SLAM DUNK: COLLEGE MATCHES
CHAPTER 7:
(Ps: Typo Errors Ahead!)
THIRD PERSON'S POV
"GOAL TENDING VIOLATION!... White Number 6!" Sigaw ni Mari habang nakaturo kay Hanamichi.
"ANO!!!" Sigaw ni Hanamichi.
Dali-daling lumapit si Hanamichi kay Mari.
"Uyy paano naging Violation yun? May galit ka ba sakin Mari? Sabihin mo! Palibhasa isa ka sa mga Friends ni Fujiboo kaya pareho kayo ng ugali." Mangiyak-ngiyak na tanong ni Hanamichi habang tinuturo ang sarili.
Napabuntong hininga muna si Mari bago sumagot.
"Talagang Violation yun, Sakuragi. Isa pa, isa sa mga basic rules ng basketball ang huwag pakialaman ang bola habang nasa rim or nasa ring area, kundi mapupunta sa kanila ang puntos." Paliwanag ni Mari.
Napanganga si Hanamichi... "K-kung ganun, yung puntos..."
"Ayos lang yan Hanamichi! Ang galing parin nun!" Sigaw ni Takamiya at binago ang score mula 16-23 ay naging 16-25 na.
"WHAAAAAHH HINDI MAARI!" Hanamichi
"Hindi ka parin nagbabago Hanamichi! Sa tuwing pumapasok ka sa court sasalubungin ka agad ng Foul! BWAHAHAHA!" sigaw ni Ohkusu habang malakas na tumatawa.
"Tumahimik ka dyan Amerikanong Hilaw!" Naiinis na sigaw pabalik ni Hanamichi.
*Pakk!*
Napatuwid ng tayo si Hanamichi nang may pumalo sa pwet niya. Napatingin siya sa may gawa nun at nakita niya si Kiyota.
"Grrrrrrr ikaw Matsing ka, bakit mo ginawa yun?!" Inis na tanong ni Hanamichi.
"Hindi na masama, Unggoy." Nawala ang inis ni Hanamichi nang ngumiti si Kiyota sa kanya. "Aaminin ko... Walang laro mo ang hindi ako napapahanga." Dagdag pa nito.
"Matsing?" Nagtataka si Hanamichi sa sinasabi ni Kiyota.
Lumapit si Kiyota sa kanya at bumulong...
"Bakit hindi na lang tayo magtulungan para matalo natin sina Maki? Diba gusto mong talunin dati si Sendoh?" Nakangising bulong ni Kiyota sa kanya na ikinagulat ni Hanamichi.
"Ang dating Ace Player ng Kainan at Ryonan---" pinutol ni Kiyota ang sasabihin niya.
"Ano ka ba! Ace Player din tayo diba? Ako lalabanan ko si Maki, at ikaw 2nd Ace player ng Shohoku tatalunin mo si Sendoh. Para magawa yun, kailangan nating magtulungan." Kiyota
Napatingin si Hanamichi sa kanya na tila nagdududa sa mga sinabi ni Kiyota.
"Magtutulungan tayong dalawa?" Panigurado ni Hanamichi.
"Oo, Preh. Dito mismo sa basketball court."
"Baka naman inaalaska mo lang ako?"
"Sira ulo ka, ako na nga tong nag-aalok ang arte mo pa!"
"Sigurado ka ba talaga?"
"Oo nga!" Kiyota
(Pumito...)
"OKAY BOTH TEAMS! Balik kayo sa mga perspective area niyo!" Sigaw ni Mari.
Nagsibalikan naman sina Hanamichi at Kiyota sa Area nila.
Habang naglalakad sila, tinawag ni Kiyota yung tatlo na sina Ikegami, Watanabe at Nishizaki.
"Lumapit kayo team!..." Inakbayan ni Kiyota sina Watanabe at Nishizaki. "Makinig kayo, hindi na pwedeng matalo pa tayo ng mga Sempai natin. Magtiwala tayo sa isa't-isa at---" naputol ang sinasabi ni Kiyota nang magsalita si Watanabe.
"Sisirain natin ang depensa nila." Watanabe
"Dapat may gawin tayo para masira yun." Nishizaki
"Malabo yun, dahil pareho silang mga batikang manlalaro ng Kanagawa. Wala tayong magagawa pag MAN TO MAN DEFENSE."
"Edi guguluhin natin ang 'Man to Man Defense' nila." Singit ni Hanamichi.
"Anong ibig mong sabihin, Sakuragi?" Nishizaki
Ngumisi si Sakuragi ng nakakaloko at bumulong sa kanilang apat.
Habang nakikinig si Sendoh sa mga sinasabi ni Maki, napatingin siya sa mga pangkat ng mga first year. Napatawa siya ng makita niya ang ginagawa nila.
"Hahahaha! Ano yan? Usapang first years na magkaakbay sa isa't-isa?" Natatawang tanong niya.
"OKAY SIMULAN NA! SA SEMPAI ANG BOLA!" Sigaw ni Mari at malakas na pumito.
"TARA! LABAN!" First years
Sinimulan ulit ni Mito paandarin ang oras.
"Ano kaya ang pinag-usapan nina Hanamichi?" Nacucurious na tanong ni Mito.
"Mukhang may pinaplano sila." Takamiya
"Ano kaya yun?" Ohkusu
"Nako, siguradong kalokohang plano yun." Noma
Habang nanonood si Daisho nakita niyang pareho na nakangisi si Kiyota at Sakuragi.
"Coach, mukhang nakaplano ang Team namin sa loob lamang ng maikling minuto. I'm not sure kung maganda yun kase parehong nakangisi ang Ace Player ng Kainan at Shohoku." Sabi ni Daisho sa katabi nitong si Fujima.
"Iba ang nararamdaman ko sa mga ngisi nila." Tumayo si Fujima sa pagkakaupo.
Nakita ni Hanamichi na tumayo si Fujima. Tinawag niya ito.
"Oyy Fujiboo? Anong gagawin mo? Kakausapin mo ang mga Sempai namin?" Nakangising tanong ni Hanamichi sa kanya.
"Akala ko ba naman tuloy-tuloy ang laro at walang time-out?" Nakangisi rin na tanong ni Kiyota.
"Hindi ako tatawag ng time-out. Gusto ko kayong panoorin na nakatayo. Mukhang may alas na kayo?" Nakaismid na tanong ni Fujima.
"Wala naman, coach." Nishizaki
"Makikipaglaro parin kami ng patas." Watanabe
Si Jin ang may hawak ng bola, pinatalbog niya ito at sinimulan na ang kanilanh opensa.
"Tayo na Team!" Sigaw ni Kiyota
Habang nagdidribol si Jin natigilan siya dahil ibang player ang nagbantay sa kanya.
"Ikegami..." Jin
"Di ka makakalusot sakin." Ikegami
Mabilis na ipinasa ni Jin ang bola kay Sendoh.
"Nice pass, Jin." Sabi ni Sendoh at nagpatuloy sa opensa pero hinarangan siya ni Hanamichi.
"Ikaw?" Sendoh
"Anong problema, Sendoh?" Nakangising tanong ni Hanamichi.
"Di mo'ko maagawan." Sabi ni Sendoh at pinasa patalikod ang bola kay Fukuda.
Pero hindi yun agad natanggap ni Fukuda dahil mabilis na nakarating sa likuran ni Sendoh si Watanabe at nakuha ang bola.
"Ano?" Sendoh
"Masyadong mabagal ang Offensive Treat niyo." Nakaismid na sabi ni Watanabe habang nagdidribol papunta sa area nila.
Habang nasa middle court, naglakad muna siya habang nagdidribol at itinaas ang hintuturo nito... "OKAY TEAM! GAWIN NA NATIN!"
"Ang ano daw?" Sendoh
"Kiyota!" Sigaw ni Watanabe at mabilis na ipinasa ang bola.
Natanggap yun ni Kiyota ang bola na nasa Shooting Guard Area. Pumwesto ito para sa jumpshot pero dumating agad si Maki para i-block. Nagulat si Maki dahil hindi tumalon si Kiyota sa halip ngumisi ito at ipinasa ang bola sa bakanteng Player na si Hanamichi.
"Ano!" Maki
Nagdribol ng mabilis si Hanamichi at Kiyota naman tumakbo ng mabilis papunta sa kinaroroonan ni Hanagata na mag-isang nakatayo sa ilalim ng ring.
Nagdadalawang isip si Hanagata kung sino ang babantayan niya sa dalawa, si Hanamichi ba o si Kiyota na parehong tumatakbo papalapit sa kanya.
"SALO MATSING!" Sigaw ni Hanamichi at ipinasa niya pabalik kay Kiyota ang bola.
Pagkasalo nito tumalon ng mataas si Kiyota para sa gagawing jumpshot agad naman siyang tinapatan ni Hanagata, pero nagulat si Hanagata nang ipinasa din ito pabalik ni Kiyota kay Sakuragi na tumalon din ng mataas kasabay niya.
"Teka, ano!" Gulat na sabi ni Hanagata.
"Patibong prehh..." Napangisi si Kiyota.
Pagtanggap ni Hanamichi sa bola, shinot niya ito gamit ang isang malakas na dunk.
*DUNK!*
"AYOS!" Sigaw ni Hanamichi. "Galing ng pasa mo Matsing!" Masayang sabi ni Hanamichi at nakipag-apiran kay Kiyota.
"Ang galing ng pasa ni Kiyota." Napatulala si Maki sa nakita niya.
"Tama ba tong nakikita ko? Nagpapasahan ng bola si Hanamichi at Kiyota?" Hindi makapaniwalang tanong ni Takamiya na parang nanlalabo ang paningin.
"WOY TAKAMIYA! DALAWANG PUNTOS PARA SAMIN!" Sigaw ni Hanamichi.
Binago ni Takamiya ang score na mula sa 16-25 ay naging 18-25 na.
"Ayos! Pitong puntos na lang ang lamang nila!" Hanamichi
"Ibang klaseng laro, kahit ako malilito kung sino ang babantayan ko." Sabi ni Daisho habang nasa upuan.
"Kung ganun, yun pala ang plinano nila. Hindi na masama." Napangiti si Fujima.
"Gawin parin ang plano!" Sigaw ni Kiyota sa mga kasamahan niya.
"OO!" Sila
"Teka lang, bat parang naging pinuno nila si Kiyota?" Jin
"Masama ang kutob ko dito, puro kalokohan lang ang alam ni Kiyota." Maki
"Ano to? Nakikipaglokohan lang sila satin?" Fukuda
"Magmumukha tayong katawa-tawa nito pag patuloy silang nakapuntos gamit yung taktika nila." Hanagata
"Ayos lang kung magmukha tayong katawa-tawa, ang importante malaman natin ang taktika nila." Sendoh
"May punto si Sendoh." Maki.
Pumito ulit si Mari at ibinigay ang bola kay Sendoh.
Tinanggap ito ni Sendoh at itinaas ang hintuturo nito... "OKAY TEAM! HUWAG SILANG PAGBIBIGYAN!"
"OO!" Sila
"Tssk... Ayokong magyabang pero, mabibigo lang kayo." Nakaismid na sabi ni Watanabe at hinarap si Sendoh
"Nagyayabang ka na sa sinasabi mo pa lang." Napaismid si Sendoh at ipinasa ang bola kay Jin.
Nakapwesto sa 3-point area si Jin at ginawa ang long shot range.
Pero dumating agad si Kiyota at sinubukang pigilan yun pero mukhang hindi ito napigilan.
"Wala yan, Kiyota." Nakaismid na sabi ni Jin.
Lumingon si Kiyota sa kanya at napangisi... "Yun ang akala mo."
Tumaas ang isang kilay ni Jin.
"REBOUND!" Malakas na sigaw ni Kiyota.
"OO ALAM KO MATSING!" Tila parang naging flash si Hanamichi dahil sa bilis nitong tumakbo papunta sa inner area.
"GALINGAN MO HANAMICHI!!!" Sigaw ng apat nyang kaibigan.
"Hindi mo na ako maagawan ulit, Sakuragi!" Sabi ni Hanagata at tumalon.
Naabot ni Hanagata ang bola at hinawakan ito ng magkabilang kamay niya para masigurong hindi maagaw ni Hanamichi.
"Si Hanagata ang nakakuha sa Rebound!" Mito
Pero nagulat si Hanagata dahil hindi tumalon si Hanamichi sa halip pumwesto ito sa ibaba nya.
Pagbaba ni Hanagata, agad pinalpal mula sa ilalim ni Hanamichi ang bola kaya napunta ulit ito sa taas at nakuha ito ni Kiyota na nasa likuran ni Hanagata.
"WHAAAAAHHH PINALPAL NI HANAMICHI MULA SA IBABA!" Sigaw ni Okhusu.
"Nagiging mabangis na si Hanamichi!" Noma
"FAST BREAK!" Ipinasa ni Kiyota ang bola kay Nishizaki na binabantayan ni Jin.
Pero pinasa agad yun ni Nishizaki kay Ikegami na binabantayan ni Fukuda.
"Hindi mo'ko mapiligilan, Fukuda." Nagposisyon si Ikegami para sa jumpshot pero hinarangan yun ng kamay ni Maki.
Mabilis na tumakbo si Nishizaki papunta sa 3-point area. Susundan sana siya ni Jin ng pero hinarangan siya ni Kiyota.
Mabilis na binawi ni Ikegami ang bola at pinasa niya pabalik kay Nishizaki na libre sa 3-point area.
"Wow! Ang galing ng pasa ni Ikegami!" Takamiya
Pagkakuha ni Nishizaki agad itong gumawa ng 3-point shot at matagumpay itong pumasok sa loob ng ring.
*Shot!*
"ANG GALING!!" Sigaw nila Mito at binago ang score.
Ngayon ay 21-25 na ang score, 4 points na lang ang lamang ng mga Sempai nila.
Napangiti si Jin na parang nahuli na niya ang taktika nila.
"MAY 15 MINUTES PA!" Sigaw ni Mito.
Lumapit si Jin kay Sendoh at Maki.
"Mukhang alam ko na ang taktika nila." Sabi ni Jin sa kanila.
"Ako rin, alam ko na." Sendoh
"Hindi lang kayo ang nakapansin. Napansin ko rin na sinisira nila ang Man to Man Defense natin." Sabi ni Maki.
"Ginugulo nila ang laro pero ang target nila ay si Hanagata na nagbabantay sa ilalim ng Ring." Sabi pa ni Jin.
"Ang dumi talaga maglaro ni Kiyota, dinamay pa niya ang kasamahan niya." Fukuda
"Kung ganun, edi sirain din natin ang taktika nila." Sendoh
"Akong ang papalit kay Hanagata sa ilalim ng Ring." Maki
Napangisi si Hanamichi dahil parang napansin na nina Maki ang kalokohan nila.
"Sige lang, alam kong nahuli niyo na ang taktika ni Kiyota... pero hindi pa ang akin." Mahinang sabi ni Hanamichi habang nakangiti ng nakakaloko. "Hindi niyo ako mahuhuli." Dagdag pa nito.
[PS: Ang kwentong ito ay kathang-isip lamang at walang kinalaman sa tunay na kwento ng Slam dunk.]