SLAM DUNK: COLLEGE MATCHES
CHAPTER 114: Tokyo Vs. Akita
(PS: Typo Errors Ahead!)
THIRD PERSON'S POV
Dahil sa halimaw na dunk ni Mikio, si Hanamichi ay aksidenteng bumagsak at tumama sa mga upuang bakal na siyang dahilan ng pagdurugo ng kanyang ulo.
Hindi sinasadya ni Mikio ang nangyari. Ang gusto niyang mangyari ay talunin si Hanamichi at hindi ang saktan ito. Inalalayan niya itong tumayo at mismong sinamahan pa papuntang clinic.
Dahil sa nangyari ay nagkaroon ng injury time-out.
"Bumalik ka na dito, Mikio. Ang mga kasamahan na niya ang bahala sa kanya." Sabi ni Masashi sa kanya pero umiling lang si Mikio.
"Hindi kuya. Kasalanan ko ang nangyari sa kanya. Kung maaari lang sana ay palitan niyo muna ako sa court, baka ma-forfeit tayo."
"Hindi tayo mafoforfeit kapag maglaro ka."
"Hindi nga!" Tumaas ang boses ni Mikio na ikinagulat ng Kuya niya. "At isa pa... Nakakawalang gana maglaro kapag wala si Sakuragi sa loob. Siya lang ang gusto kong kalabanin at wala nang iba." Dagdag pa nito at nagsimula na silang maglakad.
Naiwang nakatayo si Masashi habang nakatingin sa gawi nila. Naiinis siya sa katigasan ng ulo ng kanyang kapatid. Umiling siya at nilapitan lugar ni Coach Kawarama.
Si Coach Kawarama ay hindi niya naintindihan ang nangyayare. Bakit kailangan pa yung gawin ni Mikio kay Sakuragi ee magkalaban sila.
"Masashi... Ano sa tingin ni Mikio ang ginagawa niya?" Tanong niya.
"Pasensya na Coach. Pinagsabihan ko na siya pero ayaw makinig sakin. Ang sabi niya palitan daw muna natin siya." Sagot ni Masashi.
"ANO! Nahihibang ba siya?! Kailangan natin siya sa laro!"
"Yun din ang sinabi ko wala eh. Ayaw makinig."
"Haaaaaaaysss..." Sumandal sa upuan si Coach Kawarama at hinilot na lang ang noo. "Walang katapusang problema. Oh siya sige na. Hayaan mo muna si Mikio. Papalitan muna natin siya."
"May sinabi pa siya sakin kanina: babalik lang daw siya sa court kapag maglalaro na ulit si Sakuragi." Dagdag pa ni Mikio.
Napatingin si Coach Kawarama sa kanya. "Kishimoto!"
"Po, Coach?" Sagot nito.
"Ikaw ang papalit kay Mikio."
"Okay, po!"
Si Coach Zakusa naman ay pinagtutulak si Kiyota papasok sa court.
"Ikaw, Kiyota. Pasok! Ikaw ang papalit kay Sakuragi!" Sabi nito sa kanya.
"Pwede naman akong pumasok ng payapa hindi yung itutulak mo pa ako!" Inis na sabi ni Kiyota.
* * * C L I N I C * * *
Si Haruko pati ang apat na ungas ay dali-daling nagtungo sa clinic ng gymnasium para tingnan nag kalagayan ni Hanamichi.
"Bilisan natin baka kung napano na si Hanamichi sa kamay ng bakulaw na Kawata na yun!" Sabi ni Mito habang tumatakbo.
"Masama 'to. Baka magwala si Hanamichi." Hula ni Takamiya.
"Lagot, siguradong mawawasak tong gymnasium." Ohkusu
"Pero mas nag-aalala ako sa bakulaw. Baka kung anong gawin ni Hanamichi sa kanya." Singit ni Noma.
Napayuko si Haruko habang tumatakbo. "Wag naman sana." Dasal niya.
Pagkarating nilang lima sa pintuan ng Clinic ay napatigil sila. Gusto sanang pumasok ni Haruko nang masilip niya sa bintana na ginagamot pa ng medic ang sugat sa ulo ni Hanamichi. Nakita niya si Mikio na nakatayo sa gilid habang nanonood sa ginagawa ng medic.
Samantala si Hanamichi ay nakaramdam ng kirot habang pinapaikutan ng benda ang kanyang noo.
"Masama po ba ang kalagayan niya?" Magalang na tanong ni Mikio sa isang medic.
Umiling naman yung medic na naglalagay ng benda sa ulo ni Hanamichi. "Hindi naman masama. Maliit lang yung sugat sa ulo niya, pero dahil bakal ang nakatama sa kanya, malakas ang pagdurugo. Kailangan lang isara at para mapigilan."
"Pero, makakabalik pa ako sa laro tama?" Tanong ni Hanamichi habang nakaupo sa patients bed.
Ngumiti yung babaeng medic sa kanya. Maganda ito, nakarolyo ang violet nitong buhok tulad kay Zakusa at kasingtakad lang ni Olivia. Umupo ito sa tabi ni Hanamichi at nilabas ang isang ointment.
"Oo naman, makakapaglaro ka pa sa match niyong ito. Pero sa ngayon, hayaan mo munang tumagal ng ilang minuto itong gamot sayo." Nakangiting sabi nito saka nilagyan ng ointment ang gasgas sa gilid ng mata ni Hanamichi.
At sa gilid ng labi.
Natigilan si Hanamichi sa maganda niyang mukha. Kamukha niya si Haruko kaso violet ang buhok nito na nakarolyo. Namula si Hanamichi sa kanya. Hindi niya namalayan na natapos na ang benda sa ulo niya.
Maraming gasgas si Hanamichi sa mukha niya at lahat ng yun ay nilagyan ng ointment. Ngumiti ulit ang babae sa kanya.
"Ayan, tapos na. Sa ngayon ay wala kang ibang gagawin kundi ang magpahinga muna." Sabi nito at ginulo nag buhok ni Hanamichi na parang bata.
Hindi nakagalaw si Hanamichi sa kanyang pwesto dahil sa hiya at napangiti na lang.
"Ang ganda niya noh?"
Nawala ang ngiti ni Hanamichi nang marinig niya ang pamilyar na boses na nakatayo sa kanyang likuran. Namumutla siya dahil sa lamig ng tono nito.
Dahan-dahan siyang lumingon habang kinakabahan.
"M-Myloves?" Utal niyang sambit. "N-nandyan ka p-p-pala... Hindi k-kita nakita hehehe..." Halos mabulol sa utal si Hanamichi nang makita niya ang ekspresiyon ni Haruko na may seryosong mukha.
Para itong magagalit.
Samantala ang apat na Ungas ay parang nanonood lang ng teleserye.
"Ayan na, baka sasampalin siya ni Haruko." Sabat ni Ohkusu.
"Ikaw ba daw mahuli yung ka MU mo na nabighani sa ibang babae." Sabi rin ni Mito.
"Ssshhh tumahimik kayo. Hindi ko maenjoy ang happenings." Takamiya
"M-Myloves... HINDI! Mali ang iniisip mo! Kamukha mo kase siya kaya---" hindi natapos si Hanamichi sa kanyang sasabihin nang...
Bigla siyang yakapin ni Haruko.
"(O_O)" Hanamichi
"Pinag-alala mo'ko..." Umiiyak na sabi ni Haruko sa kanya.
Natigilan si Hanamichi sa kanyang reaksiyon. Pumikit siya at niyakap pabalik si Haruko.
"Patawad... Kung pinag-alala kita." sagot niya.
Pero umiiyak lang si Haruko sa kanyang dibdib habang itong nakayakap.
"A-akala ko... Napano kana. Natakot talaga ako."
Napatawa ng mahina si Hanamichi at hinawakan ang magkabilang pisngi ni Haruko.
"Salamat sa pag-alala, Haruko. Pakiusap, ayokong makita kang umiiyak nang dahil lang sakin. Nanghihina ako sa mga luha mo." Seryosong sabi niya at hinalikan ang noo nito.
"H-hindi ko mapigilan."
Pinunasan ni Hanamichi ang kanyang mga luha gamit ang dalawang malaki niyang kamay. Gusto niyang tumambling sa sobrang kilig pero hindi nya magawa dahil magmumukha siyang sira sa harapan ni Haruko.
Samantala ang apat na ungas ay na out of place sa nangyayareng teleserye.
"Ibang klase ka, Hanamichi." Proud nilang sabi saka sila dahan-dahang lumabas para bigyan ng privacy ang dalawa.
Pero nakalimutan nilang nasa loob pa si Mikio.
"Sige, Sakuragi. Mauna na ako."
Humiwalay ang dalawa sa pagkakayakap dahil kay Mikio. Agad umiwas ng tingin si Haruko dahil nakalimutan nyang nandito pa pala sa loob si Mikio. Samantala ang magandang medic ay ngiting nakasandal sa pintuan habang kanina pang nakatingin kina Hanamichi at Haruko.
"In a relationship ba kayong dalawa?" Biglang tanong niya.
Namula si Hanamichi sa tanong niya at tiningnan si Haruko na hindi alam kung anong isasagot.
"Walang label?" Tanong ulit ng medic.
"Pfft." Pinigilan ni Mikio ang tawa niya. Pati ang apat na ungas na nakasilip sa bintana ng pinto ay pinipigilan din ang tawa.
Medyo nairita si Haruko sa tanong niya, sumagot ito kahit nahihiya.
"A-ano ngayon k-kung wala pa kaming label?... May binabalak ka?" Tanong pabalik ni Haruko sa kanya.
"Nanliligaw ba si Sakuragi sayo?" Tanong ulit ng Medic.
"Oo, at wala ka nang magagawa dun." Haruko
Tumawa ng sarkastiko ang Medic sa sinabi niya. "Yung asawa nga na-aagaw, yan pa kayang nangliligaw pa lang?"
Biglang sumeryoso ang mukha ni Haruko sa sinabi ng Medic.
"Mawalang galang sayo, Miss Medic..." Ngumiti ulit si Haruko. "Pero sinasagot ko na si Sakuragi... kaya boyfriend ko na siya ngayon!"
Nanlaki ang mga mata ni Hanamichi sa narinig. "A-ano?"
Tumawa ulit ang Medic sa kanya at nagbitiw na naman ng salita.
"Tulad ng sinabi ko kanina... Yung asawa ay nakaya pang agawin. Pero boyfriend mo pa lang siya?"
"Papakasalan ko siya." Sagot ulit ni Haruko na mas lalong ikinanlaki ng mata ni Hanamichi.
"H-Haruko... Tama na, hindi mo kailangang sabihin yan, wag mo na siyang---" awat ni Hanamichi sa kanya pero nakatingin parin ng seryoso si Haruko sa Medic.
Pumukit na lang ang Medic at huminga ng malalim. "Haaaysss, ang seryoso mo naman... Prank lang naman yung sinabi ko."
"HA!!!" sigaw ng apat na Ungas.
Natameme si Haruko sa kinatatayuan niya, pati si Hanamichi.
"A-ano? P-prank?" Haruko
"Oo... Sorry kung napagtripan ko kayo ah? HAHAHAH!" tumawa yung Medic.
Samantala ang apat na Ungas ay...
"CHARAAAAAAN!" Gulat ni Yuki sa kanya.
Natumba silang apat sa sahig.
"Anong ginagawa niyo? Namboboso kayo noh?" Taas kilay na tanong ni Yuki sa kanila.
"Kuya Yuki naman! Wag kang manggulat!" Suway ni Mito sa kanya pero tumawa lang ito. "Sinisilip lang namin ang kalagayan ni Hanamichi sa loob. Pinag-aagawan ng dalawang babae eh." Sagot nito.
"Ha?" Tiningnan ni Yuki ang pinto at binuksan ito.
Napatingin si Hanamichi, Haruko, Mikio at ang Medic sa pagpasok ni Yuki sa loob. Kinamot ni Yuki ang pisngi niya.
"Anong nangyayari dito?" Tanong niya.
"Si Yuki." Sambit ni Hanamichi.
"Kuya Yuki... Kase---" sasagot sana si Haruko nang lapitan ito ng Medic.
At hinalikan sa pisngi.
"WHAAAAATSSSS!!" Sumigaw si Hanamichi sa ginawa ng Medic. Kahit si Haruko ay nagulat.
"Wag mo na silang pagalitan, Love. Binisita lang nila si Sakuragi." Malambing nitong sagot.
Ang taray sa mukha ni Yuki ay nawala dahil sa sinagot ng Medic.
"T-Teka lang sandali--- Y-Yuki? May hindi ka ata sinasabi?" Tamemeng tanong ni Hanamichi.
"Ha? AYY OO NGA PALA! Di ko ba nasabi sa inyo na girlfriend ko'tong Medic na'to?" Ngiting tanong niya.
"HA!!!" sigaw ulit ng Apat na Ungas.
"J-JOWA MO?" Hanamichi
"Nga pala, Love. Pinagtripan ko sila kanina. Sorry. Pero hindi ko akalain na may couple pala sa Team niyo." Ngumiti ang Medic sa kanya.
Gumanti ng ngiti si Yuki sa kanya at sinundot ang pisngi nito.
"Okay lang, Love. Mabait naman yan sila eh." Yuki
Humarap ang Medic sa kanila at nagpakilala. "Sorry ulit sa ginawa ko kanina. Nga pala... Ako si REISHUN ZAKUSA, kakagraduate ko lang sa Tokyo International University at ako ang ATE ng Coach Zakusa niyo." nakangiting pagpapakilala nito.
Nagulat silang lahat sa sinabi niya. Hindi nila akalain na may ATE ang substitute coach ng Tokyo Team at ang malala pa ay GIRLFRIEND ito ng kanilang Basketball Adviser na si Yuki.
Lumipas pa ang kaganapan hanggang sa nagpaalam na silang lahat at naiwang nakaupo si Hanamichi at Mikio sa loob.
"Bakit hindi ka pa bumabalik?" Tanong ni Hanamichi sa kanya.
"Hindi ako maglalaro hangga't hindi ikaw ang kalaban ko." Simpleng sagot ni Mikio.
Tiningnan siya ng direkta ni Hanamichi.
"Masyaso ka atang sportsman. Hindi mo ba naisip na ito ang inyong magandang pagkakataon para manalo kayo laban sa kuponan namin?" Hanamichi
"Sa tingin mo ba paniniwalaan ko yang sinabi mo? Na matatalo ang Team niyo?" Tanong pabalik ni Mikio.
"Ilang laro na ang pinagdaan ng Team namin at lahat iyon ay nasa bangko lang ako. Ngayon pa lang ako ipinasok sa court. Dahil ang sabi ni Coach Kawarama sakin... Ipapasok niya lang ako kapag nakita na niya ang player na karapat-dapat kong makalaban at ikaw yun Sakuragi." Dagdag pa ni Mikio.
Hindi nakasagot si Hanamichi sa tinuran niya.
"Hindi kaya inuuto ka lang ng Coach niyo?" Ngiwing tanong niya.
"Huh?" Mikio
"Gunggong talaga."
Sabay silang napatingin sa pintuan sa nagsabi nun. Namilog ang mga mata nila nang makita nila si Rukawa.
"R-Rukawa..." Tanging sambit ni Hanamichi.
"Kung nanlalambot ka parin dyan, matatalo na ang Team niyo." Sabi ulit ni Rukawa.
Hindi maintindihan ni Hanamichi ang sinasabi niya. "Anong ibig mong sabihin?"
"Bakit hindi ikaw mismo ang tumigin sa kalagayan ng kuponan niyo ngayon?" Tanong pabalik ni Rukawa.
* * * C O U R T * * *
"REBOUUUUUUUND!"
Apat na player ang nasa ilalim ng ring. Si Kiyota, Hanagata, Kishimoto at Masashi.
*PAKKK!*
Nakuha ni Masashi ang Rebound. "FASTBREAK!" sigaw nito at hinagis ang bola sa kanyang kasamahan.
Nakuha ito ni Masahiro at agad nagdribol pabalik sa half-court ng Akita Team. Sumunod naman si Sendoh sa gawi niya para pigilan ang opensa pero sadyang pahirapan niya dahil wala sa court si Sakuragi para sa suprise block at rebound.
Limang sunod-sunod na rebound ang nangyari at lahat ng yun ay si Masashi ang nakakuha. Kahit si Kiyota at Hanagata ay bigo nilang makuha ang bola mula sa pinakamalakas na Centro sa College Matches.
Pagkarating ni Masahiro sa kanilang half court ay agad niyang pinasa ang bola kay Matsumoto na nasa 5 ft left ng 3-point line at nagshoot.
*Shoot!*
"YAHOOOOOOOOOO!
AYOOOOOOS DALAWANG SUNOD-SUNOD NA TRES!
AKITA TEAM! LAMPASUHIN NIYO NA YAN!
KAYO ANG MANANALO!"
Yumukom ng kamao si Coach Zakusa at napapikit na lang. 3 minutes na lang at 79 points ang puntos ng kabilang kuponan, lamang sila ng 7 points kumpara sa puntos nila na nasa 72 points points parin.
Napasabunot siya sa buhok niya. Nalaman agad ng Akita Team ang kanilang kahinaan. Ang Rebound.
Simula nung naalis si Sakuragi sa court ay sinamantala yun ng Akita Team lalo na si Masashi. Kahit si Kiyota o si Hanagata ay walang nagawa sa laki at lakas ng kanyang pwersa na tanging si Hanamichi Sakuragi lang ang makakatapat.
Bago umalis si Hanamichi sa court, ang kaninang 71 points ng Akita Team ay nagdagdagan sa lay-up shot ni Kishimoto, tres ni Fukatsu at tres ni Matsumoto kaya naging 79 points.
Konting minuto na lang at matatapos na ang laro.
"HOOOOOOOOOOOOYYY!"
Napatingin ang lahat ng manonood sa malaking pintuan gymnasium. At doon nanlaki ang mga mata nila nang makita nila kung sino ang nagbabalik.
"NAGBALIK SIYA!
TOTOO BA'TO?
ANG TOTOONG HARI NG REBOUND!"
"SAKURAGI!" napatayo si Coach Zakusa.
"Hehehehe no other than." Nakangising sagot nito.
Lumapit ito sa kanila at hinubad ang suot nitong jacket. Si Mikio ay bumalik na din sa Team's Bench ng Akita.
"Mabuti at nandito ka na." Masungit na sabi ni Coach Kawarama sa kanya.
"Wag na tayong magsayang ng oras, Coach. Kailangan niyo na akong ibalik sa court. Madali lang para kay Sakuragi ang 7 points na lamang natin, sisiw lang yan sa kanya kaya ibalik niyo na ako dahil ako ang pipigil sa kanya." Sagot ni Mikio sa kanya habang nag wawarm-up ng braso.
"SUBSTITUTION! TOKYO TEAM!" anunsyo ng Referee.
Hinilot ni Hanamichi ang buong katawan nya at tumalon-talon pa na parang boxing ring ang papasukan.
"Sigurado ka bang kaya mo na?" Tanong ni Coach Zakusa sa kanya.
"Oo, magtiwala ka lang sakin." Kumpyansang sabi ni Hanamichi.
"72-79... Lamang sila ng 7 points sa atin at halos tatlong minuto na lang ang natitira."
"Kaya yan!" Sagot nito at tumakbo na siya papasok sa court.
Pinalitan niya si Hanagata.
"Ikaw na ang bahala sa kanya, Sakuragi. Hindi ko kaya si Masashi. Napakalakas niya." Sabi ni Hanagata sa kanya.
"Oo, Labo 2nd. Wag kang mag-alala. Hangga't nandito ang HENYO ay hindi tayo matatalo!"
"Sa pagkakataong ito ay paniniwalaan ko yang sinabi mo, Sakuragi. Aasahan ko yan." Sabi ni Hanagata at tinapik ang braso niya saka naglakad palabas ng court.
Ngayon, sa pagbabalik ni Hanamichi. Ang line-up ng Tokyo Team ay pinangungunahan ni Maki, Sendoh, Fujima, Kiyota at Sakuragi.
Sa pagkakataong ito babawiin nila ang nakuhang puntos ng Akita Team. At si Hanamichi...
Ay hindi na makakapayag na pamunuan ni Masashi ang kanyang mahal na teritoryo. Ang ilalim ng ring at siya ang maghahari sa rebound.
"Wag niyong kalimutan na sumumpa ako na mananalo tayo." Sambit ni Hanamichi.
[PS: ANG KWENTONG ITO AY KATHANG-ISIP LAMANG AT WALANG KINALAMAN SA TUNAY NA KWENTO NG SLAM DUNK.]