#جُمِّلْت أخلاقها
✍️كاتبة الجنوب
في الرّكن يبدو وجه أمّي لا أراه لأنّه سكن الجوانح من سنين فالعين إن غفلت قليلاً لا ترى لكن من سكن الجوانح لا يغيب وإن توارى مثل كلّ الغائبين يبدو أمامي وجه أمّي كلّما اشتدت رياح الحزن.. وارتعد الجبين
____&&&&______&&&&___'__'_
يوم ثاني بديت انظف البيت وسويت الهم اكل وكلمن طلع وشوي اجالي
وجايبلي علاليك مسواك اووووف اليوم مسوي
عزيمه سالم شهل ورطة عاد كون ادبرها بقيت افكر شراح اسوي للعشه، اي خلي اطلع انجازاتي وسويلهم كباب عروك انا مرة سويته وطلع فد شي كلش طيب اي اروح اعجنة واشوف بعد شسوي كملته
صار العشه وحور ساعدني اول مرة اطبخ لهواي اشخاص متعلمه بس النا ردت ادز على زينب بس كلت فشله هسه شدكول عني بقينا نحضر للعشا وصار المغرب وبدو يجون جماعته وياهم زهير وسرمد
قندة:_ يلا حور ستعجلي خلي نكمل العشه
حور:_ يلا خلي نتفنن بالطبخ اليوم
قندة:_ هههههه على كولتج
بدينا نشتغل على العشاء وتأخرنه وبدو صيحون
عماد:_يلا ما صار ما خلصتو
قندة:_ اهووو شخبصتونا هسه يكمل
عماد:_ يلا ستعجلو ترى جعنه
حور:_ترى هذا هواي باقي شوكت تلحكين كللي
قندة:_ والله ما ادري كل شوي واحد فوك راسي احسن شي راح اسوي شوفي
حور:_ شسوين يمعزاية
قندة:_ شوفي وتعلمي
حور:_ يااا هههههه
_وهسه شلوني هاي كملنه
_ يااا شوفي سويتي
صارلهم ساعة يصيحون وين الحك هاي حطيته كلها
بس شكل غير بس هو نفس طعم ميخالف شوي ودخل سالم
سالم:_ها بشرن كملتن
قندة:_اي شوف كلشي جاهز
سالم:_يلا عفيه طلعتي مرا
قندة:_لعد شعبالك
سالم:_يلا بدون حجي جيبي سفرة خلي افرشها واصيح عماد ينكل وياي
_يلا عماد شغل ايدك
_يلا يخوي
حطيتله صينيه وبيها صحونة اكل هو ياخذ ويودي للسفرة
الا ان وصلنه للكباب عروك شافه عماد!!!
عماد:_ولج قندوو هاي شنو من اكله
قندة:_أأأ كباب بعد شنو
عماد:_ولج يا كباب هاي تايرات ولك سالم تعال شوف
سالم:_هاي شنو !!
عماد:_اسمه كباب بس شكله تايرات مال تريله
سالم:_ ولج قندة اله تفشلينه لازم تخربين عوفو خلي الها هي تاكله
اباوع الحور بس تضحك ولج انتي سكتي كله من وراج من مساع كتلج كومي حركي روحج اله تخلينه نستعجل
حور:_ وانا شعليه كايلتج سوينه تايرات
قندة:_اووو هسه ما ادكليلي ش عازم هو زهيرو وسرمدو
حور:_اانتي سمعي هوسه يا بس هذول
قندة:_اووو شعلي خلي اروح اكل كلش جعت
حور:_ خو انتي من جوعين تبقين تخربطين بلحجي
اشرتلها بأيدي عود بكيفي طنشتهم وبقيت اكل وشوي واجت يمي بقت تاكل عفتها، امنة حطت روحها بنص متقبل اله تروح تاكل يمهم وسالم اخذها وياهم وعلى ما راحو اله واحنة ميتين من تعب كل شوي صاحو ماي
وجاي يبوووي شكول عليك سالم
طبعاً كباب مقبلو ياخذونه اكلت مناا وباقي ذبيته اعرف سوالفهم يبقون يضحكون عليه بس هما وين عدونها بعد اسمي منا ورايح ام كباب جاي احجي ويه روحي واجه سالم وعماد
قندة:_ الله عليكم شلون الطبخ اليوم غير بدعت
عماد:_ اي بالله بدعتي منين اكو واحد يسوي تايرات غيرج نوب مو حي الله تايرات لا مالات تريله
سالم:_ اي صدك هو وينهن بلى
قندة:_ هسه انا صوجي سألتكم
عماد:_مو احنة نسيناهن انتي ذكرتينه يا ام تايرات
سالم:_همزين لحكت عليك جان هسه صرنة مضحكة كدام الربع
عماد:_هو استغربت من شفت هل احجام هاي كلت هاي هي رحت بيها يا سالم
قندة:_اهووو اروح انام احسلي بعد لا تعزمون احد ولا شي سمعتو ما اطبخ ما اطبخ
سالم:_لا بالله لا اصلاً نتفشل عليمن نتاني العروس جديدة والله اثاري ابو سالم يفتهم من راد مرا يدري بيج مو كفو
قندة:_ هسه صرت مو كفو عفتهم يضحكون ورحت
نمت
مرت ايام وهذا حالنا ابوي خطب وافقت عليه وشهر جاي يزوج بدا يجمع للعرس صار بين يوم ويوم اروح خطيبة وياخذ آمنة وياا، ومن تجي فرحة ما واسعتها
تتونس على لعب وتجي محملة حلويات وتبدي
عرايك هي وسليم ما تقبل تنطي وهو يكتلها وهي ادكول ماا امي نطتنيا، آمنة ما صدكت واحد كلها عندج الام تبقى يومية تلح على ابوي اروح امي اما احنة ما شفنه مرت ابوي لحد الان مدة خطوبة ابوي طولت اشهر لأن اتاني محصول وهي تريد عرس لأن حقها
اول مرة تعرس وتريد تلبس بدلة الا أن جمع فلوسة وكال
_حضرو روحكم للعرس بقينا نظف ونعزل بلبيت
وهوسة كايمه ما اشوف غير عماد وزهير
زهير:_ هلا هلا كل هل تحضيرات ل عرس البابا
عماد:_ جا شعبالك هذا ابو سالم
زهير:_والله وسواها ابوك
عماد:_بعد ما تدري بي
زهير:_يلا ولك خلي نسويله جو نفرح عريسنه
عماد:_ترا انت عايش دور يا عريس ولدة بطوله واسمي عريس
زهير:_والله عريس واحلى عريس
_ويعلي بصوته
عماد:_لا تصبغ زايد ابوي مو بلبيت حتى يسمعك
زهير:_خاب اريد اونس روحي جيبولي طبلة
عماد:_هم ما تريد وصله فرد نوب حتى شدها وتهز
زهير:_اي هو هيج
_اخذله سطل ماي وبقى يطبل ويغني
_ابو سلوم رايد رايته عايف بنات ولايته
_خالة ويا خالة
_الف صلاة وسلام عليك يا حبيب الله محمد كللووووش
حور وامنة مكابلاته ويغنن ويركصن
للظهر تفاجئنة من طلع ابوي ولابس قاط طالع صدك عريس احنة ما رحنة للعرس امنة بقت تبجي بس ما قبل سالم تروح راحت بس عمتي وبناتها اخذها من صالون لكاها مسوية حفله بيتهم خلصت حفلة راحو للفندق،،،،
اليوم كعدت من صبح اليوم راح ينضاف
شخص شاركنه بحياتنا يمكن راح نفرح بجيته ويمكن لا حظرت الغرفة الهم وعطرتها رجعت بدلت آمنة وسليم اخذ ملابسه ودخل للحمام بقيت احظر للغدة طلعت سمج وسويته وكملت وباقين ننتظر
العرسان 😅 لشوي دخل ابوي وهي ورا شفتها
وفتحت حلكي وعيوني على وسعهن شنو هاي بعدها صغيرة طبعاً بوقت صدام قليل لبسون
حجابات لابسة تنورة سودة قصيرة وبلوزة ورديه، فاتحة شعرها قصير ومكياج وساعة بأيدها وكعب،بدينا نستقبلها وعيني عليها ولك هاي ابوي شماخذ تطلع مكد سالم تقريباً بوستها ريحتها حلوا
انا كدامها طالعة جنها امها انا ودهداشتي وكفشتي سلامها كلش حلو نازكة الى اخر درجة امنة الي كابلتها وكعدت وسليم هم ماخذهم طمع وسولفون وياها
وضحكون سالم وعماد سلمو عليها اباوع سالم اطول منها ههههه ويباوعلي ومستغرب مثلي
همست بصوتي ناصي
_ عزا هاي ابوك شمسوي
_خليها سكته يلفته!!!
سلمو وترخصو وطلعو
وتعرفت علينا واحد واحد هي حافظة اسماءنا بس شكل اول مرة اشوفنه ابوي تركها يمنا وراح وبقت هي يمنه اسولف وتضحك امنة بدت تسحب بيها تاخذها للبستان
آمنه:_يلا ماما امشي اشوفج السمج بل ماي
وهي ما صدكت بسرعة كامت
تمشي وآمنه ساحبة ايدها وابتسامتها ماليه وجها طفلة ولكت حنان الام تخاف ضيع منها انطلقت بالبستان واحنة وراها وصلنة يم النهر
استحيت اكلها ماما ولا خالة اباوع شكلها مو مال خالة على اناقة شايلتها يمكن انا امها ولا شي كدامها
ياربي شكول عليك بويه جايبنه وحدة مكدنة خلي اكلها مرت ابوي والله كريم...
قندة:_ اكول مرت ابوي دربالج لا طيحين انتي كاعدة على العتبة النهر
نرجس:_تعاي يمي شوفي منظر شلون ايجنن بعدين شوفي سمج شون يطافر
قندة:_اباوع وين جمال بالموضوع هو ماي نازل
وقت المد وسمج طالع ليفوك عود اريد اكحلها عميتها
_مرت ابوي شايفة هذا سمج يطافر احنة نكدر انصيدة وناكل منه
نرجس:_صدك والله ، الله شكد حلو
قندة:_صرت سباعيه وجاي اراويها ندارتي رفعت دهداشتي ودخلت بالماي وبدن سمج يشردن وانا اركض وراهن وجان اكض سمجة وانا فرحانه ليكول مسويتلي فد انجاز
_ها مرت ابوي شلوني مو كتلج اصيدها يعني اصيدها اباوعلها وهي ميته ضحك
نرجس:_ هاي شنو تتحديني اوكفي جايتج
قندة:_ ما اشوفها غير ذبت الكعب ودخلت بالماي
وراحت الهيبة الاناقة وبدت تمشي وطيح بس حتى تلزم السمجه واحنه ميتين ضحك وهي حيل فرحانة نسينه روحنة واحنة بالنهر الا أن اجه ابوي ونصدم من منظر الي احنة بي
ابو سالم:_ ولكم هاي شنو هاي شمسوين بمرتي الحلوا اباوع مرت ابوي ناكعة ماي والوجه صاير زرق ورق
طايح الاحمر على الأخضر، هاي كله علمود السمج
نرجس:_هاا ابو سالم انت هنا احنه جاي نصيد السمج
ابو سالم:_بويه طلعو منو كلكم صيدون هسه
صايراتلي صيادات جر ايد مرته وسحبها وطلعها من النهر اباوع منظرها يخرب ضحك
_يلا بويه امشن كتلنا الجوع
لبست كعبها رادت تمشي ما كدرت لأن مبللة لزمت الكعب بيدها وبدت تمشي ومنا تراب وحافيه صارت كلها طين فوك كل هذا فرحانة ابتسامتها ما فاركت وجها ،
لو انا هيج كاشخة وادمر ملابسي غير اموت قهر، دخلت للحمام تسبح وانا هم رحت على سريع وغيرت ملابسي وبديت احضر الغدا وياي حور الى كل شوي صاكعتها (ضاربتها) حيل عجوزيه وبالخباثة محد يلحكها ابوي يسميها "لخوينسة" لأن حجيها قليل بس هي مثل الحية الي تلدغ وضم راسها، سوي مصيبة وتطلع منها مثل شعرة من العجين هاي، حور.
_ولج حور وصمخ
حور:_هاا
قندة:_وجعاا حتى وجعا انتي ليش ما توبين جم مرا اكلج اماعين غسليها عدل دشوفي هاي ملزك عليها
حور:_ اهووو والله هذا غسلي وبعدين شدعوا هيج منخبصة قابل عدنة فد شخص عظيم اشو حي الله مرت ابو جايبيلج، الله يعلم لا تالي دمغ بيج
قندة:_والله وكبرتي حور خانو صايرا تعرفين تحجين
اكول لا يسمع ابوج ويجي ويغط راسج بالنهر.
خليتها دردم بصوت ناصي وتحط، كاعدة احجي عليها هو انا خايفة اكثر منها خاف صدك حجي حور وتطلع شريرة ضربت على راسب ولج انتي شريرة شوفي نزاكتها اووو كاعدة وهذري وحدي ايام الجاية هي راح تبين معدنها بالحالتين هسه واجب علينا نحترمها لأن مرت ابونا اووف يا بو سالم شلك بهل طلابة اله تعرس
جا شبي ابوي بعدا زينة الشباب شنو شاف من امي غير ضيم وما اسمع اله صوت عالي طفرت ، لزمت كلبي يم اسم الله ..
يتبع..