"وما زالت لعنه الحب مستمره" لعنه جعلتنى احبك ٢

الفصل الرابع والعشرون

اتى اليوم التالى وكانت قد تمت عمليه محمد بسلام ونجحت العمليه ولكن روان لم تفق بعد بسبب ارتفاع ضغط دمها من التوتر فاضطرو ان يعطوها المزيد من الحقن المهدأه
كانو يجلسون جميعا بالخارج حتى اتاهم الممرضه وهى تردف بابتسامه/قد فاق المريض منذ دقائق ويسال على روان اين هى روان
مالك بلهفه/هل يمكن ان ندخل له نحن اولا
الممرضه/حسنا تفضل
دخلو جميعا بلهفه الى الداخل وركض مالك ويوسف الى احضان محمد
محمد بتعب/اه ابعد عنى يا حيطه انت وهو انا تعبان
يوسف/حمدالله على السلام كنت عارف انك اسد وهتقوم منها والله
محمد بلهفه/روان...روان فين
مالك باسف/ماما لما عرفت ان قلبك وقف فى العمليات ومش بيستجيب جالها انهيار عصبى واغمى عليها ورافضه تفوق
محمد بخضه/يعنى اي رافضه تفوق والدكاتره دول لزمتهم اي
ثم قام بخلع المحاليل وكاد ان يقوم ليذهب لها ولكن اثر العمليه مازال متواجدا فلن يستطيع الوقوف فمازال مرهقا
سليم بحده/بس يمحمد اي الى انت بتعمله ده انت لسه تعبان
ميلسيا/يا محمد اطمن روان كويسه بس من خضتها عليك جالها شويه ارهاق وضعطها ارتفع
محمد لمالك/مالك قوم هات سرير روان هنا جنبى فى الاوضه يلا
مالك بتردد/بس يا با....
محمد بحده/انا قولت كلمه هات روان هنا لحد ما تفوق تبقى جنبى يلا
مالك باستسلام/حاضر
محمد /والاااه متشلهاش هاتها بالسرير ومتستهبلش
مالك ببلاهه/يعم ركز فى المحاليل الى فى ايدك دى بس
محمد بغضب/انت بتعايرنى يبن الكلب.....ده انا فى ظرف يومين ممكن اقوم وارقدك مكانى
ضحك مالك بشده ثم توقف فجأه وهو يقول/مليكه.....مليكه كانت منهاره لما عرفت الى حصلك لازم اطمنها
محمد بغضب/وليه قولتولها
ميلسيا/كله من الهبله الى اسمها مريم دى قولتلها متنطقيش وبردو اتكلمت
مريم/الاه وانا مالى يا لمبى انا مبعرفش اكدب
يوسف/جرا اي يا ميلسيا انتى هتعملى حما من دلوقتى مزتى حقها تدلع وكمان تعمل الى يعجبها
سليم وهو يضم ميلسيا/طب خد مزتك وملكش دعوه بمزتى علشان حامل ومش عايزه ضغط
محمد بنفاذ صبر/اطلعو كلكو برره وهاتو روان وملمحش حد فى الاووضه يلا
ميرال بتشنج/حق علينا اننا جايين نطمن عليك الاه انتو بتاكلو وتنكرو
محمد/هستنى اي من عيال لاما بعد ما روان خرطت عليها اطلعى يبت بره وكلكو بره انا تعبان وعايز انام
ضحكو جميعا وتنهدو براحه ثم غادرو الغرفه وذهب مالك واتى بفراش روان ووضه بجانب فراش محمد ثم غادر هو الاخر
نظر محمد الى روان وهى ممدده وفى يدها المحاليل بقلب ينفطر على معشوقته
تحامل محمد على نفسه ثم قام ووقف فشعر بدوار وتعب فى معدته ولكن تحامل على نفسه واقترب منها بصعوبه من أثر الجرح ثم جثى على ركبته حتى اصبح وجه يقابل وجهها
محمد وهو يمسد على وجنتها بحنان/كده يروانى تضعفى مش قولتلك لازم تفضلى قويه
ثم تنهد بابتسامه واكمل/انا فاكر انى مكنتش حاسس بحاجه غير حاجه واحده بس....حبك حبك فضل معايا حتى وانا فى العمليات حاسس بيه وهو الى كان بيهون عليا الالم .....فوقى يا روان بقى وحشتينى اليوم ده والله حاسس انه سنه فى بعدك
كانت دموع روان تنساب وهى تمسك بيده وتشدد على ضغطها وكانت تظن انها تحلم ولكن شعرت بيده على وجهها وشعرت بيده الممسكه بيدها
فتحت عينيها بتشوش وظلت تربش قليلا ثم نظرت له بجانبها وظل قلبها يقرع بشده من الفرح ثم ابتسمت وقالت بلهفه/م..محمد انت فوقت صح انت لسه عايش وجنبى وهما انقذوك صح
اومأ لها محمد وهو يبتسم فجأه اندفعت روان لاحضانه وهى تبكى
محمد وهو يضمها/ بس يروان اهدى انا كويس وجنبك اهوه
روان وهى مازالت تبكى/قالو ان قلبك وقف اكتر من مره ومش قادرين يعملو حاجه وكانو....كانو هيسيبوك يا محمد مكنتش هقدر حسيت بروحى بتتسحب منى بمجرد ما قالولى بس مقدرتش استحمل يا محمد كنت هموت
محمد وهو يمسح دموعها بحنان/وانا اهوه بقيت كويس وجنبك وبعدين ربنا يديكى طوله العمر يا روان ويخليكى ليا
روان وهى تحضنه مره اخرى/ويخليك ليا وميحرمنيش منك ابدااا بحبك يا مووودى بعشقك كده يوااد
ضحك محمد بشده ثم همس لها بحب وحنان/ومحمد بيعشقك يروان
************************
كانت مليكه مازالت نائمه حتى شعرت بيد تتحسس وجهها بحنان فتحت عيونها بتعب ونظرت وجدت احمد بجانبها ويبتسم لها تلقائيا ابتسمت هى وكانها تحلم ثم فجأه تذكرت ما حدث لوالدها وقامت بلهفه وكادت ان تبكى مجددا ولكن اوقفها احمد وهو يقول بحنان/شششش كفايه عياط بقى بابا قام وبقى كويس خلاص وفاق كمان
مليكه بترجى/بجد يا احمد بابا كويس
احمد بابتسامه/كويس يحبيبتى والله وفاق من نص ساعه
مليكه/وانت عرفت منين مالك اتصل بيك
احمد بغرور مصتنع/تؤ عرفت من مصادرى الخاصه عيب عليكى انا مش اى حد بردو
ابتسمت مليكه من بين دموعها ثم فجأه وقفت على الفراش ووقف معها احمد باستغراب وهى تمسك بكتفيه وتهزه بفرحه/بابا فاق ولسه عايش صح صح....وانت الى عرفت وقولتلى وانت الى هديتنى وقوتنى صح انا بحبك يا أحمد بجد بحبك
نظر لها احمد بحنان وصدمه للمره الثانيه ثم قال/واحمد بيعشقك يا مليكتى
ابتسمت مليكه بخجل وكادت ان تجيب ولكن قاطعهم دخول سلمى باندفاع وهى تقف على السرير بغضب وتقول وكانها والد مليكه وقد مسكها مع احدهم/انا سمعت كل حاجه وفقره العشق المفقوع دى ودلوقتى تقوليلى لييه ليييه يا مليييكه
مليكه باستغراب/ليه اي يا سلمى
سلمى بجديه مزيفه/ازاى قدرررتى تعمليها ترتبطى وتحبى يا مليكه من ورايا احنا مش اتفقنا هنرتبط مع بعض ونتجوز اتنين صحاب.....تقومى حابه من ورايا ومين احمد غتاته
احمد بتشنج/احمد اي يا عنياااا
سلمى بحده/اه بقى احمد غتاته ابو تدريب سبعه الصبح بتاع يلا يا لكوح ادى السلعوه يا لكوح ما تدى السلعوه
احمد بتعجب/هى بتقول اي
قاطعهم رنين هاتف مليكه فركضت مليكه سريعا وردت على المتصل بلهفه/مالك بابا فاق صح
مالك بتعجب/ايوه عرفتى منين
مليكه بتلقائيه/احمد مسابنيش وجابلى تقاريره الطبيه كلها وقالى انه فاق
مالك بتعجب/ااه احمد مسابكيش يعنى ومهتم وجابلك التقارير بتاعه محمد
مليكه بتوتر/...احم اي...اه اه كتر خيره ربنا يجعله فى ميزان حسناته ويطعمه ما يحرمه
مالك بمكر/جرا اي يتونزى عليا انا بردو التوتر ده على العموم هنتكلم بعدين
مليكه/المهم بس ماما عامله اي دلوقتى
مالك وهو يضحك/احم هى فاقت ومحمد خدها فى اوضته ونقل سريرها جنبه وقفل الباب وصوت الحب والغرام واصلى لهنا حاسس ان شويه وهيشغل اللمبه الحمره ويقول ممنوع الدخول
ضحكت مليكه بشده وهى تقول/مبيضيعش وقت سواء هو ولا سليم
مالك/اسكتتى مش ميلسيا حامل
مليكه بصدمه/نعم!!!!
مالك/اه والله زمبقولك كده حامل لسه عارفين امبارح
مليكه/يبن الايه يا سليم الراجل ده معلم عليا النعمه معلم
مالك/انا خدته قدوه
مليكه بمكر/الا قولى صحيح عامل اي مع ميرال
مالك بتنهيده وحيره/انا حبيتها يا مليكه وحبيتها اووى كمان والى عمله علي ونسرين ربيتهم عليه واتحبسو وكل مادا حبى بيزيد ليها
مليكه بتركيز/طب ليه نبره الحزن دى يا مالك
مالك/انا محتار منها هى يا مليكه شويه تقرب واشوف حبها ليا فى عنيها واول ما انا احاول اتكلم او اقولها تبعد وتغير الموضوع معرفش هى بتفكر فى اي
مليكه/ احنا كبنات يا ملوكتى بنحب الواد التقيل وفى نفس الوقت دنجوان هقولك ازاى يعنى....تعاكسها تلمح بحبك وشويه تانيه تتجاهل وتعمل تقيل خليها تحتار ومش عارفه انت بتحبها ولالا
مالك بسخريه/على اساس ان انا مش كده يعنى يبنتى انتى هبله ما دى شخصيتى اصلا
مليكه ببلاهه/ايوه صح لمؤاخذه
مالك/بقولك اي انا هتصرف انا فى الحوار ده المهم انتى خلى بالك من نفسك وخليكى بت بميت راجل كده هااا طبعا فهمانى يعنى
مليكه بتوتر/اه لالا طبعا عيب عليك يا جدع ده انا مليكه والاجر على الله الاه
مليكه مكمله بمرح/بقولك اي لما اللمبه الحمره تتطفى ابقى كلمنى عايزه اطمن على محمد
مالك/اشطا يا ميكى خلى بالك من نفسك
مليكه/حاضر يا حبيبى يلا سلام
قفلت مليكه الخط وما كادت ان تقوم حتى وجدت هاتفها يرن مره اخرى نظرت وجدتها مارفى
مليكه/ينهاار اسوح ده انا نسيتك خالص
ذهبت مليكه الى غرفه احمد ثم دخلت بتلقائيه وهى تقول/احمد بقولك الوليه الى اسمها مارفى عايز.....احييه
خرجت مليكه بسرعه واغلقت الباب خلفها عندما وجدت احمد عارى الصدر ويلعب ملاكمه ويتدرب
خرج احمد مره اخرى وهو مرتدى فانيلته الرياضيه وهو يقول/مالك فى اي
مليكه بتوتر وخجل/اصل يعنى...احم اسفه مكنتش اعرف يعنى انك....
احمد بدهشه/مليكه حبيبتى انتى فى كليه شرطه يعنى كل الى بيدربو كانو زيى وانا بدرب كده فى اي بقى مالك
مليكه بتوتر/هااا...لا مفيش عادى يعنى هى اول مره ما انا ياما شوفت سيكس باكس وفور كاتس عادى يعنى الاه مالك انت فى اي بقى
احمد بحاجب مرفوع/عايزه اي يا مليكه علشان مش ناقص شلل
مليكه بتذكر/مارفى مارفى بترن واحنا نسيناها خااالص هنعمل اي
احمد/تكلميها وتقوليلها انك عايزه تقابليها وتديها الشريط الى صورناه وتاخدى الفلوس وتمشى وهى اكيد هتعرض عليكى انك تشتغلى معاها وانا هقولك تعملى اي
مليكه بمرح/علم وينفذ يا فندم
ضحك احمد على مظهرها وهو يقول/يلا يا سياده النقيب روحى كلميها واجهزى على ما انا كمان اجهز
مليكه بدلع/حاضر يا حماده
ثم ركضت سريعا وهى تضحك بينما هو نظر فى اثرها بصدمه وهو يقول/طب والله البت دى باد جيرل انا قلبى حاسس
ثم نظر فى اثرها ببسمه وغموض ثم تركها ودخل الغرفه
************************
كانو مجتمعين مره اخرى فى غرفه محمد
يوسف/الا قولى يا مودى انت قاعد كل ده وقافل الباب لييه
محمد باستفزاز/كنت بحتضر
يوسف وهو يغمز له بمشاغبه/بتحضرو شياطين صح
روان/شوووف الواد ابن سليم الى مشافش تربيه
سليم بتشنج/هو انتى اى حاجه تحشرى فيها سليم انا زوهجت
ثم اكمل وهو ينظر لمحمد/الا صحيح يا حماده هو ساعه العمليه يعنى السيكس باكس اتشوه وباظ
محمد باستفزاز/لا يخويا متخافش لسه سته زى ما هما
يوسف/انا ومالك كمان عملنا فورمه الساحل
مريم/يوسف يوسف هى اي فورمه الساحل دى
يوسف بمشاغبه/دى شويه عضلات على سكس باكس كده تحبى تشوفى
مريم بخجل/احم لا متشكرين
اقترب مالك من ميرال وهو يردف/بقولك اي فسحه الايس كريم الى اضربت من يومين دى تيجى ننفذها دلوقتى
ميرال بحماس/اشطا انا اصلا حبيت الايس كريم ده اوووى
مالك وهو يمسك بيدها ويتسحب من خلفهم/طب يلا بينا
يوسف/ساحب المزه وسايبنى ومش سائل فيا كده ماشى ياعم الله يسهله
************************
فى احد المقاهى
كانت مليكه تجلس امام المارفى التى اتت للتو
مارفى ببعض الغضب/لما لا تردى على مكالماتى
مليكه/مكالماتى معك هذه الفتره قد ازدادت وهكذا سيشك فيه جورج وايضا كان لدى بعض المشاكل هذه الايام وكنت مشغوله
مارفى يلا مبالاه/حسنا المهم اريد الشريط وكما قولت لكى ساخفى وجهك في الفيديو
مليكه بخبث/ولكن لست انا من بالفيديو يا مارفى
مارفى بصدمه/ماذا من اذاا!!
مليكه ببراءه مصتنعه/ انا لم اعجب رحيم وقال اى اننى لست من نوعه المفضل لذالك اجرت فتاه اخرى اعرفها وقد قامت هى بهذه المهمه والفيديو ها هو فى يدك اما نصف الاموال فسوف تذهب للفتاه وايضا هى تريد ان تشطبى وجهها
مارفى بعدم اهتمام/حسنا لا يهم المهم ان الان الفيديو الذى سيكسر رحيم معى وبالتاكيد سوف يخاف من الفضيحه
مليكه/حسنا ها انا قد فعلت ما طلب منى اين بقيه اموالى
مارفى وهى تشعر بالسعاده والانتصار وتعطيها حقيبه/تفضلى هذه بقيه الاموال والان يا ايلينا انتى صديقتى ولن انسى لكى هذه الخدمه ابدااا...وايضا كنت اريدك فى شئ ماا
مليكه/ماهو
مارفى بخبث/مارايك ان تعملى معى ولكى ضعف هذه الاموال ما رايك
مليكه وهى تدعى التردد/ولكن يا مارفى انه امر صعب ومن الممكن ان يكتشفه جورج
مارفى/اتحبين جورج يا ايلينا
مليكه بخبث/لااا هو مجرد زوج انتفع من امواله وعلقاته لكن حب وغرام وهكذا اااه انه شئ ممل بالنسبه لى
مارفى/حسنا فقط ابقى معى وسوف يكون معكى ضعف اموال زوجك جورج
مليكه/دعينى افكر فى الامر واخطط له وسوف اتواصل معكى
مارفى/حسنا وانا انتظر
ودعتها مليكه وانتظرت حتى ذهبت مارفى ثم قامت وهى تضحك بخبث على غباء مارفى ثم ذهبت الى السياره التى يمكث بها احمد ينتظرها ثم نظرو الى بعضهم وهم يضحكون بشده
مليكه وهى تنظر لصوره مارفى/شربتها يا كروديا
احمد وهو يضحك/وادى اول خيط عرفنا نوقعه
فلااااش باااااك
مليكه لرحيم بخبث/طيب مفيش داعى من كاسين يشهيصولنا الليله
ثم قامت وابتعدت وهى تححث احمد/هااا اعمل اي تانى اكيد يعنى مش انا الى هنفذ المهمه
احمد/اكيد طبعا ده انا كنت اقتلك واقتله.....حطيله انتى بس الحبايه فى الكاس وسيبى الباقى عليا
نفذت مليكه ما قاله احمد ثم اعطت الكاس لرحيم بغنج فنظر لها رحيم نظرات غير مريحه ثم تجرع الكاس
مليكه بضحك/اشرب اشرب يخويا ليله اهلك سوده
نظر لها رحيم بتشوش وفجأه بدأ يشعر بدوار شديد ويضحك بلا وعى ويحاول ان يقترب من مليكه
مليكه بخوف/لااا اثبت مكانك لتولع وانت وااااقف ....احيه يا احمد انت اديته حبايه الفيل الازرق ولا الحصان الاسود ولا اي بالظبط
احمد/مليكه روحى افتحى الباب وفيه بنت هتعمل الى مارفى كانت عيزاه بس حاولى تخوفيها علشان متنطقش بحاجه
اومأت مليكه وذهبت لتفتح الباب وجدت فتاه فى نصف العشرينات جميله للغايه ولكن هيئتها تبين انها عا***
مليكه وهى تعمر سلاحها وتضعه على راسها وتردف بنبره مرعبه/بالتاكيد ان تعرفين لماذا انتى هنا الكاميرا فى ااول غرفه على اليسار ان علمت فقط انكى اخطأتى فى شئ او انكى من الممكن ان تخبرى احد بنا تاكدى ان هذا السلاح سوف يفرغ فى راسك افهمتى
اومات لها الفتاه برعب فللحق لقد ارتعبت من مليكه
مليكه/حسنا فتاه جيده والان قومى بعملك
دخلت الفتاه كى تنفذ ما يريدوه بينما خرجت مليكه وذهبت لاحمد
بااااااااااااااااااك
مليكه وهى ما زالت تضحك/دماغ شغاله مش بتنام
احمد بغيره/اومال كنتى عيزانى اسيبك انتى الى تعملى الفيديو ولا اي
مليكه/انا اصلا مكنتش هرضى لو عملتو اي حط فى بطنك بطيخه صيفى
احمد وهو يربت على خدها بحنان/شطره يا مليكتى
مليكه بخجل/احم بقولك اي انا جعانه ما
تعزمنى على اي مطعم ولا انت بخيل
احمد/عيب عليكى جوزك المستقبلى ابو الكرم كله
ضحكت مليكه بخجل ثم نظرو لبعضهم بخبث وهم يقولون فى نفس الوقت/ودلوقتى الخطوه الى جايه هنخلص على مارفى تماما
ثم ضحكو بحماس وخبث وتحرك احمد بينما نظرت مليكه فى هاتفها الذى لم تفتحه منذ البارحه ووجدت رساله الجوكر الاخيره دب قلبها باحاسيس غريبه متداخله واهمهم الخوف والاشتياق لهذه الرسائل
قفلت الهاتف وتنهدت بحيره وهى لا تعرف ما هو مصيرها
************************
مروان بغضب/بتتتت متخوووميش
سلمى وهى تلقى ورق الكوتشينه/طب عليا النعمه انت الى بتخوم ومعلم ورقه الشايب غير الشايب ده ياض
مروان/لا بقى مش هغيره انتى الى فاشله ومش بتعرفى تلعبى
سلمى بصدمه/اناا فاشله!!
مروان بايماء/اه انتى فاشله
سلمى بخبث/تمام اوى
ثم قامت بتبديل الشايب بحركه سريعه هو لم ينتبه لها
سلمى بتوعد/يلا نكمل
مروان بتحدى/يلا
ظلو يتبادلون الاوراق حتى انتهو بخساره مروان وفوز سلمى
سلمى بفرحه/عرفت مين فينا الى فاشل يسطا
مروان بتافف/اوف خلاص اعترفت اتفضلى احكمى
سلمى بخبث/الحكم هو انك تروح تقف فى البلكونه وتغنى بعلو صوتك اغنيه العنكبوت النونو
مروان بغضب/نعممم لا طبعااا انا لا يمكن اعمل كده غير على جثتى