"وما زالت لعنه الحب مستمره" لعنه جعلتنى احبك ٢

الفصل الثالث والثلاثون

فى صباح اليوم التالى
كانت تجلس امام المرأه وهى تبكى وقلبها ينزف ايعقل ان من عشقته ووضعت قلبها بين يديه كان كل هذا ثراب.....ثراب ممتع ولكن اتت الرياح ليطير هذا الثراب
نظرت مليكه للعقد الذى يستحوذ رقبتها والذى قد جلبه لها احمد وتذكرت كلماته
{مليكه اوعى تقلعى السلسله دى مهما حصل فاهمه مهما حصل}
مليكه وهى تنكس راسها ببكاء/للاسف لسه بعشقك يا احمد وهسيبها يمكن تبقى هى الحاجه الحلوه الوحيده الى جاتلى منك بدل كسره القلب الى ادتهالى
ضحكت مليكه بشده وهى تقول/حتى صورى كدب كل ده كان كدب مهو اكيد لا اكيد فيه حاجه غلط...او....او انت الى ذكى اووى
ظلت تبكى وهى لا تدرى من ينهار اكثر عينيها ام قلبها لكن بالتاكيد عينيها من تبكى لان قلبها ينزف الما على فراقه وخداعه
************************
كان يوسف ينام فجأه وجد يد تتحسس وجه فتح عينه ببطئ ليجد مريم تجلس امامه وهى تبتسم فظن انه يحلم مثل كل يوم
يوسف بنعاس وهو يظن انه يحلم/يا مريم مش كل يوم بقى حلم كده عايز انام
مريم بتشنج/ده المكتأب!!
يوسف بحالميه/كل يوم كده انام احلم بيكى وانتى فى حضنى امتى بقى يبقى حقيقه ونعدى ليفل الحضن
مريم بياس/حتى يارب وهو نايم ومكتأب سافل!
سحب يوسف مريم كى تنام بين احضانه مثل كل يوم ظنا انه حلم ولكن فاق على صفعه دوت على وجهه من مريم وهى تصرخ/ولااه ولااه فى اي يخربيتك قوم يا سافل انت من هنا.......يا عمر تعالى رجعنى يا عمر قله الادب دى مش هتنفع
يوسف وهو يعتدل فى جلسته بصدمه/احييييه
مريم/بالكركاديه يا اخووويا ايه مينفعش تبقى مؤدب ساعه واحده ده لو حصل هتبقى من عجائب الدنياا السبعه
يوسف وهو مازال فى صدمته/مريم انتى ...انتى هنا جنبى؟!
مريم بحب/ايوه يا يوسف انا جيت وهفضل معاك العمر كله
يوسف بصدمه/ازاى جيتى!!
مريم/البركه فى محمد وروان خلو عمر يقتنع ويجيبنى انا وميرال
وقف يوسف وهو يكاد يبكى من الفرحه ثم فجأه اخذها بين احضانه وهو يدير بها مثل طفل حصل على والدته
ضمته مريم وهى تضحك بسعاده وارتياح
مريم وهى تبعده عنها/خلاااص يبابا متستحلهاش الاه
يوسف وهو يسحبها/يلا
مريم بشك/يلا اي
يوسف/وعهد الله لاتجوزك وقتى علشان ابوكى الى عامل فيها ارطغول ده ميقدرش ياخدك منى تانى يلا يا اما هاخدك عافيه
ضحكت مريم بشده وهى تردف/يبنى استهدى بالله بس كده عمر ولاما جابو حجرين جداد والحجرين بقو يفتحو بوابه فى اى وقت يعنى خلاص مبقاش فيه اى عقبات تمنعنا عنهم
يوسف بتصميم/مليش فيه هنتجوز دلوقتى بردو يلا
مريم/يحبيبى اهدى بس وهنتجوز والله
يوسف وهو يبتسم بسعاده ويقترب منها بخبث/قولتى اي
مريم بتوتر/هنتجوز والله
يوسف/لا الى قبلها
مريم/اهدى بس
يوسف/ايوه اول كلمه بقى
مريم وهى تضحك وتركض لتخرج من الغرفه وتردف/يحبيبى
يوسف وهو يضحك ويخرج خلفها/وعهد الله ما هيعدى الاسبوع ده غير وانا متجوزك يا مريم يا بنت عمر
************************
كان مالك ايضا ينام فجأه سمع صوتها ما هذا يا الله انه يسمع صوتها الان وهى تناديه
ميرال بهمس/لوكه....واد يا لوكه...بولا....واد ابولا
فتح مالك عينه بدهشه فقالت ميرال وهى تضحك بشده/ااان ان ان ان
مالك بصدمه/ميرال ينهار اسود
ميرال/اخص عليك يا ببلاوى شوفت عفريت ولا اي
مالك/ميرال!!....انا بحلم طيب
ميرال/لا يسطا انا جنبك اهوه
مالك بسعاده عارمه وهو يقف/بدال قولتى يسطا يبقى مش بحلم
ميرال بمشاعر تفيض فى جوفها/وحشتنى اوى يا مالك
مالك بصدمه الجمت لسانه/كلمه وحشتينى قليله يا ميرال انا كنت همووت من غيرك
ميرال/بعد الشر عليك يا مالك....مالك انا اسفه
مالك بتعجب/اسفه على اي يا ميرال
قالت ميرال وعينيها ترقرق بها الدموع/اسفه انى حيرتك اسفه انى جرحتك بكلامى بس والله انا بحبك بس كان غصب عنى مش عيزاك تتعلق بيا وانا ممكن اروح منك
مالك وهو يمسك يداها الاثنين بمرح وسعاده/طب ما انا عارف
ميرال/عارف اي
مالك وهو يغمز لها/عارف انك بتحبينى
ميرال وهى تضحك/اي يعم الثقه دى
مالك/دى مش ثقه يا ميرال ده قلبى قلبى الى قالى انك بتحبينى زى ما بحبك....ووالله يا ميرال ابوكى الى عاملنا فيه سليمان خان ده ما هيقدر ياخدك منى تانى هو انتى خلاص هتبقى مراتى بكره
ميرال وهى تدمع من السعاده وتفرد يدها بمرح/وانا موافقه
مالك وهو يمسك وجهها بين كفيه/بحبك يا ميرال
ميرال وهى تمسك يده الممسكه بوجهها/وانا بموت فيك يا مالك
************************
ركضت روان لغرفه مليكه عندما علمت انها قد عادت
روان بلهفه/مليكه حبيبتى
وققت مليكه بلهفه وهى تركض لاحضان والدتها وتبكى بشده
روان بقلق وهى تبكى لبكائها/مالك يا حبيبتى فى اي بتعيطى ليه
مليكه/قلبى واجعنى اوى يماما انا اتكسرت اوى
روان/ولا عاش ولا كان الى يكسرك وانا موجوده يا مليكه فى اي يبنتى متقلقنيش عليكى كده
مليكه وهى تمسح دموعها/تعالى يماما انا هحكيلك
************************
خرج يوسف ومريم تركض خلفه وهى تضحك
نظر يوسف لعمر الواقف ينظر للتلفاز باستغراب شديد
يوسف بانبهار/هو ده حمايا
سليم/ملحقش لسه على فكره
يوسف/هو هيبقى حماياا وجد عياالى متنبروش فيها انتو بس
عمر/اهذا هو يوسف
يوسف ببسمه متسعه/ايوه انا يا حمايا الله اكبر يخربيت جمال امك وانا اقول مريم طالعه فرسه لمين
سليم وهو ينكز يوسف فى بطنه/هيفشكل الجوازه لم نفسك
يوسف بجديه مصتنعه/استنو انا كنت جاي اتخانق معاه اصلا.....انت ازاى تفرق بين قلبين كده وتخلينى مش بروح الشغل ويتخصملى خمستاشر يوم يا قاسى
ميلسيا/بس يااض متقووولش على اخويا كده
عمر/انا لا ارتاح لهذا الشئ فيبدو ان مالك يتمتع بالادب والزوق اكثر من هذا اليوسف
توقفو جميعا عندما سمعو ضحكه ميرال العاليه ومالك وهو يقول/هززز يا وز
يوسف/بنتك خليته ينحرف ينفع كده
لاما بفزع/يا الهى ما هذااا ماذا تفعلون فى فتياتى يا كلب منك ليه
يوسف وهو يغمز لها/بنحطلهم قطره يا قمرر.....بقولك اي تيجى افركش مع بنتك واتجوزك انت .....صحيح ده الى ربى بتاع مربى
عمر/حسنا الى هنا وكفى سوف اأخذ فتياتى واعود
يوسف بتشنج/ده عند امه يا ادهم وربنا لاكتب على بنتك وقتى انا مش فارق معايا حاجه
محمد بتعب/يميلسيا ونبى هاتيلى ادويتى لانى مخدتهاش بقالى اسبوعين وتعبان
ميلسيا بايماء/حاضر ثوانى وهجيبهالك
سليم بقلق/مالك يا محمد فيه حاجه
محمد بابتسامه هادئه/متخافش يا سليم ارهاق بس
خرج مالك وفى يده ميرال وهو يذهب لعمر ثم فجأه اندفع مالك لاحضان عمر وهو يقول/اسف
عمر باستغراب شديد/لماذا تعتذر
مالك/علشان كنت بدعى عليك كل يوم بصراحه وبقول عليك مفارق القلوب بس خلاص طلعت ظالمك ورجعتلى ميرال
عمر وهو يضحك بحنان/ماهذه الصراحه يا مالك جاملنى حتى يا رجل
ابتعد مالك وهو يضحك بسعاده
عمر/حسنا يجب ان اعود لاننى لا اريد ان اترك الحكم والحمل على عبدالله فهو مازال عريس جديد لذالك متى ستعقدو القران
مالك ويوسف/مش دلوقتى
لاما/لماذاا
مالك باسف/مليكه.....مليكه بتمر بظروف صعبه اوى الايام دى ومش هقدر اعمل افرح واختى حزينه كده
محمد برعب/مالها مليكه يا مالك
مالك/هحكيلك يا بابا بس مش دلوقتى
محمد/تعالى ورايا على الاوضه حالا
اومأ مالك بياس وذهب خلف والده بينما نظرت مريم وميرال ليوسف بقلق وهم يقولون/مالها مليكه يا يوسف
يوسف/كده كده مليكه ناويه تحكى للكل علشان مش بنخبى حاجه عليكو وعلشان هى كمان شكه فى صحه الكلام الى قاله احمد وحاسه ان فيه حاجه
سليم بقلق/احمد.....عملها اي احمد ما كانو كويسين وهيتجوزو اول ما ينزلو
ميلسيا/استنى بس يا سليم يحكلنا الى حصل
عمر ولاما/نحن لا نفهم شئ
يوسف/اقعدو وهحكيلكو
************************
روان وهى تبكى على حال ابنتها/هاين عليا اقولك انه كلب واجيب زماره رقبته علشان خلاكى بس تعيطى.....بس هرجع واقولك فى حاجه غلط يا مليكه هو اه الحوار مقنع بس مازال مش ظابط على بعضه
مليكه/انتى عارفه يا ماما ان لو حد خدعنى بكرهه فى ثوانى مهما كنت بعشقه وانا قلبى مقدرش يقل من عشقه لاحمد ولو ثوانى بس لو فى حاجه فعلا كان مروان هيعرف يماما سلمى بتكلمنى الصبح بتقولى ان مروان لما واجه ضربو بعض لاول مره احمد بقى حد تانى غير الى عشقته وقلبى اتوصل بقلبه يا ماما
روان بحزن/مليكه انتى قويه فاهمه انا جنبك وكلنا جنبك يا حبيبتى زمان مالك ويوسف اصلا ذاعو اخبارك بره ولا نشره اليوم السابع
ابتسمت مليكه على مرح والدتها التى تشعر بالقوه بجانبها
روان/عارفه انه صعب وصعب اوى كمان يا مليكه بس اي رايك لو نفرحك شويه
مليكه بصدق/محروجه اقولك بس هقولك
روان بانتباه/اوعى تتحرجى منى يا مليكه قولى يا حبيبتى
مليكه وهى تنهار مجددا/مفيش حاجه هتفرحنى غير وجوده جنبى يا ماما انا روحى فيه يماما مش قادره اطلعه عن دماغى لحظه واحده بس
روان/حاسه بيكى لانى عشقت زيك وجربت احساس انك تبعدى عنه اى نعم مجربتوش بالمعنى الحرفى انا بس كنت بتخيل لو انا رجعت لعالمى ومحمد مجاش معايا مجرد التخيل بس يمليكه كان بيوجعنى اووى وكأن سكاكين بتغرز فقلبى فما بالك بقى بالتجربه حاسه بيكى يا حبيبتى
مليكه وهى ترتمى فى احضانها وتنخرط فى البكاء/بحبه اوووى يا ماما بعشقه ومش قادره اتخيل انه بعد عنى حاسه انى بموت يماما
روان وهى تبكى وتربت على راسها/بعد الشر عليكى يا روح ماما ادعى يا مليكه ادعى ربنا يشيل حبه من قلبك يا بنتى
مليكه/هتصدقينى لو قولتلك انى عايزه افضل احبه حتى لو هو طلع خاين وبيستغفلنى
روان/طب اقولك على حاجه احنا رجعنا مريم وميرال
مليكه بفرحه/بجد يماما رجعتوهم
روان/ايوه لاما قبل ما تمشى اديتنى الحجر التانى من ورا عمر وروحت انا ومحمد وحضرنا فرح عبدالله اخوهم على البت الصفره المسهوكه الى اسمها ريحانه بت طيبه وقمر بس هبله.....المهم اقنعنا عمر واهو جينا كلنا وكلهم بره
مليكه بلهفه/بجد نفسى اشوف اووى خالتو لاما وكمان البنات وحشونى اوووى
روان/اي رايك بقى نعمل كتب كتابهم بليل بس الفرح مش دلوقتى خالص
مليكه بفرحه ولهفه/طبعا مواافقه انتى بتسالينى ازاااى بس
روان/يعنى مش هتبقى زعلانه وكئيبه وتكئبينا
مليكه/لو قعدت عمرى كله يماما عمر ما جرحى هيداوى ولا عمرى هنسى احمد بس بردو مش هفضل العمر كله كئيبه وكمان انتى اكتر واحده عارفه ان فرحه مالك تلقائيا هتسعدنى ما بالك مالك ويوسف مع بعض
روان بسعاده وحزن ايضا/ربنا هيراضيكى يا مليكه انا حاسه
************************
محمد بغضب جحيمى/الكلب ورحمه امى ما هسيبه ان شالله اطير رقبته
مالك/اهدى يبابا احمد مش سهل يتلعب بيه ده الجوكر عارف الاسم ده عامل اي فى اكبر المجرمين والمافيا
محمد/وانا محمد العزيزى ومش سهل ان يتلعب ببنتى وانا اقعد زى الستات اواسيها يا مالك انا مش هرحمه
مالك/كده هيبقى بنحفر فى حيطه سد يبابا مش هنقدر نعمله حاجه صدقنى احمد مش سهل ده اللواء بيخاف منه
محمد/انا غبى انا غبى انى وافقت انها تطلع المهمه الزفت دى
مالك/متحملش نفسك ذنب احنا مكناش نعرف ان كل ده هيحصل
محمد/مليكه عامله اي دلوقتى
مالك/منهاره بطريقه غبيه مليكه عشقته يا بابا مش بس حبته
محمد بغضب/اوف ياارب بس اعمل اييه
مالك/محدش هيقدر يساعدنا نوقع الجوكر غير واحد بس
محمد بلهفه/مين
مالك/مروان خطيب سلمى ويعتبر اقرب واحد لاحمد
************************
سليم بغضب/اييه مش عارفين تمسكو عليه حاجه توديه فى داهيه قبل ما هو يودى البلد فى داهيه ده مش بيتعامل مع مافيا ولا تجار سلاح ده بيتعامل مع اسراائيل دوله رغم ضعفها الى انها بتمتلك ذكاء يودينا كلنا فى داهيه
يوسف/هنعمل اي بس يا سليم احمد مأمن نفسه جاامد ومحدش قادر يمسك عليه حاجه
مريم/نسجله
يوسف بسخريه/مروان صاحبه حاول واول ما دخل من الباب الجوكر قفشه وكسرله الموبايل.....احمد مش سهل يتلعببب بييه
ميلسيا/الحل الوحيد والى مقدمناش غيره ان مليكه تحذر اللواء وتخليه بس ياخد حذره.....غير كده احنا لازم نبقى مع مليكه ونعديها من المرحله دى
ميرال/انا ومريم هنبقى معاها ومش هنسيبها لحظه
يوسف/لو عملتو اللالالى مليكه مش هتقدر تتخطى احمد وانا واثق من ده
....../ممكن نسيبنا من مليكه ونركز فى كتب كتاب شباب العيله
التفتو لهذا الصوت والذى لم يكن سوى مليكه وبجانبها روان تمسك يدها وهى تنظر لها وتقويها
مريم/مستحيل انا مش هفرح واختى زعلانه ابدااا يا مليكه وعادى يعنى احنا مش هنطير
مليكه بجديه/لو فضلتو مستنيين لحد ما انسى يا مريم يبقى هتستنو العمر كله.......لكن لو عايزين تفرحونى وتسعدونى ففرحتى فى ان اشوق اخواتى وهما بيتجوزو فرحتى فى فرحتكو يا مريم
ميرال/طب على الاقل مش دلوقتى
مليكه/بس خلاااص انا قوولت الى عندى كتب الكتاب انهارده وهنفرح يعنى هنفرح سيبونى بقى كده ارحب بخالتو القمر الى كان نفسى اشوفها
لاما بلطف/يروحى تعالى لحضنى
ذهبت مليكه واندفعت لاحضان لاما بفرح ثم ذهبت ورحبت بعمر الذى رحب بها بشده
لاما/مليكه انتى شبهه نايا اوى
روان بتشنج/هى شبهه امهااا يا حبيبتى
ميلسيا/انتى غبيه....هل انتى غبيه
سليم/يبنتى ما انتى شبهه نايا اي الغباء ده
روان/ايوه صح
جاء محمد ومالك ونظر محمد لمليكه وهو يرى الحزن فى عينها فتلقائيا فتح ذراعيه لها فركضت مليكه وهى تندفع لاحضان والدها باشتياق وتردف بمرح بعد الشئ/وحشتنى يا مودى وحشتنى
محمد وهو يحتضنها بقوه وحنان/وحشتينى يا حبيبتى وحشتينى اووى
بكت مليكه فى احضان والدها بشده فربت محمد على ظهرها بحنان وألم على حاله ابنته الصغيره
روان وهى تحاول المرح/لا كده كتير اوفر انا مخدتش الحضن ده قبل كده لييه
يوسف بخبث/جرا اي يروان انتى خدتى اكتر من الحضن بكتير تنكرى
روان بغضب/شيلوووو الساافل ده من قدامى طبعاا هستنى اي من خلفه سليم
سليم بزهق/ميتين ام دى شغلانه
عمر/حسنا انا متعب جداا وايضا اريد ان ارتاح انا ولاما
سليم وهو يغمز له بمكر/ترتاحو بردو على سليم يا عمر
روان/شوف شوف السفاااله هستنى ايييه من ابو يووسف
يوسف/ما تحلى عن ميتين ابوونااا بقققى
مليكه/اخررر كلام اجووودعان بليل كتب الكتاب
مالك باعتراض/ بس.....
مليكه وهى تقاطعه/مفيييش بس لو عايزين تفرحوونى فعلا يبقى تكتبو كتابكو انهارده
محمد وهو يبتسم لصغيرته بحنان/خلاص مليكه هانم امرت واحنا هنفذ
مليكه بحماس رغم ألمها/طب يلا ميرال ومريم يقومو زى الشطار ورايا علشان اجهزلهم اللبس وهنزل حالا اجيبلكو احلى فساتين
ميلسيا/ومحدش هيظبطهم طبعا غيررى انا الى هعملهم الميكب
لاما بفرحه وسعاده/وانا الى هلبسهم بايديا واظبط فساتينهم
نظرو جميعا لروان ليرو ماذا ستفعل
روان وهى تبتسم ببلاهه/انا الى هظبط البلاى ليست بتاعه الاغانى وهرقص وانتو بتجهزوهم
************************
نظر احمد لدانيال وهو يقول/البضاعه قد وصلت كما قولت
دانيال بسعاده عارمه/انت بالفعل جوكر اسم على مسمى انت ماكر كثيرا يا رجل كيف استطعت
احمد/بقيت اموالى يا دانيال
اعطى دانيال حقيبه لاحمد وهو يقول/وهذا اول خيط لتدمير مصر ولولاك يا احمد ما استطعت فعل هذا
احمد/كلما زادت اموالى كلما زاد جهدى فى تنجيح عملياتك
دانيال وهو يخطط لشئ ما/حسنا بالطبع
************************
خلص الفصل وعارفه انه قصير بس انا واحده زميلتى فى المدرسه اتوفت ومن صدمتى مكنتش قادره امسك الفون اصلا بس علشان عايزه اخلصها بسرعه كتبت بعد ما هديت يعنى وياريت تدعولها بالرحمه وتقولولى رايكو فى البارت لانى محتاجه تشجيع جدااا الفتره دى علشان اعرف اخلى اخر الروايه جميل ويبهركو♥♥♥
دمتم سالمين♥♥
سهيله محمد♥