"وما زالت لعنه الحب مستمره" لعنه جعلتنى احبك ٢

الفصل السادس والعشرون

وزى ما قولتلكو الحلقه انهارده عباره عن مليكه واحمد والجوكر
يلا بسم الله
************************
نظرت له مليكه بصدمه وتوتر فاكمل هو/اي وحشتك رسايله صح؟!
مليكه وهى صادمه/انت عرفت منين
احمد وهو يعتدل فى وقفته وينظر لها بغموض/انا سالتك سؤال وعايز ايجابته ويكون بصراحه يا مليكه ها...بصراحه
مليكه والدموع تتجمع فى عينيها/عايز الصراحه يا احمد
احمد/ياريت
مليكه ودموعها تابى النزول/اه يا احمد وحشتنى رسايله عارف ليه لانى خلاص اتعودت ده بيبعتلى من وانا 15 سنه عشر سنين بنام واصحى على رسايله فى عيد ميلادى اول واحد يعايدنى كان بيجيبلى نتيجتى حتى نتيجتى فى الثانويه العامه هو الى جبهالى يا احمد وصحانى من النوم برسايله وهو بيقولى افرحى جيبتى خمسه وتسعين فى الميه عيد اضحى عيد فطر رمضان اى مناسبه الاقيه اول واحد يكلمنى انا اتقدملى عرسان بالهبل ومبلحقش اقول رايى فيهم الا والاقيهم متكسرين اصلا علشان بصولى كنت بحس بالامان بمجرد رسايل من شخص معرفش اسمه حتى مش شكله بس فخلاص اتعودت مالك ويوسف عملو كل حاجه علشان يعرفو مين ده ومعرفوش كنت بحس انه مراقبنى كل صغيره وكبيره فى حياتى عارفها
ثم اقتربت منه وهى تبكى وتقول/كان تعود واحساس بالاهتمام من شخص مجهول يا احمد....لكن حب لا انا محبتش غيرك ومش ده الى تغير منه او يشغل دماغنا اصلا
احمد وهو يبتسم ويقترب منه حتى يهمس فى اذنها ويردف/مفيش حد هيغير من نفسه يا مليكه
نظرت له مليكه بسرعه وصدمه ودقات قلب تتصاعد لدرجه الالم/قصدك اي يا احمد
احمد وهو يفرد ذراعيه بثقه ويغمز لها/يعنى انا هو الجوكر الى ملاحقك بقاله سنين يا مليكتى
هزت مليكه راسها برفض وصدمه وهى تقول/مستحيل ازاااى محصلش اى حاجه تخلينى اشك انك هو ابداا
احمد/وده علشان انا ماهر فى شغلى وممكن اخليكى تثقى فى الحاجه الى انا عايزك تثقى فيها عيب عليكى ده انا بيطلبونى بالاسم
مليكه ببكاء مرير/طب ازاى وازاى تعرفنى ومنين وامتى وليه مظهرتش على طول ليه كل الغموض دى لييييه فهممممنى طب ليييه من اوول ما ظهررررتلى على انككككك المقدددم احمدددد مقولتلييييش لييه
احمد/بزمتك واحد فى برودى وقوتى هيحب حد فى تلت اسابيع
مليكه/صح اكيد لا
احمد بعشق/انا بقى حبيتك فى يوم يا مليكه ومن اول نظره مش فى تلت اسابيع
مليكه بتوهان وصدمه/مش فاهمه مش فاهممه حاجه
سحبها احمد خلفه وجعلها تجلس على الاريكه وهو بجانبها ووجه يقابل وجهها ويقول/هتسمعينى للاخر خاالص
اومأت له مليكه بمعنى نعم فنظر هو امامه وهو يردف بكل ذره عشق يحملها لها/كنت طفل فى خمسه ابتدائى واقف فى مدرسته مع صاحبه والى هو مروان ومستنيين الطابور يبدأ فجأه الاقى بنت داخله مع مامتها وبتعيط ومش عايزه تخش الحضانه وكانت كيجى وان
ثم نظر لها ومسك يدها وقال/البنت دى انتى يا مليكه
ثم اكمل وهو يشرد فى السماء مره اخرى/لكى ان تتخيلى ان طفل فى خامسه ابتدائى ميعرفش حاجه فى الدنيا يحب طفله فى كيجى وان بالنسباله عيله اصلا وبيتريق عليها هو وصحابه.....بس لا انا كنت طفل مش فاهم حاجه ومع ذالك اول ما شوفت دموعك حسيت انى عايز اخدك فى حضنى واطبطب عليكى واقولك متعيطيش انا جنبك تخيلى انتى طفل يفكر التفكير ده مكنتش اعرف ان حبك اتولد فى قلبى من اول ما شوفت دموعك والقطتين الى عملاهم فى شعرك.....وفجأه الاقيلك عيل لزج قدك جاى ياخدك فى حضنه وجايببلك حلويات وانتى تهدى وتحضنيه عايز اقولك ان كان نفسى اقوم اضربه وانا الى اخدك فى حضنى وامسح دموعك ادايقت بطريقه غبيه واول ما انتى وهو قومتو روحت وسالت عليكى من الاطفال الى كانت قاعده معاكى وعرفت ان اسمك مليكه وان الطفل ده مالك واخوكى التوأم لقيت كميه راحه غريبه جوايا لما عرفت انه اخوكى بس ملحقتش ارتاح من مالك الاقيلك يوسف بس كان بيلعب معاكى وعادى انتى كنتى اغلب وقتك مع مالك وبس.....بقيت اراقبك كل يوم لحد ما الترم الاول خلص فاكره يا مليكه لما كنتى كل يوم تفتحى شنطتك تلاقى شوكلاته
اومأت له مليكه بهدوء وصدمه فاكمل هو بحب/انا الى كنت بحطلك الشوكلاته دى كل يوم وانتى سايبه الشنطه وبتلعبى مع صحابك....من ترم واحد اتعلقت اووى بيكى مبقتش اقدر اغيب من المدرسه زى الاول حتى بابايا ومامتى استغربو جدااا......روحت وحكيت لمروان ضحك عليا وقالى يعم دى عيله نونه لسه روح حبلك واحد من رابعه ابتدائى او من دفعتك......ولا اعطيتلو اى اهتمام وفضلت بردو اراقبك كل يوم لحد ما بقيت فى سته ابتدائى وانتى فى كيجى توو وبراقبك وحبك فى قلبى يزيد ووببقى نفسى اقعد معاكى العب معاكى وابقى جنبك بس كنت بخاف من تريقه صحابى عليا انى متعلق بنونه فى كيجى.....روحت وحكيت لامى امى قالتلى ممكن البنت دى تبقى جميله فعجباك واهو حب مراهقه وهتنسى.....ههه متعرفش انك بقيتى محور حياتى لحد انهارده بقيتى النفس الى بتنفسه.....مرت سته ابتدائى وبقيت فى اولى اعدادى وانتى فى اولى ابتدائى وبردو براقبك وحبك فقلبى زاد اضعاف لحد ما فمره لقيت بنات بيرخمو عليكى وبيشدوكى من شعرك كان نفسى اروح اقتلهم بس متعودتش امد ايدى على بنات بس كنت لسه هدخل ازعقلهم لقيتك اللهم صلى على نبى مسكتيهم مسحتى بيهم سيراميك الحوش والعيال اتشلفطو خالص والمديره كانت هترفدك بس انا ابويا كان رجل اعمال كبيره وبيساهم فى المدرسه دى ولاول مره اكسر كلمه ابويا واستغل نفوذى علشان خاطرك وعلشان متترفديش وروحت للمديره وقولتلها انى كلمت بابا وبيقولك مترفدهاش هى خدت حقها وعملت فيها الواد القوى والمديره الهبله خافت ومعملتلكيش حاجه........وفضلت اراقبك كده بقالى تلت سنين وجات السنه الرابعه بقيت انا فى تانيه اعدادى وانتى فى تانيه ابتدائى لحد ما جه اليوم المشئوم
قاطع كلامه وهو يمسح دمعه نزلت من عينه فاقتربت منه مليكه وهى تبكى بصدمه وتمسح دموعه وتقول/كمل يا احمد انا سمعاك
كبت احمد دموعه وهو يقول/كان يوم جمعه وبابا اجازه واحنا اجازه وقاعدين فى فيلتنا كنت انا قاعد مع ريتاج اختى فى اوضتنا فوق بنتفرج على فيلم كانت اختى ساعتها فى خمسه ابتدائى فجأه سمعنا صوت ضرب نار قولتلها متتحركيييييش من مكااااااانك بسسسس هى مسممممعتش كلااااامى وجااات ورااااياااا وشوفنا ابونا وامنا وهما بيتقتلو قدااام عنينا من الكلببببب دانياااال علشان كان عايز يعمل مع ابويا صفقه مشبوهه وابويا موافقش وبلغ عنه.....شوفت امى وابويا غرقانين فى دمهم وانا واقف عاجز فجأه لقيت ريتاج طلعت من ورايا وبتصوت وبتجرى عليهم جريت وراها امنعها مسكونى ضربونى وو.....
قاطع كلامه شهقه وغصه مريره من البكاء علقت فى حنجرته بينما مليكه كانت تبكى بشده وهى تحثه على التكمله فاكمل وهو يبكى بضعف/اغتصبو عيله فى خمسه ابتدائى قدام عينى لحد ما ماتت جنب امى وابويا وخسرت عيلتى كلهاااا واضربت واتكهربت ورمونى زى الكلب جنبهم وشوفته وهو بيضحك باستمتاع اووى ابتسم بسمه عمرى ما انساها.......تانى يوم صحيت لقيت نفسى فى المستشفى وعمى الوحيد جنبى وعيطت ولقيت عمى بياخدنى فى حضنه حسيت بالامان ولو شويه
ثم اكمل وهو يضحك بشده وسخريه/الا انى الاقيلك عمممى ابوووويا التاااانى بيمضينى على اوراق غصببب عننننى وهى تنااازل عن ورثى واملاااكى من ابوووويااا لييييه وبعدين رماااانى على باب ملجأ ولما حاااولت اهررب مهو انا بردو 14 سنه مش عيل اووى يعنى الاقى صاحب الملجأ بيمسكنى غصب وبيضربووونى علشان افضل فيه حسسب اواامر عممى مكنتش بعرف اوصل لحد غير مروان كنت بسرق تلفون المشرفه كل يوم واكلمه واحكيله الى حصلى وهو مكانش قادر يعملى حاجه غير انه بيجيلى بليل يقعد معايا ويهون عليا بس عايزه اقولك مكانش بيهون حاجه يمليكه مكانش فيه حاجه بتهون عليا العذااب والضرب الى بشوفه غييرك ...ايوه انتى فى مره قبل ما تحصل الحادثه دى ابويا جابلى كاميرا هديه الكاميرا دى بقت عباره عن انى اخدها المدرسه والقطلك صور وانتى مش شيفانى واطبعها واحطها فى دفتر سرى محدش يعرف عنه حاجه الدفتر ده جيبته معايا لما روحت الملجأ كنت بنام واصحى على صورك وبنام بحلم بيكى وبفكر فيكى مجرد النظره لصورتك كانت بتنسينى الالم والقهر الى شوفته لسنه ونص متواصله لحد ما فمره حنو عليا وودونى مدرسه معفنه كنت بهرب من المدرسه واروح مدرستى القديمه اشوفك واطمن عليكى فضلت كده كل يوم وانا شايفك بتكبرى قدام عينى يا مليكه وحبك بيزيد فقلبى اكترر واكتر فاكره يا مليكه لما كنتى بتتعبى وملك صاحبتك تجيبلك دواا وتهدى الدوا ده كنت انا الى بدهولها وممكن اصرف كل الى معايا علشان اجبهولك ومحسش انك بس بتتالمى او تعبانه فضلت اراقبك واشوف صحابك وبقيت احوش اى فلوس معايا لحد ما جيبت كاميرا صغيره وفضلت اصورك كل يوم وكل ثانيه بيبقى فى صوره ذكرى تفكرنى بالوقت ده مانشغلتش عنك غير وانا فى تالته ثانوى حاولت اركز انى اجيب مجموع كبير علشان اليق بيكى لانى خلاص عاهدت نفسى انك مش هتبقى لحد غيرى لو ولد لمحته بيبصلك او بيقولك انه معجب بيكى كنت بمسكه بعد ما اليوم يخلص مدراش بنفسى غير وانا بضربه.....طب فاكره لما كان فى ولد بيرخم عليكى ومره ضربك فروحتى انتى ومالك ويوسف ضربتوه وروحتو للمدير
مليكه بهدوء من هول الصدمات/ايوه فكراه كان اسمه معتز باين
احمد/فاكره معتز ده مبقاش ييجى المدرسه ليه لان ساعتها انا مسكته ومسبتهوش غير وانا كاسر ايديه الى مدهم عليكى ......وفى مره كنت بكلم مروان وخلاص بقيت اعرف اتواصل معاه ومروان كان اهله عاديين على قد حالهم ساعتها كنا احنا الاتنين نجحنا فى الثانويه العامه ومدير الملجأ قالى انه اسبوع بالظبط وهمشى من الملجأ خلاص لانى كنت تميت التمنتاشر سنه كنت محتار طب هعمل اي هتشحطط فى الشارع طب هبات فين فجأه فى اليوم ده القدر بعتلى زياره للملجأ كان فى لواء ومعاه الصحافه جايين يعملو زياره للملجأ ويشوفو احاواله انا استغليت ان فيه صحافه ورقابه وتلفزيون وطلبت من اللواء قدام الكل انه يتوسطلى ادخل ان وصاحبى كليه شرطه هو فى الاول اتردد وطبعا مع الصحافه والهيصه حب يعمل لنفسه تريند ووافق ودخلت انا ومروان شرطه وحسب خبراتنا دخلنا مخابرات وكنت انا اكتر واحد ماهر وعملت اكتر من عمليييه وخلصتها بمهاره عاليه وكل ده وعينى مغفلتش عنك لحظه لحد ما بقيتى فى اولى ثانوى ساعتها كنت انا اتخرجت وبقى اسمى فى عالم المخابرات الجوكر خلصت على اكبر رجال المافيا ومحدش يعرف عنى حاجه غير ورقه عليها صوره الجوكر بلزقها فى الحته الى عملت فيها العمليه علشان يعرفو انى انا الورقه دى يا مليكه كفيله انها ترعب رجال المافيا واديكى شوفتى دانيال بنفسك لما ولعتلو فى المخازن علشان كده بقول عليكى ورقه الجوكر يا مليكه لان انتى الورقه الى ممكن ترعب اى حد لو فكر ييجى جنبك وبعدها قررت اظهرلك وبدات بعيد ميلادك لما بعتلك الهديه ومعاها الرساله وبدات بقى ابعتلك مسدجات على الموبايل باسم ورقه الجوكر .....طب اوريكى حاجه تانيه يا مليكه
اومأت له مليكه وهى تبتسم من بين دموعها
وقف احمد وسحبها خلفه الى غرفته وذهب الى الورقه البيضاء الكبيره والتى تتم توصيلها بالكمبيوتر ليظهر عليا الصور او الافلام ثم وصلها ببهاتفه وذهب واحتضن مليكه من ظهرها وهو يقول/انا دلوقتى هوريكى اوضتى يامليكتى
مليكه باستغراب/مااحنا فى اوضتك يا احمد
احمد بتخدير من حبها وعشقها/تؤ تؤ هوريكى اوضتى الى بنام فيها كل يوم
ثم مسك هاتفه وقام باشغال فيديو فنظرت مليكه للشاشه بصدمه فكانت الغرفه عباره عن صور لها فقط ورسومات لها ولا يوجد ركن واحد على الحائط فارغ الا ويوجد به صوره لها وفى المنتصف كان يوجد لها صوره كبير بحجم عرض الحائط وهى فى سن الخامسه والعشرين وصوره لها وهى ترتدى ملابس الشرطه الواسعه وتحاول تظبيط الاكمام ضحكت بشده من هذه الصوره وصور لها وهى صغيره ورسومات لها كثيره
مليكه بصدمه وبسمه وذهول/انت بتعرف ترسم اشخاص
احمد وهو يديرها حتى وجهها يقابل وجهه ويهمس لها بحب/تؤتؤ مش بعرف ارسم...غيرك انتى بس الى بعرف ارسمك يا مليكه لان خلاص ملامحك بقت محفوره فى قلبى وعقلى فسهل ارسمها
مليكه ببكاء/لدرجاتى يا احمد
احمد وهو يمسح دموعها/واكتر من كده يا مليكه انا بقيت اتنفس حبك
مليكه/طب وليه العمليه دى عملتها على انك احمد مش الجوكر
احمد/علشان اظهرلك استغليت وسطاتى كلها لحد مانقلتك من مباحث لمخابرات علشان تبقى معايا كنتى عايزك تحبى احمد مش مجرد يظهرلك الجوكر وانتى اصلا متعلقه بيه فتحبيه فهمتينى
اومأت له مليكه بفرحه ثم قالت/هو انا كنت ازاى غبيه ومفكرتش
احمد باستغراب/مفكرتيش فى اي
مليكه بلهفه ودموع/ان انت انت هووو الى حصلى حاله بسببه زمان
احمد/حاله اي مش فاهم
مليكه/احمد انت يوم 17/*/****.......فاكره
احمد/لييه
مليكه/فاكره يا احمد ولا اي
احمد بتشويش/ايوه فاكره اليوم ده انا اتصابت فى عمليه وكنت هموت
مليكه بلهفه/يبقى انت انت هووو
احمد/انا مييين يا مليييكه فهميييينى
مليكه وهى تبتسم بسعاده وتغمز له/الظاهر ان مش انت الوحيد الى اتولد حبى فقلبه
احمد/قصدك اي
مليكه بشرود/انا هحكيلك فى يوم وانا فى تالته اعدادى حصلى حاجه غريبه اوووى كانت......
فلاااش بااااااااااااك
كانت مليكه وسلمى فى الصف الثالث الاعدادى وكانو يجلسون فى فصلهم ينتبهون لشرح المعلم
مليكه بخفوت وهمس/سلمى
سلمى/اييه
مليكه ببكاء/انا قلبى مقبوض اوووى وتعبانه
سلمى بخضه/مالك فى اي
مليكه/معرفش معرفش قلبى قلبى واجعنى اوووى
سلمى/طب اهدى كده وتعالى ننزل الحمام نغسل وشك
اومأت لها مليكه ونزلو الى المرحاض ولكن فجأه وقفت مليكه ومسكت قلبها بشده والم
سلمى بخوف/مالك يامليكه فى اييه
مليكه وهى تنظر لها بتشوش/انا..انا مش قادره
ثم فجأه فقدت وعيها فصرخت سلمى واتى المعلمين ونقلوها للمستشفى واتصلت سلمى بعائله مليكه فاتو ايضا وتجمعو حول غرفتها بخوف
روان ببكاء/يارب استر يارب واحفظ بنتى يارب
بينما كان يقف مالك امام غرفتها وهو مرعوب بشده على شقيقته
خرج الطبيب فركض له محمد بلهفه هو يقول/ها يدكتور طمنى
الدكتور بحيره/معرفش معرفش بنت حضرتكو كويسه وكل مؤشراتها كويسه ومعندهاش انيميا حتى ومع ذالك رافضه تفوق وكانها فى عالم تانى وقاعده تخترف بالكلام وتقول متسبنيش يا احمد متسبنيش اهرب منهم وكلام غريب جدااا
محمد بغضب ورعب/احممممممد مييين وبنتى مااااااالها يا دكتووووور هو انتو بتشتغلووووو هنا علشاااان تقووولى معرررررفش
روان بغضب/احممممد اي انا بنتى متعرفش حد اسمه احمد
الدكتور/حضرتك متاكده
روان/ايووووه طبعااا متاكده انا بنتى مش بتخبى عليا حاجه يدكتور وحتى لو خبت يبقى اخوها يعرف ......ماااالك يا ماالك
اقترب مالك بحزن/نعم
روان/حبيبى مليكه مش بتخبى عليك حاجه صح
مالك/اكيييد
روان/مليكه تعرف حد اسمه احمد
مالك بنفى/لالالالا اختتتى متعرفش اى حد اسمه احمد اصلا....مش كده يسلمى
سلمى باستغراب وبكاء/مليكه مفيش حد فى حياتها اسمه احمد اصلا يا طنط
محمد بجنون/يعننننننى اييييه بنتى مااالها
الدكتور/كده مفيش غير حل واحد بس هو الى ممكن يوضحلنا كل حاجه
محمد/اي هووو واعمله حالا
الدكتور/انا ليا دكتور زميلى اكبر دكتور امراض نفسيه اظن ده الى هيعرف يحدد حاله بنتكو
روان بغضب/لييييه يعنننى انا بنتى مش مجنوووونه
محمد/خلاص ياروااان لو الدكتووور ده هيعرف بنتى مالها ويفوقهالى هاتوو
اومأ له الدكتور وذهب ومر ساعتان
كان محمد يجلس بجانب مليكه التى تبكى وتهذى بالكلام وكانها فى عالم اخر
مليكه/اهرررب منهم..وانت...انت وعدتنى مش هتسيبنى اهرب منهم هتموت...هتموت يا احمد
روان بجنون/احممممد مييين بس وبنتى مالها ياررررب
دلف اليهم الدكتور ومعه الدكتور الاخر الكبير فى السن والذى يسما دكتور مصطفى
الدكتور/اهوه الدكتور مصطفى وانا قولتله على الحاله
اقترب مصطفى من مليكه وقال/هى كام سنه
محمد/ مليكه خمستاشر سنه
مصطفى وهى يفتح عين مليكه/ملييييكه حبيبتى انتى سمعااانى
مليكه/ااه متسبنيش يا احمد سمعاك
مصطفى بشك من شئ ماا/مليكه فايقه ومش فايقه
محمد/ده الى هو ازاى يعنى
مصطفى/عارف يفندم لما يكون حد عنده انفصام فى الشخصيه وفى شخصيه تانيه بيعيشها لوحده اهوه ده الى بيحصل مع مليكه دلوقتى وانا متاكد بس ممكن نخرج بره شويه كلنا حتى انا ونسيبها
نظرت لهم روان ببكاء وتردد ولكن حثها محمد على الخروج فخرجت معهم
مر نصف ساعه حتى وجدو الممرضه تصرخ وتقول/دكتووووووور مصطفى دكتووور مصطفى المريضه قلبها وقف يا دكتور
ركض الجميع امام الغرفه بصدمه ورعب بينما جلس مالك على الكرسى بالم فى قلبه وهو يشعر انه يكاد يموت بينما روان كانت تبكى بشده وتنهار ومحمد يقف برعب
فى الداخل
ظلو يصعقو مليكه بالصاعق الكهربى مره واثنان حتى فاقت فى الثالثه وهى تاخذ نفسها بصعوبه ثم نظرت للدكتور بتشوش وابتسمت وهى تردف بخفوت/احممد
تنهد الدكتور مصطفى وخرج وطمنهم ومر ربع ساعه حتى فاقت مليكه اخيرا فذهبو جميعا الى الداخل واقترب منها الدكتور مصطفى اولا وهو يقول/حمد الله على السلامه يا مليكه
مليكه باستغراب/انا فين فى اي يبابا
سلمى/مليكه انتى كنتى تعبانه وو....
مليكه/انا فاكره ان كان قلبى مقبوض وتعبانه ونزلت الحمام بس اي الى حصل
مصطفى/مليكه انتى مش فاكره اى اى حاجه
نفت مليكه براسها فقال مره اخرى/طب مش فاكره انك كنتى بتحلمى بحد اسمه احمد
مليكه وهى تنظر لهم/لا انا معرفش حد اسمه احمد اصلا
نظر مصطفى لمحمد وروان واشار لهم باتباعه فتركو مليكه وذهبو لمكتبه
مصطفى/زى ما توقعت
محمد/توقعت اي ارجوك طمنى
مصطفى بعلم وعمليه/فى تشخيص فى الطب النفسى اسمه شيزوفرنيا العشق الحاله دى نادره لما بتيجى لحد بس انا قابلت حاله واحده زى دى قبل كده بس كانت اكبر من بنتكو بكتير
روان/يعنى اي شيزوفرنيا العشق دى اصلا
مصطفى/يعنى بنتكو فى حد والله اعلم طبعا مربوط بقدرها يعنى الحد ده ممكن يكون فى خطر دلوقتى فهى حست بيه وقلبها اتقبض وحصلها الى حصلها ده وفجأه فاقت اهيه ومش فاكره اى حاجه وانا قابلت الحاله دى مره وحصلها نفس الى حصل لمليكه واهى دلوقتى عايشه مع واحد وبتعشقه عشق غريب وكانو من احسن الحالات الى جوم عندى
محمد/يعنى بنتى الى حصلها ده بسبب واحد متعرفوش اصلا ممكن يبقى فى خطر
مصطفى/مش لازم واحد حضرتك ممكن يبقى واحده مامتها صحبتها اختها لكن انا بقول واحد لانها بنفسها نطقت اسمه وقالت احمد
اومأ له محمد والان قد علمو ما الذى حدث لابنتهم
باااااااااااااااك
كان يسمع لها احمد بذهول بينما هى اكملت/فضلت السنه دى مشغوله اوووى بالى حصل بعد ما مالك حكااللى كل الى قولته وانا فاقده الوعى وبعد كده نسيت ونسيت الاسم الى ناديت بيه اصلا حتى عيلتى نسيت ومرت السنين وفجأه الاقيك انت الى حصلى كده بسببه
احمد بذهول/انا فعلا قلبى وقف فى العمليات وانقذونى بس فوقت تانى يوم مش بعدها بربع ساعه
مليكه/يمكن قلبى كان اطمن عليك فقال خلاص بقى لما يرجع للواقع
احمد/انا مش مصدق بجد يعنى احنا اصلا ربنا كاتبنا لبعض من زمان اووى كده
مليكه/انا دلوقتى بس عرفت ازاى حبيتك فى تلت اسابيع بس مع انى كنت بستغرب من نفسى بس مكنتش اعرف ان اصلا قدرنا واحد
سحبها احمد الى احضانه وهو يضحك بصدمه/بحبك يا ملييييكه بعشقككك
مليكه بمرح/وانا بعشقك يا جوكر
ابتسم احمد بشده وسعاده لا توصف ان وبعد هذه السنين وهذا العذاب الان معشوقته وطفلته الوحيده معه وتعشقه مثلما هو يعشقها
مليكه/صح كملى انت عملت اي بعد ما اتعرفت بالجوكر
احمد بخبث/خدت املاكى من عمى تانى واسترديت كل حاجه باسمى من تانى والى ساعدنى لكده مروان مروان وقف معايا كتير اوووى فكتبتله ربع املاكى وبعدها مروان جه يخدم هنا فى اسرا***......وعرفت كل حاجه عن دانيال وبدات احرقله مخزن ورا مخزن وعمليه ورا عمليه لحد ما هقضى عليه خاالص وابقى انقذت البلد من شره وخدت حق عيلتى
مليكه وهى تمسك يده بقوه/وانا معاك وجنبك وهجيب معاك حق عيلتك وحق بلدنا
احمد وهو ينظر ليدها ولها بعدم تصديق/بحبك يا مليكتى
مليكه بدموع/وانا بعشقك يا احمد
************************
فصل طوووووويل عباره عن احمد ومليكه بس وفعلا قصتهم كانت محتاجه حلقه خاصه بصو انا كتبت البارت ده وانا والله العظيم تعبانه وحرفيا بموووت فبجد اتمنى اولا يعجبكو وتقوليلو رايكو متابعوش فى صمت كده وعلى فكره تفاعل البارت الى فات مكانش حلو خااالص وكمان انا تعبانه ومع ذالك كتبت ومرضتش اكسل فاتمنى الاقى تقدير لده
واه يجماعه شيزوفرنيا العشق دى حاله حقيقيه ان قلب الشخص بيتاثر جامد وبيحس بخطر فيه شخص تانى وبيبقى محتاج لحب قووووى اووى علشان يحصله كده ولو حصل الحاله دى بتبقى غالبا بين الاخوات التوأم لان التوأم قلوبهم متعلقه ببعض لكن نادرا ما بتحصل بين شخصين كابلز ونادرا جداا كمان فانا علشان بحب النوادر اوووى كنت ناويه اصلا اطلع الحاله دى تبقى بين مالك ومليكه لانها فى الغالب بين الاخوات بس حبيت اعملها بين احمد ومليكه ممكن تشوفوه اوفر بس لا مش اوفر الحب بيعمل اكتر من كده بكتير وفى حالات بيبقو اكتر من كده كمان وحتى لو اوفر اهوه ادينا بنتخيل وكله فانتازيا بس عايزه اقولكو انه فعلا مش اوفر وان دى نقطه فى بحر بالنسبه للعشق الواقعى والى نادرا لما بيبقى موجود♥♥♥
دمتم سالمين♥♥
سهيله محمد♥