عندما تتنفس الكتب.. رواية للكاتبة/ندى محسن ♕Noody♕

الحلقة 32

#عندما_تتنفس_الكتب.. ♡
الحلقة 32
للكاتبة/ندى محسن عوض الله♕Noody♕

زهرة نظرت له بغضب اخذت مريم واتت لتخرج وقف امامها
عبد الرحمن بإحراج
-ممكن... نتكلم... ممكن...
زهرة نظرت له بضيق
-انت عايز ايه بالظبط على فكرآ انا مبقتش قابلة تصرفاتك دي ايه اللي بتعمله دا انت فاكرني ايه...
عبد الرحمن بذهول
-على فكرآ انتي من اول يوم وانتي فهماني غلط انا مش عارف ليه بتعامليني بالطريقة دي مش فاهم ليه؟
زهرة بغضب
-لو سمحت ملكش دعوة بيا وانت منتظر ايه اصلآ مفيش بينا اي كلام او اي معاملة...
اتت لتخرج امسك بزراعها فنظرت ليده بصدمه ودفعت يده
-انت مجنون؟؟ ايه التخلف دا ازاي تسمح لنفسك تتصرف بالشكل دا يا بني ادم انت
نظر لها وهز رأسه بضيق
-يا بنتي انا عملتلك حاجة اهدي
زهرة خرجت وضعت مريم على الأريكة واتت لتخرج وقف امامها عبد الرحمن
-زهرة... هو في حد في حياتك؟
زهرة شهقت ونظرت له
-انت تقصد ايه
عبد الرحمن بضيق
-سؤال عادي والله اهدي ممكن تهدي عايز اعرف في حد ولا...
زهرة تجاهلته واسرعت بالهبوط
-وقح....
عبد الرحمن ابتسم بغيظ
-مهو مفيش حل... بنجذبلك طب اعمل ايه؟
نغم بتعجب
-مين دي يخويا؟ وفين زهرة؟
عبد الرحمن ابتسم واقترب منها ضمها
-مين دي هتعرفي في وجود رحيم وزهرة نزلت...

رجاء بتعجب
-ايه يا بت اللي حطاه على راسك دا
زهرة بضيق
-كنت فوق ومخدتش حجابي وعبد الرحمن جه فحطيت المفرش دا
رجاء ضحكت ونظرت لأبنتها
-بس بسم الله ماشاء الله كلهم كويسين واخلقهم عليا.. ايه رأيك في عبد الرحمن
زهرة بتعجب
-رأيي في ايه يا ماما انتي بتهزري؟
رجاء بتراجع
-هو انا قولت حاجة بقول انه كويس بس
زهرة نظرت لها بغيظ وذهبت لغرفتها فتضحك رجاء....

#رواية_عندما_تتنفس_الكتب♡
للكاتبة/ندى محسن ♕Noody♕
متابعة لصفحتي هنا 👈#Nada_Mohsen

زينب بتعجب
-متاكل يبني مبتاكلش ليه؟
كاسر نظر لها وهز رأسه بشرود
-باكل...تسلم ايدك
زينب ابتسمت
-تسلم
عادل امسك ملعقة وهو يطعم نسرين لتبتسم وتأكل من يده وهو قبل خدها وكاسر ينظر لهم بعدم رضا وهو غير راضي عن هذا ولكن غيرته المجنونة ليست بالوضع الصحيح...
كاسر وقف ووضع الملعقة وهو يتألم
عادل نظر له وتجاهله
كاسر بعند
-نسري تعالي عايزك..
دلف لغرفتهم وهي تبعته
عادل بغضب
-عاجبك اسلوبه دا انسان وقح..
زينب ضحكت
-متهدى يا عادل...انا حاسة انه بيغير منك...شوف من اعمالكم سلط عليكم مش كنت بتعمل معايا كدا هاااه مش كنت بتغير من قرايبي
عادل بإنفعال
-اغيير من ابن عمتك ابن خالك ابن عمك ابن خالتك مش ابوكي واخوكي وخالك ايه الهبل دا هي مستحملاه ازاي دي اصلآ
كاسر نظر لنسرين
نسرين نظرت له بإقتضاب
-بطل...
كاسر بغيظ
-هو انا قولت حاجة او عملت حاجة هاااه ابطل ايه بقى ان شاء الله
نسرين بهجوم
-بطل تبصلي يا كاسر وبطل تصرفاتك دي
كاسر عض شفتيه بغيظ وجدها تنظر له وتبتسم كثيرآ ليتعجب
-مالك بتضحكي على ايه على الجلطة اللي قربتي تجيبهالي؟؟؟
نسرين وهي تنظر له هزت رأسها بنفي
-لا....ببتسم بس علشان شايفة جوزي بسم الله ماشاء الله قمر قمر يعني مفيش كلام
كاسر ضحك حقآ وقربها منه قبل جبينها
-والله انتي اللي زوجة قمر يخلاصي على القمر
رن هاتفه ليتنهد بغيظ وامسك الهاتف
-بتيجي غير وقتك يلة انت
يوسف ضحك كثيرآ
-اي كنت بتعمل ايه يا خلبوص
كاسر بغيظ
-عملك اسود انت فينك يلة من بدري
يوسف ابتسم
-على باب الشقة يا صاحبي...انا وجميلة وفهد يا دوبك طلعت من المستشفى جيبتها افتح بقى
اغلق كاسر معه وابتسم
-البسي برا هو برا
نسرين بتعجب
-اللي يشوف لهفتك دي يا مازن ميقولش انك رايح تشوف صاحبك
كاسر بتعجب
-اشمعنا دا صاحبي وابويا واخويا وقلبي وبعدين كليتي معاه يا نسرين هو انا لقيها في الشارع؟؟الله كلام لا يعقل يعني
نسرين ضحكت وكاسر ذهب فتح له ويوسف ضمه بإشتياق ليعاتبه كاسر
-يومين يا جاحد مشوفكش
يوسف بأسف
-معلش كنت بخلص حوار هقولهولك...
كاسر ادخلهم ونظر لجميلة وابتسم بحنان
-حمدلله على السلامة...
جميلة ابتسمت
-الله يسلمك يا...
نظىت ليوسف بتردد
يوسف بتعجب
-في ايه؟
جميلة همست بعفوية
-هو المفروض اقوله ايه اقوله يا عمو؟
يوسف بإنفعال
-عمو؟عمو مين يختي
نسرين خرجت وسمعت حديثهم
كاسر بتعجب
-هي قصدها عليا انا عمو؟
يوسف ضحك
-اومال عليا انا
كاسر بإستفزاز
-من سن بعض يا حلو لو انا عمو فأنت عمو والعم والد بقى و...
يوسف قاطعه بغيظ
-متعصبنيش وبعدين الخال هو الوالد انا كدا في امان
ضحكوا وتعرفوا على عائلة نسرين اكثر وظلوا سويآ ولم تتوقف زينب عن جلب الطعام والعصائر فلقد عاملتهم بكرمها المعتاد
كاسر بتعجب
-كنت فين بقى الفترة اللي فاتت
فهد نظر لهم وهو يتابع بصمت
عادل تركهم ودلف لزينب جلس معها
يوسف نظر لجميلة بتردد
جميلة بحيرة
-مالك يا چو
يوسف قبل يدها
-مليش يا قلبي....انا روحت بيتك يا جميلة...
جميلة بتعجب
-بيتي؟
يوسف هز رأسه بإيجاب وابتسم...وهو يتذكر
Flash back
يوسف طرق الباب بقوة فتح رامي ابنة عمتها وعرفه ليبتسم بغل
-جيت برجلك يا قذر انت دا انا مش هرحمك
هجم عليه رامي ولكن يوسف ضربه بمهارة
-فووووق يلة انت انت اخرك تتشطر على ست على بنت بريئة زي جميلة مش على رجالة يا حيلتها
اقتربت والدته صارخة بخوف
-ابنيييييي..انت اتجننت ابعد عنه
اقترب والده وصرخ بن
-انت اتجننت تبقى مين انت وازي تتجرأ دا انا هسجنك
في هذا الوقت اقترب اللوا جلال بزيه الرسمي ليتراجع والد رامي وهو يرى العساكر والظباط
جلال بحزم
-انتو مطلوب القبض عليكوا..
يوسف ابتسم بثقة
تحدث والد رامي
-بتهمه ايه انتو مش عارفين ابقى مين
جلال بحزم
-الأحسن تيجي معانا وهتعرفوا كل حاجة
تم القبض عليهم ويوسف ابتسم ونظر للوا جلال
-تشكر يا باشا
جلال بغيظ
-والله انا خايف تعمل هرجلة معرفش بحبك على ايه
يوسف ابتسم ونظر له بثقة
-هتحتاجني صدقني فمتقلقش اللي بتعمله النهاردا هتلاقيه
ابتسم جلال وذهب ويوسف دلف للبيت يتأمله واتصل بالنجار ليأتي ويغير قفل الأبواب...
back
يوسف نظر لجميلة بحب
-ناقص شهادتك بس يا جميلتي
جميلة ابتسمت وكانت سعيدة
-بجد حبستهم كلهم
يوسف هز راسه بإيجاب
جميلة بسعادة
-طيب يا چو انا شاهدة
يوسف امسك بيدها
-لازم تبقي تيجي معايا...
جميلة بقلق
-هو انا هشوفهم يا چو
يوسف هز رأسه بإيجاب
-لازم...بس متقلقيش..انا معاكي
جميلة ابتسمت
يوسف نظر لكاسر
-بعد متشهد في نفس اليوم هاخدها واسفر لعيلتي يا كاسر....
كاسر شعر بقلبه يرتجف ولكنه ابتسم وهز رأسه بإيجاب
يوسف نظر لفهد وابتسم
-ونفذت اللي قولته عد الجمايل يا عم
كاسر ابتسم ونظر لفهد
-اسبقني على شقتك انا جاي...
فهد تعجب
-شقة ايه
كاسر تنهد
-اللي هنا يا فهد متركز
فهد بتعجب
-اروح اعمل ايه يعني...
كاسر
-روح وقولت هجيلك عايزك
فهد تنهد وسار وصل لشقته
-ادخلها ازاي يعني يا كاسر
وجد الباب مفتوح تعجب اكثر وفتحه وجد رائحة جميلة رائحة يعرفها جيدآ طعام شهي...ورائحة عطر مميزة وكيف لا تكون مميزة وهي رائحة حبيبته...لقد جن...حقآ لقد فقد عقله تذكر يامن اغمض عينه بألم وقبل ان يخرج من الشقة سمع صوت لطالما عشقه صوتآ كان يسمعه من كثرة حنينه واشتياقه لصاحبته لهمسته التفت ولقد رأها...رأها امامه ارتجف قلبه وهو ينظر لها لم يرمش لطالما كان يتخيلها وما ان يرمش حتى تختفي ظل محدق بها
همسة نظرت له وهي تتأمل وجهه تساقطت دموعها مسحتها واقتربت وقفت امامه هامسة
-فهد....
فهد اغمض عينه بتلذذ فتح عينه وجدها امامه مجددآ تعجب ونظر لها قرب يدخ من وجهها ولم يلمسها
-انتي حقيقي....معايا...يعني....بجد معايا.....همسة...
همسة اقتربت وقربت وجهها من يديه ليلامسها ولم تختفي ضحك بقوة ضحك من اعماق قلبه ودموعه تساقطت
-همسة.....انتي بجد هنا...همسة قوليلي انتي بجد معايا يا ام يامن...
همسة دموعها تساقطت بألم وظلت تشهق
-انا...اسفة...اسفة سامحني انا...ظلمتك...بس انا كنت بموت انا اسفة...اسفة يا فهد
ضمته بقوة وهي تشعر بتسارع نبضات قلبه بقوة ضمها بقوة بيد واحدة فالأخرى مازال لا يستعملها من اجل كتفه المصاب
همسة كانت تبكي وتضمه بقوة