عندما تتنفس الكتب.. رواية للكاتبة/ندى محسن ♕Noody♕

الحلقة 4

#عندما_تتنفس_الكتب2
الحلقة 4
للكاتبة/ندى محسن عوض الله♕Noody♕

جميلة حملت روز
-يلا على اوضتنا يا صغنن
ابتسمت نسرين
-على فين
تنهدت جميلة
-هأكلها بدل متجوع وتفضل تعيط ومبتسكتش معرفش ليه الأكل عندها الوحيد اللي قادر يخليها تعيط
عبث وجه روز
-عايزة ارضع
ضحكت نسرين
-انتي هتفطميها امتى
نظرت جميلة لها وتذكرت حملها
-انا خلاص هفطمها...
تحدث ماهر وهو يقترب منهم
-مهي بسم الله ماشاء الله بتتكلم اهي وبتمشي حلو خلاص كفاية سنة ونص
نظرت جميلة له ونسرين تعجبت لتدخله بحديثهم لاحظ هذا وابتسم نظر لنسرين
-ايه يا مرات اخويا مش معايا حق
نظرت روز لنسرين
-بعد اذنك انا هطلع
صعدت على السلم والتفتت لترى نظر ماهر موجه عليها لم يعجبها هذا وشعرت بعدم الراحة
نسرين تحدثت
-مظنش ان حاجة زي كدا تدخل فيها يا ماهر هي امها وادرى بأمورها
نظر لها وابتسم
-في ايه يا نسرين انتي اتضايقتي ولا ايه انا كنت بتكلم عادي مش شايف ان فيها حاجة
نظرت له وشعرت بالتعجب من طريقته سألها وقد تبدلت نظراته لعدم الرضا
-قوليلي يا نسري هو انتو مطولين هنا يعني شايفكوا جايين بشنط اكبر وكاسر محددش مدة معينة
نظرت له قليلآ قبل ان تتحدث
-معرفش ومش هسأله هتمشي من بيت ابوك امتى! وافضل انك تناديني بنسرين... واخوك اسمه مازن هااه
تحدثت معه كانها تأدب طفل صغير بينما هو نظر لها بغضب كانت متعجبة من طريقته لطالما لاحظت نظرات الغيرة بعيونه لكن ليست كالأن اتى صقر ابنها
-ماااااماااا تعاااالي
هزت رأسها بإيجاب وذهبت معه بشرود اخرجها لتلك الأرض الزراعية لقد كانت جميلة مليئة بالخضرة تسر الأعين ابتسمت ونظرت له
-ايه يا حبيبي عايز ايه
اشار لها ان تهبط لمستواه فتفعل وهو اقترب ليهمس
-بابا خدنا امبارح وشوفنا يوسف وروز كانت مبسوطة بس قال سر
تعجبت نسرين كثيرآ مما يحدث ونظرت لصقر بضيق ليتعجب فتبعد وجهها عنه
امسك وجهها
-ماما
لم تجيبه ليهتز صوته
-انتي زعلانه مني؟
لم تجيبه بل ظلت على حالها ليجعلها تنظر له بكلتا يده وقد لمعت عيناه بسبب دموعه
-مخصماني ليه
نظرت له بضيق
-لما حد يقولك سر انت مينفعش تقوله يا صقر الا لو كان حاجة وحشة تقدر تحكيلي او تحكي لباباك لكن باباك قلك سر مش صح تيجي تقوله والا هتبقى فتان
هز راسه بنفي
-خلاص متزعليش وانا مش هعمل كدا تاني
ظلت عابثة فيضمها لتبتسم وتقم بحمله
-خلاص يا حبيبي مش زعلانة بس لو اتكررت تاني مش هكلمك
هز رأسه بنفي
-مش هتتكرر ابدآ
هزت رأسها بإيجاب
-يبقى خلاص مش زعلانه منك
ابتسم وقفز بسعادة وذهب ليلعب بينما نسرين تتذكر حديث ماهر وكيف ازعجها تشعر انه يغير من مازن لكن ماذا يمكن ان تفعل يظلوا اخوة شعرت بيد تحاوط خصرها لينتفض جسدها التفتت لتلتقي عيناها بعين مازن
-مالك يا نسري ايه يا حبيبتي في ايه
التفتت نظرت له تأملت وجهه التي تعشق تفاصيله وكل شيئ به لماذا تأتي عليه الحياة لماذا تزيد الضغط فوق اكتافه يبدو صامدآ لكنها تعلم الأن هو مشتت هو لا يعلم ماذا يفعل والمال معه ان نفذكسف يتصرف ضمته بقوة ليحاوطها بزراعيه شعر بجسدها يهتز ليدل على بكائها اتسعت عيناه بصدمه حاول ابعادها ليرى ماذا بها لكنه فشل فظلت تخفي وجهها بصدره
-مالك يا حبيبتي في ايه مالك يا نسري حاسة بايه..
بكت بصوت تشعر بالخوف ماذا سيفعل هو كيف سيعيش وهل من الممكن ان تتخلى عائلته عنه...
-ايه يا نسري مالك يا حبيبتي في ايه ليه بتعيطي كدا انتي في ايه مضايقك
ابعدت رأسها قليلآ لتمسح دموعها وهي ناظرة للأسفل لا تعلم ماذا تقول له
-مفيش يا حبيبي بس يعني جميلة صعبانة عليا اوي وروز كمان هي عايزة تشوف باباها
وضع يده على كتفها امسح دموعها وضمها بحنان
-طيب خلاص اهدي كله هيتصلح يوسف مش هيسمح انهم يضيعوا منه صدقيني
هزت راسها بإيجاب وقامت بضمه مجددآ ليبتسم
-طب تحبي نطلع اوضتنا نكمل الأحضان دي
ابتعدت بغيظ منه وتركته ذاهبة للمنزل فيضحك
-مااشي يا نسري مااشي
ابتسمت وهزت رأسها فلا يوجد فائدة بهذا الوسيم الذي امتلك قلبها...