"وما زالت لعنه الحب مستمره" لعنه جعلتنى احبك ٢

الفصل السابع والعشرون

مر يومان وتحسنت حاله محمد كثيرا وقد رجعو جميعهم الى مصر وكان سليم ومالك هم من يتولون امور الشركه بينما محمد مازال فى عطله تحت اصرار روان الا يذهب للعمل
فى الشركه
مالك/سليم خليك جدع بقى وسيبنى اروح
سليم ببرود/لا لو حد لازم يروح فهو انا انا مراتى حامل ولازم اخد بالى منها
مالك بنفاذ صبر/ما مريم وميرال معاها انا عايز اروح فيه حاجه مهمه لازم اعملها يا سليم بقى حن عليا
سليم/طب احضر الاجتماع الى بعد ساعه ده وبعدين روح
مالك وهو يقف ويحمل اشيائه/لا ربنا معاك يا سولى احضره انت بقى سلام
سليم بغضب/شوف ابن روان المقشفه سابنى ومشى ازاااااى

رحل مالك سريعا وصعد الى سيارته وهو يقودها ويقول بلهفه/كفايه سكوت بقى يا ميرال لازم اتكلم علشان كده كتير وغلط على صحتى
************************
فى الشركه التى يعمل بها يوسف
المدير/حمدالله على سلامه تو ما افتكرت ان حضرتك شغال
يوسف بمشاغبه/متبقاش وااد تقيل يا عزمى بقى ما قولنا كان عندى ظروف واضطريت اسافر المانيا
عزمى/عارف لولا انك مترجم ماهر وشاطر فى شغلك انا كنت جيبت واحد مكانك
يوسف/بزمتك حد يقدر ياخد مكانى فى قلبك
ضحك عزمى بشده على هذا الشاب المشاغب الذى يحبه مثل ولده تماما/لا مقدرش يا سيدى يلا خد الورقه دى وترجمهالى
يوسف وهو يمسك الورقه ويردف بجديه ويترجم/مبدئيا كده صباحك فل يا ريسنا البضاعه الى فاتت كانت حاجه اخر عظمه يعنى وبصراحه اتباعت فى ثوانى روح ربنا يطعمك ما يحرمك
عزمى بملل/يبنى ترجم عدل انا عندى السكر
يوسف/ لا بقولك اي يا مستر عزمى انا اختلف عن الاخرون سيبنى بقى اكمل
يوسف وهو يكمل ما فى الورقه/من الاخر يا نجم الجيل شكلنا كده هنبقى حبايب وهنتعامل مع بعض كتير فظبطلنا معاد ونقعد قاعده حلوه كده نتفق فيها على تسليم الشحنه الجديده وانا جيبتهالك على الدوغرى وعلى التكه وعلى السخان اه اصلى بحب السرعه علشان ننجز وحسابك محفوظ يل نجم جنب تمن الشحنه وطبعا مش محتاج اقولك ان الشحنه تتقسم على مركبتين علشان متغرقش زى الشحنه الى كانت من خمس سنين وقد اعذر من فنذر
عزمى بغضب/هما قالو قد اعذر من فنذر
يوسف بتسخين/اه زمبقولك كده انت هتسكت....لو انت هتسكت انا مش هسكت مش عزمى بيه الى يتقالو قد اعذر من فنذر
عزمى بغضب/والله لافنذرهم....اااا....اقصد افرجهم الله يخربيتك غور من وشى
يوسف ببسمه ولهفه/ارووح
عزمى/لا يا يوسف انت وراك شغل كتير اوووى فى الفتره الى قعدت فيها روح كمله وبعدين روح
يوسف وهو يخبط يده على المكتب بغضب ويقف/ماااشى .....ماشى يا استاذ عزممى وبص بققققى...بص.....ماشى يا عزووم
عزمى بذهول/انت بتهددنى يا كلب غور على شغلك يلا
يوسف وهو يقترب منه ويهمس فى اذنه بترجى/طب وحياه التمن ساعات الى هطحنهم فى الشغل يا شيخ لو فى اى مزه محتاجه ترجمه لتبعتهالى
عزمى/للاسف مقداميش غيرك معرفش بيعجبو بيك على اي بس اهي مصلحه لينا
يوسف وهو ينفض تراب وهمى من على كتفه/عيب عليك انا البنات بتقع تحت رجلى من غمزه بس
ضحك عزمى على كلامه ثم نظر له بفخر/طييب يلا بقى على شغلك وريننى همتك
يوسف وهو يخرج/من عنيا يا عزومى
عزمى بعد ان خرج يوسف/روح يبنى ربنا يكرمك ويرزقك ببنت الحلال