"وما زالت لعنه الحب مستمره" لعنه جعلتنى احبك ٢

الفصل الثانى

فى الصباح استيقظت روان مبكرا ونظرت بجانبها وجدت محمد غارق فى النوم
روان بمرح/ مين يصدق انى اتجوز واحد اكبر منى ب400 سنه  ينهار اسود
محمد/ بطلى هبل يا روان ده انا اصغر منك يا جزمه
روان/ ليك حق تتغر بعيونك الزتونى دى وبشرتك الصافيه الى مبيطلعلهاش حبايه واحده فى العيد حتى
محمد/ قرى بقى قرى
روان/ وانا اقدر احسدك يا مودى يقمر انت
محمد وهو يقوم / والله ما فيه قمر غيرك يا روانى
روان/ انا يبنى شكرا على ثقتك الغاليه
محمد بقرف/ مفيش لحظه رومانسيه بتكمل معاكى غورى صحى العياال علشان المدرسه وانا هقوم البس علشان انزل الشركه
روان بابتسامه/ ماشى يحبيبى متنزلش غير لما تفطر
محمد/ ماشى يا حبيبتى

ذهبت روان الى غرفه اطفالها وهى تنظر لهم وهم ينامون مثل الاطفال الابرياء
روان/ ما انتو شكلكو اطفال ابرياء اهوه اومال لما بتبقو صاحيين بتبقو عواجيز ليه
روان/ يلا استعنا على الشقه بالله
ثم مسكت غطائين من الحله وضربتهم ببعض اصدر صوت مزعج وهى تصرخ/ اصحوو
مالك بانزعاج/ بس يا ماما بس يماما ربنا يهديكى انهارده الجمعه
روان وهى تشده/ قوم ياض هتستهبل انهارده التلات
مالك/ انا خليته الجمعه ياستى انتى اي الى مدايقك
روان وهى تسحبه من السرير/ قوم يبن الهبله قووم يلاااا ياض بدل والمصحف هدلق عليك جردل مايه وافوقك بمعرفتى
مالك وهو يجرى/ لا خلاص قومت اهوه والله
روان وهى تذهب لمليكه/ اخت باربى قومى يلااا ياااختى عندنا مدرسه
مليكه بنوم/ عندك مدرسه انا واخده اجازه مرضيه
روان بخضه/ ليه يبت مالك يا حبيبتى
مليكه بنوم/ تعبانه نفسيا شويه وعندى اكتئاب فخدت اجازه مرضيه
روان بغضب/ وحياه امك قومى يابت بدل ما وربى هورملك وشك قومى
مليكه وهى تقوم بغضب/ قومت اهوه انا معرفش مالك متقمسه شخصيه مرات ابويا ليه
روان وهى تدفعها للحمام/ دقتيتين كمان وهقتمس دور الكتعه وهحطلك السيخ المحمى فى صرصور ودنك
مليكه وهى تنظر لوالدها الذى خرج من الحمام/ اتجوزتها ازاى دى عجبك فيها اي
محمد بضحك/ قدرى يابنتى بقى هنعترض
دخلت مليكه الى حمام ودخل مالك الى حمام اخر وتجهزو كى يذهبو الى المدرسه
***********************
عند سليم كانت ميلسيا تستيقظ بانزعاج وهى ترى سليم ينظر لها وهى نائمه
ميلسيا/ يا سليم متبصليش كده وانا نايمه بخاف
سليم بقرف/ بتخافى!!! قومى غورى صحى ابنك علشان المدرسه انا غلطان انى كنت بقلد فيلم شوفته امبارح
ميلسيا بحب وهى تضمه/ يا سولى بهزر ده انت قمر
سليم بخبث/ عارف عارف سيلين قالتلى كده
ميلسيا بغضب وهى تمسكه من تلباب قميصه/ سيلين مين يعنيا
سليم بمكر/ اهدى يا حبيبتى دى عميله عندنا فى الشركه
ميلسيا/وهى بروح اهلها تقولك انت قمرر لييه يعنى ان شاء الله
سليم/ عادى بتقضى مصلحه علشان الشغل
ميلسيا بشر/ماشى ماشى يا سليم هنشوف الموضووع ده بعدين
سليم/ طب ما تيجى نشوفه دلوقتى
ميلسيا/ لا يخويا بعدين لما اشوف ابنك الاول
سليم بقرف/ اخويا وابنك ده كسبتيه فين فى كيس تويس سيتى
ميلسيا/ اوعى بس علشان منكدش عليك
ثم قامت ميلسيا وضحك سليم على جنونها وذهبت ميلسيا لتويقظ ابنها
ميلسيا وهى تنظر له وهو نائم/ يوسف يلا اصحى علشان المدرسه
يوسف بنوم/ احجزيلنا الكرسى الى ورا يا مايا علشان نقعد فيه
ميلسيا بصدمه/ بتشقط حتى وانت نايم يخربيتك...قوم ياض
يوسف / اي يا ميلسيا عايزه اي
ميلسيا/ قوم يخويا عندك مدرسه
يوسف/ طب يماما ناولينى موبايلى كده ثوانى
اعطته ميلسيا هاتفه وجدته يفتحه على جدول يوجد فيه اسماء بنات بدل الحصص
ميلسيا بصدمه/ يخربيتك
يوسف/ كده عندنا جودى الحصه الاولى وكارما الحصه التانيه والحصه التالته كانت مايا بس انا سيبتها فهزوغ من الحصه التالته والرابعه هحضرها علشان ميس كاميليا بتاعه العلوم مزه
ميلسيا/ نهار ابوك اسود اي ده
يوسف/ ده شغل يا ميلسيا ومستقبل ناس متعطلنيش انا هقوم البس يلا
ميلسيا/ انا كنت فين والواد ده بيتربى
يوسف بغمزه/ كنتى مع سليم
ذهبت ميلسيا بنفاذ صبر/عوض عليا عوض الصاابرين يارب الواد وابوه
سليم/ ماله ابووه قاعد بيعاكسك كافى خيره شره
ضحكت ميلسيا على مشاغبه زوجها وذهبت لتحضر الفطور
************************
انتهى الجميع من الفطور وذهب محمد وسليم الى الشركه وروان تجلس مع ميلسيا وذهب الاطفال الى المدرسه
فى المدرسه
كان يوسف يتمشى الى الفصل وجد جودى تنادى عليه
يوسف بدراميه/ كده يا جودى تغيبى عليا كل ده بقالى عشر دقايق قاعد من غيرك
جودى ببراءه/معلش يا جوو بس بابى اصر هو الى يودينى انهارده
يوسف بصفير وغمزه/ بس اي الجمال ده منتج فرز اول بيتجول
جودى بضحكه بريئه/ انت عسل اوى يا جو
يوسف / ونبى انت الى قمر يا قلب جو يلا علشان الحصه بتاعه العربى
جودى / اوكى يلا