"وما زالت لعنه الحب مستمره" لعنه جعلتنى احبك ٢

الفصل الاول

فى منطقه راقيه فى شقه هادئه
لا هادئه اي اي الكذب ده
فى شقه لا يسكنها الا الجنون نجد فى الغرفه روان ومليكه صاحبه الاحدى عشره عاما يرتدون بدله رقص من اللون الكحلى ونرى مالك يضع قدم على الكرسى ويضع عليها طبله
مالك وهو يطبل/ الشجررر الناااشف بقى ورور
روان ومليكه وهم يرقصون /كده اهو
مالك/ والدووق بقى لعبى ومتهوور
روان ومليكه/ كده اهوه
مالك/ الشجر الناشف بق....
قاطعته روان وهى تنظر لمليكه بغضب/ جرا اي يا مليكه مبترقصيش عدل ليه كلى عيش ياما الرقص ده فن مش عن عن
مليكه بتذمر/ الاه يا ابلتشى ما انا بهز اهوه
روان/ لا ركزى اكتر هزه الوسط مش عجبانى....وانت ياض غنى اغنيه تانيه وطبل عدل
مالك/ اوامرك يا معلمه....احم احم
مالك وهو يطبل ويغنى / قوووول يا شقلشه تات تات تاتاتات
روان ومليكه بدلع/ يا عاطشف يا عاطشف
مالك/ تات تات تاتاتات
روان ومليكه/ يا فاتشن يا فاتشن

كان محمد يدخل المنزل وجد صوت اغانى ياتى من الغرفه فذهب وفتح الباب قطعه صغيره وصدم من منظر عائلته وظل يراقبهم
مالك بتطبيل/ مراتك دى هى العيله
روان ومليكه وهم يرقصون باحتراف/ يا عاطشف يا عاطشف
مالك/ وهى الى ماااسكه العيله
روان ومليكه/ يا فاتشن يا فاتشن
مالك بدراميه/ وهى الى واقفه وسده وجنبك وقت الشده ااااه هى الى واقفه وساده وجنبك وقت الشده واصحى وفوق يا شقيق
مالك وروان ومليكه وهم يرقصون/ طب قسم يفنانس يا حلاوتك يا فنانس طب قسم يا فنانس يا حلاوتك يا فناناس.....طب بيسى بيسى بيسى وابعد كده عن قميصى طب بيسى بيسى بيسى
مالك/ قوووول يا شقلشه
محمد وهو يقتحم الغرفه/ الله الله عليكى ياست ...قلبتى البيت كباريه يا روان
روان وهى تتراجع بخوف/ جرا اي يا مودشى ده فن يا حبيبى
محمد/ اه باماره كلى عيش ياما .....وانت يا كلب انا الى كان نفسى ابنى يطلع ظابط يطبل
مالك / ما انا طلعت ظابط اهوه بس ظابط ايقاع
محمد/ وانتى يا سنيوره يالى لسه متمتيش الاتناشر مش عارفه تهزى وسطك ليه
مليكه بجديه مزيفه/ يبابا مفيش حاجه على الست سهله والست لو كانت سهله يبقى السكه مش مستاهله
خلع محمد حزامه وهو يقول بوعيد/ انا بقى هربيكو من الاول يا كلاب واولكم امكم مفسده الاجيال دى
روان/ استهدى بالله بس ده انا عملالك صينيه لحمه بالبطاطس المفرومه
محمد/ بطاطس مفرومه!!
روان/ يوه اقصد بطاطس ضانى
محمد وهو يركض ورائهم/ انا ساكتلكم بقالى سنين يولاد الهرمه واقول بكره يتعدلو بس الواضح ان مفيش فايده
مالك/ يا حاج اهدى الامور اخد وعطى مش كده
محمد وهو يخلع حذائه/ وحياه امى لاربيكو يا كلاب
ثم ظل يركض ورائهم وهم يجرون منه
************************
عند سليم كان يجلس وميلسيا بين احضانه تبكى
سليم/ يا سيلا خلاص بقى انا كده هيجيلى الشوجر من النكد
ميلسيا/ طبعا وانت هتحس بيا ازاى ما اختك فى الشقه الى جنبك لاكن انا اخويا فى عصر غير عصرى اصلا اهئ اهئ الا ما حتى عارفه اكلمه فيديو كول
سليم/ جرا اي يا سيلا انا عارف انه وحشك بس انا مش مكفيكى حبيبتى انا جوزك وحبيبك وابوكى واخوكى وابنك كمان انتى كل حياتى يا ميلسيا
ميلسيا/ انا تخطيت مرحله الحب معاك يا سليم انا بقيت بعشقك
يوسف/ ترانى تاثرت لحظه ابكى اهئ اهئ
سليم بخضه/ انت هنا من امتى يحيوان انت
يوسف وهو يغمز له/ من اول ما هيجيلك الشوجر من قطعه الشوجر الى قاعده جنبك دى
سليم وهو.يحدفه بحذائه/ ده.امممك يبن الهبله انت طالع سافل لمين
ميلسيا/ هيهيهي يعنى هو هيجيبو من بره اهى جينات يا سولى
يوسف/ العبببب يا سوولى
سليم بغضب/ انجز ياض عايز اي
يوسف بجديه وكانه شاب كبير ليس فى الحاديه عشر من عمره/ عايز اتجوز
سليم ببلاهه/ايوه يعنى عايز اي
يوسف/ ابا انا عايز ادووز
سليم بتشنج/ ويا ترا مين بيبى الحظ الى هتتجوزها
يوسف/ مايا بنت اونكل خالد جارنا
سليم/ انا ليه حاسك بتتكلم جد
يوسف/ اومال ههزر يا والدى ده جواز مش لعب عياال
ميلسيا وهى تنظر لسليم/ انا مش هستغرب ده الجزء التانى من سليم المغربى
سليم بتافف/ قوم يلا يلعن ابو تربيتك روح شوفلك سريلاك تاكله ولا لبن تشربه هى ناقصه هبل
يوسف/ بقى كده طب متزعلش بقى لما تحضر كتب كتابى
سليم وهو يحدفه بالوساده/ امشى من وشى يبن الكلب يالى ما شوفت ساعه ربايه
ضحكت ميلسيا بشده ليقول
سليم بمشاكسه/ العب يا سيلا يا قمر انت
************************
بعد ساعتان كان مالك ومليكه ذهبو للنادى وكانت روان تجلس بجانب محمد لتجده يكاد يغرق فى النوم
روان/ مودى انت هتنام
محمد/ لا بحتضر يا روان اكيد هنام
روان بابتسامه وهى تقبل يده/ خلاص يا حبيبى روح نام وانا هروح اجهز الغدا
محمد بتعب/ ماشى يروانى صحينى كمان ساعتين
روان/ حاضر يا حبيبى
خرجت روان وكادت ان تدخل المطبخ ولاكن سمعت صوت ضجه فى الخارج فاستندت على الباب لتسمع
************************
فى هاذا الوقت كان سليم وميلسيا يجلسون امام التلفاز فجاه رن جرس الباب
سليم بصوت عالى/ تعالى يا يوسف افتح
ميلسيا/ قوم انت يوسف نزل الشارع
قام سليم ليفتح الباب فصدم مما راى
سليم بصدمه/ انا موأدتش الواد ده ليه
فكان جارهم خالد يمسك يوسف من بدلته الصغيره التى جلبتها له روان فى العيد
يوسف وهو.يحاول الفكاك من يد خالد/يعمى.يعمى مينفعش التهزيق ده انا هبقى نسيبك
خالد بغضب/ نسيب مين يلا....يا بشمهندس سليم لو مخلتش ابنك يبعد عن بنتى انا مش ضامن رد فعلى
يوسف/ بقى كده ده جزاتى انى دخلت الباب من شباكه مش احسن ما كنت اخدها واهرب ومتعرفولناش طريق
خرجت روان من الباب والتى كانت تستمع لكل شئ/ جراا اي يا دكتور خالد هو احنا ابننا يتعايب فايه مهو فى خمسه ابتدائى وبيطلع كل سنه من الاوائل بس من تحت
سليم بصراخ/بس ياختى يا زياطه.......فهمنى يا دكتور خالد الكلب ده عمل اي
خالد/انا هقولك يا بشمهندس
فلااااش بااااك
كان خالد يجلس امام نشره الاخبار فجاه سمع صوت طرق الباب فذهب ليفتح وجد يوسف يلبس بدله صغيره على حجمه ويمسك حقيبه سوداء
خالد بابتسامه/اهلا اهلا يا جو عامل اي يحبيبى
يوسف / كويس يا عمى ممكن ادخل عايزك فى كلمتين
خالد باستغراب/ طبعا يا حبيبى اتفضل
يوسف وهو يرفع الحقيبه السوداء/ده كيلو برتقان بلدى حاجه كده الى ما قوسم
ضحك خالد بشده/ تسلم يا حبيبى ليه تتعب نفسك
يوسف وهو يجلس على الاريكه/ ولا تعب ولا حاجه يا عمى
خالد وهو يجلس امامه/ خير يا حبيبى عايزنى فى اي
يوسف /احم احم انا يسعدنى ويشرفنى انى اطلب ايد الانسه مايا بنتك وبالنسبه للمؤهلات فانا عندى اوضه بسرير ودولاب ومكتب ولونها بيبى بلو طبعا لو عايزين تغيرو اللون انا معنديش اى مانع ومصروفى فى الشهر 100 جنيه يعنى اقدر اسعدها واجيبلها من كانتين المدرسه كل الى تحتاج مفاضلش غير موافقتك وموافقه العروسه
خالد بصدمه/انت....جاى تتقدم...لبنتى...انا بنتى مايا
يوسف بابتسامه ثقه/ ايوه يا عمى
خالد بغضب مكبوت/ بنتى الى عندها تسع سنين
يوسف/ ايوه فرق السن سنتين يعنى نقدر نفهم بعض بسرعه وياريت متكونش خطوبه يكون كتب كتاب على طول علشان اقدر ابوسها براح....اا...احم اقدر امشى معاها فى الفسحه براحتى
خالد وهو يقف بغضب ويرفع يوسف من بدلته/بقى انت يا عيل برياله عايز تتجوز بنتى اناا
يوسف/ عمى برستيجى مش كده مايا تقول عليا اي
سحب خالد يوسف وذهب به الى سليم
بااااااااك
سليم وهو ينظر لابنه/ عرتنا الله يكسفك
ثم نظر لخالد وقاال/انا اسف ليك يا دكتور وبعدين دول اطفال والاطفال احباب الله
خالد/ حصل خير بس خلى ابنك يبعد عن مايا بنتى
يوسف بغضب/ طب بدال فيها فراق بقى وهتبقى ذكريات كدابه خليها تجيب حق الشوكلتات والجيلى كولا الى جبتهوملها
روان/ اااه هى ترمى ابننا وكمان تاكل حقه
سليم/ اسكتتتى انتى يا مفسده الاجياال
خالد بغضب/ بعد ازنك يا بشمهندس
ذهب خالد ونظر سليم لابنه
يوسف / طب حيث كده بقى وانا لسه بالبدله كان فى بنت اسمها كارما عندها سبع سنين بنت مدام زهره الى فى العماره الى قدامنا تعالى يا والدى نتقدملها ومدام زهره مزه ومتفاهمه
نظر سليم مطولا لابنه يستوعب كلماته ثم انفجر من الضحك حتى هدأ ونظر له بجديه/ يوسف انا بشوف هزارك وبقول عادى انا كنت اسوا منك بس الى حصل ده ميتكررش تانى مفهووم
يوسف باحترام/ حاضر يا بابا انا اسف
سليم/ خلاص يا جو حصل خير يلا روح غير هدومك وروح النادى عندك تدريب
يوسف / حاضر يلا سلامعليكو
ذهب يوسف من امامهم بينما دخلت روان ومعها ميلسيا لتجهيز الطعام وذهب سليم لشركته
************************
فى الماضى سنه 1631
كان عبد الله الذى يملك من العمر احدى عشر عاما يقف امام عمر والده وهو يمسك السيف ويقاتل بشده وقوه وعمر يدربه وهو يفخر بولده
بينما فى الداخل كانت لاما تجلس امام ابنتها الاثنان التوام مريم وميرال
لاما/ بنت انتى وهى شغل حريم السلطان الى احنا عابشين فيه فى عصرنا ده مياكلش معايا انا عيزاكو بلطجيه زى.خالتكو روان الله يمسيها بالخير
لاما /بت يا مريم ورينى هتعملى اي وانتى فى المدرسه وحد حط ايده على حاجتك
مريم التى تبلغ من العمر ست سنين/ احم احم هزقه واقوله ايدك يااابااا لتوحشك
لاما/جدعه يابت...وانتى يا ست ميرال هتعملى اي
ميرال بقوه/ مش هخلى لسانى يتكلم دراعى كفيل انه يتكلم
لاما بفخر/ بنتى تربيتى وافتخر.....يلا الاغنيه الى حفظتها بالعافيه زمان وحفظتهالكو قومو ارقصو وورونى ادائكو
قامت الفتاتان ووقفو امام لاما ثم بداو فى الرقص بطفوله ومهاره
مريم وميرال/ طب لييييه بيدااارى كده ولا اهوه دااررى كده ولا انا دارى كده ولا انا ده ليييه حيرنى وليه يقبرنى انا ولا اجيش على باله كده طب ليييه بيداارى كده ولا اهووه دارى كده ولا انا دارى كده ولا ده ليه حيرنى وليه يقبرنى انا ولا اجيش على باله كده كدهههه
لاما/ الله علييييكووو عظمه على عظمه
ميرال/ من اين تعملتى هذه الموسيقى يا امى
لاما بحزن/ انا حكتلكو على قصه نايا والحرب روان بقى لما كانت هنا حفظتنى اغاانى كتييير وحاجه اسمها كوميك بيهزرو بيها زى الى بعلمهاالكو كده واكيد بقى فى حجات جديده بس انا علمتكم الى هى عرفتهولى
مريم بغباء/ايوه يعنى حفظتيها منين
لاما/ هى البت دى غبيه ولا بتهيالى
ميرال/ اقلب القدره على فمها يا والدتى
لاما بغضب/ قصدك اي يبت انتى
ميرال/ مفيش انا هروح ادرب مع عبد الله شويه تكير
خرجت ميرال بينما مريم جلست امام لاما وابتسمت بغباء وحماس/ يلا يا ماما علمينى الرقص الشعبى
لاما بغباء هى الاخرى/ يلا يا روح مامتك يلا بينا
************************
خلص الفصل وعارفه انه قصير بس الفصول بتاعه وهما صغيرين هتبقى قصيره ده غير ان انا بدات بسرعه وبحاول ارتب الاحداث وحرفيا دماغى عملت ايرورر فسامحونى فى قصر الفصول بس والله مع الوقت اول ما يكبرو الفصل هيطول لان كمان هيبقى في احداث وابطال تانيه وهتبقى ليله
اتمنى يكون عجبكو واستنونى فى فصل بكره باذن الله
بقلم/ سهيله محمد♥