Europe ဘက်မှာ အတွေ့များတဲ့ Dandelion တွေက မြန်မာပြည်မြေပေါ်မှာမှရွေးပြီးရှင်သန်တယ်...
အီတလီကလာတဲ့ Dandelion ကတော့ သူ့နှလုံးသားပေါ်မှာမှ ရွေးပြီးရှင်သန်ပြန်တယ်..
🌱🍃🍃🍃🍃🌱
ရိုးရာထမင်းဆိုင်အတွင်းရှိ ဟင်းရနံ့က မွှေးပျံ့နေသည်။စားပွဲဝိုင်းရှိ ပုစွန်ထုပ်ကြီးက ဆီတဝေ့ဝေ့... Taraxacum မသိသည့် ဟင်းများကလည်းအပြည့်ပင်။
"Taraxacum...ကလေး.. စားရအဆင်ပြေရဲ့လား..ဘာလိုလဲ?ဘာထပ်မှာပေးရမလဲ?"
"No...အကုန်အဆင်ပြေပါတယ် Mrs.Thiri!"
Taraxacum သည် ရှေ့က ဟင်းပန်းကန်ကိုကြည့်ကာ နှိုက်မြည်းရနိုး။ ကျော်သွားရနိုးဖြင့်ချိတုံချတုံဖြစ်နေသည်။ ထိုအရာသည် အဖြူရောင်အဖတ်ဖတ်ကလေးများထပ်နေသည်။မုန်လာဥနီဖြင့်ရောကာ နယ်ထားသည့်ပုံ။
ကောင်းယံသည် ထိုအချင်းအရာကိုသတိပြုမိသွားကာ ထိုဟင်းပန်းကန်အား Taraxacum နားတိုးပေးလိုက်လေသည်။
"ကျောက်ပွင့်သုပ်လို့ခေါ်တယ်.. စားကြည့်!စားလို့ကောင်းတယ်..."
Taraxacum သည်ကောင်းယံ ပြောသလို တဇွန်း နှိုက်စားလိုက်သည်။
ဝါးလိုက်တိုင်း ထုတ်ထုတ် (ထုတ်ထုတ်)ဖြစ်နေသော ခံစားချက်ကြောင့် ဒီဟင်းအားအတော်သဘောကျသွားလေသည်။တဆက်တည်းတွေးမိတာက အဂ္ဂါဆိုလျှင်လည်းကြိုက်မလား ဟူ၍ပင်။
"Mrs.Thiri.. ဒါကို ကျွန်တော့်ကို နည်းနည်းပေးလို့ရလား"
ကောင်းယံသည် Taraxacum ကိုပြုံးကာ ကြည့်လိုက်မိသလို ဒေါ်သိရိခတ်ကလည်း အလွန်တရာကိုသဘောကျသွားသည့်နှယ်။
"ရတာပေါ့... ဘူးနဲ့ထည့်ပေးလိုက်မယ်...ညကြရင်အဆာပြေစား..."
"Thank You.."
ကောင်းယံသည် Taraxacum ဘေးသို့ခေါင်းလေးငဲ့လိုက်ရင်း
"အဆောင်မှာ ညကြီး မုန့်ခိုးစားတာ တားမြစ်ထားတယ်နော်..."ထိုအခါTaraxacum က အံ့အားသင့်ဟန်ဖြင့်
တိုးတိုးလေးပြန်မေးလေသည်။
"ဒါဆို စားလို့မရဘူးလား""တိတ်တိတ်လေးစားပေါ့...ဟုတ်ပြီလား!"
"ဟုတ်ကဲ့"
YOU ARE READING
TARAXACUM
Romanceမှုတ်ထုတ်လိုက်တဲ့ အမွှားလေးတွေမှာ ကိုယ့်အချစ်တွေပါသွားခဲ့သလား.... မႈတ္ထုတ္လိုက္တဲ့အမႊားေလးေတြမွာ ကိုယ့္အခ်စ္ေတြပါသြားခဲ့သလား.... Start- October-12 End. - January -15