်းသားကျောင်းသူလူတန်းကြီးများက Assemblyကွင်းပြင်၌ ဟိုတစ်စုဒီတစ်စုလှုပ်လှုပ်ရွရြွဖစ်လာကြသည်။ခဏအကြာတွင် လှုပ်လှုပ်ရွရွလူတန်းကြီးများက စတုရန်းပုံစံလူစုလူဝေးကြီးအဖြစ်ပြောင်းလဲသွားကာ ဘင်ခရာကြားသည်နှင့် နိုင်ငံတော်သီချင်း၊မြန်မာ့ကျောင်းသီချင်းတို့ကိုသံပြိုင်သီဆိုကြလေသည်။
သီချင်းနှစ်ပုဒ်ကိုဆက်တိုက်သီဆိုပြီးနောက် ဘင်ခရာတီးဝိုင်းကနောက်သီချင်းတစ်ပုဒ်အတွက်အချက်ပေးလိုက်ရာ လက်ခုပ်ပြိုင်တူတီးလျက်ကျောင်းသားအုပ်ကြီးဆီမှ သီချင်းဆိုသံထွက်ပေါ်လာသည်။ ဇာတိမာန်သီချင်းမှာ ဘင်ခရာသံနှင့်စည်းဝါးကိုက်ညီစွာ မြိုင်မြိုင်ဆိုင်ဆိုင်ထွက်ပေါ်လာခဲ့သည်။Assemblyစီလျှင်ညိုမီနှင့်နှင်းကတစ်တွဲ ပိုပိုနှင့်ဝတီကတစ်တွဲရှေ့နောက်စီကြလေသည်။ကျန်သုံးယောက်ကစိတ်ပါလက်ပါ သီချင်းလိုက်ဆိုနေကြသော်လည်း နှင်းကလူအုပ်ကြားထဲတွင် လက်ခုပ်သာတီးနေ၍ သီချင်းကိုဝါးချလေသည်။
Assemblyစီလျှင် ကိုယ့်အတန်းရှေ့တွင်အတန်းပိုင်ဆရာမများကမတ်တပ်ရပ်ကာ သီချင်းစဆိုလျှင် ကျောပေးထားရာမှ ကျောင်းသားတန်းဘက်သို့ မျက်နှာမူထားရသည်။သီချင်းလိုက်မဆိုပဲ ယောင်ဝါးလုပ်နေ သောနှင်းကိုသူမထိပ်ဆုံးကနေလှမ်းကြည့်နေလိုက်ပြီး Assembly စီပြီး၍ တန်းဖြုတ်လိုက်ကာမှ နှင်းနှင့်ညိုမီဘေးသို့ကပ်လိုက်လာခဲ့သည်။နှင်းလည်းထိုကဲ့သို့ဘေးတွင်တူတူထားကာ သွားနေရခြင်းကိုစိတ်ထဲတစ်မျိုးဖြစ်နေသည်။ခါတိုင်းကဲ့သို့နားနေခန်းဝရောက်သောအခါ ညိုမီ ပိုပိုနှင့်ဝတီတို့ကအပေါ်ထပ်တက်သွားပြီး နှင်းကသူမအချိန်ဖြစ်၍ ရပ်စောင့်နေခဲ့သည်။
အခန်းတွင်းဝင်သွားပြီး ခြင်းကိုဆွဲယူလာရာ နှင်းကအလိုက်သင့် ကြိမ်ခြင်းလေးကိုယူလိုက်ပြီးအခန်းဆီသို့တက်ကြလေသည်။အခန်းပေါက်ရောက်ခါနီးတွင် နှင်းပခုံးကိုဆွဲလိုက်ကာ -
"ခုနက ဘာလို့ဝါးချနေတာလဲ"
"ဘာကိုဝါးရမှာလဲတီချယ် မုန့်စားဆင်းချိန်မှမဟုတ်ပဲ"
"ဇာတိမာန်သီချင်းဆိုတုန်းက အောက်ကြည့်ပြီးဘာဆိုနေတာလဲမေးတာ"
"ဟိုက်......သွားပါပြီ တီချယ်မြင်သွားပြီပေါ့"
(ကိုယ့်နဖူးကိုယ်ပြန်ရိုက်၍)
"ဘာလို့လဲ အဲ့တာပြောအရင်"
"မဟုတ်ဖူးနှင်းက.....အလွတ်မရလို့"
"ငါးတန်းကနေခုချိန်ထိဆိုလာတာအလွတ်မရလို့ဟုတ်လား"
"မဟုတ်သေးပါဘူး တီချယ့်ကိုမလိမ်နဲ့သမီး"
"ဟုတ်ပါတယ်တီချယ်သမီးမလိမ်ပါဘူး"
(အချောင်ခိုနေသည်ကိုသိသွားမည်ကိုစိုး၍ အတင်းဘူးခံငြင်းနေသောနှင်း)
"အေးလေ ကောင်းပြီ နေ့လည်ထမင်းစားဆင်းချိန်ကြရင် ထမင်းချိုင့်ယူပြီးနားနေခန်းလာခဲ့"
"ဘာခိုင်းစရာရှိလို့လဲ တီချယ်"
"ရှည်လိုက်တာ သွား အခန်းထဲကို"
နှင်းကိုနည်းနည်းဟောက်လွှတ်လိုက်ရာ နှင်းလည်းခပ်ကြောက်ကြောက်နှင့်ခြင်းလေးစားပွဲပေါ်တင်ကာ ကိုယ့်အတန်းကိုယ်ပြန်ထိုင်နေလိုက်သည်။အရင်နေ့များအတိုင်းသူမကစာသင်စရာရှိတာသင်ပြီး ထွက်သွားသော်လည်း နှင်းမှာတော့နေ့လည်ထမင်းစားကျောင်းဆင်းလျှင်သူ့ကိုခေါ်ဆူတော့မလားဟုတွေးရင်း မှိုင်နေတော့သည်။
နေ့လည်စာစားချိန်ရောက်သောအခါ ညိုမီတို့အုပ်စုကို ဆရာမခေါ်ထား၍ အောက်ထပ်သွားရမည်ဖြစ်ကြောင်းပြောထွက်လာခဲ့သည်။မျက်ခုံးခပ်လှုပ်လှုပ်နှင့်နားနေခန်းသို့သွားလိုက်ပြီး သူမကအသင့်စောင့်နေရာ -
"ဟော သမီးလာပြီလား"
"လာ ထိုင်"
မျက်နှာတွင်ဒေါသအရိပ်အယောင်တို့သမ်းမနေ၍ နှင်းအနည်းငယ်စိတ်အေးရသည်။ထို့နောက် နှင်းသူမနှင့်အတူနေ့လည်စာစားခဲ့ရသည်။ဟိုဟင်းထည့်ကျွေး ဒီဟင်းထည့်ကျွေးလိုက်နှင့် နှင်းတစ်ယောက်အပျော်လုံးဆို့ကာ မနည်းစားရသည်။ချစ်ရသူထံမှဤကဲ့သို့အလေးပေးမှုရရန်ခဲယဉ်းလှသည်။သိလာခဲ့သည့်တစ်လျှောက် မျက်နှာထားတင်းတင်းနှင့်ဆူငေါက်နေခဲ့သည်ကများသည်။ပြုံးနေသောသူမမျက်နှာလေးကိုကြည့်နေရ၍ မစားခင်ဝနေသည့်နှင်းအဖြစ်ကိုသူမသိလျှင်ရယ်များရယ်နေမလားမသိ......ငယ်သူမို့ ရူးမိသလား ရူးမိရင်တောင် အချစ်ရူးမလေးပဲဖြစ်ချင်ပါသည် ~~~~
ထမင်းစားသောက်ပြီးသောအခါ ထမင်းချိုင့်များသိမ်းဆည်းပြီး အခန်းထဲတွင်အခြားသောဆရာမများရှင်းနေပြီး ဒေါ်မျိုးမျိုးခိုင်သာရှိရာ သူမကရေသန့်ဘူးအလွတ်ကိုလက်ကကိုင်ထားကာ -
"မနက်က သီချင်းလိုက်မဆိုတာအလွတ်မရလို့ဆို"
"ဟုတ်"
"အဲ့တာဆိုသင်ပေးမယ် လိုက်ဆို"
"သက်ဝေ မင်းကလည်းလုပ်လိုက်မြှဖင့်"
"မြန်မာစာဆရာမဖြစ်ပြီး ကိုယ့်ကလေးကို ဒါလေးတောင်သင်ပေးမထားဘူးလား အပြောမခံနိုင်ပေါင်"
"ကဲ နှင်းလိုက်ဆို"
(ဒါတို့တိုင်း တို့ပြည်တို့မြန်မာတွေ×××)၂
(မြင့်မြတ်တဲ့ဂုဏ်ကျက်သရေ ကျုပ်တို့ရဲ့ရွှေထီးရွှေနန်းတင့်ဆန်းပေ)၂
အာဇာနည်ဗုဒ္ဓဘာသာအမျိုးသားတိုင်းပြည်
ရာဇ၀င်ရှေးထုံးစဉ်လာထွန်းတောက်ခဲ့ပေ
ပိုင်ဆိုင်သူဘိုးဘွားဘီဘင် တို့အမွေ တို့ပြည် တို့မြေ×××
ရိုးရာအခြေ မညှိုးပါသလေ မျိုးသာကီနွယ်ဆင်းသက်ပေ×××ဒါတို့ရွှေထီး ဒါတို့မြေကြီး စည်တီးခရိုင် ကိုယ်ပိုင်မြန်မာပြည်×××တက်လူတွေ တက်လူတွေ လုံ့လဝီရိယရှိကြစေ×××အမျိုးဂုဏ်တက်အောင် ရွက်ဆောင်လေ တို့တာဝန်အမှန်ပေ×××အာဇာနည်ဗုဒ္ဓဘာသာ အမျိုးသားတိုင်းပြည် ရာဇ၀င်ရှေးထုံးစဉ်လာ ထွန်းတောက်ခဲ့ပေ×××ပိုင်ဆိုင်သူဘိုးဘွားဘီဘင် တို့အမွေ တို့ပြည် တို့မြေ×××
(မျိုးရိုးနဲ့တန်ခိုးရှိခဲ့သလေ ထီးနန်းနဲ့စံမြန်းလာတာတွေ×××)၂
(ကမ္ဘာမိုးမြေတေဇာတော်ဖြိုးဝေ မဟာမျိုးတွေစိတ်အားတက်ကြစေ×××)၂
(ရွှေမှန်ကင်းအဆင်းဝင်းဝင်းတောက်ခဲ့ပေ နောင်လာနောက်သားတွေ သိအပ်ကြတဲ့အခြေအနေ×××)၂
မြန်မာချင်းရိုင်းပင်းစေ ဘုန်းတန်ခိုးတိုးတက်ကြဖို့ ခေတ်ကောင်းရောက်ပေါ့လေ
(မျိုးကျက်သရေ တိုးတက်စေ အောင်ကြောင်းမင်္ဂလာအခြေ၊မိုးအောက်မြေ တန်ခိုးတောက်စေ ခေတ်ကောင်းရောက်ပြီလေ/ခေတ်ကောင်းရောက်ပေါ့လေ)၂
အောက်ကျမခံဘူးဟေ့အမျိုးသားတို့ရေ×××
အောက်ကျမခံဘူးဟေ့ အမျိုးသမီးတို့ရေ×××
မြန်မာချင်းရိုင်းပင်းစေ အာဇာနည်တွေ×××ရွှေမှန်ကင်းအချင်းတို့ရေ အာဇာနည်တွေ×××
တိုင်းပြည်လုံးပဲ နယ်လုံးပဲ ညီညွတ်ကြစေ××× မျိုးရိုးက အထက်တန်းစားတွေ×××
ရိုးရာအခြေမညှိုးပါသလေ မျိုးသာကီနွယ် ဆင်းသက်ပေ××× ဒါတို့ရွှေထီး ဒါတို့မြေကြီး စည်တီးခရိုင် ကိုယ်ပိုင်မြန်မာပြည်×××တက်လူတွေ တက်လူတွေ လုံ့လဝီရိယရှိကြစေ×××အမျိုးဂုဏ်တက်အောင်ရွက်ဆောင်လေ တို့တာဝန်မှန်ပေ×××အာဇာနည်ဗုဒ္ဓဘာသာအမျိုးသားတိုင်းပြည်×××ရာဇ၀င်ရှေးထုံးစဉ်လာ ထွန်းတောက်ခဲ့ပေ×××ပိုင်ဆိုင်သူ ဘိုးဘွားဘီဘင် တို့အမွေ တို့ပြည် တို့မြေ
လက်ဝါးပေါ်ကရေသန့်ဘူးကို စည်းဝါးကိုက်လျက် အသံချိုချိုလေးနှင့်ရှေ့ကတိုင်ပေးသည်ကို နှင်းကနောက်ကလိုက်ဆိုရာ ဘေးကဒေါ်မျိုးမျိုးခိုင်က လက်ခုပ်တီးပေးလေသည်။တစ်ပုဒ်လုံးဆိုပြီးသွားသောအခါ -
"ရသွားပြီလား အခု"
"ဟီး ရသွားပြီ"
"တကယ်တော့လေ သမီးတီချယ်ဆူမှာစိုးလို့ လိမ်တာ"
"သီချင်းကိုတမင်လိုက်မဆိုတာ မနက်က"
"ဟော ဟော ကြည့်ဦး ကျုပ်ကအဟုတ်ထင်ပြီးသင်ပေးနေတာ"
"သွား သမီးမကောင်းဘူး"
ဆူအောင့်သွားသောမျက်နှာပေးလေးနှင့်သူမက နှင်းကိုကျောပေးထိုင်လိုက်သည်။နှင်းလည်းရုတ်တရတ်မို့ ဘာဖြစ်သွားသည်ကိုနားမလည်၍ ဘေးကဒေါ်မျိုးမျိုးခိုင်ကိုကြည့်နေရာ ဒေါ်မျိုးမျိုးခိုင်က ဘေးနားကပ်ကာ -
"ကိုယ့်ဇာတ်ကိုယ်နိုင်အောင်ကသမီးရေ ဆရာမတော့သွားပြီ"
ဟူ၍ပြုံးစစဖြင့်ပြောကြားလျက် လက်ကိုင်အိတ်လေးဆွဲကာထွက်သွားတော့သည်။ဒေါ်မျိုးမျိုးခိုင်ထွက်သွား၍ နှင်းနှင့်သူမသာကျန်ခဲ့ပြီး အခန်းမှာပိုတိတ်ဆိတ်သွားသည်။နှင်းအကြံအိုက်ကာသူမနှင့် မျက်နှာချင်းဆိုင်သို့မတ်ရပ်လေးသွားရပ်ကာ လက်လေးပိုက်လျက် -
"တီချယ့်ကိုလိမ်မိတဲ့အတွက် နှင်းအပြစ်ရှိပါတယ်"
"နားရွက်ဆွဲထိုင်ထလုပ်ရမလား"
"အရိုက်ခံရမလား တီချယ်အပြစ်ပေးသမျှခံပါ့မယ်နော်"
မျက်နှာငယ်လေးနှင့်ပြောနေသော ကလေးမလေးအား မဲ့ပြုံးလေးနှင့်မော်ကြည့်လိုက်ကာ -
"အပြစ်ရှိမှန်းသိရင် အပြစ်ပေးရမှာပေါ့"
"ဟုတ်ကဲ့ နှင်း ခံပါ့မယ်"
"အဲ့ဒီတော့တီချယ်ပေးမယ့်အပြစ်က....."
မိမိကိုစိုက်ကြည့်ပြီး မေးထောက်စဉ်းစားနေသောသူမကိုမြင်နေရသည်မှာ ရင်တလှပ်လှပ်နှင့် မိမိအားကြိမ်လုံးကိုင်ကာ ထရိုက်တော့မည်လား အဆောင်ပဲပတ်ပြေးခိုင်းတော့မည်လားဟုတွေးရင်းနှင်းတစ်ယောက် ခေါင်းမဖော်ရဲပေ။ဘာပဲဖြစ်ဖြစ် ကိုယ်ဖြစ်ကိုယ်ခံရပေတော့မည်။ပေးသည့်အပြစ် မျက်စိစုံမှိတ်ခံလိုက်ရုံပင် ........ကိုယ့်အတွေးနှင့်ကိုယ်စဉ်းစားရကြပ်နေစဉ်တွင် -
"ဒီနားလာထိုင်"
(ပေါင်ပေါ်ထိုင်ရန် ခြေဟန်လက်ဟန်ဖြင့်ပါပြောနေသောသူမ)
"ရှင်"
"ရှင်မနေနဲ့ လာ "
"ဟုတ်ကဲ့"
ကြောက်ကြောက်နှင့်ပေါင်ပေါ်ကိုသွားထိုင်လိုက်ရာ ထိုင်လိုက်သည့်ခဏတွင်နောက်ဖက်မှသူမလက်ဖဝါးအစုံက နှင်းပါးနှစ်ဖက်နားကိုရောက်လာကာ ဖောင်းနေသောနှင်းပါးဆုံလေးနှစ်ခုကို အားနှင့်ခပ်နာနာလေးဆွဲလိုက်လေသည်။
"အား......နာတယ် တီချယ်"
"နှင်း ကြောက်ပါပြီ လွှတ်ပါနော်"
"ခုမှကြောက်တာလား"
"လိမ်ပြောတုန်းကမကြောက်ဖူးလား ကျုပ်ကို"
(နဂိုဆွဲထားသောအားထက် နည်းနည်းလေးအားထည့်ကာထပ်ဆွဲလိုက်ပြန်သည်)
"အား.....အဲ့လိုမဟုတ်ပါဘူး"
"နောက်ဆိုမလိမ်တော့ပါဘူး"
"တကယ်နော်"
"လိမ်ရင် တီချယ့်လက်နဲ့သမီးကိုအသေရိုက်ပါ သမီးခံပါ့မယ်"
"ပြီးရော"
(ဆွဲထားသောလက်ကိုလွှတ်လိုက်သည်)
"နောက်တစ်ခါလိမ်ရင်ဒီပါးစပ်ပါလိမ်ဆွဲမယ်"
(နှင်းနှုတ်ခမ်းကိုသူမလက်ညှိုးလေးနှင့်တို့ထိကာ)
"ဒီတစ်ခါနဲ့တင်အီစိမ့်သွားပါပြီ"
"ကဲ ထတော့ ကျုပ်ပေါင်ပေါ်က ရှင့်ခန္ဓာကိုယ်ကြီးကလေးတာ"
"နည်းနည်းလောက်ဆက်ထိုင်ချင်သေးတယ် နှင်းတော့"
(ကျောပေး၍ ပါးလေးကိုပွတ်ရင်းပြုံးနေသောနှင်း)
"ဟောဗျာ သူများပေါင်ပေါ်ကိုမထိုင်ရပါဘူး သွားတော့"
"ထပါပြီ တီချယ်နာနေမှာစိုးလို့ နောက်ခါနှင်းပေါင်ပေါ်လာထိုင် တစ်သက်လုံးတက်ထိုင်လည်းနှင်းကတော့မနာဘူး"
"အိုကွယ်.....သမီးကလည်း ဘာတွေပြောနေတာလဲ"
နှင်းကပြောချင်တာပြောပြီး အပေါ်ထပ်ကိုတက်သွားခဲ့သည်။ကျန်ရစ်ခဲ့သော လေးဆယ်ကျော်အသည်းနှလုံးလေးကတော့ တဒိတ်ဒိတ်ခုန်နေတော့သည်။ကျန်တဲ့ခြေတစ်ဖက်လည်း အချစ်နွံထဲကျသွားလေပြီ။
ကလေးမလေးထွက်သွားပြီးနောက်တွင် ရယ်နေမိပြန်သည်။စကားတတ်လှသောကလေးမလေးက သူမကိုညှို့ယူထားလေပြီ။ဤအရာသည်မာယာကျော့ကွင်းဆိုဦးတော့ မိနေသည့်သားကောင်မှာမိမိဖြစ်နေသော်လည်း ပြုံးပြုံးကြီးသာအသေခံချင်တော့သည်။လူတွေပြောနေကြတဲ့ အချစ်ရဲ့စွမ်းအားဆိုတာမျိုးလား....
မကြာခင် ဆောင်းနှင်းများတဖွဲဖွဲကျနေသော Decemberသို့ရောက်လာခဲ့ပြီး နှင်းတို့ဘော်ဒါမှ Tripအတိုလေးထွက်ရလေသည်။နှင်းကသူမကိုလိုက်စေချင်သည်။သူမကအင်တင်တင်လုပ်နေ၍ မသွားခင် နှစ်လလောက်ကြို၍ စည်းရုံးနေသဖြင့် နောက်ဆုံးမတတ်သာ၍ သူမလိုက်လာခဲ့သည်။သွားကြသည့်ခရီးမှာ ဘုရားတစ်ဆူဖြစ်ရာ ရောက်လျှင်ရောက်ချင်း ကျောင်းသားကျောင်းသူများက အမှတ်တရဓာတ်ပုံရိုက်ကြ ဘုရားပတ်ဖူးကြနှင့် သူ့အစုနှင့်သူရှိနေကြသည်။ထိုအချိန်တွင် ညိုမီနှင့်နှင်းမှာနှစ်ယောက်တည်းအကြံထုတ်နေကြလေသည်။အကြောင်းမှာ ညိုမီ၏ တီချယ်ငုံအတွက်ပထမဆုံးရည်းစားစကားပြောရမည်ဖြစ်သည်။
သို့ဖြစ်၍နှစ်ယောက်သားပူးကပ်နေကာ တွတ်ထိုးနေကြလေသည်။ကျောင်းသားအားလုံးကိုတီချယ်ငုံနှင့်ဒေါ်သက်ဝေသာတာဝန်ယူရသည်။ထို့ကြောင့် နှင်းကညိုမီကိုတစ်နေရာခေါ်ထုတ်သွားပြီး ခေါင်းချင်းဆိုင်ကာ အကြံပေးနေလေသည်။
"နင်ပြောတာ ဒီနေ့နော် ညိုမီ"
"ဘယ်လိုလုပ်မလဲ စဉ်းစားထားလား"
"အေး စဉ်းစားတော့ထားတယ် အဆင်ပြေပါ့မလား"
"အဲ့တာကိုခေါင်းထဲမစဉ်းစားနဲ့ နောက်ကချောင်းကြည့်ပြီး နင်မဟန်တော့ရင်ငါဝင်ပါပေးမယ်"
"လောလောဆယ်တီချယ်ငုံကိုငါ့နည်းငါ့ဟန်နဲ့ ဒီဘုရားအကွယ်ကိုခေါ်လာခဲ့မယ်"
"ကျန်တာနင်ဆက်လှုပ်ရှား"
"အေးပါ ငါကြောက်လိုက်တာ"
"ဘာမှမဖြစ်ဖူးမကြောက်နဲ့"
နှင်းကဘုရားအကွယ်ကထွက်လာကာ တီချယ်ငုံနှင့်သူမထိုင်နေသော ထနောင်းပင်ရိပ်အောက်သို့သွားကာ -
"တီချယ်ငုံသမီးပြောစရာရှိလို့"
"ခဏလိုက်ခဲ့ပါလား"
"ဒီမှာပြောလည်းရတာပဲနှင်းရယ်"
"မဟုတ်ဖူး ညိုမီအကြောင်း တီချယ်သိထားသင့်တယ်လို့ထင်လို့"
"ဟင် ညိုမီလေးဘာဖြစ်လို့လဲ"
(မျက်လုံးလေးပြူးပြာသွားသောဒေါ်ဖူးငုံ)
"လာပါ တီချယ်"
"အေးပါသမီးရယ် တီချယ်လာပြီ"
"ကိုယ်ခဏလိုက်သွားမယ်နော် သက်ဝေ"
"ရပါတယ်သွားလေ"
"ကိုယ်ကလေးတွေကိုစောင့်နေလိုက်မယ်"
နှင်းလည်းတီချယ်ငုံကိုသရုပ်ဆောင်ပီပြင်စွာဖြင့်ဘုရားအကွယ်တွင်စောင့်နေသောညိုမီဆီခေါ်လာလေသည်။နှင်းတို့ရောက်လာသောအခါ ညိုမီက တီချယ်ငုံလက်ကိုလှမ်းဆွဲလိုက်စဉ်တွင် နှင်းကအခြားဘုရားတစ်ခုအကွယ်ကိုပြေးသွားတော့သည်။အဝေးမှသူငယ်ချင်းအခြေအနေကိုလှမ်းချောင်းကြည့်နေသည်။
ညိုမီက ဘုရားအကွယ်တွင် လက်နှစ်ဖက်ဖြင့်တီချယ်ငုံပုခုံးကိုကိုင်ထားပြီး -
"တီချယ်.....ညိုမီ တီချယ့်ကိုချစ်နေတာကြာပါပြီ"
"ဟာ....သမီး လက်လွှတ်ပြီးပြော"
"မလွှတ်ဖူး တီချယ်သမီးကိုပြန်ချစ်ပါနော်"
"မိန်းကလေးချင်းမို့တီချယ်လက်မခံနိုင်ရင်လည်း သမီးကတော့ဆက်ချစ်နေမှာပါ"
"တီချယ်ချစ်လာမယ့်အချိန်ထိပေါ့"
"တီချယ် ဘာပြောရမှန်းတောင်မသိတော့ပါဘူး"
"ညိုမီကိုချစ်လားတီချယ်"
"မဖြေချင်ဘူးကွယ်"
"မရပါဘူး ညိုမီကိုအဖြေတစ်ခုတော့ပေးပါ ချစ်တယ် မုန်းတယ်တစ်ခုပဲပြောပါ"
"မုန်းတယ်လို့ပါးစပ်ကမပြောချင်ရင်လည်းရပါတယ်"
"ညိုမီပါးကိုတစ်ချက်ပဲရိုက်လိုက်ပါ ညိုမီအရိုက်ခံချင်လို့ပါ"
"ဒါကချစ်သူ့လက်ဆောင်ပါဆိုပြီး ညိုမီအမြဲအမှတ်ရနေချင်လို့ပါ"
ညိုမီက ပြောစရာရှိတာအကုန်ပြောပြီးလျှင်တီချယ်ငုံအဖြေကိုစောင့်နေလေသည်။ညိုမီ၏မ၀င့်မရဲချစ်ရေးဆိုပုံလေးမှာ တီချယ်ငုံရင်ထဲသို့တစ်ခုခုခံစားသွားရစေပုံပင်။တီချယ်ငုံက ညိုမီကိုမျက်မှောင်လေးကုတ်ကြည့်ကာ လက်ဖြင့်ပါးကိုရွယ်လိုက်ရာ ညိုမီကရိုက်တော့မည်အထင်နှင့်မျက်လုံးမှိတ်ပြီး အံကြိတ်ထားလေသည်။သို့သော်အခြေအနေမှာပြောင်းပြန်ဖြစ်ကာ ရွယ်နေသောလက်ကညိုမီမျက်နှာလေးကိုအသာယာကိုင်ကာ -
"မျက်လုံးဖွင့်ပါဦးညိုမီလေးရယ်"
ညိုမီမျက်လုံးကိုဖြေးဖြေးချင်းဖွင့်ကြည့်လိုက်ရာ သူမမျက်လုံးတို့ကညိုမီကိုကြည့်နေသဖြင့် အကြည့်ချင်းဆုံရင်ထပ်ခုန်ရကာ မျက်တောင်လေးပေကလပ်ပေကလပ်နှင့် -
"တီချယ်အဖြေက မုန်းတယ်တဲ့လားဟင်"
"တီချယ့်မျက်လုံးတွေကို ကြည့်လိုက်"
"အဖြေရှိတယ်"
"ညိုမီမှမသိတာ တီချယ်ညိုမီကိုသနားလို့မုန်းတယ်လို့ပြောမထွက်လည်းရပါတယ်"
"ညိုမီဒီနေ့ပြောခဲ့တာတွေကိုမကြားခဲ့သလိုပဲမှတ်လိုက်ပါ"
"ညိုမီသွားတော့မယ် တီချယ်"
"အို....မဟုတ်ဖူးလေ"
(ညိုမီလက်လေးကိုဆွဲရင်း)
"ဒါဆို.... ဒါဆို သမီးကိုချစ်တယ်ပေါ့နော်"
(ညိုမီက အလန့်တကြားမေးနေလေသည်)
"ချစ်ပါတယ်ကွယ်"
(ရှက်နေ၍ ခေါင်းလေးငုံ့ကာဖြေနေစဉ်)
"ချစ်တယ်ဆို ညိုမီမျက်လုံးတွေကိုသေချာကြည့်ပြောပါ တီချယ်ငုံ"
"ဟင့်အင်း တော်ပြီ"
"ခေါင်းမော့ပါဦးချစ်သူရယ်"
(ဒေါ်ဖူးငုံမေးလေးကို ညိုမီကိုအသာလေးမတင်လိုက်ပြီး)
"ညိုမီလေးရယ် တီချယ်ရှက်နေလို့ပါ"
"နောက်တစ်ခါမပြောချင်ဘူး"
"ဒါဆိုလည်း တီချယ်ငုံသဘောပါ"
"ချစ်သူဖြစ်သွားတဲ့အထိမ်းအမှတ်နဲ့လက်လေးတော့နမ်းခွင့်ပေးပါ တီချယ်"
"ဘုရားပေါ်မှာနော် မကဲရဘူး"
ပြောရင်းဆိုရင်းညိုမီက တီချယ်ငုံလက်ကိုကိုင်ကာ တယုတယနမ်းပြလိုက်ရာ အပျိုကြီးရင်ထဲဆူနာမီဖြစ်သွားသည့်ဟန်ဖြင့် အသံတိုးတိုးလေးဖြင့် -
"ချစ်တယ်ပဲပြောရသေး သိပ်အခွင့်အရေးယူတာပဲ လူဆိုးမလေး"
ဟုဆူပုတ်ပုတ်လေးပြောလိုက်ရာ ညိုမီက ဒေါ်ဖူးငုံလက်လေးကို သူ့ပါးလေးနားကပ်ကာ
ကြင်နာသောမျက်ဝန်းတို့ဖြင့် ပြောလိုက်သည်မှာ -
"ညိုမီဘ၀ ညိုမီအသည်းနှလုံးက ဒီနေ့ကစလို့တီချယ်ငုံအတွက်ဖြစ်သွားပါပြီ"
......... Episode - 17ဆက်ရန်..........
May Tharaphu ✍️✍️