#جُمِّلْت أخلاقها
✍️كاتبة الجنوب
سمر :عاتبيتك
چن طفل روضه وغلط غلطه
عليمن حاسبتني سنين وسنين
مظفر النواب
سالم :
تعتب والعتب مدفون جثة التم عليها الدود
عريان السيد خلف
__________
قندة /أخذت العصير وبگلبي اردد ايات بس كون ما انثول كدامهم ياربي ساعدني نرجس تمشي كدامي وانا وراها وبكامل أناقتي دخلت هي وكالت هاي العروس
وصاحت المرا تبارك الرحمن ما شاءلله كاملة والكامل الله جمال وأخلاق مديت إيدي اقدم الشربت وهي بس تباوعلي حيل خجلت اول مرة واحد يمدحني، كالت روحي انطي كرومي،
ا(ايي انطي ليش لا )حجيت بگلبي
قدمت اله اخذها وهو خجلان وكملت البقيه وصاحتلي امه تعاي هنا صيري مقابيله حتى يشوفج عدل شكد مكروه هذا موقف ليكول سلعة وجاي يشترونها، كعدت مقابيله وهو هم خجلان امه ادكله هاي عروس كدامك لا بعدين ادكول ما شفتها عدل هاي كدامك، هو رفع راسه وانا دنكت اسوي روحي مستحية،
صاحت المرا ياا شبيك حظي لا تستحي باوعلها، حيل نرفزوني والله
لو ما ابوي واخاف منه اله اخزرة وخلي يحلم بعد يباوع المرا، كلت خلي أجرأ ارفع راسي اشوفه يباوعلي رفعت راسي شفت عيونه فاتحهن على وسعهن هذا متأثر بأمه كلولك باوع مو ركز من عسى عينك الفكس،
زين هسه هذا فاك عيونه لازم ادنك دنكت اووو والله مليت حسبت لفراش جم لون وحفظت نقشته هم، خلي ارفع راسي واعوف المستحةوشيصير خلي صير ، بربكم همزين باقيه سادة حلكي ما حاجيه ولا كلمة، وهو متصنم وكاعد، رفعت راسي وهم فاك عيونه هذا،
بقيت صافنه بوجها اسمراني عيونه واسعة كحليه جسمه شوي تارس ملامحة رجولية حادة لابس قميص وبنطرون مو ذيج الكشخه بس شوي ترتيب ، انتبهت عليه رفع تك حاجب ستحيت ورجعت دنكت بس اباوعلة من الجوا الجوا شفته بتسم، بعد توبه اذا رفعت عيوني شوي وندستني مرت ابوي بمعنى روحي، كمت من يمهم وركض يم الغرفة
حور: خير جايتنه طايرة
آمنه: لا تلومينها شوفت كرومي تسطر سطر
قندة: بدون لغوة ونطني ماي جنت متشنجه وكاعدة اففف احتريت
آمنه: باع هاي صدكت روحها عروس وضلت تشرط
يلا اشوف كلمن يخدم نفسه بنفسه
قندة؛ يابه شطالبة ولجن كوب مي
آمنه: تعبي ايدج حبيبتي وشربي وفضيها، عود من يقبل كرومي بخلقتج ذيج ساعة افرشلج الكاع ورد مو بس اجيب ماي
قندة: وليش ما يقبل، شوفي هل جمال احد يرفض هيج جمال
سالم: احمممم يابه كل عام وانتم بخير
قندة: انت منين طلعتلي بعد
سالم: هاي شكو شصاير هنا
آمنه: ما تدري عدنه كرومي
سالم: منووو !!!
آمنه: تعيس الحظ جاي ايشوف اختك
سالم: لك هلا بي
قندة: مو جنكم تردون تخلصون مني
سالم: اي والله خلي نخفف شوي، شوفي هسه عندج حور وآمنه فرحانات لأن واحد من
فراشات راح يطير ويكدرن اينامن براحتهن، وتمن بدل ست صحونه ايصير خمسه حصتج تتقسم علينه واحنة نشبع بطنه ،
وهاا ملابسج راح اصيرن حور وصفحة كنتورج نستفاد منها، وشوفولي كرومي ما عندة اخو حتى نطبك حور وياج وصير بيع طبك
آمنه: الله عليك اخوي وابقى وحيدةبلبيت ما تصور راحة اوووفيش عرسن واحنه نرتاح
حور:باقيه على گلبج امنوو
قندة: بطلت ما اعرس ابقى كاعدة وهنا مكاني وعلى كلبك يسلوم
سالم:مو بكيفج هذا مصيرج وكلجن متبقى ولا وحدة
قندة:سلوم عادي احجي وياك موضوع عوف ضحك شويه
سالم: اذا موضوع الي بالي وبالج لا تحجين
قندة:سمر خوش بنية والله تحبك واذا تبقى على ابوي زوجك اخت كريم، ما تصور شراح اصير بيها اذا خذيت غيرها،خطيه حيل ذبلانه
سالم:هههه وانا شكو بالموضوع
قندة: تحبك لبنية وبعدها زغيرة كلشي ما تعرف ربيها على ايدك سلوم طفلة مو قصدها اذا غلطت
سالم: مو مشكلتي وبعد لا تفتحين هذا موضوع سمر شلتها من راسي ما اصيرلي مرا،من رخصتكم
حور: زين هيج ضوجتي رجال طكت روحة منها
قندة: ولج كل مصايب انتي سببها،هذا لسانج لو ينكص جان احنه بخير
حور:لا بلى كلشي ذبيتوها براسي،لازم حور سبب
قندة:هو منو غيرج ام لسان تحبين سوين مصايب
حور: حبيبتي هي تشمتت بأمي واذا يزوجها تبقى هاي حجايتها امك وامك وهو يبقى ياكل بروحه، واتمنى ما يزوجها ختولي طلعت من عيني ،شايفه روحها والله أخطبله احلى وحدة
قندة: والله وكبرتي يحور وصرتي دورين مرا لخوج
حور: هههه حسبالكم بعدني طفلة
آمنه:كرومي راح يروح
حور: اوكفي خلي اشوفه
قندة:ولجن عيب ما تستحن
حور:منو جانت كاعدة كباله وفصلته تفصال بعيونها
قندة: عيب استحي هاي سوالف مالت كبار
حور: وانا مو زغيرة
آمنه:لك شوف هاذ منو اجه
قندة: شنو منو اجه
آمنه: لك هاذ أيسر
وراحت طايرة على أيسر،شوي ودخل ابوي ومرته
حور:هاا شنو ما شنو
ابو سالم: تعاي بوية خلي نرجس تفهمج وانا طالع وها لا تنسين الي بخاطرج كولي وتبقين انتي بتي ولو بأيدي ما نطي ولا وحدة منجن انتن وردات البيت بس هذا أمر الله وما ريد احرمجن من زواج فكري يباا اذا يناسبج خير على خير واذا ما تردين يروح بحال سبيله،ما متعاجز من لكمتج، فكري وردينه خبر الولد يتاني
فهميها نرجس،
نرجس: ميصير خاطرك اله طيب روح انت وهي باجر تردنه خبر
ابو سالم: ما تقصرين، وين آمنه
نرجس: ما شفت أيسر اجه بعد ما تلكاها طارت وياا
ابو سالم: خليها ويه وليد عمها يتيم هذا دربالكم عليه
نرجس: احنه دارين بالنه عليه بس من ناحية آمنه الله اعلم شمسويه بي
ابو سالم: ولكم هاي ام لسانين شلون وياها شوكت تكبر
نرجس:خليها زغيرة احسن
ابو سالم: تشلع گلبي هاي يلا انا طالع أخذلي فرة يم ابو رافد اشوف اخبارهم
_الله وياك
قندة: لليوم ثاني محد حجه وجاب طاري خطوبة للظهر صاحتلي نرجس رحت الغرفتها
نرجس:تعاي يمه هنا
قندة: اي اجيت
نرجس: شو ما رديتي خبر
قندة: هاا شرد
نرجس: موافقة على ولد
قندة: ما ادري بكيفكم
_شوفي ماكو شي بكيفج الزواج هذا راح تبقين وياا طول العمر
_انتي شنو شوفين
_الي اشوفة مظهرا زين وخوش انسان بس ما عايشة بيتهم وما اعرف شنو داخله، شوفي هسه انا كدامج هم ابوج من شفته هم هيج مدنك ويستحي،
_اي بس ابوي خوش رجال
_والله ونعم منه زلمه حوك، وشاريني ومحترمني وحاطني على راسه، بس اكلج كلهم هيج يجون خجل داخل بعيونهم وبس انتي وحظج يطلع زين ويخاف الله بيج لو يطلع ملغوث
_مرت ابوي بس سؤال من زمان اريد أسألج بس مستحيه
_كولي
_ليش زوجتي ابوي وانتي بعدج زغيرة وهو جبير وعندة ست جهال
_شوفي احنه ست بنات وثلث ولد اخوي جبير اخخخح يخوي جان سابينه سبي مشينه على سلاط مستقيم شابعين منه ضرب الوحدة بينه حسرة عليها سوي مصيبه اول كلمه ايكولها جيبي اقوى عصا وكون ما تنكسر حتى يضربها بيها اي يمه قاسي مو اخ ضيم
_ ياا خطيه هم ضاربج
_اووو شبعت وخلص دراسة وتخرج من جامعة وصارت حرب واخذو يقاتل وبعد مارجعنه لهذا يومج ابوي شكد دور عليه وماكو اي ذجر امي تخربطت وادك وتنوح على ابنها بقينا بأمل يرجع طول شهر وشهرين الا أن زاد الحرب واحنه تهجرنه بغير محافظة حطينه بيها وضل البيت فارغ امي خطيه تقهر بروحها وزاد الطين بله من اجينه وشفنه بيتنه صاير تفليش وما ضل شي بلبيت صاحي امي طاحت علينه ونشلت اختي جبيرة زوجت والاصغر مني بس انا نذرت روحي لخدمة امي بقيت وياها بأكلها ولبسها كله عليه
وما عفتها وفاتني يمكن القطار لأن اصغر مني زوجت
الى أن الله خذه أمانتها وتوفت امي هنا سودت دنيه بوجهي وفجئة انفتحلي باب وتقدملي ابوج،ومن سمعت عندة ست جهال وبركبته اختاريت اصير ام هذول جهال وأربيهم ما وكف كبالي العمر ولا شكل لا انت صرتو بين عيوني، يمكن الله بعثني الكم حتى اهتم بيكم مثل ما هتميت بأمي،
قندة:ياا سودة عليه نقهرت عليج
_عوفيني بعدج بداية شبابج وراح تواجهين الحياة فخليج مستعدة الها، وهسه شنو انكول يا الله ونختار كرومي
_اي مابي شي فقير مو
_ان شاءلله يطلع فقير
_بس خاف يطلع مو زين شلون بيه
_شوفي بنيتي خلي احجيلج قصة اكو بنية بدوية بتها هم جانت نفسج وتريد تعرسها ف شكالت الها امها كلتلها يمه رجال مثل طفل صيريله ام ودللي وصيري حنونه عليه،
وحفظي صفاته مثل معاشرة بالحسن والطاعة، وخليج دائماً جميلة لا يشم منكِ الا اطيب الريح ولا تقع عيناه عنكِ بقبيج، وبعد شنو كلتلها
تفقدي وقت طعامه والهدوء عند منامه،اعتني بيته ومالة ورعي نفسه وعيالة ولا تعصين امرا ولا تفشين سرا، والله يرزقج بكد نيتج بنيتي ورجال ميحب المرا عاكرة وجها وشكايه خليج بشرة وابتسامتج تارسة وجهج شكلتي ابوج يريد جواب
_بكيفكم
_هذا هو صار معلوم والله يكتبلج بي خير
_ان شاء الله
طلعت من الغرفة شفت حور
قندة: مبدلة وين رايحة
حور: بيت عمي
قندة:كل هل جمال والكشخة بيت عمج
حور:اي
قندة: ليش عدهم عرس
حور:لا
قندة: جا شكو
ماكو شي
باي
لو بس اعرف شعدها والله خايفة منج يحور
ننطي القلم بنت الوسطى وهي حور ...
حور: رحت بيت عمي وانا ادورا من بيت البيت بيت عمي جبير وكل واحد باني مشتمل ومطلع باب على بيت ابوهم الجبير رافد
وزهير وسرمد كل واحد مشتمله عدهم أمين الزغير هذا اسمي لوكي كلما يشوفني يجي ينفخ بروحة انا هيج وانا هيج اكره شوفته بالبيت طبيعتي هادئة او سيدة الهدوء اسلم على عمي وعمتي واروح يم ضحى وعيوني على بيت رافد، الوحيد رافد احسه مثل طبعي،اكثر واحد قريب عليه برغم بته جبيرة اكبر مني بس احسه مثل عمري
بقيت انتظرة الى أن اجه نزل من سيارة وريحته ركعت بخشمي گلبي يدك من يشوفه احساس اول مرة احسه
هيبته والكل يحترمة ويخاف منه بس يمي غير شقى وضربة الي بحنية دخل ورفع مناظر صفنت بوجها
لك هلا بزغيرونه
مرديت عليه جنت بغير عالم تهت بعيونه
كفخني على راسي
ولج ما سلمين صافنة بوجهي معقولة هيج طالع حلو
حور: هاا لا بس اجت سالفة بالي ورحت بعيد،حمدالله زينه انت شلونك
رافد: الحمدلله راجعلج حور لا ترحين
طلعت مرته منتظرته وتارسة روحها مكياج تلكته بسلام
ودخل لغرفته وانا نار وشبت بگلبي باقيه صافنه على مكانه وشفت مرته تباوعلي باوعتلها خزرتني الحقيرة
فريت ايدي جان تجي يمي
مرت رافد: لج شوفي من زمان وانا عيني عليج لا ترحين زيادة ترا عندة مرا وانتي مكد بته ما ينظرلج غير هاي نظرة،ولأن يتيمه يتصرف وياج بحنية ف لا يروح بالج بعيد سمعتي وانتي مو زغيرة شوي ثگلي لا يوميه وجايتنه
انتظرت مني كلمة محجيت دخلت بيتهم وضحى تلوم بيه طنشت العالم بقيت منتظرته ادري بي راح يطلع لهناك طلع
رافد: تعاي حور زين ما رحتي
حور:لا انتظرك امشي هناك يم نهر اختنكت هنا
رافد: يلا
حور:
يتبع ...
وسعو مجال ويه قصة حب جديدة ارائكم حبايب ..
وكالعادة اتركوا أثر بتعليق بكلمة أكملي حتى لا تحذف الرواية ولا تنسون ضغطون على نجمة حتى توصل إلى أكبر عدد
احبكم
زينب الحوراء علي..
صار شكد من مكملة الحلقة كل ظني ناشرتها طلعت ما منشورة 😕 ماكو واهس تفاعل قليل حتى قليل ادخل للواتباد حتى حماسي القوي بأول بارتات راح معرف شلون راح تكمل ...
شوي فضفضة