"وما زالت لعنه الحب مستمره" لعنه جعلتنى احبك ٢

الفصل الاثنان والثلاثون

مليكه وهى تكرر حديثه بهمس/كسبت ثقه دانيال
ثم نظرت له بدموع والم/احمد انت بتكدب انا متاكده
احمد بسخريه لاذعه/مالك واثقه كده ليه
مليكه ببكاء/مش هتلعب بيا عشرين سنه يا احمد اي الفراغ ده يجدع الى يخليك تلعب بيا وانت عندك حداشر سنه
ضحك احمد بشده جعلتها تتعجب فاكمل هو وسط ضحكاته/بجد يا مليكه بشكرك انتى اكدتيلى انى ذكى اووى
ثم اقترب منها وهو يمسك خصله من شعرها ويردف بسخريه/لعبه يا مليكه قصه الفتها بس حبكتها وبالنسبه للشوكلاته فمالك اخوكى الى كان بيحطها وبالنسبه للواد الى ضربك فاخوكى بردو الى ضربو واكبر دليل انك صدقتى بسرعه ان الولد كان اسمه حازم مش معتز.....اما بقى بالنسبه للرسايل الى من عشر سنين فانا مش هقضيلك وقتى كله يعنى تقدرى تقولى اعوانى كانو بيساعدونى واى عريس كان بيجيلك خلصان رجالتى الى كانو بيخلصوه علشان لما اظهرلك واستغفلك ابقى ظبطت كل حاجه بالملى....هتقوليلى ليه من عشر سنين وانتى لسه عيله هقولك انى اصلا كنت مجهز نصبايه كبيره اوووى على ابوكى وخالك وانتى كنت طرف الخيط القوى من زمان علشان استدرجه بس للاسف ابوكى طلع ذكى اووى ومعرفتش انصب عليه فقولت حلو نخليها زى ماهى منه اتسلى وادرب ومنه اكسب بيكى ثقه دانيال
نظرت له مليكه بصدمه وكان قلبها وقع بين يديها وهى تبكى بعدم تصديق فاقترب منها احمد ببرود وهو يقول/ظابط شاطر مش كده.....اصل بصى يا مليكه الجوكر ورقه اساسيه مع اى كوتشينه بس عمر ما اتلعب بيه وانا اساسى فى كل حاجه بس عمر ما يتلعب بيا انا الى بلعب وبس
مليكه/حتى انتقام ابوك كان كدب
احمد/بالظبط ابويا فعلا اتقتل وامى واختى بس من حراميه كانو داخلين يسرقو خزنه ابويا ولما ابويا رفع عليهم سلاح قتلوهم وانا هربت من الجنينه الى ورا بس حكايه عمى والملجأ دى الحاجه الوحيده الى صح.....بس اي رايك فيا
مليكه/وليه قولتلى دلوقتى
احمد/علشان بقيتى كارت محروق وخلاص مش محتاجك فى حاجه تانى
ظلت مليكه تضحك بهيستيريه وهى تصقف بيدها بجنون وعدم استوعاب/لا برافو برافو اوى يا سياده المقدم... ولا سياده مقدم اي بقى انت اي انت واحد خاين خاين يا احمد
ثم اقتربت منه بقوه رغم كسرتها وهى تقول/مش خايف اروح احكى للحكومه وتبقى نقطه سوده فى بلدنا
احمد وهو يضحك بسخريه ويردف ببرود/اعلى ما فى خيلك اركبيه مفيش دليل ومش هيصدقو اصل اكيد يا مليكه مش هظبط الحكايه معاكى واجى على شغلى ومظبطوش صح ولا اي
مليكه وهى تضحك بعدم تصديق/لا صح صح اووى اووى كمان.....بعت بلدك بكام يا جوكر
احمد بفخر/مليارات يا مليكه مليارات.....بزمتك مش الاسم بس يستاهل انى ابيع اى حاجه علشانها
مليكه بتقييم/لا يستاهل فعلا بيعت اربع حاجات علشان مليارات
احمد باستغراب/اربع حاجات!!....انا مبعتش غير البلد
ثم اقترب منها واكمل بسخريه/وانتى
اقتربت منه مليكه اكثر وهى تقول ببرود يماثل بروده/تؤ تؤ....بعت بلدك وبعتنى وبعت ضميرك....وقلبك يا احمد
احمد وهو يبتعد بسخريه/خلينا نقول تلاته بس يا ملوكه لان قلبى مازال مقفول زى ماهو محدش ولا حد هيقدر يفتحه
مليكه بانهيار لم تستطيع كتمانه/هونت عليك....ولا ههوون علييك ازااى وانت مهاانتش علييك بلدك
احمد/بطلى الاسطوانه الحمضانه دى بقى يا مليكه كله دلوقتى يا حبيبتى بالفلوس
ثم اكمل ببرود وهو يحدف لها مفتاح/ده مفتاح العربيه الى هناك اركبيها وروحى لانى مش مروح يلا
مليكه بصدمه وانكسار/حاضر
ثم وقفت وهى تحاول جماع قواها وثقتها وكل منهم يضع ظهره للاخر منهم من يبكى بحسره ومنهم من يضحك بسخريه
صعدت مليكه للسياره ثم انطلقت وهى تضحك بهيسيتريه وعدم تصديق
وصلت مليكه وصعدت لشقتها ثم دخلت لغرفتها سريعا واغلقت الباب بالمفتاح وذهبت للمرأه لتنظر لنفسها وتضحك بجنون ثم تحول ضحكاتها لبكاء وانهيار وهى تصرخ/غبيه غبيه اوى يا مليكه اوى.....عرف يضحك عليكى وانتى هيمانه فيه وعشقاه.....بس لا هو الى ذكى ذكى اوى
ثم كسرت ما يقابل وجهها وهى تصرخ بكلمه واحد فقط (غبيه)