العوده من الرماد
بارت 26
اعتذر.عن التاخير.
وغلسو على سحك لان كوه كتبت البارت خطار يمي
وتعرفون الخطار يريد واحد يكابله
فيض.... اول ماطبيت صار احمد بوجهي سلم عليه وعلامه الاستفهام واضحه على وجهه طبيت للبيت جوه تلكتني امي واخواتي سلمن عليه. وحده تباوع بوجه الثانيه اعرف بيهن مستغربات جيتي بدون موعد وسابق انذار جابتلي، بسعاد ماي شربت
ام راجح ،.... يمه شجابج لا خابرتي لا كلتي
فيض.. اجيت علمود العرس لان نقهرت من ما حضرت عرس زبيده
بسعاد... جااا ابنج وين
فيض.... بقه يم ابوه سعود متعلق بي وماقبل اجيبه وياي
نسيم.. تحجين صدك ليش ماجبتي، وياج ميته على شوفته
فيض.... غير مره اجيبه انتن شلونج مشتاقتلجن
ام راجح ... وشماله وجهج تعبان شووو خل اشوف هاي جوه عينج متعوره
فيض.... اي نضربت بلكاونتر ودنكت احاول اخفي الكدمات بيدي
ام راجح... والله لن هاي موضربه كاونتر يفيض
فيض... عفتهن وكمت للغرفه اول وتالي يعرفون
بلصار،بس ماردت اخرب عرس نسيم واكسر فرحتها
مددت تعبانه واحس نار وشابه بين ضلوعي النزيف
بعده بس قل وبطني مأذيتني عبدالله ماتحمل
افاركه ياربي، شسويت بروحي احس كلبي يتكطع
تكطع هسه يلا صحيت على نفسي غرتني الدنيا
سعود مايستاهل هيج اسوي بي دللني وماقصر وياي
بكد الشعره وقايم بواجبي ومعيشني عيشه كلها
تحلم بيها بس اني دمرت روحي بيدي منو علي
وشيصير مني حتى اكعد احجي وياه واسوللفه
اسراري وشلون وثقت بي ودمرت بيتي دايخه وحايره احس روحي بدوامه ومادري شلون اطلع منها طبت زبيده
زبيده...فيض هسه تسولفيلي سالفتج عايفه ابنج بغير دوله وجايه واجهج مزورك عليمن لازم اكو شي صاير
فيض....سدي الباب وتعاي ماريد امي ونسيم يسمعن
زبيده...سديت الباب وتقربت يمها كعدت على فراش
فيض...عدلت كعدت بصعوبه بطني توجعني وبديت احجيلها الصار كله لطمت على صدرها بثنين اديها
زبيده...عزاااا العزاني ولج شسويتي بروحج
فيض....ماريد اسمع ملامه ادري بروحي غلطانه
زبيده...ولج هاي غلطه لو مصيبه زين من سعود ماذبحج
فيض....لا كال اني راح اخابر راجح واكوله اني اريد اطلكها عمود ماتنجبرين تبقين وياي،
