العوده من الرماد
بارت 29
شهرزاد.... مانحس غير الباب تكسر ودفعو وطبو
يصيحون نستري يحرمه ركضت طبيت جوه
واصواتهم عاليه وبالي يم امير متت خوف شكلهم
واصواتهم تخرع فتشو البيت كله صعدو لسطح
شلعو الشبكه الانترنيت واجو على تلفزيون كسرو
صحن مال ستلايت شلعو وذبو بشارع جانو سته اكو
واحد بيهم يصيحوله الامير جان يحجي وي امير
كاله ممنوع حرمه تطلع بدون نقاب وبس للضروره
ومن اليوم تطيل الحيه يارجل والاطفال ممنوع
مدارس، غير المنهاج الننزله احنه بمدارسنه وعافونه
وطلعو سمعنه بلاخبار داخلين وقريبين بس
ولاتوقعنه بهل سرعه يطبون علينه ويستحلون
اراضينه كلشي صار بين ليله ويوم اباوع لامير متوتر ومبين عليه الخوف
امير.... لازم نطلع منا اذا نبقه هنا مولصالحنه
شهرزاد.... وشراح تسوي
امير... خل يجي يوسف ونصفه على حل
نسيم.. بهاي الفتره نفسيتي صفرت بسبب الصار
اعتزلت كلشي بلحياه سامر ماادري عنه وين يروح
وين يجي حتى هوه مل على كد ماحجه هذه رزق
رب العالمين وماكتبلنه لاعتراض على حكمه صيري
قويه ويجي يوم ويصير بس جنت ماسمع كلش
منهاره ومن جهه الاخبار ماتبشر بخير ماكدرنه نرجع
للعراق خابرتني امي كالت اني يم فيض من لبنان طلعت على الكويت يم فيض هيه
وسعود ستقبلونه وامي اجت هم زياره تشوفنه بالنه
يم شهرزاد وزبيده والله واخوتي همه الوحيدين بقو
هناك والاخبار كل ساعه تزيد سوء اخر شي خابرنه
جبران عصبي ويصيح يكول داعش دخل القائم
روحي هناك حجزت على عراق بس ماكو طيران
وخطوطهم مغلقه شلون اوصل الهم شلون سامر بقه يومين ورجع على لبنان لان خالتي وحدها
فيض.... اجت امي ونسيم يمي وكلنه
متوترين بذات بعد كلام جبران نصلي وندعي
يطلعون من العراق بسلامه سعود حار شلون يستقبل
اهلي فتحلهم البيت وذاك الاستقبال وحاول يتواصل
وي اصدقاء اله بلمطار بلكي يكدر يطلعهم لان قبل
فتره سحب ولده ونسوانهم بس ماشفتهم من اجو بس سمعت بيهم اتصالتنه ما وكفت كلنه نخابر ويطلع مغلق عدنه امل نحصلهم
