بسم الله الرحمان الرحيم
العود من الرماد
بارت 3
فيض... بعد ماغفيت وتعبت من الدوامه الصرت بيها حسيت عليه رفع البطانيه وطب وياي ولزك روحه بضهري احس كل عضو بجسمي انتفض وهوه مخلي راسه بركبتي ويشم بشعري مفتوح ونازل على كل جسمي وايده تتجول على خصري بسرعه سحبت روحي منه بحركه سريعه وكفت على طولي هوه شمر البطانيه على جهه وعلامه الاستغراب واضحه عليه؟
سعود..... شبيج فيض اني ضوجتج بشي؟؟؟؟
فيض... بقيت ساكته ماعرف شحجي ياربي بس احاول اسيطر على دموعي كام من مكانه واجه بتجاهي مذهول من رده فعلي ومد ايده لزمني من زنودي وسوالي مكان يمه على جربايه وكعدني واني نفس سكوتي وخوفي اتمنى الكاع تنشك وتبلعني ولا الاحساس الجاي احسه من جهه حبي لرعد ومن جهه سعود ماريد ضلمه وياي مجاي اتقبله ماكدر
سعود.... من شنو خايفه معقوله اني هيج اخوف؟؟؟
فيض... هزيتله راسي بلااااا ابتسم ابتسامه عريضه انتبهتله من يضحك يصير احلى رفعت عيني بعينه واباوعله واحجي. كتله لا مخايفه بس ماعرفك
سعود.... شي اكيد متعرفيني اني مومجرم حتى هيج مبتعده عني بمرور. الوقت راح تتعودين عليه انتي صرتي مرتي وعليج حقوق واجبات لازم تأديها.
فيض.... اني ماداخله مدرسه ومحد معلمني
على واجبات بس شهرزاد ينطوها واجبات بالمدرسه
بس،اعرف شويه اقره واكتب شهرزاد علمتني كتله
هيج لو هوه مات من الضحك بقيت صافنه بوجهه
وافرك بديه من التوتر احس روحي صخنت وكوه
اتنفس وهذا انتهه من الضحك ليش يضحك اني شكلت؟؟ انتبهتله عنده غمازات ومن يضحك شكله يتغير يكعس شخصيته الثكيله وجهه العابس.
سعود..... معبالي هيج دمج خفيف صدك سوالفج
حلوه يلا ابويه انتي تتعودين ان شاء، الله واعلمج على واجبات
فيض...... حجاها وكام من يمي بقيت اباوعله وكلشي مافتهمت من كلامه مشه لزاويه لبس كلابيه رجاليه سوده وبيها تطريز ذهبي قليل واتوضه واجه لكاني نفس كعدتي
سعود.... اذن الاذان ماصلين؟
فيض...... حجاها وهوه يفرش بسجاده كتله مادري ماعرف الوقت معبالي،اذان كمل صلاته بكل خشوع كمت توضيت وكفت اصلي وراه ودعيت رب العالمين يخليني اتقبله لان هذا واقع ولازم اتعايش وياه وانسه الماضي اني حاليا بذمه رجال وحرام عليه اخونه حتى بتفكيري ولازم اشيل رعد من كلبي وبالي والله يجازي السبب الحرمني اعيش حالي حال البنات وزوجني لرجال لابعمري ولا بحياتي شايفته المثلي هسه بلمدرسه وماتعرف شنو زواج بس احنه كل الصار،عمرها 14 بدو يحضرون
لزواجها ويتقاسمون على جراحها
