SLAM DUNK: COLLEGE MATCHES
CHAPTER 82: Tokyo Vs. Toyotsu
(Ps: Typo Errors Ahead!)
THIRD PERSON'S POINT OF VIEW
Ngiting napakamot sa pisngi si Haruko habang nakatingin kay Hanamichi.
Sobrang inis ni Hanamichi dahil nalabas siya sa court. Ang tatlong-langgam na kumagat at nagsanhi ng pamumula sa kanyang tagiliran ay pinagbuntungan niya ng sama ng loob.
Tinisod-tisod at inapak-apakan nya ang mga ito.
"Bwisit kayo! Napagkamalan akong may injury dahil sa inyo mga lintik na langgam!" lintya ni Hanamichi.
Pilit siyang pinakalma ng Tatlong-others.
"Tama na Sakuragi!" awat ni Daisho
"Kawawa yung mga langgam. Dinurog mo sila!" naiiyak na sabi ni Nishizaki.
"Paano ka ba nagkaroon nyan sa katawan? Kanina ka pa naglaro sa court ah." tanong ni Hanagata na nagtataka.
Agad nagsiiwasan ng tingin ang Tatlong-others.
Tiningnan sila ng masama ni Hanamichi.
"Hoy, Tatlong-others. May hindi ba kayo sinasabi sakin?" tanong nito sa kanila.
"Hoy ka rin. Wala kaming alam." Watanabe
"Wag mo silang pagbintangan..."
Napatingin si Hanamichi sa nagsabi nun. At doon ay nakatingin sa gawi nila si Fukuda na nakaekis ang kamay.
"Mabuti nga at nagawan ni Jin ng paraan na mapalabas ka sa court para may konting pahinga ka." sabi ulit ni Fukuda.
Tumaas ang isang kilay ni Hanamichi na nagtataka.
"Anong si Jin?"
"Hindi mo pa rin ba maintindihan? Ang bagal talaga ng utak mo." Fukuda
"Sabihin mo na lang pinapaligoy mo pa eh!"
"Kanina, dun sa malaking haligi sa likod ni Haruko..." panimula ni Fukuda at tinuro ang likurang bahagi ni Haruko.
Napatingin din si Haruko sa tinuro nito at nagulat siya ng...
"Hala oo nga noh? May mga langgam dito... At ang lalaki pa!"
Gulat si Haruko nang makita nya ito na naglalabas-masok sa isang crack na bahagi ng haligi.
"Akala ko talaga nagbibiro si Jin sa sinabi nya samin. Tinotoo nya pala. Akala ko isa lang ang kukunin nya, tatlo pala..." nakaismid na sabi ni Fukuda.
"Naalala mo yung tinapik ka ni Jin sa balikat? Doon nya nilaglag ang mga langgam para kagatin ka daw hanggang sa mamatay ka." dagdag pa nito.
Tila pumutok ang ugat sa ulo ni Hanamichi sa nalaman nya.
Isang mainit na usok ang lumabas sa lahat ng butas ng mukha nya.
Dahil sa inis ay sumulong ito sa gilid ng court malapit sa coaching box ni Fujima.
"HAYOP KA JIN! UMALIS KA DYAN SA COURT! NAPAKADEMONYO MO!" inis na sigaw ni Hanamichi na to the rescue namang umawat ang Tatlong-others.
Samantala sa court, ang naka 3-point pose na si Jin ay napangisi sa sinigaw ni Hanamichi sa kanya at nagshoot.
*Shoot!*
"YAHOOOOOOOOOOO!
AYOOOOOOOOS!
APAT NA TRES NA SUNOD-SUNOD!
JINNNNNNN!" hiyawan ng mga tao.
Nakangiti namang nag-apiran sina Jin, Ikegami, Sendoh, Maki at Kiyota.
"GALINGAN NIYO PA TOKYO!
6 POINTS NA LANG ANG LAMANG NG TOYOTSU! MAHAHABOL PA NATIN YAN!" sigaw nina Herai sa gilid at ng apat na Ungas.
"Hanamichi!" sigaw ni Mito sa kanya na ikinatingin nito.
"Magaling ang pinakita mong laro, pero Time-out ka daw muna!" tila inaasar siya ni Mito.
"NYAHAHAHAHA!" tawa pa ng tatlong-ungas.
3 minutes na lang ang natitira at 6 points na lang ang hahabulin ng Tokyo Team. Sa pagpasok ni Jin at Ikegami ay natulungan ang Team na makahabol.
Hindi parin lumilingon si Jin kay Hanamichi dahil guilty siya sa ginawa nya kay Hanamichi at hindi nya akalain na malalaman agad nito yung kalokohang ginawa nya.
"Hindi ko masisisi si Sakuragi. Pero para din naman sa kanya yung ginawa mo." sabi ni Ikegami kay Jin.
"Dapat lang na magpahinga muna siya... Dahil gagamitin siya ni Fujima sa huling parte ng laro." sagot nito.
"Talaga nga bang maglalaro siya?" tanong ni Maki.
"Para sa kasiguraduhan na manalo ang Team... Oo daw." Jin
Dahil ang Tokyo Team ang huling nakagawa ng puntos kaya ang bola ay mapupunta sa kuponan ng Toyotsu.
Hawak ni Muzaka ang bola saka tiningnan ang kalabang kuponan.
" Jin No. 6... Napakahusay niyang Shooter kahit pang Centro ang height niya." puri nya kay Jin.
"Kabilang siya dati sa pinakamalakas na kuponan ng Kanagawa, ang Kainan. Natanghal siya bilang Leading Scorer dahil nanghahakot ito ng puntos kaya talagang malakas siya." singit ni Rango.
"Ahh kaya pala." pinatalbog ni Muzaka ang bola at pinasa kay Tsuchiya.
Pagkasalo ni Tsuchiya at napataas ito ng hintuturo.
"Toyotsu! 6 points na lang ang lamang natin sa kanila. Kahit anong mangyari ay huwag silang hayaan na makahabol o makalamang sa'tin!" sigaw ni Tsuchiya bilang point-guard.
Habang paikli ng paikli ang oras ay mas lalong bumibigat ang palibot ng gymnasium. Kahit lamang ng 6 points ang Toyotsu Team ay hindi pa nasisuguro ng manonood kung anong team nga ba ang mananalo.
(Dribbling...)
Sinimulan ulit ni Tsuchiya ang opensa.
Nasa division line pa lang siya ay inabangan siya ni Maki kaya napilitan siyang ipasa ang bola.
Pinasa niya ito kay Mikoshiba na nasa outer left side range ng 3-point area. Pagkasalo ni Mikoshiba ay nagshoot agad ito.
*Pak!*
Pero biglang sumulpot sa harapan niya si Ikegami at nablock ang bola.
"Bwisit!" Mikoshiba
Sakto namang tumalbog ang bola kay Kiyota na nasa rebounding area.
"Kahit dati kang Star Player ng Shizuoka. Kung ikukumpara kita kay Ouzumi ay balewala ka lang." sabi ni Ikegami sa kanya saka agad siyang iniwanan.
"Ang yabang!" Mikoshiba
Mabilis na idinribol ni Kiyota ang bola pabalik sa kanilang half-court.
"Bilis! Fast Break!" sigaw ni Sendoh.
Samantala si Coach Terushima sa gilid ay hindi mapakali sa bangko. Iniisip nya na baka makahabol ang kabilang kuponan at matalo sila.
Awtomatikong lumagpas sa division line si Kiyota at dumiretso ito sa ilalim ng ring para magdunk.
Pero sa ilalim ng ring ay nandoon si Morishige nagbabantay sa kung sinong pangahas na papasok sa teritoryo nya.
Tiningnan siya ni Kiyota.
"Ang Bakulaw na'to...Nadali lang siyang tumbahin ng Unggoy na yun."
Bago pa makalapit sa ilalim ng ring si Kiyota ay tumalon ito para magdunk.
Itinaas naman ni Morishige ang mga kamay nya para iblock si Kiyota.
"Kung nagawa ng Unggoy na yun na patumbahin ang bakulaw na'to... Magagawa ko rin!"
"Humanda kang bakulaw ka! Kayang-kaya din kita!" sabi ni Kiyota at bumuo ng pwersa sa kanang kamay nya kung saan nakahawak sa bola.
Ngumisi lang si Morishige.
At,
*Pak!*
Dalawang kamay ang nagpupwersahan sa sa isang bola.
Ang kamay ni Kiyota at Morishige na nagtutulakan tila hand-wrestling ang ginagawa.
Palakasan ng pwersa kung saang bahagi mapunta ang bola.
Mas lalong napangisi si Morishige na may kalakasan din pala itong si Kiyota. Napasabi siya sa kanyang isip.
"Hindi na masama ang isang 'to. Malakas din siya, pero..."
"Arrrgghhhhhhhh!" mas pinuwersa pa ni Kiyota ang lakas nya sa bola.
"Kung ikukumpara ang lakas niya sa Pulang-buhok na yun. Mas kaya ko pa'tong talunin."
Matapos yun sabihin ni Morishige sa kanyang isipan ay hindi na siya nagsayang ng oras kaya pinuwersa nya na din ang kanyang sarili.
At gaya ng sabi niya...
*Pak!*
Napalpal niya ang bola kay Kiyota paibaba at dahil sa pwersang yun ay bumagsak si Kiyota sa sahig.
*BLAAAG!*
Simula nung naalis si Hanamichi sa court ay kinonsidera ni Morishige ang kanyang sarili bilang bagong hari sa ilalim ng ring. Lulubusin na niya ang pagkakataon hangga't wala si Sakuragi sa loob ng court.
Pumito ang Referee.
(Pumito...)
"DEFENSIVE FOUL! GREEN NO. 13!" sigaw ng nito at tinuro si Morishige.
Itinaas naman ni Morishige ang kamay niya.
Napatingin si Tsuchiya at Muzaka sa gawi ni Morishige.
"Nakatatlong foul na siya." bulong ni Tsuchiya kay Muzaka.
"Hindi na masama. Atleast napigilan niya si Kiyota. Malapit na din matapos ang oras." sagot nito saka tiningnan ang oras.
3 minutes at 9 seconds na lang.
Ang apat na mga kasamahan ni Kiyota sa loob ng court ay nilapitan siya.
"Kiyota ayos ka lang?" tanong ni Maki.
Dahan-dahang bumangon si Kiyota sa pagkakahiga bago ssumagot.
"Ayos lang ako Maki..." sagot niya. "Imposible kong matapatan ang lakas niya." disappointed na sabi niya sa kanyang sarili.
"Wag mong sabihin yan Kiyota..." wika ni Sendoh at umupo ito para pantayan siya.
"Kahit si Sakuragi na maikukumpara sa halimaw ang lakas ay nadali niya rin. Kahit ako... Kung pwersahan ang pag-uusapan, hindi ko rin kayang tapatan si Morishige." nakangiting sabi ni Sendoh sa kanya.
Yumuko na lang si Kiyota at napayukom ng kamao dahil kabiguan niya.
Napatingin ulit silang lahat sa Referee nang pumito ulit ito.
"SUBSTITUTION! TOKYO TEAM!" anunsyo ng Referee.
"Ha? Ibabalik na agad si Sakuragi?" tanong ni Sendoh.
"Hindi..." sagot ni Maki habang nakatingin sa gawi ng Team nila.
Nagsinghapan at nagbulungan ang mga tao sa court dahil sa substitute player ng Tokyo Team.
"Ano?
Seryoso ba yan?
Maglalaro siya? Pwede ba yun?
Kaya pala wala akong nakitang No. 5 sa pangkat nila. Siya pala yun!
Papasok na sa loob ng court ang No. 5 ng Tokyo Team!" sigawan at bulungan nila.
Natigilan parin sila Sendoh, Maki at Kiyota samantala ang kuponan ng Toyotsu ay nagulat nang makita si Fujima na naka jersey uniform na may numero singko.
"Maglalaro na si Fujima." gulat na sabi ni Kiyota.
Naglakad papasok si Fujima sa loob ng court at nilapitan si Kiyota.
"F-Fujima..."
"Sige na Kiyota. Kanina kapa naglalaro, hindi biro ang kalaban at para na rin sa kasiguraduhan ng pagkapanalo natin." sabi ni Fujima sa kanya saka nilahad ang kamay nito.
Tumango naman si Kiyota at tinanggap ang kamay ni Fujima saka siya hinila nito patayo.
"May tiwala ako sayo, Fujima." tanging sabi ni Kiyota saka naglakad palabas ng court.
At sa pagkakataong ito ay mas lalong lumakas ang pwersa ng Tokyo Team line-up dahil kay Fujima.
Ang perpektong player para sa posisyong Point-Guard.
Ang Tokyo Players na nasa loob ngayon ng court ay si Ikegami, Sendoh, Maki, Jin at Fujima.
Nilapitan ni Fujima si Sendoh at nag-apiran ang dalawa.
"Ayos, exchange na naman." nakangiting sabi ni Sendoh.
"Sendoh, Small-forward; Maki, Power-forward; Ikegami, Center; Jin, Shooting-guard;..." assign ni Fujima sa kanila. "At ako naman ang Point-guard." presenta nito.
"AT AKO NAMAN, IBALIK NIYO! ANO BA!" biglang sigaw ni Hanamichi sa kanila mula sa bangko.
Mahinang napatawa si Jin dahil basa ang ibabang bahagi ni Hanamichi.
"Ano yan? Nakaihi ba siya sa jersey short nya?" takang tanong ni Maki.
Nilapitan ni Watanabe si Hanamichi na may dalang malaki na alcohol. Bigla niyang tinaas ang jersey shirt nito saka siniritan ang namumulang balat na may mga kagat ng langgam ang tagiliran ni Hanamichi. Ang direksyon ng alcohol ay napunta sa jersey uniform ng gunggong dahil sa pagpupumiglas.
*Siniritan ng alcohol.*
"ARAAAAAAAYYYY!!!" sigaw ni Hanamichi sa sobrang hapdi. "Ano bang Bentoy ka! Diba sabi ko sayo tama na!"
Sa court. Hawak ni Tsuchiya ang bola.
Ngayon, ay bumalik si Sendoh sa pagbantay kay Mikoshiba. Kaya sa pagkakataong ito ay si Fujima ang nagbantay kay Muzaka.
Napangiti si Muzaka kay Fujima.
"Ikaw ang pinakabatang Coach ng College Matches na kilala ko. Ikaw si Kenji Fujima."
"Ikinagagalak ko makalaro ka kahit sa kunting oras ng laban nating ito." nakaismid na sabi ni Fujima.
Napayuko si Muzaka at mahinang tumawa.
"Hahaha... Magiging maganda ang laro---HA?" napalinga-linga si Muzaka sa kinatatayuan niya nang nawala agad sa harapan niya si Fujima.
*Pak!*
"WOOHOOOOOO!
NICE INTERCEPTION!
FUJIMAAAAAAAAAA!"
"Fast Break!" sigaw ni Fujima sa kanila.
Nagsitayuan ang balahibo ni Coach Terushima nang makita niya ang awra ni Fujima na seryoso at ramdam niya na kayang lampasuhin ang Team nila.
Tumayo siya sa kinauupuan niya.
"PIGILAN NIYO SI FUJIMA KAHIT ANONG MANGYARI!" sigaw niya.
"Mukhang imposible na yan, Coach."
Napatingin si Coach Terushima kay Godai na nakaupo sa tabi niya.
"Imposible nating mapigilan ang mga yan lalo na't nasa loob sina Maki, Sendoh at Jin. Kung mga best shooter ang tatlong nasambit ko. Ultimate Shooter naman itong si Fujima. Walang tira ang hindi pumapasok kahit anong depensa ang gawin sa kanya." paliwanag ni Godai.
"Ang batang Coach na yun?" Coach Terushima
"Siya ang Perfect Skilled Point-guard ng Kanagawa at sa tatlong taon niya sa high school ay palagi siyang nakukuha sa state system upang maglaro para sa Kanagawa.... Yan Kenji Fujima." Godai
Sa court ay walang pasabi na pinasa ni Fujima ang bola kay Maki na nasa 1st ft. left side range ng 3-point area.
Agad tumakbo si Morishige at Tsuchiya para iblock si Maki.
Ngumisi si Maki saka pinasa ang bola kay Sendoh na nasa likuran ng dalawa.
"Pinasa niya!" Tsuchiya/Morishige
Pagkatanggap ni Sendoh mula sa Small-forward area ay nagpose ito para magjumpshot.
Ngunit tumambad sa harapan niya si Muzaka na nakataas ang kamay para iblock ang tira niya.
"Wala yan..." Muzaka
Agad inikot ni Sendoh ang kamay at mabilis na ibinalik kay Fujima ang bola na nasa shooting-guard area.
"Hawak ni Fujima!" Mikoshiba/Rango
Dali-dali silang lumapit para harangan si Fujima.
Pero...
*Shoot*
Hindi na sila binigyan ni Fujima ng pagkakataon na makalapit.
Another points na naman para sa Tokyo Team.
"AYOOOOOOOOOS!
ISKOR NA NAMAN!
FUJIMAAAAAAAAA!"
"3 points na lang Team. Madali na lang 'to." nakangiting sabi ni Fujima.
Tiningnan niya ang isang player na nasa bangko ng Tokyo Team.
Tumaas naman ang isang kilay ni Hanamichi dahil nakatingin si Fujima sa kanya.
Tinayo ni Fujima ang point finger niya tila isang senyas.
Napangisi naman si Hanamichi sa pinahiwatig niya.
"Oo, Fujima naintindihan ko. Isang tira mo na lang at pantay na ang score. Dahil dyan ay ipapasok mo ulit ako." nakangising sabi niya.
[PS: ANG KWENTONG ITO AY KATHANG-ISIP LAMANG AT WALANG KINALAMAN SA TUNAY NA KWENTO NG SLAM DUNK.]