SLAM DUNK: COLLEGE MATCHES
CHAPTER 107: Tokyo Vs. Akita
(Ps: Typo Errors Ahead!)
THIRD PERSON'S POV
Dahil sa ginawa ng line-up ng mga first years. Si Fukatsu ay nagsimula nang mabanas sa kanila. Hindi na siya natutuwa sa limang 'to. Dahil sa tatlong player na rumesbak ay lumamang ang team nila ng 4 points.
Paikli ng paikli na lang ang oras.
Pinatalbog ni Fukatsu ang bola. Kailangan na naman ng panibagong taktika. Matatapos pa lang ang first half at hindi niya na matandaan kung ilang taktika na ang pinlano nila.
"AKITA TEAM OFFENSE!
OFFENSE!
OFFENSE!
OFFENSE!" sigaw bg kanilang panig.
Ganun din ang Tokyo Team.
"DEFENSE!
DEFENSE!
DEFENSE!"
"Huwag silang hayaan na makahabol!" Sigaw ni Mari.
"Kaya niyo yan Tokyo Team!" Cheer din ni Haruko.
Samantala sa isip ni Fukatsu.
Makakahabol kami.
"Tapusin na natin ang first half!" Sigaw niya sa mga kasamahan.
"Tayo na!" Sigaw rin ni Masashi at nagsikilos na sila.
Mabilis na dinribol ni Fukatsu ang bola. At nang makarating siya sa division line ay pinasa niya ang bola kay Masahiro. Pagkasalo nito ay agad naman dumating si Kiyota para depensahan sila. Pero nag over head pass agad si Masahiro kay Mikio bago pa man mahawakan ni Kiyota ang bola.
*Pass!*
"Si Mikio..." Naalarma si Hanamichi.
Tumakbo siya sa gawi ni Mikio na kasalukuyang nagdidribol sa bola.
Pagkalapit ni Hanamichi sa kanya ay inabot niya ang bola para palpalin ito. Pero pinatalbog ni Mikio ang bola sa kanyang likuran papunta sa kaliwang kamay kaya nabigo si Hanamichi sa pag palpal.
Natigilan ang lahat nang makita nila si Mikio na nag shooting pose ng tres.
"Ano? Magtitres ang halimaw na bakulaw na yan?" Hindi makapaniwalang tanong ni Rango. "Pareho kayo ,tol!" Dagdag pa niya saka tiningnan si Morishige.
Shinoot ni Mikio ang bola.
*Pak!*
Nagulantang silang lahat nang natamaan yun ni Hanamichi.
Speechless sila sa bilis ng galaw ni Hanamichi. Mula sa bigong palpal ay nagawa niya paring tamaan ang bola.
"ANG BILIS NIYA!"
Ang bolang tinira ni Mikio ay nasa ere at palapit na sa ring.
Nakita ni Daisho ang ginawa ni Hanamichi sa bola kaya nagmadali siyang tumungo roon para kunin ang rebound.
Paglapit ng bola sa ring ay tumama ito sa gilid.
Pagkalapit ni Daisho sa ilalim ng ring ay tatalon na sana siya nang magulantang ito dahil sa biglaang sulpot ni Masashi sa kanyang likuran at walang anumang dinakdak ng malakas ang bola na tila gustong wasakin ang rim.
*DUNKKKKKKKK!*
Naghiyawan ng malakas ang panig ng Akita Team.
"YAHOOOOOO PUNTOS!
SIGE AKITA! TURUAN NIYO NG LEKSYON ANG MGA FIRST YEARS NA YAN!
HABOL AT LAMPASUHIN NIYO SILA!" sari-saring sigawan nila.
Nainis naman si Hanamichi. Nakalimutan niyang hindi lang pala siya ang mabilis sa court. Naiinis siya kay Masashi.
"Hari ng mga Bakulaw talaga." mahinang sabi niya.
Nag-apiran naman ang magkapatid na Kawata.
"Nice dunk, kuya." sabi ni Mikio.
"Maging alisto ka palagi kapatid ko, lalo na kapag pupuntos ka. Tignan mo ang nangyari." Masashi
"Alam ko naman yun, sadyang mabilis lang si Sakuragi."
Napangiwi na lang si Hanamichi dahil pinagchichismisan siya ng magkapatid na bakulaw.
Dagdag puntos para sa Akita Team ang kaninang 43 points ay naging 45 points na. 2 na lang ang kanilang hahabulin.
Hawak ni Nishizaki ang bola.
Naghanda naman sa depensa sina Masahiro at Iwata pati na rin ang iba.
Pinasa ni Nishizaki ang bola kay Kiyota.
"Humanda kayo." tanging sabi nito.
Sinimulan na ng Tokyo Team ang opensa.
30 seconds na lang, kunding segundo at ang mahalaga sa Tokyo Team ngayon ay ang makalamang sa first half bago ito matapos. Mahalaga yun para sa pangalan nila bilang first years line-up. Para sa pagdating ng second half ay ang mga Seniors na naman ang tutuloy sa laban hanggang sa katapusan ng laro.
Dinribol ni Kiyota ang bola na awtomatikong dumaan sa center circle at division line ng court. Nang makarating sila sa kanilang half-court at nakadepensa sa kanila ang mga higanteng players ng Akita Team na sina Masashi, Mikio at Iwata.
Samantala sa parehong coaching box ng magkabilang Team ay sabay dumating sina Jin at Itakura.
Napatingin ang Tokyo Team nang makita nila si Jin sa kanilang likuran na nakakatayo at kaya na ang sarili. Samantala si Itakura naman ay inis na nakatingin sa gawi ni Jin at napahawak na lang sa pasa sa gilid ng kanyang mata.
"Itakura, mabuti at ayos ka na." nag-aalalang salubong ni Matsumoto sa kanya. "Kamusta ang pakiramdam?" dagdag pa nito.
Sumagot naman si Itakura.
"Ayos na ako, hindi masyadong masakit yung panga ko. Ang lakas ng pagkakatama sakin ni Sakuragi, bwisit."
Napaekis na lang ng kamay si Matsumoto nang may mapansin siya sa mukha ni Itakura.
"Yung panga lang ang tumama sayo diba?... Saan galing yang pasa mo sa gilid ng mata?"
Umiwas na lang ng tingin si Itakura bago ulit sumagot.
"Nauntog yung mukha ko sa pader dahil muntik na akong mawalan ng malay kanina. Huwag mo na itong pansinin." pagsisinungaling niya.
Mukhang napaniwala niya naman si Matsumoto at ito'y tumango na lang.
Ang bolang dinribol ni Kiyota na patungong shooting-guard area ay naagaw nang biglang yung naagaw ni Fukatsu.
*Pak!*
"NICE INTERCEPTION, FUKATSU!" ngising sigaw ni Coach Kawarama.
"BAWIIN NIYO!" sigaw rin ni Coach Zakusa.
Tumakbo ng mabilis si Watanabe para makasunod kay Fukatsu at maagaw ang bola. Pero hindi yun naging madali kay Watanabe dahil nakikita niyang bihasa at eksperyensado ang mga kilos ni Fukatsu bilang Top Point-guard ng ilang taon.
"SIGE, BENTOY! HUWAG KANG MAGPAPATALO SA PANGET NA YAN!" sigaw ni Hanamichi sa kanya.
"Alam ko! Ginagawa ko na nga eh!" sigaw pabalik ni Watanabe sa kanya.
Nagawa ni Watanabe ang makahabol kay Fukatsu. Huminto siya sa harapan nito upang depensahan ang kasanggang Point-guard.
Ngunit naging madali lang kay Fukatsu ang harapin siya. Kayang-kaya siyang lampasuhin ni Fukatsu kung sasadyain pero kapag ginawa niya iyon ay baka maging tulad siya ng dating ka-teammate niya na si Sawakita na mahilig sa 1 on 1 at sasarilihin ang bola.
Habang nasa harapan ni Fukatsu si Watanabe ay ginawa niya ang ball handling na ang tanging point guard na katulad niya lang ang makakagawa.
(ball handling...)
Namangha ang ibang manonood sa ball handling ni Fukatsu. Kahit si Sendoh, Maki at Fujima.
"A-ang galing..." puri ni Sendoh.
Sinabayan ni Watanabe ang galaw nito upang mapigilan itong makalusot sa halip ay naging disgrasya ang nangyari.
Na out of balance siya nang biglang nabinat ang ugat sa kanyang ankle paitaas sa binti na siyang ibinagsak niya sa sahig.
*BLAG!*
"AZU!!" sabay sigaw nina Daisho at Nishizaki nang makita nila ang nangyari kay Watanabe.
"WOOOOAAAAAAAHHH!
ANKLE BREAKER!
FUKATSU THE REAPER!" sigaw ng taga suporta ni Fukatsu.
Sinamantala ni Fukatsu ang pagkakataon. Kasalukuyan siyang nakatayo sa outer line. Gusto man niyang tulungan si Watanabe ngunit sa mga oras na'to ay mahalaga ang kapakanan ng kuponan. Tumira siya ng tres.
*Shoot!*
Isang malakas na hiyawan ng Akita Team ang kumawala. Dalawang sunod na shot ang nangyari at 5 points agad ang nalikom para sa kanilang kuponan.
Ang 45 points ng Akita Team ay naging 48 na. Lamang na naman sila ng 1 point mula sa Tokyo Team.
10 seconds na lang.
Ang lahat ng players ng Tokyo Team ay kinakabahan sa mangyayari sa natitirang sampung segundo.
Makapagpuntos ba ang kanilang Team o dagdag puntos na naman sa kalaban?
Sina Hanamichi at ang iba pa ay nilapitan ang nakaupong si Watanabe.
"Azu, ayos ka lang?" nag-aalalang tanong ni Nishizaki.
"Kababalik mo lang sa laro injury agad natamo mo." masungit na sabi ni Kiyota.
"Mahinang nilalang talaga." dagdag ni Hanamichi.
Naningkit naman ang mga mata ni Watanabe sa kamaktolan nila.
"Tumigil kayo! Anong akala niyo sakin? Taong-gubat din katulad niyo?" tanong niya sa dalawa.
"Awsos, naturingang Top Point-guard taob naman sa isang laos." pahabol pa ni Hanamichi na mas lalong kinainis ni Watanabe.
Samantala si Fukatsu na narinig ang kanilang bangayan.
"L-Laos? A-ako ba yun?" ngiwing tanong niya.
Nagsiiwas naman ng tingin si Mikio at Masahiro sa kanya. Sumipol lang si Masashi at Iwata.
"Lalaos din naman tayong lahat. Maghintay ka lang." sabi ni Masashi.
Mas lalong nagsihiyawan ang mga manonood, may mga grupo pang may kanya-kanyang pustahang nagaganap.
"SAMPUNG SEGUNDO NA LANG TEAM! GALINGAN NIYO! MAHALAGA NA MAKALAMANG TAYO SA SET NA'TO!" Sigaw ni Mari sa kanila.
Tumayo si Watanabe at hinilot ang paa. Nagtaka siya dahil nawala agad yung sakit sa ankle part niya. Hindi tulad kanina na parang namimilipit sa sakit. Napangisi siya sa nangyari at namangha kay Fukatsu.
"Ankle Injury Illusion Technique yung ginawa niya. Ang galing, tunay nga siyang Top Point-guard!"
Walang kahit anong negatibong emosyon ang naramdaman ni Watanabe sa halip ay lalong humanga siya sa kakayahan ni Fukatsu.
"Magpapaturo ako sa kanya." dagdag pa niya.
"OKAY TEAM! DEPENSA TAYO NGAYON! KAHIT ANONG MANGYARI AY WAG SILA HAYAANG MAKAPUNTOS!" anunsyo ni Fukatsu sa kanila habang nakataas ang hintuturo nito.
Hinanda naman nina Hanamichi ang sarili para sa opensa. Hawak niya ang bola at pinatalbog ito.
"Aba, aba, aba... Naging agresibo ata sila bigla?" tanong ni Nishizaki.
"Determinado talaga sila na hindi tayo makapuntos." sagot ni Kiyota.
"Isang punto lang ang lamang nila sa atin. Kailangan nating makalamang." sabi ni Watanabe.
"Nakakahiya sa mga seniors natin na niresbak tayong tatlo pero sila parin ang lamang." singit ni Daisho.
"10 seconds na lang, ipapamukha na'tin sa kanila kung anong kayang gawin ng 1st years ng Tokyo Team." ngising sabi sa kanila ni Hanamichi.
"OO!" sabay nilang sagot.
Ang bolang hawak ni Hanamichi ay pinasa niya kay Daisho. Saka tiningnan niya si Kiyota.
Tumango si Kiyota sa binabalak ni Hanamichi.
Ang Akita Team ay ginawa ang 2-1-2 defense at 2-3 defense back-up kung sakaling makalusot sina Hanamichi sa first defense.
Itinuloy na ni Daisho ang opensa sa loob ng sampung segundo.
Pagkalapit ni Daisho sa half-court ng Tokyo Team ay pinasa niya ang bola ulit kay Watanabe para ipagkatiwala ang opensa sa kaniya. At silang dalawa naman ni Nishizaki ay ididestruct ang unang depensa ng Akita Team.
10...
Sabay inatake nina Hanamichi at Kiyota ang unang depensa ng Akita Team. Sinalubong sila nina Masahiro at Iwata. Pero agad nag lumayo ng distansya sina Hanamichi para mabago ang anggulo ng depensa ng kalaban. Kaya nag alangan na sinundan nina Masahiro at Iwata ang dalawa sa halip ay pinaubaya ito kina Masashi at Mikio na nasa ilalim ng ring.
9...
Dahil sa ginawa ng dalawang unggoy ay nagkaroon ng pagkakataon ang Tatlong-others na pasukin ang zone ng kalaban para taubin ang mga ito.
Para silang gumagawa ng terorismo laban kampo ng kalaban sa loob ng basketball court.
8...
"Pigilan ang mga yan! Huwag silang paiskorin!" sigaw ni Coach Kawarama.
Lumipat sa harapan ng rebounding area si Masashi samantala sa kaniyang likuran ay nakatayo ang kanyang kapatid na pinamumunuan ang ilalim ng ring.
7...
Ginamit ni Daisho at Nishizaki ang kanilang mga tangkad upang maging banta sa depensa ng Akita Team. Dahil sa kanilang dalawa ay napasunod sa kanilang gawi sina Masahiro at Iwata.
Ang pangkat nila ay mga centro na kayang tumira ng long range shot kaya magandang pagkakataon kung sakaling ipasa ang bola sa kanila.
6...
Dahil sa pagbuwag ng unang depensa ay agad nilang ginawa ang ikalawang depensa.
Si Kiyota ang humarap kay Masashi. Kinabahan siya sa laki at lakas nito.
Napatingin si Kiyota sa gawi ni Watanabe na sakto namang papunta sa kanya ang bola.
*Pass!*
Tagumpay na natanggap ni Kiyota ang bola. Nakita ni Masashi na hawak niya yun kaya nilapitan niya si Kiyota.
Ngunit hindi niya nagawa nang agad lumantad sa harapan niya si Daisho bilang block partner ni Kiyota upang hindi maagaw ang bola.
5...
Dinribol ni Kiyota ang bola patungong ilalim ng ring. Pilit na kumawala si Masashi sa pagbabag ni Daisho pero hindi niya nagawa dahil may lakas na maibubuga din pala ang binatang centro sa kanya.
Nagpose si Kiyota para magjumpshot nang itaas ni Mikio ang kanyang kamay para sa airblock. Dahil dun ay hindu tinuloy ni Kiyota ang tira sa halip ay pinasa ang bola kay Hanamichi na nasa gilid ilalim ng ring.
*Pass!*
4...
Pagkatanggap ni Hanamichi sa bola ay tumalon ito para idakdak ang bola sa ring. Pero nagulat siya nang nakasabay parin sa talon niya si Mikio at ilang inches na lang ang lapit ng kamay nito sa bola para palpalin ito.
Hindi siya makapaniwala. Ang bilis ng galaw ni Mikio bilang centro.
*Pass!*
3...
Pinasa pabalik ni Hanamichi ang bola kay Kiyota na ikinagulat ni Mikio. Magjujumpshot si Kiyota.
Sabay bumaba sa sahig si Mikio at Hanamichi.
Nakalusot naman si Masashi sa depensa ni Daisho at agad pinuntirya ang gawi ni Kiyota.
2...
Tumalon ulit si Hanamichi nang hindi namalayan ni Mikio.
Samantala si Masashi ay malapit na sa likuran ni Kiyota.
Naramdaman ni Kiyota ang mga presensya nila.
Kaya, hinagis niya ang bola sa mataas na bahagi ng ere na saktong-sakto na makukuha ni Hanamichi.
1...
*PAK!*
Tagumpay na nakuha ni Hanamichi ang bola. Napatingin ang lahat sa kanya dahil isang kabigha-bighaning Alley Hoop ang gagawin niya.
"KAMI ANG LALAMANG!" sigaw ni Hanamichi na nakataas ang kamay habang hawak ang bola.
"Sakuragi..." tanging sabi ni Coach Zakusa at ng iba pa at,
*DUUNKKKKKKKK!!!*
0.
Tumunog ang time buzzer ng court bilang pagtatapos sa first-half.
Pumito naman ang Referee.
"BASKET COUNTED!" sabi nito at tinuro ang court ng Tokyo Team.
Kasabay nun ang pagbago ng puntos.
Ang kaninang 47 points ay naging 49 points. Lamang ng 1 point ang Team nila sa puntos ng Akita Team na 48 points.
Natuwa at masaya ang mga tagasuporta nila dahil nagawa nilang makalamang sa pagtatapos ng first half laban sa Akita Team.
Tumunog ulit ang time buzzer ng court para sa kanilang ilang minutong break. Nagsipuntahan na sila sa kani-kanilang kuponan para sa pagtitipon.
Nang makalapit sa kanilang Team's bench sina Hanamichi ay sinalubong sila ng hampas at tadyak ng kanilang mga kasamahan bilang puri sa kanilang nagawa.
"Mahusay ang ginawa niyo, Team. Nakakaproud ang galing niyo!" puri ni Coach Zakusa sa kanila.
"Alam kong hindi pa ito ang oras para nagdiwang, pero bilib ako at masaya ako sa ginawa niyo." sabi ni Maki sa kanila.
Kinuha naman ni Mari at Haruko ang kanilang mga data books para isama sa locker room.
"Tayo na Boys! Minuto lang yung break, tayo na sa locker room para pag-usapan at paghandaan niyo ang laban sa 2nd half..." anunsyo ni Coach Zakusa sa kanila.
"OO!!" sagot nila.
"Dahil, sa 2nd half na magkakaalaman kung anong nakatagong kakayahan ng Tokyo Team at ilalabas ko yun." bulong ni Coach Zakusa.
[PS: ANG KWENTONG ITO AY KATHANG-ISIP LAMANG AT WALANG KINALAMAN SA TUNAY NA KWENTO NG SLAM DUNK.]