"وما زالت لعنه الحب مستمره" لعنه جعلتنى احبك ٢

الفصل الثالث والعشرون

كانت مليكه تجلس على اعصابها وهى تبكى وتمسك الهاتف بعصبيه
سلمى/يا مليكه بالله عليكى اهدى
مليكه ببكاء/اهدى ازاى هو مش بيرد علييا ليه لا هو ولا يوسف ولا حتى سليم انا بدات اقلق
احمد بقلب ينقطع على حزنها/طيب يا حبيبتى اتصلى تانى بيوسف كده واهدى
مسكت مليكه الهاتف بيد ترتجف وهى تقول/يارب استرها ونبى يارب
************************
كانت ميلسيا تبكى وفى احضانها مريم وميرال قاطعهم رنين هاتف يوسف
مريم وهى تمسك الهاتف بتوتر/دى مليكه اقولها اي يا ميلسيا
ميلسيا ببكاء/متقولهاش حاجه يا مريم متقلقهاش ونبى دى قلبها ضعيف وممكن تروح فيها
اومأت مريم وردت على مليكه عندما اتاها صوت مليكه بلهفه وإى تقول/يوووسف بابا عمل ايييه ومش بتردو عليا ليه وفين مالك
مريم ببكاء/انا مريم يا مليكه
مليكه/مريم فين يوسف وبابا عمل اي طمنينى ونبى
مريم/اطمنى بخير
مليكه ولم تهدأ بعد/اومال بتعيطى ليه قووليلى يا مريم ومتكدبيش علييا ارجوكى
مريم ولم تستطع الكتمان فانفجرت فى البكاء بينما تصاعد قلق مليكه وانفجرت هى الاخرى فى البكاء وهى تقول بصوت قوى ومرعب ولاول مره يراه احمد وسلمى/انطقى يا مريم انتى لسه هتعيطى ابويااا ماله يا مريم
مريم ببكاء/ عمو محمد قلبه وقف فى العمليات اكتر من مره وبيحاوله ينقذوه وممكن العمليه تقف وعمتو روان اغمى عليها يا مليكه ومستحملتش
جلست مليكه على الفراش بصدمه ودموعها تنزل ثم قالت بهدوء قاتل/مالك فين
مريم/مع روان
مليكه وهى تكتم بكائها/روحى اديلو التلفون
مريم/بس....
مليكه بصوت مرعب/بقوولك اديييلوو التلفون يلاا
ذهبت مريم الى مالك الذى خرج من غرفه روان وهو يزرف الدموع بقله حيله
مريم/مليكه عايزه تكلمك يا مالك
مالك بتوتر/حكيتلها حاجه
هزت مريم راسها باسف فنظر لها مالك بعتاب ثم اخذ الهاتف وهو يحاول كبح دموعه ويقول/اي يا حبيبتى عامله اي
وعندما سمعت مليكه صوته هنا وقد انهارت مره اخرى فلم يتحمل احمد فاحاط يده بكتفها وهو يربت على شعرها كى تهدأ بينما هى قالت بصوت متقطع/بابا وو...وم...وماما يا ماالك
ابتعد مالك عنهم ولم يدرى بنفسه وهو يبكى ويقول/معرفش معرفش اي الى بيحصلنا ده يا مليكه انا خايف خايف اوووى اخسرهم يا مليكه
بكت مليكه مره اخرى فقال مالك بقوه/مليكه بالله عليكى انا مش حمل ضعفك كفايه حتى انك مش قدامى بالله عليكى لتهدى
اخذت سلمى الهاتف من مليكه ثم كلمت هى مالك وهى تقول/مالك عمو وطنط مالهم يا مالك قولى ونبى
قص عليها مالك مارحدث فنظرت سلمى بصدمه ودموع الى مليكه بينما نظر احمد لها باسف وخوف عليها لانه قد سمع ما قاله مالك لان سلمى قامت بفتح المكبر
قفلت سلمى الهاتف وحاولت ان تكلم مليكه فاشار لها احمد بان تخرج فنظرت له بتردد ولكن قامت وخرجت
بينما رفع احمد وجهه مليكه من احضانه ثم مسح دموعها بانامله وهو يقول بقوه/مليكه اهددى انتى مش ضعيفه كده انتى قويه وهتعرفى تقفى فى المواقف دى وتصمدى ومتقعيش ولا تنهارى ابدا فاهمه
مليكه وهى تهز راسها بالرفض/مش هقدر مش هقدر
احمد بحزم/لا هتقدرى يا مليكه انتى اقوى من كده بكتير ومحمد حسب ما حكتيلى انه قووى وقاادر وهيحارب علشان مامتك وميسبهاش لوحدها مش انتى قولتى انه بيعشقها يبقى هيحارب الموت علشانها يا مليكتى
مليكه بانهيار وجنون وهى تقف/مش هيقدر محدش بيحارب الموت ويكسب يا احمد الا لو كان ده مش معاده مش هيقدر يحارب قدره ده كلااام فاارغ
ثم جثت على ركبتيها وهى تنظر لاحمد بضعف/بس انا مش عايزه يبقى ده معاده يا احمد عيزاه يفضل معانا ياررب انجده يارب
اوقفها احمد مره اخرى ولا يدرى ماذا يفعل فاخذها فى احضانه وهو يربت على شعرها وردف/اهددى قولى يارب وهيقوم انا حاسس انه هيقوم منها يا مليكه بس انتى قولى يارب
مليكه وهى تخرج من احضانه وتقول بحزم/يلا يا احمد يلا هننزل مصر
احمد بصدمه وغضب/انتى مجنونه مصر اي الى هننزلها
مليكه بصراخ/هنزل لابويا هروح لامى الى مش قادره تستحمل بعده لمجرد ساعات واغمى عليها ومش راضيه تفوق وجالها انهيار عصبى هرجع لاخويا الى واقف يقول ما باليد حيله مالك محتاااجنى جنبه وانا كمان محتجاه محتجاه اوى يا احمد
احمد وهو يمسك وجهها بكفيه ويقول بقوه/انا معااكى وهفضل جنبك وهو جنبه يووسف
مليكه/لا يا احمد محدش هييجى فى مكانه ولا هو حد هيجيله فى مكانى حتى لو بحبك وبموت فيك يا احمد بردو انا محتاجه مالك محتاجه اخويا ونصى التانى والله محتجاه اوى يا احمد
قالت كلماتها وهى تجلس على الارض تبكى وتنهار بينما احمد نظر لها بصدمه اهى تحبه فعلا سعد كثيرا من سماعه لهذا ولكن هذا ليس وقته فجلس بجانبها وهو يقول/مش هينفع يا مليكه مش هيرحموكى يا مليكه احنا جينا هننا ودخلنا البلد دى بمعجزه ومش هينفع نخرج منها غير واحنا مخلصين على دانيال والى معاه غير كده مش هينفع نخرج من هنا
مليكه/مش مهم مش مهم اى حاجه المهم اشوف عيلتى يا احمد
احمد بحنان/انا هنا عيلتك اعتبرينى ابوكى واخوكى وامك لو عايزه هبقى معاكى كل حاجه بس مش هضحى بيكى يا مليكه مش هسيبك تروحى للموت برجلك
انهارت مليكه كليا بينما لم تتحمل سلمى سماع شهقاتها فدخلت سريعا واخذتها فى احضانها وهى تربت عليها وتقول/مليكه حبيبتى انا سلمى صحبتك واختك وامك كمان خليكى معايا يا حبيبتى واهدى محمد هيقوم منها وان شاء الله قلبه هيستجيب ويعيش اهدى يا حبيبتى هااا اهدى انا جنبك اهوه ومش هسيبك
بينما كانت تهدئها سلمى اقترب احمد من مليكه وفى يده حقنه مهدئه ثم اخذ يدها بهدوء واعطاها الحقنه فهدئت مليكه شيئا فشئ حتى نامت وهى فى احضان سلمى فاقترب احمد وحملها ووضعها على الفراش ولم يتركها بل ظل بجانبها وهو يربت على راسها بحنان ثم قال لسلمى بخفوت/سلمى قومى اتصليلى بمروان وقوليلو ييجى هنا حالا يلا
اومأت له سلمى وقامت لتنفذ ما قاله بينما هو نظر لمليكه النائمه بهدوء عكس انهيارها منذ قليل وهو يقول/مش هسيبك يا مليكه ولا هضحى بيكى واخلى الكلاب ده يمسو منك شعره واحده حتى مستعد احارب الدنيا كلها علشانك ان مكنتش حاربتها اصلا
************************
خرج سليم من الغرفه فركضت له ميلسيا وهى تقول بلهفه/روان فاقت ولالا
سليم باسف وحزن/لا عندها انهيار عصبى ورافضه انها تفوق فادناها حقنه مهدئه وحاليا نايمه
نظرت له ميلسيا باسف وحزن على اخوتها ثم نظرت لضعف سليم فسحبته بهدوء ودلفو الى غرفه خاليه ثم نظرت له وفتحت ذارعيها فنظر لها ثم اندفع لاحضانها وهو يبكى ويقول من بين شهقاته/محمد يا ميلسيا قلبه مش راضى يستجيب وكانو هييأسو ويسيبوه لمصيره بس انا االى اجبرتهم ميسبهوش انا خايف يا ميلسيا محمد ده اكتر من اخويا رغم فرق سننا وانه اكبر منى بسبع سنين بس كان دايما صاحبى واخويا انا مش عايزه يسيبنى يا ميلسيا واختى اختى مش هتقدر على كده يا ميلسيا
بكت ميلسيا وهى تشدد من احتضانه وتهدئه/قول يارب يا سليم ملناش غيره نلجأله وندعى انه ينجيه
***********************
كانت نائمه بين احلامها وهى تتذكر اجمل ايام حياتها
{من عاااشر الام ياااختى خلصينا بقى يا جلابه المصايب}
{يااارب سيبتها بس نص ساعه اومال لو سيبتها يوم هتعمل اي}
{بحبكك يا روان}
{يشهد المطر الان على قلبى الذى فاض بكى عشقا}
{مش هسيبك ياروان هفضل جنبك كده وعلى قلبك}
{بت بت يخربيت عقلك انتى مبتكبريش}
{روان/قولى بصراحه يا محمد هو انا عجزت وكبرت خلاص
محمد وهو يضعها بين احضانه/لو شعرك وقع واصبح لونه ابيض واسنانك تكسرت ووقعت واحده تلو الاخرى ويديك الناعمتين هذه اصبحت تحمل العجز والخشونه والتجاعيد .....ستظلين اجمل نساء العالم فى عينى ولن ارى امرأه على وجهه الارض فى جمالك يا روانى}
{روان/عجباك لا قول انها عجباك تحب اخدلك رقمها بدال الاباجوره الى جنبك فاكرها كبرت ومبقتش تقضى الغرض يبابا ده انا لسه ماشيه فى التلاتين
محمد بضحك وهو يمسك وجهها بين كفيه/هو انا الى عاجبها يروان ما انتى عارفه جوزك قمررر بس انا بقى ميعجبنيش ولا يملى عيننى غيرك انت يعسل}
{هسيب عالمى هسيب ملكى هسيب عرشى هسيب فلوسى هسيب دنيتى كلها علشان بس تبقى معايا وفى حضنى}
{محمد مينفعش من غير روان}