اتى صباح يوم الاثنان وذهب الاطفال الى مدرستهم
فى الاستراحه فى ساحه المدرسه
كانت مليكه تاكل كيس شيبسى وهى تتمشى مع صديقتها ويضحكون بمرح فجأه وجدت من يأخذ الكيس ويجذبها من شعرها ويلقيها على الارض بعنف نظرت وجدته نفس الطفل السمج الذى يسمى حازم ومع اطفال اخرين قامو بضربها ايعقل انه معها فى المدرسه
مليكه بغضب/ اي الى انت عملته ده يحيوااان
حازم / حبيت اخد حقى منك واتسلى عليكى شويه وقدرك بقى انك طلعتى معايا فى نفس المدرسه ومش حازم المرشدى الى عيله زيك تمد ايده عليه
مليكه وهى تبتسم بسخريه/ انا اقدر دلوقتى اجيب رجلك مكان رقبتك بس انا مش انانيه ومش بحب اضرب لوحدى فثوانى.....مالك يوسف
اتى مالك ويوسف على صراخها وتعجبو من وجود هذا الفتى السمج
مليكه وهى تدور حول حازم بسخريه/ العيل ده مد ايده عليا انا
مالك وهو يمسك من قميصه وينظر له نظره ارعبته/ هووو انا يااض مش قولتلك مليكه نو
انهى كلامه بضربه قويه فى وجهه
يوسف وهو يسحبه من الارض/ وانا بقى فى الاول مرضتش امد ايدى عليك علشان مبدمش ايدى على حرمه علشان الى يضرب ست ميبقاش راجل بس انت بقى زودتها فمتزعلش
انهى كلام وهو يلقيه بحده ويضربه بقدمه فى وجهه
مليكه وهى تقترب منه بشر وتشمر اكمامها/ وجيه دلوقتى اخد حقى منك
نظر حازم لاصحابه بخوف حتى يقتربو ويدافعو عنه ولكن وجدهم يبتعدون بخوف وفجأه سحبته مليكه بعنف وظلت تلكمه بشده ويوسف ومالك تولو باقى اصدقائه الذى مدو ايديهم على مليكه
************************
بعد دقائق كان الاطفال يقفون امام المدير وهم ينظرون ارضا بخجل
المدير بغضب/ ده تسيب وانا هبلغ اهاليكم بالهمجيه الى بتحصل فى المدرسه دى
ثم نظر لمالك وقال/ وانت يا استاذ مالك انت واخواتك ايييه اومال لو كبار شويه هتعملو اي ده انتو مخلتوش فيهم ملامح
مالك بثقه/ هما الى مدو ايديهم على اختى وانا اختى خط احمر الى ييجى جنبها يستحمل الى هيجراله
المدير / الله الله على اخر الزمن بقينا بلطجيه لو الولد ده ضايق اختك تيجى وتقولى وانا هتصرف معاه
يوسف باحترام/ انا اسف يا مستر بس حضرتك هتعمل اي استدعاء!! ابوه اصلا مدلعه ومش هيهمه طب رفد! اسبوعين وهيرجع وهيرخم على اختنا بردو لاكن كده اتعلم الادب وانه لو قرب منها التانى المره الجايه هنرحله على نقاله
المدير/ انتو مش هينفع الكلام مع شويه عيال بكره كل واحد منكو يجيلى بولى امره وانا ليا كلام مع اولياء اموركو يلا اتفضلو من وشى
ذهب جميع الاطفال ونظر له حازم بغل فهو يكره مالك ومليكه كثيراا وخصوصا مالك
مالك وهو يقترب منه ويهمس بنبره مرعبه فى اذنه/ جرب بس تقرب من اختى تانى صدقنى المره الى جايه هاخد حقى منك بره المدرسه علشان هيبقى اشد واسوء
غمز له مالك ثم تركه وذهب
ذهب حازم بغل وراء المدرسه وجلس بغضب فجأه وجد شخص امامه
الشخص بغضب ونبره مرعبه/ سكتلك كتير بس المرادى مش هسكت
ثم مسك هاذا الشخص حازم وابرحه ضربا مؤلم بشده حتى كاد ان يموت حازم ولكن تركه هاذا الشخص بغضب وعلى مضض كى لا يموت وذهب من امامه
حازم بغضب والم/ بكرهكو وبكرهك يا مالك بكرهك
************************
رجع الاطفال الى منازلهم
يوسف/ كتكم القرف ضربتو يومى ومعرفتش اقعد مع البت لوجى ساعه على بعض
مليكه/ معلش يكبير خليها عليك المرادى
يوسف/ غورو مش عايز اعرفكو تانى انا داخل لما اشوف هصالحها ازاى سلاموز
مالك/ استنى يبنى هنعمل اي فى حوار الاستدعاء ده
مليكه بخوف/ بابا وخالو سليم مش هينفع يعرفو بالحكايه دى
يوسف/ وميلسيا لو عرفت مش هتعمل حاجه بس هتزعل مننا وانا مش بحب ماما تزعل منى
الثلاثه وهم ينظرون لبعض بخبث
مالك/ يبقى مفيش غيرها
الثلاث اطفال بصوت واحد/ المعلمممه رواان
************************
روان وهى تجلس امامهم بغضب
روان/ الواد ده عملك اي يا مليكه اول مره
مليكه/ بصراحه يماما قعد يستظرف ويعاكس ولا اكنه طفل فى سته ابتدائى والمفروض يكون فى اولى اعدادى كمان بس هو ساقط سنه وانا مطنشاه ولما حاول يمسك ايدى هزقته وبعدين مشيت وقولت خلاص حوار وعدى
روان بجديه/ وليه محكتليش انا مش اتفقت معاكى كل صغيره وكبيره تحكهالى ونبقى صحاب مع بعض ومش هعملك حاجه لوكنتى قولتيلى من الاول كنت وقفته عند حده ومحصلش كل ده ياستى لو مش عايزه تحكيلى احكى لاخوكى مش ده توأم روحك الى مبتخبيش عليه حاجه
مليكه بخجل/ انا اسفه يماما اوعدك بعد كده هحكيلكو كل حاجه والله
روان بحنيه وهى تاخذها فاحضانها/ حبيبتى انا مامتك وصحبتك لازم سرنا يبقى مع بعض محدش هيخاف عليكى غير ماما وبابا ومالك والواد جو كمان ماشى يا روحى
مليكه وهى تقبلها من خدها/حاضر يماما سورى
روان/ لا بس زعلانه منك
مليكه بملل/ ما قولنا سورى بقى متقرفوناش فى عيشتنا
روان وهى تحدفها بعيدا/ كتك داهيه فى تربيتك
ثم نظرت لمالك ويوسف/ وانتو يعيال جدعااان الواد ده كان لازم يتربى عفارم عليكو يا رجاله انا بقى بكره هروح معاكو المدرسه ونشوف الحوار ده
الاطفال فى نفس واحد/تعيييش روان تعيش تعيش
روان وهى تحييهم كانهم جمهور/تشكرات تشكرات
مالك/ دلوقتى احنا هنقوم نزاكر لحد بليل كده
يوسف بتصحيح/تزاكرو انا هقوم اصالح جودى ميهونش عليا انيمها زعلانه ابدا بعد ازنكو
روان / هو للواد ده جيناته جينات سليم ولا هو اصلا تربيه واطيه
مليكه/ الاتنين
روان / صح...يلا قومو زاكرو على ما اعمل الغدا لحد ما ابوكو ييجى يلا
************************
مر الوقت واتى الليل وتناولو غدائهم وفى الغرفه كانت روان تجلس مع محمد وقد قصت له كل ما حدث
محمد بجديه/ الى حصل كان مكانه غلط لاكن التصرف نفسه مش غلط هما دافعو عن اختهم من كلب زى ده مترباش وكمان مليكه دافعت عن نفسها ...بس فى حاجه لازم انصحالهم بس انتى روحى معاهم بكره وحلى الموضوع
روان/حاضر يحبيبى روحلهم انت
ذهب محمد الى غرفه مالك ومليكه وجد مالك يسمع لمليكه الدروس ابتسم على صداقتهم ثم جلس امامهم بجديه
محمد بحنيه/ تعالى يا مالك
ذهب له مالك بتعجب وجده يضمه ويربت على كتفه بفخر
محمد/ انت انهارده اثبتلى انك راجل واى حد ييجى جنب اختك مش هترحمه انا فخور بيك يا مالك
ابتسم مالك بحب ونظر لمليكه
محمد وهو ينظر لمليكه ويضمها هى الاخرى بحنان/ وانتى انهارده اثبتيلى انى خلفت قطه شرسه كيوت ومرحه بس الى ييجى عليها بتخربشه ومبتسبوش....على قد ما انا فخور بيكو بس زعلان منكو فى حاجتين
مالك بتعجب/ اي هى
محمد/ اول حاجه ان الى حصل ده مينفعش فى المدرسه كنت تقدر تستنى للمرواح وتربيه صح ولالا
مالك باحترام/ صح يبابا بس غصب عنى مقدرتش اشوفه بيضربها واقف واستنى واصبر للمرواح
محمد بتفهم/ ما علينا الحاجه التانيه بقى انا عارف انكو مدربين سواء منى او من خالتكو ميلسيا او من النادى وانكو اكيد اقوى منهم وانتو خدتوه على خوانه لكن مواجهتهوش
ثم وقف واكمل بجديه/ اوعى يا مالك تستقوى على حد ضعيف لمجرد ان حاول ياذيك خليك دايما الاحسن وانتقم منه بس على قده يعنى مثلا ضرب خفيف علشان اختك الى حاول ييجى عليها لكن متستقواش وانت عارف انه ضعيف ومش هيقدر يدافع عن نفسه وانتى كمان يا مليكه نفس الكلام
مالك ومليكه بتفهم/ ايوه يبابا انت صح مش هنعمل كده تانى
محمد بحنيه/ عايزك دايما يا مليكه قويه وتبقى راجل بره البيت بس ده مش معناه انك تدفنى طفولتك او انوثتك لا تبقى بنت مرحه ومؤدبه مع الجميع بس الرجاله او الولاد او الى يحاول ييجى عليكى يشوف قدامه بنت بمئه راجل تاكله بسنانها فاهمه يا مليكه وانت يا مالك عايزك دايما تبقى راجل وحمايه لامك واختك فى عدم وجودى عايز احس انى سافرت او موت وانا سايب ورايا راجل قادر يحمى عيلته
مالك بخضه/ بعد الشر عليك يبابا
ضمهم محمد بحنان وفخر من قوه اولاده ثم ذهب لينام وذهب الاطفال لينهو دروسهم
************************
فى الصباح ذهب الاطفال الى المدرسه ومعهم روان وذهبو الى المدير
كانت روان جالسه امام المدير بثقه وجديه
المدير/ يا هانم معنديش مانع انهم يدافعو عن اختهم بس مش بالهمجيه دى
روان بغضب/ لو ترضى تشوف بنتك او اختك بتضرب من ولد بيرخم عليها دايما وتسكت يبقى مش هستغرب منك رده فعلك دلوقتى
المدير بحرج/ يا مدام مش قصدى بس ده مش مكان للخناق
روان/ عارفه وفهمتهم انه مكانش ينفع الكلام ده يحصل فى المدرسه بس بردو هما مش غلطانين
المدير بخوف وهو يعلم من هى حرم محمد العزيزى/ تمام يا فندم بس بردو الاخلاق الاولاد مشاغبين للغايه
روان ببراءه/ دول دول ملايكه وعندهم طموح عالى والله
المدير ببسمه/ فعلا ...طب يا مالك انت نفسك تطلع اي يحبيبى
مالك بثقه/ ديلر
صدم المدير من أجابه مالك ونظر لروان بمعنى ارايتى
روان بحرج/هههه بيهزر حبيبى بيهزر
المدير/ طب وانتى يا مليكه
مليكه/نيش
المدير بتعجب/ نيش وهو النيش بيعمل حاجه
مليكه/ ما علشان كده عايزه اطلع نيش علشان معملش حاجه وفى نفس الوقت الكل يحافظ عليا ويخافو يقربو منى
المدير ببلالهه/ انتى بتتكلمى جد
روان / ده انا اقتنعت انت ازاى مقتنعتش
المدير بنفاذ صبر/ وانت يا يوسف عايز تطلع اي
يوسف بثقه/ ظابط
المدير بابتسامه/ ما شاء الله ويا ترى عايز تطلع ظابط فى مكافحه المخدرات ولا مكافحه الارهاب ولا ظابط مخابرات
يوسف وهو يغمز للمدير/ ظابط اداب
نظر له المدير بصدمه فحمحمت روان بحرج ثم وقفت
روان/ احم انا شايفه اننا نمشى بقى يا مستر يلا بعد ازنك
ذهب الاولاد وودعتهم روان وذهبت ووقفو الثلاثه بجانب بعضهم وهم ينظرون لبعضهم بجديه
يوسف/ انتو نفسكو تطلعو اي بجد
مالك/ نفسى اطلع مهندس وادير شركات العزيزى والمغربى كلها
يوسف/ وانا نفسى اطلع مترجم بجانب انى بحب الانجلش وباخد كورسات فى لغات تانيه بس الشغلانه نسوانها حلوه وبيبقو تصنيع مستورد
ضحكو عليه ثم نظر يوسف ومالك لمليكه كانهم يسالوها وانتى
مليكه بجديه/ نفسى اطلع ظابط وفعلا مش هزار
نظرو الثلا لبعضهم بابتسامه
مالك بتشجيع/ ان شاء الله هنحقق حلمنا وهنبقى زى نا بنتمنى
امنو على كلامه ثم ذهبو لفصلهم
************************
بعد مرور 15 سنه
فى المديريه كان اللواء يصرخ باسمها بغضب
اللواء للعسكرى/ فين سياده النقيب مليكه هى فيين
العسكرى / على وصول يا فندم زمانها وصلت هروح اناديها
اللواء وهو يكاد يصاب بجلطه/ ناديها بسرعه الى رافعه ضغطى وفاقعه مرارتى ناديهاا
ذهب العسكرى بسرعه وجد مليكه تجلس على الكرسى بجانب المتهم
مليكه للمتهم/ امك جابتلك الاكل ده فى الزياره
المتهم/ ايوه يا باشا
مليكه وهى تاكل الاكل الخاص بالمتهم/ لا بس اكل ماما حلو خليها المره الجايه تعمل حسابى معاك
العسكرى/ انتى بتعملى اي يا فندم
مليكه بتاافف/ استغفر الله العظيم هطفحونا اللقمه كمان نعم ياسى حسن فى اي
حسن/ اللواء ادهم عايزك وشكله مش طايق حد
مليكه بخوف/ احييييه انا عملت اي والله ما عملت حاجه
حسن/ معرفش روحى شوفيه
مليكه/ طب يخويا اوعى كده...استرها يارب ونبى انا غلبانه ومش حمل بهدله
ذهبت روان الى مكتب اللواء وهى تنظر له بقلق وخوف
اللواء/ اهلااا اهلااا بالى رفعالى ضغطى وجيبالى السكر وهتجيبلى القلب
مليكه/ بعد الشر عليك يا فندم ان شالله عدوينك
اللواء/ يبنتى هو انتى ناويه تجلطينى اوديكى فين تانى اداب وديتك مخدرات وديتك ارهاب وديتك وكنتى هتعترفى من اول قلم اوديكى فين اوقفك على مدفع رمضان
مليكه/ لا يفندم صوته عالى وانا اصلا بخاف من البومب
اللواء وهو يكاد يصاب بشلل/ ياارب صبرك ياررب هتشلل
مليكه وهى تكاد تبكى/ طب انت عايز اي دلوقتى
اللواء/ عايزك تحلى عننى انقلك السلوم علشان ارتاح
مليكه/ لا يفندم الدنيا حرر اوى هناك
اللواء/ حر!! انتباه يا سياده النقيب
مليكه وهى تقف وتؤدى التحيه/ تمام يا فندم
اللواء بجديه/ انا هطلعك مهمه واعتبريها اخر فرصه المره الجايه هوديكى فرقه الالات الموسيقيه
مليكه / تمام يفندم
اللواء/ اتفضلى على مكتبك وهبعتلك ملف المهمه
مليكه وهى تؤدى التحيه/تمام يا فنددم بعد ازنك
ذهبت مليكه ونظر لها اللواء بحنيه فهى ماهره وقويه ونظرتها ترعب اقوى رجال المافيا ولكنها غبيه ومجنونه للغايه ومتهوره وهاذا ما يجعلها تفشل
************************
فى شركه العزيزى&المغربى
كان يجلس محمد وسليم وبجانبهم مالك فى ميتينج كبير
مالك بمهاره/انا شايف ان العقد بيفيدكو انتو اكتر وكانكو جايين تكسبو من غير ما تفيدو
العميل بضيق/ يعنى حضرتك عايز اي
مالك / زى ما حطيتو شروطكو دى احنا هنحط شروط هفيفه بس...هنزود الشرط الجزائى
العميل بضيق ومضض/ موافق
ابتسم محمد وسليم على ذكاء مالك ثم مضو العقود وخرج مالك الى مكتبه ليرى الانترفيو الذى سيراه اليوم
السكرتيره/ الى قدم انهارده على الوظيفه يا مستر مالك شاب وبنت بس
تمام دخلى الشاب الاول
دخل الشاب وقام معه مالك بالمقابله ولكن لم يعجبه مهارته كثيرا ودخلت الفتاه التى كانت متفجره الانوثه
مالك بصفير/ جمل يابا الحاج جمل
الفتاه/ افندم؟!!
مالك / احم اتفضلى ورينى السي فى بتاعك
نظر مالك ل سي فى الذى يخصها باعجاب شديد بمهارتها
مالك بغمزه/ علشان انا راجل بحق وحقيقى اختارتك انتى بدل صديقى مبروك يا انسه انتى اتقبلتى
الفتاه بفرحه/شكرا ليك جدا يا مستر مالك بس انا مدام مش انسه
مالك بحزن/ ايعقل...صحيح الحلو ميكملش...على العموم مبروك يا انسه تقدرى تستلمى شغلك من بكره
شكرته الفتاه وخرجت ومسك مالك هاتفهه وقام بمهاتفه والدته
مالك بمرح/ روان امى ونبع الحنان
روان/ اخلص يا روح امك عايز اي
مالك/ مالك يا روان داخله فيا شماال ليه ده انا كنت هسالك عامله اكل اي انهارده
روان بشر/ واد انت اجتماع انهارده كان فيه ستات حكم ابوك حه يكبر يكبر وبردو لسه مز ابن الايه والبنات بتعاكسه
مالك بمكر/ بنات الا بنات يا روان دول صواريخ....صواريخ اي دول قاعده صواريخ متحركه
ميلسيا بصوت عالى/ طب وسليم جوزى الى فاكر نفسه لسه شباب بص لحد فيهم
مالك/دول كانو مركزين مع خالى وابويا اكتر منى انا وانا اهو شاب اهوه ومسمسم وزى القمر
روان/ اقفل ياض نهار ابوك اسود
مالك/ ايوه يعنى بردو عامله اكل اي
روان/ عامله سم هارى علشان تطفحه انت وابوك كتكم القرررف
اغلقت روان المكالمه فى وجهه
مالك بتعجب/ هى مالها قالبه على مرات ابويا كده ليه ربنا يعينك يابا والله
************************
فى احد الشركات الفخمه كان يجلس يوسف بثقه ووسامه وهو يترجم الحوار للعميله التى امامه
العميله باللغه الاسبانيه/ قل له اننا نريد ان نخفض الشرك الجزائى قليلا
يوسف للمدير/ بتقولك ما توجب معانا وتقلل الشرط الجزائى قليلا ده احنا حتى هنبقى زباينك يا راجل
المدير بملل من ترجمه يوسف فترجمته ترفع له الضغط ولكن رغم ذالك لا يستطيع الاستغناء عنه فهو ماهر فى عمله
المدير/ قولها شروطكو اكتر فمن حقنا نعلى الشرط الجزائى
يوسف بالاسبانيه/ يقول لكى شروطكو ثقيله جدااا فخلو عندكو دم واتركو الشرط الجزائى كما هو
ضحكت العميله بشده على طريقه يوسف فى الترجمه
يوسف بغمزه/ اي يا نسواان كل ده جمداان
المدير/ احممممم خففف شويه يا بابا ده شغل
العميله/ حسنا ساترك الشرط الجزائى كما هو واتمنى ان يكون العمل بيننا مربح وممتع
يوسف/ بتقولك اشطا هنسيب الشرط الجزائى وعد الجمايل وبتتمنى يبقى الشغل بينا عال العال ولوز اللوز
المدير بنفاذ صبر/ لوز اللوز
يوسف ببراءه/ اهاا لوز اللوز
المدير / يارررب الررحمه من عندك ..خلص يبنى العقود خلينا نخلص
************************
كانت روان وميلسيا يجلسون وهم يكادون يصابون بجلطه ولكن رغم كبر سنهم الا وان عندما تراهم تشعر وكانهم فى الثلاثينات ومازالو يمتلكون جمال خاص بهم
روان بغضب/ طب اطلب منه الطلاق ده ياربى بعد عشرين سنه جواز ولا اعمل اي ميلسيا/ ااه اخوكى هينقطنى مش عامل حساب انه كبر خلاص ولسه سافل
كادت روان ان تتحدث ولكن فتحت هى وميلسيا فامهم بصدمه مما رأو امامهم
************************
فى الماضى سنه 1646
كان عمر يجلس وبداخل احضانه لاما
لاما/ ومهما يمر العمر بيننا ستظل حبيبى يا عمر وسيزيد عشقى لك كل يوم
عمر/ كل دقيقه تمر معك يا لاما اعشقك اضعاف مضاعفه حتى انك فتحت قلبى ستجديه يصرخ باسمك انتى فقط اعشقك يا لاما
لاما/ ولاما تذوب بك عشقا يا عمر
************************
فى الخارج كان يتدرب مع الحراس ويقاتلهم بقوه ومهاره فمن غيره عبد الله التى تنظر له الفتيات وهم يتمنون فقط كلمه واحده منه وهو لا ينظر الى لها هى فقط معذبه فؤاده منذ الصغر ريحانه بينما هى تخاف حتى ان تقترب منه تظن انه قاسى لا تعلم انه قاس مع الجميع الا هى هى فقط من يخرج معها الطفل بداخله ولاكن هى لا تشعر بهاذا
كانت ريحانه تمشى فى الارواق وهى تنظر له باعجاب وفى نفس الوقت بخوف وكادت ان تسقط ولكن وجدت من يمسكها قبل ان تصل الى الارض نظرت وجدت عبد الله ينظر لها بخوف ورعب لاول مره تراه فى عينه
نظر هو لها برعب وخةف عليها ثم عدلها
عبد الله بحنان/ هل حدث لكى شئ يا ريحانه
ريحانه وهى تشير له باصبعها انها بخير وتخبره باصبعها انها تشكره فى انقاذها ففهمها عبد الله وابتسم لها ثم ذهب
نعم فريحانه عندما كانت صغيره تعرضت لحادثه افقدتها صوتها ولكن رغم هاذا لم تقل من نظر عبد الله ولو قليلا ما زال يعشقها
************************
فى احد الغرف وكان الغرفه الخاصه باعمال عمر كانت هاتان المشاغبتان يقفون فى منتصف الغرفه بمرح
مريم/ هيا لنخربها
ميرال/ اصمتى يا فتاه سوف يسمعنا احد
مريم/ نعم صحيح
ميرال بخبث / عايزين نخربها يا زميكس
مريم وهى تخرج صندوق متوسط الحجم/ تعالى نبدا بالصندوق ده
ميرال/ لالا انا عايزه حاجه اكبر شوفيه انتى
تجاهلتها مريم وفتحت الصندوق وظلت تبحث فيه حتى وجدت فيه حجر غريب الشكل
مريم/ بت يا ميرال بصى لقيت اي
ميرال باستغراب/ اي ده
مريم/ انا لا استطيع ان اراه بوضوع بسبب الظلمه تعى نذهب الى الشرفه لنراه بوضوح
ميرال/ حسنا هيا
دخلت مريم وميرال الى الشرفه ورفعت مريم الحجر باستغراب وتعمد على الحجر ضوء الشمس وفجأه وجدو هزه غريبه تحدث فى الحجر وفجأه فتحت بوابه امامهم سحبتهم للداخل بشده
************************
كانت روان وميلسيا ينظرون بصدمه لهاتان الفتاتان التى امامهما
وكان مريم وميرال ينظرون لبعضهم برعب واستغراب
ميلسيا/ اللبس ده مش غريب عليا
مريم وميرال بصدمه/ عمتوو ميلسيا...احيييه
************************
خلص الفصل واظن اهوه طووويل ومليان احداث يكش نتفاعل شويه وحاليا انا بعتذر عن بارت بكره انا نزلتو اهوه دلوقتى علشان احتمال مفضاش بكره انتو عرفون نبع الحنان بقى جات صوتت وقالت / اقللببببب الشقاااااا
وحاليا طالع عين الى خلفونى بس علشان انا جدعه هنزلكو تعريف للشخصيات بالصور كمان♥
بقلم/ سهيله محمد♥