مساء المحبه والعافية
العوده من الرماد
بارت 5
بقلمي... حنين العلي
شهرزاد... استوني اريد اطب وماحس غير واحد سحبني من ايدي وخله ايده الثانيه على حلكي
احس جسمي انتفض من الخوف الصار خلاني افقد توازني ثبت ايده على حلكي بقوه و همس قريب اذاني
لا تخافين اني جبرااااااان راح اوخر ايدي عنج بس ماريد صوتج يطلع تمام ؟؟
هزيتله راسي باي والخوف مسيطر عليه الموقف كله جان صعب اول شي خرعني وثاني شي اني مطايقته وقربه مني وايده ملامسه شفايفي كلش ضايقني شال ايده عن حلگي سحبت نفس وماسيطر على نفسي يصعد وينزل بسرعه بعدت نفسي،عنه افتر صار مقابيلي وجهه قريب على وجهي مد ايده خلاها على كلبي
جبران.... ارتاحي خل كلبج يهدئ
شهرزاد...عوف كلبي شتريد مني؟؟؟ واكو واحد هيج يسوي؟؟
جبران......انتي جبرتيني ياعمي ادز عليج متجين شريد منج؟؟؟ هنه حجايتين والله وياج
شهرزاد... ضوه الممر عاكس عليه اباوع لعيونه واضحه الحديه البيهن كتله .ماريد احجي وياك حجيتها بعصبيه ودرت وجهي عنه
جبران..يجرالج لا تحجين اني احجي
شهرزاد...ماريد اسمع اي شي ويلا روح منا بس يشوفك راجح يموتك كتله هيج ودرت وجهي اريد اطب للبيت لزمني من ايدي وابتسم بسخريه
جبران....شمسوي ماتكليلي شمسوي جاي اشوف مريتي حرام؟؟؟؟ وينه راجح اني احجي وياه
شهرزاد.......... صاح رااااااااااجح صوته عالي كتله صوتك فضحتني شيكولون عليه اهلي عبالهم اني مطببتك وبعدين اني مومرتك
جبران... لاحگين على سالفه مرتي نحلها بعدين بس اسمعيني كلش زين وخلي ذني الحجايتين ابالج وفكري بيهن بعقل ادري بيج ماعندج عقل
سمعي كل كلامج وصل بس ياعمي مايصير اعوفج بعد ماخطبتج مايصير،مو من شيمنة واني ماخطبت الاعلمودج لان اعرف انتي منو وشنو بنات الشيخ ومارضاها تنمسن بحجاية ومن صارت السالفه لو ما مدخل وحاجي جان طشو عمامج السالفه ويطلعوج موخوش علمود يلوون ذراع راجح بيج ويزوجج الهم هذه جان قصدهم وغايتهم وراجح اخوي وعزيز عندي وكفاته وكفات وماقبل يسون بيه وبعرضه هيج
شهرزاد....مافهمت شي و اني ماريد اتزوج اريد مدرستي حباب عوفني
جبران....حتلو اعوفج كل عقلج راجح يخليج تكملين دراسه هاااوتضمنيه مايزوجج؟؟؟
شهرزاد.....مادري وانته هسه شتريد؟؟.
جبران...لاريده منج ممنوع تبينين كدام اهلي ماموافقه لان تنحسب عليج بعدين وهسه انتي مسؤوله مني امام الله والوادم كلها وفكري بالحجايه قبل لاتحجيها لان مرجوعها عليه وهااا قبل لاانسه من ادز عليج مره ثانيه تجين ترى بعدج ماتعرفيني!!!
