#عندما_تتنفس_الكتب2
الحلقة 18
للكاتبة/ندى محسن ♕Noody♕
كانت ناتاشا تشعر بالرعب عندما وجدت ذلك الرجل يقترب منها لكن قبل ان تفعل اي شيئ وقبل ان تمسها يد هذا الشاب وجد من امسك بيده يعتصرها بمنتهى العنف نظرت للرجل امامها كان قوي البنية مفتول العضلات لا يبدوا اجنبي فبشرته السمراء زادته جمالآ وجاذبية لا تعلم ناتاشا كيف لأول مرة يجذب انتباهها شاب غير كاسر حتى انه ليس بنفس وسامته!....
-انا شايفك بتكلمها وبتشتمها لا وعايز تمد ايدك عليها انت ايه شايف مفيش رجالة ولا ايه
انفعل الشاب وهو يفلت يده
-نزل ايدك انت تبقى مين اصلآ وانت مش شايف عملتلي ايه وجاي تتكلم دمرتلي خططي لا وبتقل ادبها بنت ال...
قبل ان يكمل قام الرجل بلكمه ليسقط اردآ وفلتت شهقة من ناتاشا دون ارادة منها لما يحدث....
-انت تلزم حدودك يلة انت واذا كان على القميص اللي محسسني انه اتصنع مخصوص لجناب الزعزوعة علشان تلبسه اتفضل روح اي مغسلة واعمله لأيدك تلتهب ولا حاجة يا حلو
القى بوجهه بعض المال وذهب ليصعد على دراجته النارية بينما عنبر كانت تشاهد كل ما يحدث بذهول عاد لها الرجل
-لو معندكيش مانع اركبي اوصلك مش هتلاقي مواصلات في الوقت دا...
ابتلعت ما بحلقها ونظرت للأسفل
-هو انا هطلب اوبر
تأفأف الرجل
-اركبي انتي مش ناقصة متخلف تاني
ذهبت معه تاركين هذا الشاب مازال ساقطآ ارضآ يشعر بالغضب ويريد لو يلحق بهم ويوسعهم ضربآ لكنه اكتر بالنظر لعضلات هذا الرجل فلو تحرك سيوسعه ضربآ...
صعدت عنبر خلف الرجل على الدراجة النارية ليسير فتمسك بالچاكيت الخاص به
-رايحة لفين يا انسة؟
اخبرته عنبر العنوان وهي تفكر بكل ما تعرضت له بالفترة الأخيرة وبطلب الطبيبة بأن تدون ماذا تريد ان تفعل بالسنة الجديدة التي على وشك ان تبدأ بعد بضع ايام كانت تفكر بكل شيئ قاطع شرودها حديث الرجل
-انا اسمي ادم عبدالله... ممكن اتعرف بأسم حضرتك؟
حتى لو كان ليس من هذا النوع الذي يتحدث مع الفتيات تبقى عنبر تلك الجذابة التي لم يستطع احد تجاهل وجودها بالمكان....اتاه صوتها الأمر
-اقف...
تعجب ادم ومازال يسير
-لسة موصلناش ولا طلعنا على الطريق العمومي اقف فين في الهو دا؟
انفعلت عنبر
-انا قولت اقف يعني تقف انا حرة!...
توقف بالفعل والتفت لها بتعجب لتهبط من دراجته النارية وتسير مبتعدة ليقف امامها
-هو في ايه انا قولت حاجة ضايقتك ولا ايه انا اسف يا انسة انا مش قاصد اعاكس والله بس حبيت اتعرف عليكي واينكان اللي حصل او اللي ضايقك انا اسف واوعدك مش هيتكرر
تعجبت عنبر كثيرآ من اصراره فهو لا يعلم من تكون هي لا يعلم شيئ عنها!
-هو انت عايز ايه مني!! خلاص انا عايزة انزل هنا
هز رأسه نافيآ
-لا هوصلك....
ازداد تعجبها من اصراره الغريب لكنها ذهبت معه ارادت ان تعلم ما الذي يريده بينما هو كان حذر بالحديث معها فلا تعلم هي انها لم تكن المرة الأولى ليراها بها ويعلم انها ليست متزنة نفسيآ لتأتي لتلك الطبيبة التي يذهب اليها.... اراد لو يعلم ماذا بها ومن تكون لكنه يعلم ان معلومات المريض في غاية السرية...
♕♕♕♕♕♕♕♕
اسرعت الممرضة لنسرين كان يبدو عليها الفرح من اجلها
-مدام نسرين...
وقفت نسرين فجأة وهي تشعر بالقلق لتشعر بالدوار وعدم الأتزان لتتمسك بالكرسي فتسألها الممرضة
-انتي كويسة؟
اومأت نسرين لها لتتابع الممرضة وهي ترى تعابير وجه نسرين
-ابن حضرتك فاق والدكتور قالي اقولك
ابتسمت نسرين بسعادة واسرعت بالذهاب مع الممرضة دلفت للغرفة لتجده فاتح عينه ويحرك يده كما امره الطبيب ليبتسم الطبيب وهو ينظر لها
-الحمد لله دي معجزة... ربنا قادر على كل شيئ..
ابتسمت نسرين ودموعها تتساقط اقتربت منه وقبلت جبينه
-يا حبيب ماما...
ظهرت اللهفة على وجه صقر لتقترب وهي تحاوط وجهه
-يا روح قلبي كنت هموت من الخوف عليك
نظر الطبيب لها وفهمت ما يريد قوله لتتحدث برجاء
-هو ممكن تسيبني اتكلم معاه...
اومأ الطبيب لها بتفهم وخرج وتبعته الممرضة قبلت نسرين جبين صقر بحنان وامسك يده لتقبلها
-ماما عايزة تقولك حاجة...
تحدث صقر بإرهاق وتعب
-دراعي منمل مش عارف احركه علشان احضنك...
ازالت دموعها وهي تتحدث معه بهدوء
-تقدر تبعد عن ماما يا صقر؟
هز رأسه بنفي لتتابع
-انت بتحب ربنا قد ايه؟
ابتسم صقر ببراءة
-اكتر حد مش قد حاجة ولا قد حد....
ابتسمت وهي تستمع للهجته الطفولية
-هقولك حاجة انت عارف ان ربنا مدينا جسمنا جسمي وجسمك وجسم بابا امانة ولو حب ياخدها هياخدها لأن دي امانته واحنا مينفعش نعترض علشان ربنا بيعمل الأحسن لينا يعني الراجل اللي بيتعب تعرف ان ربنا بيشيل من سيئاته وبيزودله حسناته لو تعب؟ علشان يبقى عنده حسنات كتير فيخش الجنة؟
ابتسم صقر ومازال يظهر على وجهه التعب
-انا بحب كلامك...
ابتسمت وهي تزيل دموعها التي لم تتوقف وتقبل يده
-طيب انا عايزة اشوف انت بتحب ربنا قد ايه وهتكون راضي ولا لا... انت كنت تعبان اوي بسبب الناس الوحشين دول انت دلوقتي كبير وانا بتكلم معاك علشان تفهم الناس الوحشين دول ضربو علينا رصاص وبابا تعب وانت خدت في دراعك كذا رصاصة وعلشان ميحصلكش حاجة او بعد الشر تموت هما شالوا دراعك علشان وقتها كان هيبقى شر ليك وربنا عوضك بحسنات كتير
تبدلت ملامح صقر للتعجب ولمس زراعه فلم يجده ظهر الزعر على ملامحه لتحاوط وجهه تحاول تشتيته
-انت بتحب ربنا واحنا مش هنعترض انت عارف انك طفل محظوظ؟ اقوى ولد في العالم! انت استحملت الرصاص انت مسيبتنيش وانا واثقة انك علشان راجل عاقل هتستحمل كل حاجة...
ابتلع ما بحلقه بصعوبة وارتجف صوته وازداد تمسكه بها لتضمه
-انا هموت؟
هزت رأسها نافية
-انت دلوقتي كويس يا حبيبي انت دلوقتي بخير...
ظل صامتآ هادءً تعلم انه حزين يشعر بالتشتت لكنها حاولت ان تجعله يهدأ...
دلف الطبيب بعد قليل
-ايه الأخبار؟
اومأت نسرين له
-كويس مش كدا؟
اومأ صقر لها لتقبل يده فيبتسم الطبيب
-الحمد لله الولد دا اتكتبله عمر جديد ربنا بيحبه
ابتسم صقر في هذا الوقت رغم ارهاقه
-بجد؟ هو قالك؟
ضحك الطبيب وهز رأسه بنفي
-اللي ربنا بيحبه بينقذه من كل حاجة وحشة...
تحدث صقر ببراءة مخلوطة بالحزن
-بس هو ليه خد دراعي يعني...
اخذت نسرين نفس عميق وهي تعبث بشعره
-علشان زي مقولتلك يديك حسنات كتير ويدخلك الجنة يا روح ماما...
اومأ الطبيب له وابتسم
-الحمد لله انه تفهم انا كنت قلقان عليه ليحصله انهيار عصبي ولا حاجة...
لم تنظر نسرين له وهي تنظر لصقر
-صقر راجل قوي
ابتسم صقر لها فتابع الطبيب التحدث
-كويس ان الأصابة كانت في دراعه ربنا ستر لو كان زي باباه مكناش نعرف ايه اللي هيحصل...
شعرت نسرين بسكين يغرز بقلبها وهي تتذكر كاسر وما حدث معه تتخيل لو كان هنا هل كان سيترك هذا الطبيب يتحدث معها لا تعلم متى اصبحت تعشق عيوبه بتلك الطريقة...
ذهبت لغرفته بعد ان نام صقر جلست بجواره ولمست شعره بحنان تتذكر ما فعله راجو وكيف قام بإطلاق النار عليه فتح كاسر عيناه لتبتسم له بحنان
-انت كويس؟
ازال جهاز التنفس بصعوبة وتحدث
-ابني... صقر... يا نسرييييين....
حاولت جعله يهدأ لتمسك بيده
-صقر اتحسن فاق واتكلم وانا اتكلمت معاه هو كويس....
اغمض كاسر عيناه بألم وحزن
-انا السبب يا نسرين... دمرته... دمرت ابني...
هزت رأسها بنفي
-لا يا كاسر دا نصيب اهدى بالله عليك انا خلاص مبقتش قادرة استحمل...
دقق النظر لها وقبض على يدها
-انتي... مش كويسة... نسرين انا اسف... اسف... انا السبب انا مش عايز ابقى كدا... اااه...
وضع يده على صدره بألم لتحاول تثبيت حركته
-كاسر اهدى انا كويسة وصقر كويس كفاية تتعب نفسك انت لازم ترجع كويس وبخير لازم يا كاسر علشان خاطرنا علشان خاطري انا وابنك في حاجات كتير لازم تتصلح...
♕♕♕♕♕♕♕♕
كانت عنبر(اللي هي ناتاشا يعني علشان متهووش مني) تجلس بغرفتها تدون ما تريد فعله وما تسعى اليه خلال العام الماضي وفجأة اتى ببالها ذلك الشاب المدعو ادم عبدالله ابتلعت ما بحلقها بقلق
-ممكن يكون بيطاردني؟ ممكن يكون عايز يخطفني مثلآ!!.... مهو مش معقولة يعني هيساعدني لله في لله وكمان هو مكنش عايزني امشي انا قلقت... بس مش عايزة امشي مع حراس ولا بموكب عربيات انا تعبت من كل دا ولسة بقول هتخلى عن فلوس لويس... يا ربي بقى ليه كل حاجة صعبة.... وحبيبي انا حتى مش عارفة اروح اشوفه... منا لو روحت والله نسرين هتجيبني من شعري.... بس انا عايزة اشوفه على الأقل اتكلم عليه واتكلم مع نسرين في الموضوع.... فتجيبني من شعري بردو مهو مفيش مفر...
اغمضت عيناها بضيق
-كل حاجة صعبة ومعقدة
-انتي اتجننتي يا بنتي؟
كان هذا حديث والدتها لتلتفت عنبر لوالدتها وتبتسم
-تعالي يا مامي...
اقتربت والدتها بتعجب
-بتتكلمي مع نفسك؟ ايه يا بنتي في ايه اتكلمي معايا
ضمتها عنبر وتذكرت ما حدث لتسرد لوالدتها كل ما حدث ابتسمت والدته وهي تلمس شعرها بحنان
-وايه المشكلة يا روحي هو ساعدك ويشكر الراجل!..
-يا مامي افهمي مش كدا... حسيت بحاجة غريبة كأنه عايز يقول حاجة يعمل حاجة... يعني حاجة غريبة...
اومأت لها والدتها
-لو ظهر قدامك تاني صوتي ولمي عليه الدنيا
ضحكت عنبر بعدم تصديق لما تقوله والدتها لتضحك والدتها
-بتكلم جد والله
اومأت لها عنبر
-ماشي يا مامي ماشي....
♕♕♕♕♕♕♕♕♕
ابتسمت نسرين وهي تتابع كاسر وهو يجلس مرت الأيام وها هو بدأ يتحسن سألها بهدوء
-صقر؟
-نايم انا لسة جاية من عندو...
اومأ لها بإيجاب
-هو لسة بيخاف!...
لاحظت حزنه فلا تعلم ماذا تقول له لقد كان يرتعب من اي غريب يقترب منه او يلمسه حتى الأطباء
-هو بيخاف من اي راجل غريب...
-هو يوسف راح فين
دلف يوسف في هذا الوقت
-ايه وحشتك انا قولت اسيبك مع حتتك الطرية...
ضحكت نسرين بإرهاق ليتحدث كاسر بغضب وهو يقبض على يدها
-طب متتلم ولا انت فاكر مش هعرف اقوملك! وانتي بتضحكي على ايه متركزي
تحدث يوسف بسرعة فلا يريد مضايقته
-ايه يا كاسر استهدى بالله كدا انا كنت بهزر يا عم في ايه
تأفأف كاسر
-مازن متقولش زفت كاسر والا
ابتسم يوسف بسخرية
-بلا والا بلا بتاع انت حيرتنا معاك مرة تقولي لو قولت مازن هعمل واسوي ودلوقتي تقولي لو قولت كاسر مترسالك على بر...
نظر كاسر لنسرين واعاد النظر ليوسف ومن ثم اغمض عيناه بضيق والم ليتحدث يوسف بقلق
-في ايه يا ابني مالك!
وضعت نسرين يدها الأخرى على يده
-في ايه يا مازن؟
-تعبان حاسس اني مش عارف اعمل حاجة حاسس اني... اني مشتت ومش قادر.... حاسس اني مكسور... اللي حصل لصقر دا محدش مسؤول عنه غيري صدقيني...
تحدث يوسف بثقة
-غلطان...
تعجبا ونظروا له ليتابع
-مازن انت يمكن تكون ساعدت بإحتياجك لشخصية كاسر لكن مش انت السبب وانا بتسلى مع راجو بعد مخرج من المستشفى عرفت انه هو اللي دفع فلوس لناس علشان ياخد الثفقة اللي انت افتكرت انها غرقت بسبب الخاينين اللي كانو معاك وهو اللي خطف صقر علشان يضغط عليك! ولما عرف انك خلاص ابتديت تكشف اللعبة مكنش قدامه حل لأما هيكسرك وتبقى عبد ليه لأما يخلص عليك..
انفعل كاسر
-انا عايز اشوفه... انا مكنتش عارف ان هو اللي وراها انا كنت شكيت وابتديت امشي ورا الموضوع بس كانت مجرد شكوك ومكنش في حد معايا الا ومع راجو يعني رجالته اصلآ... غير كدا.... غير كدا ناتاشا واللي حصل شتتني... علاقتي بيها شتتني....
شعر بنسرين تسحب يدها من بين يديه بعنف في هذا الوقت (هو مش انت فوقت بقا ورجعت تتكلم يلا لما انكد عليك وعلى صاحبك وعلى اهلك وطلقني يا عمر بصوت مي عز الدين 🌚😂)
تحدث كاسر بضيق وهو ينظر لها
-بصي علشان اقسم بالله هسيبك تتكلمي مع نفسك من هنا للصبح علشان انا على اخري كل اللي حصل اني لما روحت اطلب منه الفلوس كان دا شرطه علشان ناتاشا تكون مرتاحة ولما قربت منها زي معقلك الخارق واحساسك وصلك وقتها انا مكنتش طايقها اصلآ وكنت على اخري بس الحيوان ابن ال ****** حط منشطات في العصير وانا مكنتش اعرف لما شربته ولما شكيت وخدت الكاس وواحد معرفة ساعدني اعرف اللي فيه عرفت انه فيه منشطات فهمتي بقى ولا لا ولما وجهته وقولتله هيكتبلي الشركة القذر فكر وابتدى يلعب من ورايا..
في هذا الوقت تحدث يوسف بنفاذ صبر
-وانت ازاي متقوليش يا ابني الكترة تغلب الشجاعة ولولا ان فهد اللي مش عارف امتى بقى مع راجو جالي كان زمانكوا انتهيتوا ولا حد حس والله الواد دا ابن حلال
انفعل كاسر وهو ينظر له
-انا مكنتش طايقك ولا طايق حد جنبي كلكوا اتخليتوا عني يا يوسف انت او.... او اهلي... حتى انتي يا نسرين....
نظرت له بإنفعال هي الأخرى
-لما الاقي جوزي ماشي غلط وبفلوس حرام واتجوز عليا ويقولي علشان ارجعلك ابني من امتى الخطف بيرجعوه بالجواز افهم يعني وانا معرفش حاجة المفروض بقى اقعد مستنية سيادتك لما ترجعلي من عندها يعني
تدخل يوسف في هذا الوقت
-على فكرآ نسرين معاها كل الحق دي لو كانت جميلة مكنتش عارف زمانها عملت ايه والله
انفعل كاسر
-متعصبنيش واسكت انت كمان
اومأ يوسف له على مضض
-مااشي...
وقفت نسرين بنفاذ صبر
-هروح اتطمن على صقر وكفاية كلام في الموضوع دا وهتطلق ناتاشا يا كاسر بفكرك بس لتقولي فقدت الذاكرة ولا كاتب على نفسك مؤخر المرة دي كمان
ابتلع كاسر ما بحلقه وللمرة الأولى منذ ان دلف للمستشفى يريد ان يضحك ليتحدث يوسف وهو يضحك بالنيابة عنه
-هو بعينه بغبوته هو
كادت نسرين ان تصرخ لكنها تمالكت اعصابها هل يريد جعلها تفقد عقلها ام ماذا... عليها الهدوء حتى يصبح بخير وبعد ذلك تريه ماذا يمكنها ان تفعل... سارت بإنفعال ولكن فجأة شعرت بالدوار وعدم التوازن لتكاد السقوط وهي لا تستطيع الرؤية فلقد اصبحت الررية ضبابيه لتتمسك بالباب واسرع يوسف لها بينما كاسر شعر بالخوف ليصبح على وشك النهوض لكنه لم يتحمل مازالت اعصابه ليست بخير...
-نسرين مالك حبيبتي....
امسك يوسف بزراعها
-تعالي تعالي اقعدي طيب اقعدي انت مش كويسة
نظر كاسر ليوسف وقد احمرت عيناه بغضب ووقف رغم شعوره بالإرهاق والألام بصدره نتيجة الطلقات النارية سحب نسرين ونظر ليوسف بغضب علم يوسف السبب وشعر بالضيق والأحراج
-انا اسف
دفعه كاسر بإنفعال ونظر لنسرين
-في ايه انتي حاسة بأيه؟
ابتسمت بإرهاق وهزت رأسها بنفي
-مفيش حاجة دوخة بسيطة
لمس وجنتها بحنان واومأ لها بإيجاب
-طيب خلي دكتورة تشوفك او اعملي تحاليل يمكن عندك انيميا وانتي خسيتي عن الأول؟
هزت رأسها بنفي
-لا انا الضغط بس بقى يوطى شوية متقلقش انا بخير...هروح اشوف صقر متخافش...
اومأ لها وعاد ليجلس بهدوء مريب اقترب يوسف منه
-كاسر...
انفعل وهو ينظر له وكأنه على وشك قتل احدهم ليتحدث يوسف
-انا مكنتش... يعني مقصدتش والله..
تحدث كاسر بغضب وضيق
-انت لو ايدك اتمدت عليها تاني قصد ولا مش قصد ايدك هتتكسر حلو؟
اومأ يوسف بسرعة قبل ان يزداد غضب كاسر
-حلو حلو منا استاهل...
انقبضت يد كاسر يحارب ليبقى هادء ولا يقم بلكمه....
♕♕♕♕♕♕♕♕♕♕
ابتسم الطبيب
-يا مدام كنا فين وبقينا فين بس الحمد لله
اومأت نسرين له وهي تشعر بالراحة فصقر يتحسن لكنها كأي ام تشعر بالحزن عليه...
ظلت جالسة بجواره للكثير من الوقت ارادت ان تذهب لكاسر لتطمئن عليه لكنها وجدت جسدها يتراخى لتبقى جالسة مع صقر اتى يوسف لها
-هو لسة نايم؟
اومأت نسرين له ليتابع يوسف
-طيب انتي ممكن تروحي لكاسر وانا هفضل جنب صقر علشان كاسر محتاجك...
اومأت له قبلت جبين صقر وذهبت لكاسر ليقم بسحبها وضمها تعجبت فيتحدث وهو لا يعلم ماذا يقول لها
-انتي كويسة؟
هزت رأسها بإيجاب ابتسمت فلقد علمت انه يشتاق لها وبشدة لتقم بضمه وهي تخلل شعره الكثيف بيدها دفنت وجهها بين طيات رقبته وهي تستنشق رائحته التي تسلبها عقلها ليحاوط خصرها وهو يضمها اليه اكثر
-بحبك...
ابتعدت قليلآ لتنظر له وهي تتأمل عيناه الخضراء التي تلمع بعشق صادق كما اعتادت منه دائمآ لأول مرة منذ زواجهم تتحلى بتلك الجرأة لتقم بطبع قبلة خاطفة على شفتيه ليبتسم كاسر ويقم بسحبها ليخطف شفتيها في قبلة بث بها عشقه....
♕♕♕♕♕♕♕♕♕♕♕
هبطت عنبر من عيادة الطبيبة وسارت لتشعر بأحد خلفها ارادت الخروج للشارع العمومي لتشعر بخطوات من خلفها تزداد فتوقفت والتفتت لتجد انه ادم اتسعت عيناها بتعجب
-انت؟
ابتلع ما بحلقه وهو ينظر لها
-انا.... انتي.... هو...
اقتربا حاجبيها بتعجب
-هو في ايه انت فقدت النطق ولا ايه مش فاهمة وبعدين انت ايه اللي ممشيك ورايا افهم!
نظر لها بتركيز اخافها وتزكرت حديث والدتها ان اقترب وتحدث معها تصرخ ابتعدت وهي على وشك الذهاب ليقف امامها فتصرخ به
-ابعد عني علشان مصوتش والناس هتتلم عليك...
نظر ادم حوله وتابع بخبث
-وهما فين الناس دول؟
اخذت عنبر نفس عميق
-بهدوء كدا علشان ممدش ايدي عليك ابعد عني علشان انت متعرفش انا مين وانا مش حابة ءأذيك...
سمعت قهقهته وهو يستمر بالضحك عليه
-لا حلوة دي تمدي ايدك على مين!! عليا انا؟؟
انفعلت عنبر
-متقفش في طريقة
اتت لتذهب فيقم بسحبها من جديد لتنظر ليده بصدمة فيتركها وتبتعد عنه
-خلينا نتكلم انتي ليه خايفة اوي كدا؟ خلينا نتكلم سوا انا عارف انك بتيجي هنا للدكتورة النفسية دي
ابتلعت ما بحلقها وهي تشعر بالتوتر منه
-انت مالك اصلآ... ونتكلم في ايه.... انت عايز ايه!
نظر لها وابتسم
-انتي ليه قلقانة مني... انا معجب بيكي.... وكنت عايز بس اتعرف عليكي ولو ممكن اقابل والدك...
تهجم وجه عنبر وهزت رأسها بنفي
-مش ممكن... مش عايزة اتعرف عليك ولا عايزة اشوفك...
اتت لتسير ليقم بسحبها
-انا عارف انك مش متزنة وفي حاجة مضيقاكي ساعات كنت بشوفك معيطة وساعات بشوفك فرحانة فأنا حابب اتعرف عليكي صدقيني مش هتندمي
دفعت يده وهي تنظر له
-متمدش ايدك علشان المرة الجاية مش هرجعهالك
ابتسم ادم واومأ لها بغيظ
-طيب زي اي ناس كبيرة وعاقلة في كافيه في الشارع العمومي تعالي نقعد ونتكلم ممكن؟....
♕♕♕♕♕♕♕♕♕♕
كان كاسر ينام بحضن نسرين وهي تضمه كما طلب تعبث بخصلات شعره وتستمر بتقبيل رأسه من وقت لأخر حتى نام
-ربنا يشفيك يا رب... ويهديك....
دلف الطبيب في هذا الوقت
-هو نايم؟
اومأت له نسرين ليبتسم ويقترب ليمسك بيد كاسر فيستفق
-خليك زي منت ارتاح
نظر لنسرين وتعجب من وجودها بهذا الشكل تضمه حتى بعد ذهابه للنوم....
ظل الطبيب يفحصه وهو ابتعد عن نسرين بهدوء حتى خرج
-صقر؟.... هو... انا عايز اشوفه
تعجبت نسرين
-بس انت لسة تعبان يا حبيبي...
هز رأسه نافيآ وقف وكان على وشك السقوط ليتوازن وتقف هي لتقم بمساندته
-واحدة واحدة انا معاك
اومأ لها واستند بزراعه عليها لتنظر له
-يا خوفي لقع انا وانت
ضحك بتهكم
-انا لو كنت ساند دراع واحد عليكي يا حلوة كان زمانك وقعتي
سار وهي تتابعه حتى وصل لغرفة صقر دلف وهو يشعر بالألم تعلم نسرين كم كانت صعبة عليه تلك اللحظة ابتلع ما بحلقه وهو ينظر تجاه زراعه تحولت ملامحه للحزن والألم الشديد قبل جبينه وتساقطت دموعه
-يا حبيبي... انا... انا اسف انا السبب.... نسرين دا بسببي انا نسرين انا كنت غبي...مفكرتش ممكن يعمل ايه يا نسرين انا حاسس اني هموت
قبل ان تتحدث نسري قد بدأ صقر في الأستيقاظ لتتسع عيناه بزعر ويبتعد بصراخ
-ماااااامااااا
لا يوجد ما يستند عليه ليوشك على السقوط فيسرع كاسر بمسكه
-صقر حبيبي...
انهار صقر بالبكاء ودخل بنوبة صراخ هستيري دون توقف لتتسع اعين كاسر بعدم تصدق وهز رأسه بنفي
-صقر اهدى حبيبي....
دلف الطبيب في هذا الوقت ورأى الوضع ليشير للممرضة ان تأتي بحقنة مهدأة ابعدت نسرين كاسر وذهبت بجوار صقر فيضمها بقوة بزراعه وهو يدفن وجهه بها وهو يتعلق بها ومازال يصرخ
-صقر حبيبي مفيش حاجة صقر دا بابا صقر كفااية
صمت وهو يكتم شهقاته بينما كاسر كانت دموعه تنهمر بصدمة والم مما يحدث اقترب الطبيب من صقر لتنفعل نسرين
-مش هياخد مهدأ دا طفل لسة كفاااية هو تعب مش هياخد حاجة هو هدي... حبيبي بصلي
اخذ وقت طويل حتى ينظر له وهو يشهق لتقبل جبينه
-مفيش حاجة ماما هنا... مفيش حاجة هتحصل
كان يبكي بقوة والم ليجعلها تنهار هي الأخرى بالبكاء لماذا يجب ان تكون الحياة قاسية بتلك الطريقة على ملاك مثله نظرت لكاسر لقد كان ضائعآ هو الأخر...
-يا مدام ارجوكي افهمي خطر اللي بيحصله دا مش صح تسيبوه يوصل للمرحلة دي...
ابتلعت نسرين ما بحلقها ونظرت لكاسر لا تعلم ماذا تقول لكاسر هل تخبره ان يخرج حتى يهدأ ابنه!!
-انا... هخرج...
ابتعد وهو يشعر بالألم الشديد لا يعلم اهو نفسي ام جسدي لا يعلم ما الذي يجب عليه فعله عشقه الشديد لكاسر العميري جعله يفقد الكثير....
خرج الجميع لتبقى نسرين بمفردها مع صقر
-بصلي.... بصلي يا ملاكي...
رفع رأسه لينظر لها
-خايف... انا خايف يا ماما انا بخاف
قبلت جبينها وضمته بدموع
-كله انتهى خلاص كله انتهى وبابا بيحبك مازن بيحبك اوي يا صقر...
لم يتحدث او يفعل شيئ فقط بقى صامتآ...
♕♕♕♕♕♕♕♕♕♕
-هو في ايه بالظبط ايه البجاحة دي وانت فاكرني ايه!
اخذ ادم نفس عميق وهو ينظر لها يحاول ان لا يقتلها ظل يعد سرآ من واحد الى احدى عشر حتى يهدأ كما اخبرته الطبيبة وتابع
-انا معجب بيكي ايه الغريب!
نظرت له بتركيز
-انت معجب بيا انا؟ تمام حلو وايه الجديد؟
اتت لتقف فيمسك بيدها ويجبرها على الجلوس
-هو في ايه انتي عايزة تهربي وخلاص!
انفعلت عنبر ونظرت له
-اللي بتعمله دا معصبني وموترني... مش مقبول.. انا مش عايزاك
سحبت يدها منه بعنف بينما هو نحدث بضيق
انا عملتلك ابه بضايقك؟
نظرت وهي تتنفس بهدوء بينما هو ظهر الضيق والغضب على عيناه واومأ لها
-امشي...
تعجبت كثيرآ من ذلك الغريب لكنها غادرت....
♕♕♕♕♕♕♕♕
انفعل كاسر وهو يصرخ بها
-ميبقاش الدكتور داخل يشوف صقر والاقيكي جوااا فااااهمه ولا لااااا
اتسعت عيناها وهزت رأسها بتهكم
-انا كدا عرفت انك ابتديت تتحسن مهو الطبع دا مشترتوش انت
انفعل اكثر وهو يشعر بالغيرة
-اللي اقوله يتسمع
نظرت له بضيق وهي تتحدث سرآ
-لولا بس تعبك كنت رديت
-ايه مش عاجبك الكلام
اقتربت بضيق
-هو في ايه انت بتتلكك وخلاص يا كاسر؟
-متقوليش زفت كاسر
اردف وهو ينظر لها لتغمض عيناها بضيق
-متبقاش متضايق من حاجة وتطلع غضبك في حاجة تانية بطل العادة السودا دي بقى
نظر لها مطولآ قبل ان يبعد وجهه فتقترب وتجلس بجواره امسكت بيده
-الحمد لله انا كنت فقدت الأمل ان صقر يعيش انت متعرفش انا عيشت ايه بس الحمد لله...
نظر لها لا يعلم لماذا يشعر بتغير وجهها لون بشرتها البيضاء اصبحت شاحبة
-الحمد لله... هو انتي تعبانة؟
هزت رأسها بنفي
-لا بس بحس بدوخة... يمكن قلة نوم
اومأ لها
-نامي..
هزت رأسها بنفي
-مش هيجيلي نوم...
قبل ان يتحدث دلف يوسف لينفعل كاسر
-مش تخبط يلة انت!
ضحك يوسف
-انت فاكر نفسك في اوضة نومكوا ولا ايه لا فوق يا باشا احنا في المستشفى
-انا هروح اشوف صقر
وقفت لينظر كاسر تجاهها بغضب لاحظه يوسف ليبتسم بخبث
-في ايه البنت هتتحرق من نظراتك
لكمه كاسر بصدره
-اتلم بدل ملمك
ضحك يوسف لكن نسرين لم تعد تستطيع المقاومة تمكن منها الدوار لم تعد ترى امامها لم تعد تستطيع التوازن لتسقط وهي تغمض عيناها بألم...
اسرع يوسف لها وكاسر تحامل على نفسه ليسرع ويقم بمسكها
-نسرين في ايه... حبيبتي مالك.. نسرين... بسرعة نادي دكتورة يا يوسف دكتورة بسرعة
اومأ يوسف لكاسر بإيجاب وذهب ليستدعي طبيبة
-نسرين حبيبتي..
فتحت عيناها ومازالت لا ترى شيئ بوضوح
-مش شايفة... انا... كله.... كله بيدور...
اعادت اغماض عيناها بينما هو اتى ليقم بحملها فيتوقف ويحسم امره ويقم بحملها ليشعر بألم يطغى عليه وضعها بالسرير ولم تمر دقائق حتى شعر بالألم وهناك ما يسير ببطئ ودفئ بصدره ليضع يده على صدره ليرى بها الدماء التي تخطت ما يرتديه دلفت الطبيبة بسرعة مع يوسف شاهقة بصدمة
-انت بتنزف بسرعة ناديلي الممرضة والدكتور المسؤول عن حالته
هز كاسر رأسه بنفي وتحدث بحزم معتاد
-شوفيها هي... انتي مش جاية علشاني شوفيها مالها وقعت من طولها
اقتربت الطبيبة لتقيس لها ضغط الدم وبعد قليل نظرت لهم
-هي ضغطها واطي جدآ لازم ترتاح وتاكل انتي منمتيش من ايام صح!!
اومأت لها بإيجاب لتكتب لها بعض الأدوية وذهب يوسف ليأتي بها
-ينفع اللي عملتيه دا؟
نظرت نسرين له بتعجب
-انا عملت ايه!
انفعل كاسر
-عملتي ايه في ايه انتي ازاي مش مهتمية بنفسك بالشكل دا!!!
شعرت بالحزن والألم
-انا مقهورة يا مازن انا حاسة نفسي بتخنق.... ابني اللي مش عارفة هو هيعيش باقي عمره كدا... هيتحرم من حاجات كتيرة...
هز كاسر رأسه نافيآ
-مش هيحصل يا نسرين صقر هيكون احسن راجل وهتشوفي صقر مش هيسمح بحاجة تفوته هو هيكون جامد قصاد اي حاجة تواجهه...
نظرت نسرين له لا تعلم لماذا اتى ببالها هذا لكنها حسمت امرها على كاسر ان يعالج كل هذا عليه ان يذهب لطبيب نفسي فلا تضمن عودته لهذا الطبع والسلوك الذي لا يمكنها ان تتقبله...
استفاقت من شرودها على تحركه لتجد على وجهه علامات الألم انتبهت له
-انت متعور ايه دا!
هز رأسه نافيآ
-شكل الجرح اتفتح مش عارف
دلف الطبيب في هذا الوقت
-ايه اللي حصل يوسف باشا قالي انك محتاجة فحص انت ازاي قومت واتحركت هو بمزاجك!
انفعل كاسر فلا يقبل ان يتحدث احد معه بتلك الطريقة وهو على وشك فقدان عقله من كل ما يحدث ليمسك برقبة ذلك الطبيب صادمآ اياه بالحائط وهو يصرخ به
-انت تبقى مين علشان تتكلم بالطريقة دي انت اتجننت ولا ايه يلة انت انا قادر ادفنك مكانك فااااهم
ظهر الخوف على وجه الطبيب وشعر كاسر انه يرتجف اسف يده لتظهر على وجهه ابتسامة ساخرة
-احذر انت بتتعامل مع مين يا روح امك بدل موديك ليها او اقعدك جنبها
رغم صدمة نسرين الا انها حاولت ان تتصرف بعقل فإن تدخلت لا شك انه سيوسع ذلك الطبيب ضربآ انه حظى بإهتمامها يبقى هذا الشخص دون تغير....
سمع كاسر نسرين تصرخ بألم ليبتعد عن الطبيب بغضب
-امشي وابعت حد غيرك احسنلك..
رحل الطبيب بخوف وغضب وذهب كاسر لنسرين
-ايه يا حبيبتي مالك ايه اللي بيوجعك؟؟
نظرت له لا تصدق ان تتغير شخصيته فجأة بينما هو ابتسم بتهكم عندما ادرك ما قامت به ليقم بقرص وجنتها
-متتزاكيش تاني مرة احسنلك يا مدام نسرين علشان انتي مش قدي فااهمه ولا افهمك بطريقتي
ابعدت نسرين يده بإنفعال
-انت همجي...
شعر بالغضب فماذا يفعل لها وبعد كل ما مروا به تستمر بإستفزازه ليقبض على فكها
-انتي بالذات ودونآ على الكل متعرفيش همجيتي فاااهمه يا قلب امك؟ والله انا معارف بتتكلمي بأمارة ايه يعني دا انتي مع اول الم جيبتي دم من كل حتة معرفش انتي ازاي بتتكلمي اصلآ!!
ابعدت يده بألم وانزعاج من طريقته
-بطل تتصرف بالشكل دا وتتكلم بالطريقة دي معايا
دق احد الأطباء الباب ودلف ليبتعد كاسر عن نسرين ويجلس بسرير مجاور بتلك الغرفة ليبدأ الطبيب بفحصه وتعقيم جرحه بينما هو نظره مثبت على نسرين لتشعر بالغضب من استفزازه لا تعلم انه يهرب من المه فيها فتخرج وتذهب لتجلس مع صقر النائم...
♕♕♕♕♕♕♕♕♕
-هو دا كل اللي حصل
اردفت عنبر بينما والدتها ابتسمت وسألتها ببساطة
-طيب ليه مدتيش لنفسك فرصة تتعرفي عليه!
انفعلت عنبر ووقفت
-يا مامي انا خوفت منه وكمان انا متجوزة وانا مش خاينة يا مامي... انا هروح اتكلم مع كاسر واتطمن عليه النهاردا
شعرت والدتها بفقدان الأمل فيها لتتابع عنبر
-اوقات بتكون الهروب من الموت بالنار هو حرق كل حاجة حواليك!.... بس الفكرة اني اقدر اطفيها في الوقت المناسب لأن النار اللي هعملها مش زي النار اللي كانت هتقتلني ابدآ يا مامي....
ذهبت بينما والدتها اخذت بعض الوقت لتفهم قصد عنبر!!....
♕♕♕♕♕♕♕♕♕
-لو سمحتي عايزة اعرف اوضة كاسر العميري
اردفت عنبر بعد وصولها للمستشفى لترشدها السكرتيرة بعد التأكد وتذهب هي لا تعلم كيف ستكون ردة فعله دلفت للغرفة مباشرة وجدته مغمض العينين ناىم بسريره اقتربت وهي تتأمل وجهه وتتذكر كل شيئ اخبرتها به الطبيبة لتبتسم لذاتها لمست لحيته التي نمت قليلآ ليفتح عيناه وينظر لها بتعجب تحول لبرود....
-حمدلله على السلامة...
لاحظ كاسر خوفها وقلقها لتتابع
-انا اسفة لكل اللي حصل انا....انا معرفش ازاي كل دا حصل بس انا اسفة... انا بجد مليش اي دخل و....
قاطعها كاسر بضمها لتتسع عيناها بصدمة وفي هذا الوقت تم فتح الباب لتتسع اعين يوسف بصدمة
-كاسر!!!....
هستنى رأيكوا وتفتكروا ايه ممكن يحصل في الحلقات الجاية؟؟ وهل كاسر هيقبل العلاج بمنتهى الهدوء؟؟
بقلم/ندى محسن
#نووووودي
White Rose.. 🌼💙
بعد متشوفوا كاسر حضن عنبر 🙂