مساء العافية
العوده من الرماد
البارت 7
بقلمي... حنين العلي
شهرزاد.... تقربت منهن وانصدم بلشفته طلعو يوسف واحمد وامير، شايلين جهال بسعاد بلبطانيه محتركين اثنينهم الولد بس الابنيه مابيها شي
شكلهم جان عباره عن رماد منتهين اول مره اشوف انسان محترك كدامي لزمتني الرجفه واحس كلبي كام يدك سريع جهال بعمر الورد راحو هيج بلحضه اخذوهم يركضون للمستشفى بس جانو مأيسين منهم اريد الكلام يطلع من حلكي ماكو شفايفي ترجف البارحه تعشو يمنه الله واااااااكبر لا عتراض على حكمته اباوع لبسعاد حالها يبجي الكافر ملخت روحها تملخ الجهال اخذوهم وراحو بقينه واكفين نريد نطبب بسعاد للبيت متقبل تريد تركض وراهم نجر بيها منكدرلها نهارت على جهالها كمت ابجي على بجيها تبجي بحركه كلب ام فقدت قطعه من كلبها بعدنه واكفين وصفطت السياره جبران نزل منها وسيف ويونس وشيخ فاخر جبران نزل بسرعه ويسال بأمي على مكان المستشفى باوعلي وكال لاضلن بره طبو. جوه واني رايح وراهم
طبينه جوه وبسعاد موبعقلها انهارت تجر بشعرها وتذب بلكاع لو وجهه ملخته لحد مطلعت الدم بقينه نهدء،بيها بس كلب ام مستحيل يهدء ويبرد تقربت من زبيده وسألتها اكلج زبيده شصار ليش وشلون احتركو
زبيده....مادري.جنت انضف بلطرمه وامي تتريك هيه.وامير واحمد ومانحس صوت قوي عبالك انفجار طلعنه نركض ونشوف النار كابه بالحديقه مال بسعاد لكينه الجهال حجتها وبجت وتناشغ ولج شهرزاد لوتشوفيهم شلون النار كابه بيهم وروحهم البريئه تنازع ويطفرون بنص الحوش ويردون واحد يخلصهم بسعاد تخبلت من شافتهم ولج ركضت عليهم تريد تطفيهم كوه لزمناها
شهرزاد.....كافي كطعتي كلبي الله يكون بعونها ويصبرها مادري منين اجت هل مصيبه هيه عايزه بسعاد ربي،الطف بيها وبرد كلبها بقينه شويه دك تليفوني باوعت جبران كمت للغرفه الثانيه وجاوبته هاا جبران
جبران.....شهرزاد الجهال راحو لرحمته الله منتهين بنفس الحضه حتى مالحكو يوصلون المستشفى
شهرزاد.....ان لله واليه راجعون .الى رحمه الله شلون اكول لأمهم شلون؟؟.
جبران... لازم اسده بس حضرو روحكم هيج ساعه ساعتين ونجيب الجنايز مالتهم شني هل مصيبه هاي، الهم لا اسالك رد القضاء وانما اسألك الطف فيه
شهرزاد....فصل الخط .حرت شلون اكللهم جسمي كله يرجف ورجعت عليه حالتي القديمه اذا اخاف من شي الساني ينعكد من واني طفله تكول امي متعارك راجح وضارب الزلمه بلدرنفيس بعينه كدامي واني جنت بشارع يمه تكول امي من ذاك اليوم صارت عكده بلسانج وكل فتره ترجع عليه الحاله بذات بهيج مواقف اشرت لامي اجتني لان هواي نسوان اجتنه ام جبران وطليعه وبناتها ونسوان عمامي
ام راجح....هاا ولج ماتووو مو
شهرزاد....اي هه هه هسه خخابرني جبرااااا كوه طلعت مني لساني حيل ثكل يصعب عليه اجمع الحروف
