العوده من الرماد
بارت 19
راجح....شهرزاد شارده ويدورون عليها ماكو
ام راجح...هذه الجنت خايفه منه تخبلت بتي يارب الطف بينه دخيلك سترك وعفوك
راجح....امير وين احمد خابرلياه بسرعه ولحكوني اني رايح لبيت ابو يونس
زبيده...راجح طلع هوه وامير،وخابرنه احمد يروح
وراهم امي خابرت خالتي ام سامر يمها وحده تاخذ
خيره كالتلها شهرزاد هجت بلكي تاخذلي خيره
وتبردين كلبي ترجع لا شويه واجت خالتي ام سامر
كالت المره تكول ترجع بس اذا ماتلاحكتوها تروح
من اديكم راجح وصانه لاسولفن جبران مايقبل
واحد يعرف بهروبها بس امي سولفت لخالتي ام
سامر البيت كله نكلب ومخبوصين نقره قران
ونندعي اخوتي طلعو وامي راحت وراهم خابرني يوسف
يوسف....هلا حبيبتي
زبيده...هلو بيك بشر ماكو خبر.عن شهرزاد ماكدرت اخابر اخوتي واسال لان طلعو عصبين
يوسف....حقهم يعصبون ماشفتي راجح شسوه بجبران الا شويه ويتذابحون
زبيده....يوسف شهرزاد راح تموت وموبعقلها وين راحت ماتكلي
يوسف....كلبنه القريه عليها ماكو فص ملح وذاب
زبيده...ياربي الطف بيها الخاطر بتهه تدري شهرزاد
من يوم الطبت بيت ابو يونس ماشافت الراحه حقهه
تتخبل اليعاشر طليعه موبس يتخبل
يوسف....اعرف سوالف طليعه كلها اذكر،مره جبران
مسافر،وطبيت صدفه عليهم.لكيت شهرزاد تغسل
زوالي بلبرد والهوه عالي كتلها ولج ماتردين روحج
جانت بوقتها حامل كتلها طبي،جوه واني وسيف
نغسلهن وفعلا طبت واسمع طليعه لعبت بحالها لعب
زبيده....الله ينتقم منها يارب اني متاكده هيه الخبلتها حسبى الله ونعم الوكيل بيها
روعه...جنه كاعدين نتغده بعد ماراح راجح بساعتين
اكثر،حضرت غده لشهرزاد وخابرت عمي جبران
يجي يطببه الها جان طالع يجيب حليب لوصال شويه واجه فتح باب
الغرفه ثواني وطلع علامه الاتستفهام على وجهه
جبران...شهرزاد ماموجوده بلغرفه احد طلعها
طليعه...لا منو يطلعها اصلا اني،اخاف اشوفها من بعيد مو دور،اتقرب،منها
جبران....ماكتلج تقربي،منها هيه ماتريد قربج سألت
