العوده من الرماد
البارت 30
والاخير
البارت هديه للغاليه ام رضا cmbxxA
شهرزاد..... تقرب مني باوع بوجهي بتركيز وكلبي زاد
نبضه واحس روحي راح اتخربط نزلت عيني منه
واصلا مامخليه مكياج صارلي اشهر ويني وين
المكياج اطلع من مصيبه اطب بمصيبه بقه صافن بوجهي وكال شنو
جاوبته ام وعد
وزلمتج وين وطالعه لحالج
كتله زلمتي مسافر،
سكت شويه وكالو رجعن لبيوتجن وممنوع حرمه
تطلع لحالها بعد مالقو محاضرات علينه رجعت
للبيت لكيت زبيده نفس وضعها صافنه على حايط
ماتدري بلدنيا وشصاير عزلت البيت شلون ما جان
وسويت اكل لجهال منو يشهتي ياكل بس الماي
واحسه مر ضلينه سبوع على هل وضع لا نطلع ولا
نمشي، وشددوه على عالم مونفس اول ما اجو
يوميه كاتلين واحد لو جالدين مره بنهار،هدوء بس
بليل يشتغل الرمي بينهم وبين الجيش العراقي بس
الاصوات بعيده نقفل البيبان وانام بليل ماخلي شي
ماخلي على باب خاف يطبولنه ايام اشبهه بلرعب الله لايسديها على عبده
غسلت ملابس وصعدت فوك اشرهم واشوف جيرانه
ام انور تأشرلي من السطح وتحجي بصوت نصي
انزلي لا يشوفوج لان جنت مالبسه حجاب اكو شال
على حبل جريته خليته على راسي وتقربت للحايط اكو ثقب باوعت منه
واشوف
سياراتهم تارسه المنطقه ويفترون بكل اريحيه لعنه
الله عليهم واصواتهم العاليه طلعو ولد شاب جيرانه
سحب ويضربون بي،وامه تفرفح وراه لان يشرب جكاير، اخذو
لساحه اكو ساحه تصير، بنص المنطقه ورمو
بلرصاص وربطو بعمود الكهرباء سبوع كامل
مايقبلون اهله يدفنوه وجثه كدام الرايح والراد
مستحيل يكونون مسلمين يدعون الدين الاسلام
يكول اكرم الميت دفنه بس همه شسوه سبوع عافو
مربوط واهله متخبلين عليه ذوله موبشر.حتى
الحيوانات ارحم منهم رعبو الناس كلها طولت لحيه
جاكير ماكو نت ماكو كمت اخاف افتح الباب اطلع
