"وما زالت لعنه الحب مستمره" لعنه جعلتنى احبك ٢

البارت الرابع عشر

كانو يجلسون فى وسط الصالون وهم ينظرون لبعض بتحدى
مالك/ يجماعه الى معاه الشايب ميبينش
ثم بدلو الاوراق فصرخت مريم فجأه بغباء / اعاااااا خدت الشايب من ميرال
مالك/ يبت انتى راضعه غباء
يوسف/ بت اما تبتك ياض مريم تعمل الى هى عيزاه
مريم/ اديلو الواد ده يا يوسف انا اصلا مش مرتحاله كده
ميرال/ يلا ياجماعه نكمل لعب
ثم سحبو الاوراق مجددا ثم ظلو يسحبوها ويسحبوها حتى استقر الشايب فى يد ميرال
ميرال وهى تحدف الشايب بغضب/يخربيييت الزووولم
يوسف/ احكم انا بقى
مالك/ خليك جدع وخلينى انا الى احكم
يوسف/ تدفع كام
مالك بخبث وهو يهمس له/هلعب فى الورق الدور الى جاى واخلى مريم الى تلبس الشايب
يوسف بابتسامه مشرقه/صاحبى توب صاحبى توب
مالك وهو ينظر لميرال/ انا الى هحكم
ميرال/ ماشى احكم
مالك/ اي هى هوايتك
سبقتها مريم وهى تجيب بلهفه/ الغنا ميرال صوتها حلو اوووى
مالك بخبث/ حلو يبقى هقولك اغنيه وتغنيها
ميرال بتوتر/ وافرض مش حفظاها
مالك/هسمعهالك وتغنيها
اخذت ميرال الهاتف منه وسمعت الاغنيه ونظرت له بشر/ مفيش اغنيه غير دى
مالك/ لا ده الى عندى
ميرال/ اوووووف
ثم اخذت الهاتف وسمعت الاغنيه جيدا حتى حفظتها وهمت ان تغنيها
ميرال بصوت عذب/ مكتوبه ليك انى انا الى تعيشلها ....مكتوبه على اسمك حياتى كلهااا....اول ما قولت بحبك كانت ليا انااا مين تستاهلها غيرى او تتقالها
ثم وجهت انظارها تلقائيا حول مالك/مكتوبه ليك واهى كل حاجه فى وقتها....تكمل حياتك بيا لما دخلتهاااا...اول ما شافك قلبى شافت عينى فيييك...صوره حبيبى الى فى خيالى رسمتها
ثم اكملت بنبره وكانها تغنى من قلبها وليس من فمها/قول بقى يا حبيبى حبيبى..لمين انا لو مش ليك قول بقى يا حبيبى حبيبى هحب فى مين غير فيك طب ده انا ايامى احلامى وحياتى واقفه عليك نور عينى حبيبى حبيبى لمين انا لو مش ليك قول بقى يا حبيبى حبيبى هحب فى مين غير فيك طب ده انا ايامى احلامى وحياتى واقفه عليك
نظر لها مالك بنظره هو لا يعرفها حتى واحساس يجهل مصدره
اكملت ميرال وهى تنظر لمالك للمره الثانيه بتلقاءيه/ موعوده بييك تبقى انت بختتى وقسمتى...موعوده بييك من قبل ما اتقابل معاااك ...مشاعرى حبى حياتى شوووقى ولهفتتتى...متصدقين منى لانى مصدقااااه
ثم نظرت لهم وهى تنهج/ بس كفايه زورى وجعنى
يوسف/ لا شابو يا ميرال حاليا هفنط الورق ونلعب كمان دوور
مريم/ وانا هقوم اجيب شيبسى وبيبسى من المطبخ وشويه حلويات
يوسف وهو.يقترب منها ويهمس لها/ حلويات وانتى موجوده
مريم بخبث/ خلصانه لو انا حلويات شاركونى كلكو بقى
يوسف بغضب/ لا ياااختى الحلويات دى ليا انا بس روحى هاتيلهم هما حلويات تانيه
مريم/ طب ما تحترم نفسك من الاول لا اله الا الله
ثم ذهبت من امامه ونظر هو فى طيفها بغباء/ قصدها اي البت دى قصدها انى مش محترم
ثم ابتسم بسخريه/ طب ما انا مش محترم فعلا اي الجديد

بينما مالك كان ينظر لميرال باحساس غريب يسيطر عليه ثم اقترب منها وقال/ صوتك حلو اووى
ميرال بخجل/ شكرا
مالك بغيره غريبه/بس متغنيش قدام حد تااانى
ميرال بحاجب مرفوع/ وانت مالك
مالك باحراج/اي قصف الجبهه ده
ثم امسك كف يدها بحنيه لا تظهر الا لاخته والان لها/ علشان انا مش حابب حد يسمع صوت الكروان ده غيرى انا وبس ماشى
اومأت له ميرال بدون شعور وهى تشعر بنفس الشعور الذى يسيطر على كلاهما
اتت مريم ثم شرعو فى توزيع الورق مره اخرى حتى يلعبو
************************
عند احمد ومليكه
اوصلهم مروان حيث الشقه الدى سيمكثون بها ثم ذهب على وعد ان ياتى لهم فى الصباح بينما مليكه وسلمى فى غرفتهم يرتبون ثيباهم واحمد قد اخبرهم انه سيذهب الى مشوار ثم ياتى سريعا
سلمى/ شوفتى يا مليكه الواد الحليوه الى اسمه مروان ده يخربيت كارزميته يجدع شبهه كده الكاب كيك بالشوكلاته
مليكه بتوهان/ سلمى شوفتى احمد عمل اي لما مروان بصلى باعجاب شويه
سلمى وهى تغمز لها/ خدت بالى خدت بالى
مليكه وهى تضع راسها على قدم سلمى/ تفتكرى ليه عمل كده وليه مسك ايدى بتملك غريب كده تعمد ان يظهره قدام مروان
سلمى وهى تتصنع التفكير/يكونش حبك
مليكه/حبنى اي بس يا سلمى ده مشافنيش غير مرتين تلاته
سلمى/ طب ما يمكن علشان احنا امانه فى رقبته وكده
مليكه/ طب مهو مروان بصلك بنفس الاعجاب ويمكن اكتر منى كمان ليه معملش معاكى كده
سلمى/ يمكن حس انى بصيح من جوايا وبقول القلب يا ناس اشتكى محتاج حبه هشتكه فسابنى اقلب رزقى
نظرت لها مليكه قليلا ثم انفجرو فى الضحك
مليكه/ ربنا يخليكى ليا يا سلومتى متتخيليش الفتره الى طلعتى فيها المهمه دى كانت زهق عليا قد اي
سلمى بتافف/ وياريتنى ياختى استريحت يدوب لسه بخطى خطوه وبقول يا هادى لقيت اللواء بيقولى عنضك مهمه جضيضه يا صياده النكيب مع مليقه واعوانها
قالتها وهى تتخن صوتها مثل اللواء فضحكت مليكه بشده
مليكه/ قومى قومى نستحما كده بقالى اسبوع مستحمتش يلا قبل ما الواد القمر الى كل ما اشوفه قلبى يتخطف ده ييجى
سلمى/صحيح يبت هو الى بيبعتلك رسايل ده بعتلك اي تانى
مليكه بحزن لا تعلم مصدره/ معرفش يا سلمى بقاله كام يوم كده مش بيبعب حاجه خالص حاسه انى خلاص اتعودت انام واصحى على رسايله من يوم ما رجلى خطت ثانوى وهو بيبعتلى عشر سنين يا سلمى وانا بصحى انام على رسايله احساس غريب اوووى جالى من ساعه ما بطل يبعت
سلمى/يكونش مات
مليكه بغضب/قومى يبت ينعل ابو شكلك لابو الى يتكلم معاكى
سلمى/يسطا ارحمى ميتين اهلى يسطا انا زهقت من تقلباتك المزاجيه دى
مليكه/ مش المفروض انك صحبتى وتستحملينى وكده
سلمى وهى تتخطاها الى الحمام/ المفروض عند المكوجى يا مليكه
************************
فى مكان بعيد نظر الجوكر بخبث لهاذا المخزن ثم اقترب منه بهدوء وتسلل ببراعه وكل من يواجهه كان يقتله فقط بيده بدون ان يحدث اى صوت حتى وصلى الى نصف المخزن وقتل جميع من فيه فى خمس دقائق ببراعه ومهاره ثم وضع شئ وخرج من المخزن الذى يحمل كميه كبيره من السلاح ثم نظر خلفه الى المخزن
الجوكر وهو يعد على صابعه ببرود مهلك للاعصاب/ واحد....اتنين..اتنين ونص
ثم ابتسم بخبث/ تلاته
ثم وفجأه احدث المخزن انفجارا كبيرااا للغايه فاقترب الجوكر الى المخزن المشتعل ثم ذهب عند احدى سيارات العصابه ووضع على الازاز الامامى ورقته المخصوصه ورقه تحمل صوره لقبه ورقه من الكوتشينا بها صوره الجوكر
ذهب الجوكر من امامهم وهو ينظر لهم بسخريه ثم انصرف
************************
فى الماضى
كان يجلس عمر وبين احضانه لاما حتى قاطعهم طرق الباب ففتح وجده الحارس
الحارس/مولاى هناك احد الدجالين بالخارج يريد مقابلتك
عمر/ حسنا اذهب انت وسوف اأتى
اومأ له الحارس باحترام ثم انصرف
لاما بلهفه/ هل جاء الدجال
عمر/نعم هيا نذهب لنراه
لاما/حسنا سابدل ثيابى واأتى خلفك
عمر/حسنا هيا