العوده من الرماد
بارت 24
شهرزاد.... بعدني اقره بلرسائل دك التليفون بيدي رقم غريبة ترددت اجاوب احساسي يكلي جبران احس روحي مشتاقتله مشتاقه اسمع صوته فتحت خط وسكتت اجاني صوته بتعب
جبران... عادي لاتحجين بس المهم احس بوجودج احسج قريبه مني بس اسمع صوت انفاسج كفيل تعيشني عمر شهرزاد مشتاقلج مشتاق اشتم ريحتج واضم راسي بصدرج مشتاق لسوالفج الغبيه واكعد اعلم بيج مشتاق لزعلج اخخخ لو ادري هيج يصير، تدرين شضاملج بعيوني صور ضام طولج من اشوفه يفتر بلبيت ضام صوتج من يكعدني بليل خايفه ضام ريحه شعرج الوين ماروح وشما تبعدنه المسافات ابقه اشمه ومحتفض بي بذاكرتي باخر جوف بيه ضام عطرج لو شتغيبين عن عيني يبقه طيفج مرافكني
شهرزاد.... اسمعه بكل وضوح ودموعي نزلت من شده كلامه وشتياقه الي ماعرف شلون طلعت مني الكلمه كتله تعال اخذني.
جبران.... تحجين صدك؟
شهرزاد.... محتاجه وجودك وياي
جبران... متأكده تكدرين تشوفيني ماريدج تعبين مره ثانيه
شهرزاد.... احاول اني هم تعبت اريد ارجع نفس قبل ارجع الم البقه مني واحافض على اخر ماتبقه بحياتي انته وصال ومحتاجه مساعدتك
جبران... اني وياج بكل مكان وبكل زمان بس ماريد اشوفج تتأذين
شهرزاد... جبران اني تأذيت هواي واريد اجمع البقه مني بلكي اكدر اني احس نفسي احسن من قبل وحتى وصال. رجعت تحبني
جبران.... هيه تحبج ماتكرهج بس الضروف بعدتها عنج ان شاء الله يرجع يلتم شملنه واعوضكم على كل يوم مر عشتي وياي بس من هسه اكولج منا وهيج رجلج على رجلي ماعوفج وحدج
شهرزاد.... راح احضر غراضي ومنتضرتك
جبران... جاي مسافه الطريق
شهرزاد... فصلت الخط وقررت ابدي كلشي من جديد واحتوي عائلتي لان خسرت هواي صحتي وبنتي وزوجي وهذه الشي كلفني هواي
نسيم.... امي حجت وي خالتي واتفقن على مهر
مانطوني هواي لان ماعدهم وبديت احضر لزواجي ومنتضره الحضه الانجمع بيها بسامر كل يوم احبه اكثر من القبله يخابرني نبقه اليل كله نحجي كلامه يطيرني فوك الغيم رومانسي وحنيته عليه ماتنوصف من يحجي وياي انسه الدنيا والبيها الوحيدين اني وزبيده تزوجنه على حب عكس اخواتي شهرزاد حبت جبران فتره الخطوبه اما اني من زمان سامر، عاجبني ونضره عيونه ثبتت هذا الشي شكد فرحانه لان راح نتزوج شعور حلو تاخذ الانسان التحبه ويصير حلالك كدام الناس كلها مابقه شي ويتحقق حلمي جهزت كلشي بقه بس موعد العرس يحددوه راجح مستعجل يريد يسافر ويريد يحضر العرس قبل لايسافر
بسعاد....اصنت من الشباك مال المضيف واسمع كلام راجح وي جاسم
راجح....شوف اني ما منعك ولا اكلك لاتزوج لان هذه الشي الله محلله على عباده بس من يصير رايك تعرس اطلع من حك اختي وبعدين فكر تاخذ عليها ولزيدك علم بناتنه ماينوخذ عليهن وانته تعرف هذه الشي كلش زين بس الضاهر تريد اليذكرك
