العوده من الرماد
البارت العاشر
بقلمي.. حنين العلي
فيض،....لا لا ماريد شي تسلم وعفتهم وصعدت ماكو دقايق واكفه اخلي كحل بعيوني انفتح باب الغرفه وطبت صابرين كتلها
هااا صابرين محتاجه شي؟؟
صابرين....عندي حجايتين وياج وسمعيهن كلش زين لاعبالج صرتي حامل وتتنعوصين براسي
فيض...مفهمت شنو قصدج؟؟
صابرين...والله قصدي واضح لاضلين تفترين كدامي ومسويه روحج فقيره ترى اعرف غايتج شنو كل همج تكوشين على حلال عمي وطفرين لاتنسين عنده ثنين غير البطنج
فيض....والله كلمن يشوف الناس بعين طبعه اضاهر هذه تفكيرج على عموم البطني اخو رجلج واني ام البيت هنا وابو البيت رجلي وحجايتي التمشي هنا تمام اتمنى تصرفين على هل اساس،لان الضاهر مومال واحد يسكتلج
صابرين....عرفتج موسهله بس بسيطه ويامن ندكيتي؟
فيض.... اليدك الباب يسمع الجواب ويلااااااا نگلعي من وجهي بعدني ماكملت كلامي طب سعود
سعود....هااا باباتي خير ان شاء الله صاير شي؟؟
فيض.....لا حبيبي ماكو شي صابرين اجت تسال عليه خاف محتاجه شي
سعود....صابرين متقصر.راعيه واجب
صابرين....من رخصتك عمو اعوفك ترتاح محتاج شي؟؟
سعود....لا حبيبتي اخذي راحتج
فيض....احس روحي كام تفور من وراه هالمسمومه وكلامها اليغث بشنو مضوجتها وهيج حاقده عليه احجي وي روحي ومتوتره افتر بالغرفه وارتب بيها
سعود....فيض شبيج؟؟ شنو صاير تضمين عليه؟؟
فيض،..مصاير شي بس اني اضوج وانته طول اليوم طالع
سعود....صابرين غثتج بشي؟؟ ادري بيها مؤذية
فيض...سعود خليني ساكته كوه متحمله روحي
سعود....افااا اعوفج وانتي هيج عصبيه كومي غيري ملابسج خل نطلع
شهرزاد.....البيت مخبوص ناس،رايحه ناس جايه اجواء عرس معروفه عدنه بلعراق مايخلص العرس اقل شي 10ايام جبران ماشفته من الريوك صار العصر واني وحدي بلغرفه شويه وطب طفرت من مكاني جنت مشتاقتله كلش،اجه بتجاهي حضني واني مجلبة بركبتة ورجلية ثانيتها واصلا اني يمه لاشي هوه طويل واني انحسب على كصار باسني بركبتي،وهمس،
جبران...شلون صرتي جرحج شلون صار؟؟
شهرزاد....من كال هيج ابتعدت منه تذكرت الصار،ونفس الوقت استحي احجي بهيج موضوع بس هوه ابد مايستحي
جبران.... شبيج يعيوني مو جاي اسألج شلون صار.....
شهرزاد.... بقيت صافنه شلون يحجي بلقم العريض ولاعنده حواجز يعني هسه اني صارلي بس ليلة وياه شلون هيج يفشر،ويحجي كدامي اشو اني بيني وبين نفسي استحي
