العوده من الرماد
بارت 23
بارت طويل لعيون الغوالي
روعه.... بعدنه اني، وليث نحجي طب عمي، جبران والشرار يطافر، من عيونه
جبران... امج وين
روعه.... بعدني، مامجاوبته فتح باب المنور، مخلين
بي مبردات لصيف دفر باب المبرده وكعه وسحب
القايش مال المبرده وطلع سريع وكرر سوأله اااامج
وووووين كتله بغرفتها وي حجايتي فتحت الباب
امي من شافته بسرعه رتدت ليوره دفر الباب برجله
وطبلها سحبها من شعرها شمرها بأخر الغرفه ورجع
قفل الباب وماسمع بس صوتها وصريخهه واصل
سابع جار، بلقايش طاحله ضرب لسه صوته باذاني
وصرخاتها كوه تطلع لان خلصها تخلص محد ادخل
جدي بلمضيف ويصيح حيل موتها وخلصنه منها
لبست عباتي وطلعت لبيتي ماتحملت اسمع صوتها
وهيه تتعذب ليث قبلي راح للبيت طبيت لكيته
كاعده والجكاره بحلكه ومبين عليه ضايج
ليث،...خو ما موتها؟
روعه...ليث اروحلك فدوه روح احجي،وياه ساعه وماتت
ليث،...والله امج تستاهل الموت لو مو مخافه الله
روعه...ليث لخاطري هاااي امي
ليث....لا تخافين ماتموت جبران مستحيل يلوث ايده بدمها
روعه....مالوملكم امي تستاهل الصار،بيها بس،تبقى امي
ليث....يعني جنتي،تعرفين بلسالفه وماحجيتي
روعه...صدفه عرفت والله ماجنت اعرف وداعت جهالي
ليث....مع الاسف عليج معبالي،هيج ولج جريمه هاي السوتها امج وانتي تستريلها
.روعه....والله ماجنت اعرف ومن عرفت قاطعتها وصار،فتره مااحجي وياها
ليث....الصار،صار،وفاضل اخذ ستحقاقه وزايد
روعه...شسويتلوله؟
ليث....بعد ماشبع منه كتل جبران خابرنه على يوسف اجه كملها عليه وتمم المهمه
روعه...يوسف موعريس وبغداد شجابه
ليث...خابره جبران وتعرفي مايرفض طلب لجبران وبس سمع بسالفه اجه طاير هوه خبره بهيج سوالف
روعه....شسوه يوسف ليث خو ما كتلتو؟
ليث... لا تخافين عمرج شفتي عار يموت
روعه...لعد شسواله يوسف؟
ليث.....جاب نفط وجداحه وحرك........نفس،ما حتركت روح بنين الطاهره بسببه
