"وما زالت لعنه الحب مستمره" لعنه جعلتنى احبك ٢

الفصل الخامس والعشرون

كان مروان يجلس ويضع سلمى الفاقده لوعيها على الاريكه ويحاول افاقتها بلهفه وخوف حتى واخيرا فاقت وهى تنظر له بالم وتبكى
مروان/اهدى ياسلمى علشان خاطرى انا هقوم اعالجها دلوقتى
سلمى ببكاء والم مرير/لالا هاتلى دكتووور انا رجلى اتقطعت يا مروان مش قادره
مروان بالم/هى الحديده فعلا غرزت جامد جواا رجلك والجرح غويط بس انا كنت بعالج جروح اكبر من دى يا سلمى فى المعسكر فمتخافيش
سلمى بوجع/ربنا يستر
اتى مروان بالادوات الطبيه ثم مسك ثدمها برفق وظل يطهر الجرح بينما هى تنظر له ببسمه لا تعلم لما هى سعيده وهو بجانبها ولكنها سعيده
مروان بخوف وهو يمسك كحول/بصى هحط ده على الجرح تمام هيوجعك شويه وخلاص
اومأت له سلمى باستسلام فجأه وضع مروان المطهر دفعه واحده على قدمها فصرخت سلمى بالم وهى تقول بصراخ/اه يبن الكلب
نظر لها مروان بصدمه/ما تلمى لسانك يبت
سلمى وهى تتوجع/اه روح كشفت راااسى ودعيت عليك يا مروان
مروان/الحق عليا انى بساعدك
سلمى بصراخ/مساعده هباب يخويا مساعده هباب عليك وعلى الى خلفوك منك لله انت السبب
مروان/انا جيت جنبك يا وليه
سلمى بارهاق/انا عايزه انام تعبانه اووى اسندنى للاوضه يبنى الله يكرمك
مروان بملل/بتشحت على باب السيده وربنا
حاولت سلمى الوقوف ولكن صرخت بالم من وجع قدمها فجلست مره اخرى وهى تبكى
ركض لها مروان بلفهه/سلمى انتى كويسه....اهدى كده ومتتحركيش
سلمى بتعب شديد/عايزه انام مش شايفه قدامى والكنبه ناشفه اوووى وضهرى وجعنى
اقترب منها مروان وكاد ان يحملها فصرخت سلمى بسرعه وهى تردف/ اثبت مكانك لتولع وانت واااقف.....انت هتعمل اي
مروان ببساطه/هشيلك لاوضتك
سلمى بتشنج/ونبى اي ده انا مش هخلى عريسى يشيلنى يوم فرحى هخليك انت تشيلنى اوعى يابا كده انا هتصرف
مروان باعجاب وغضب/تتصرفى ازاى كده الجرح يتفتح اكتر
وقفت سلمى على قدمها السليمه ورفعت قدمها المصابه فكانت تقف على قدم واحده ثم اخذت تتنطط عليها وهى تردف/اسكت انت مش فاهم حاجه والله لاقفل كل الابواب فى وشك وهبقى قادره على التحدى وعلى المواجهه اوعى كده
مروان ببلاهه/تقفلى كل الابواب فى وشى!!!
ركضت سلمى على قدم واحده الى غرفتها وما ان دخلت حتى وقعت واوقعت الطاوله التى بجانبها
سمع مروان صوت تكسير من غرفتها وسمع صراخها ففرد ذراعيه ورقص بسخريه/نسيتى باب المطبخ يا عبير
سلمى من الداخل بغضب/غور من وشى
دخل لها مروان ونظر لها وهى راقده على الارض
مروان بسخريه/اي يا سترونج اندبدينت وومن هى رضوى الشربينى مرضيتش تستضيفك ولا اي
سلمى ببكاء من سخريته/طب والله العظيم عافيه زوق
مروان/والله طب خلى امال ماهر تنفعك وتيجى هى تقومك
سلمى بسرعه/لالالا خلاااص ده انا بهزر يامراميرو تعالى قومنى بقى
مروان بغضب/طب علشان مراميرو دى بقى مش مقومك
سلمى/ونبى اكسب فيا ثواب
مروان وهو يجلس على الكرسى ويضع قدم فوق قدم/تؤ اتحايلى عليا شويه
سلمى بملل/ولو قولتلك علشان خااطرى
مروان/انتى ليه بتتعاملى معايا على انك خالتى
تجاهلته سلمى وحاولت هى ان تقوم ولكن صرخت بالم عندما حاولت الوقوف
مروان بخضه/يا حبييبتى يا خالتى ايدك ياختى تعالى اما اقومك
سلمى باستفزاز بعد ان سندها لتقف/انت ليه بتتعامل معايا على انى خالتك
نظر مروان لسخريتها بحاجب مرفوع ثم ترك يدها من بين يديه فوقعت مره اخرى
مروان وهو ينفض يده ويخرج ببرود/ابقى خلى اختك تيجى تساعدك بقى
سلمى بصدمه/يواد بهزر يولاه متبقاش قموصه كده وتعالى قومنى
مروان بصوت عالى/اهى مليكه جات خليها هى تيجى تقومك بقى ياختى
مليكه وهى تدلف الى سلمى/فى اي اقوم مين.....احيييييه اي الى حصلك يا خيبتى التقيله
سلمى/تعالى تعالى يا صبحتى اسندينى مليش غيرك ياااختى
************************
فى احد السيارات كانت مالك مغشى عليه فجأه بدا يستعيد وعيه وينظر حوله وجد حوله عدد من الرجال الملثمين وضخاام ويملكون عضلات كبييره للغايه فكان شكلهم مثل التيران
مالك/اي ده انا وقعت فى فيلم اكشن ولا اي......انتوو مين وعايزين مننا اي
احد الرجال/شش اهدأ يا هذا حتى نذهب الى البوص
مالك/ميرال فين ميرال اين ميرال
الحارس/اهدا واللعنه هل تقصد تلك الفتاه التى كانت معك ها هى فى الخلف مغشى عليها
مالك وهو ينظر لميرال فى الخلف/ميرال انتى يبت اصحى احنا مخطوفين الله يخربيت معرفتك
فتحت ميرال عينها بانزعاج وهى تنظر حولها بتشوش واستغراب ثم نظرت لمالك/فى ايه يا عم انت بتجعر ليه
مالك بتشنج/بجعر...نامى ياختى نامى نامت عليكى حيطه يارب تحلمى بنفسك وانتى بتغرفى فى حله كبده....او بتغرقى فى حبى ايهما اقرب
ميرال/هو احنا فين ومين دول رجالتك
مالك/لا يميرو احنا بس مخطوفين وهما موديينا للمعلم بتاعهم
ميرال وهى تلقى براسها على الاريكه مره اخرى/طب لما نوصل صحينى
مالك/يبت بقولك مخطوفين
ميرال/يعم انا مش خايفه بدال انت معايا
مالك بابتسامه بلهاء/اسمى ده حب
ميرال/لا سميه اهو ضل راجل ولا ضل حيطه
الحارس بصراخ/اصمتو تباا لثرثرتكوا
ميرال بتذمر/طب بس متزعققش علشان اعرف انام
مالك بتشنج/يبنتى اررررحمى ميتين اهلى بقى وحسى اننا مخطوووفين
ميرال/سليم ومحمد مش هيسيبونا متخافش وبعدين يعنى هى اول مره
مالك وقد اعتدل فى جلسته وقفز اليها فى الخلف وجلس بجانبها ثم قال/اي ده هو انتى اتخطفتى قبل كده
ميرال وكانهم يجلسون على مقهى/اه كتييير انا والبت مريم كانو اعداء ابويا بيستغلو ان احنا بنات وكل ما نتنفس نتخطف وكمان ساعتين تلاته نلاقى عمر وعبدالله داخلين علينا وينقظونا لحد ما خلاص انا ومريم اتعودنا وبقى شئ اساسى كل اسبوعين
مالك/انا بردو اتخطفت انا ومليكه ويوسف من اعداء محمد وسليم فى السوق بس كنا عيال فى اعدادى ومقولكيش بقى مفيش تلت ساعات ولقينا محمد داخلهم بالسيف وقطع رقبه الى ضرب يوسف لان لما يوسف قاوم واحد فيهم جامد راح معوره فى بطنه المهم يستى لقينا محمد داخل بالسيف حااامى اووى مكانش بيحب يمسك سلاح وهوب لقينا سليم داخل بمطووه وبيقول الالمااااانى وصل يا حااااااره ودخل اده كام حارس بشلتين فى وشه وبعدين البوليس جه
ميرال/وانت مقاومتش زى يوسف ليه
مالك بلا مبالاه/مكانش هاممنى غير مليكه كنت بحاول يبقى عينى عليها علشان محدش يقرب منها خصوصا اننا مكناش صغيرين اوى يعنى كنا فى تالته اعدادى وهى بنت بردو فمكانش هاممنى اى حاجه غير مليكه
ميرال بسعاده لحبه لشقيقته وفى نفس الوقت بعض الغيره فهى وكانها تود ان تكون هى مكان مليكه...مهلا انا حقا الان مكانها
ضحكت على تفكيرها فنظر لها مالك باستفهام فقالت هى/انت شهم اوووى يا مالك وبتخاف على عرضك واهل بيتك
مالك بغرور/مبحبش اتكلم عن نفسى كتير
الحارس/هيااااا معى وكفااا ثرثرررره
ميرال/ماله ده
سحب احد الحراس مالك بعنف
مالك وهو يحاول المقاومه ولكن يده مقيده/لاااااا مش نخنووووخ الى يتعمممل فى كددده لمؤاااخذه
ميرال/ادى اخره الى يراضى حاااج كبيير فى الشااارع
مالك/ما انتى مش فى شاااارع مككه يا رووح امممك انتى فى دوله المافيا فيها على قفا مين يشيل
نظرت له ميرال قليلا والرجال يقودوهم للداخل
مالك/بتبصيلى كده لييه
ميرال/اي يحجازى الا ما شوفتك اتعصبت عليهم علشان ماسكنى كده ولا قولتلهم شيل اييدك من عليها يلاااه اومااال اي جوو شاروخان الى كنت عاملهولى فى البيت ده
مالك/ددده كلااام بيقوولووه الناااس علشان يحللو القرررش
ميرال للحارس/ايييدك يلااا لتوووحشك كتكم البلااا
الحارس بالامانيه /ماااذااا تقووولين هياااا امامى والا افرغت سلاحى فى راسك
ميرال لمالك/هو بيشتم ولا بيقول اي علشان مش فاهمه
مالك بنفاذ صبر/بيقوووولك اخررسى بدل ما يخرسك هووو ويرررريح البشريه منك
ادخلهم الحراس الى مخزن مظلم ثم ربطوهم هما الاثنان على كراس وكان ظهر مالك فى ظهر ميرال فكانو لا يرون بعضهم
************************
فى غرفه محمد فى المستشفى
كان محمد يجلس على فراشه وداخل احضانه روان وهى تطعمه الفاكهه
محمد/كفايه يروان شبعت
روان/لا يموودى لازم تاكل كويس علشان تخف بسرعه يحبيبى
محمد بحب/يروحى انا كويس طول ما انتى جنبى ومش عايز حاجه تانيه
روان وهى تقبل يده/ربنا يخليك ليا يمحمد انت بالنسبالى ابويا وابنى وحبيبى وجوزى واخويا
محمد بتشنج/اخووووكى.....وعيالك دووول كسبناااهم فى كيس شيبسى
روان/انت سيبت كل ده وركزت فى اخويا يا شيخ قطعت اللحظه الرومانسيه الى نادرا ما بتطلع من بوقى
دخل عليهم سليم وهو يحيط كتف ميلسيا ويقول بمشاغبه لمحمد/اووعى اكووون قطعت عليكوو خلووتكووو ولا حاجه
روان/هستنى اي من واحد مشافش تربيه لا هو ولا ابنه يخطب فى المسجد.....ما لازم تفكيرك يبقى شبهك
ميلسيا/اكيد تفكيرو قمررر ماداام شبههو
روان وهى تشير لها بيدها بمعنى الطبله/طبليلو يااختى طبليلو
سليم وهو يحتضن ميلسيا ويرفع حاجبه بمشاكسه/انا وعمررررى مع بعض ومحدددش هيفرررقنااا ابداااااا
محمد/يارب ارحمنى بقى فين مالك ويوسف والبنات
سليم/مالك سحب ميرال وخلع وقال هيوريها الشعب المرجانيه
ميلسيا/ويوسف اختفى هو ومريم فجأه
روان/الحقووووو يووووسف ليتجووز البت مريم من وراااناا
ميلسيا/هو انتى ليه دايما ظنه فى ابنى السوء
روان/ابنك السوووء نفسه يخربيتك الحق البت ده كفايه انه ابن سليم
سليم بتشنج/ارحمى ميتين امممم سليييم زهقتيييه فى عيشته يا شيخه
محمد/متزعقش لمراتى يالاه وروح شوف ابنك الى مترباش استفرد بالبت فين
ميلسيا/يجدعان ده سليم بيقولكو مالك خد ميرال يفرجها على الشعب المرجنايه يعنى المفروض تظنو السوء فى ابنكووو
روان/ايوه فعلا مالك مترباش وسافل بس على تقيل مبيبينش الوااد ده علشان منشكش فيه بس انا مش خايفه علشان لو غمز بس ميرال هتطلع عين امه لكن مريم هبله وبكلمه ممكن يوسف ياخدها ورا الشجره يفرجها على العصافير
سليم بشك/ابنى ويعملها استنى هروح ادور عليه