⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
نسات جرحها كامل .. خرجت تجري فالغرفة على قد ما تقدر .. جرحها زاد تفتح اكثر و رجع ينزف ..
دخلت لغرفة رؤيا قلبتها كامل .. حتا لقات مفاتح تاع طونوبيل .. رفدتهم و حبطت تجري .. هازة الجهاز فيدها و تشوف للاشارة لي قاعدة تبعد على الدار بسرعة ..
ركبت طونوبيل و طارت بيها بأقصى سرعتها ..
قاعد يخزر فال pc يسنا فالموقع يظهر .. و اووب خرج .. قراه و وقف مصدوم .. العنوان لي خرجلو هو عنوان دارهم بالضبط .. فنفس دقيقة لحقو ميساج من عند نجم الدين " سلام عليكم عماد الدين .. قدرت تعرف انو الصور لي بعتهولها مفبركين و مخدومين .. و لي خدمهم مختص فهاد الامور .. نتمنى نكون فدتك " ..
زاد تصدم اكثر .. زير على قبضت يدو و عبد حواجبو ..
عماد الدين : رؤياا ..
و هو هكاك تفكر لينة كي كانت راح تحكيلو واش صرا معاها و قاتلو كنا نضاربو بالهدرة .. و بعد ما دخل عزيز غيرت هدرتها .. تلكر وقت قالت اسم عزبز و رؤيا و المجهول .. ربط لخيوط بين بعضاهم و فهم انو خالو و بنت خالو هوما سبة فلي صرا فمرتو .. مزال مفهمش باقي لحكاية ..
ناض يجري لطونوبيل .. ركب فيها و طار باقصى سرعتو لدار ..
و هو فدار تفكر كلش .. تفكر كيفاش كانت نظرة لينة وقت عزيز حكالهم حكايتها .. تفكر بزاااف تفاصيل خلاوه يشك فخالو اكثر ..
طاير باقصى سرعتو .. حاب يوصل لدار .. حايب يسمع منها .. و هي مكانتش اقل منو .. دايرة باقصى سرعتها و جرحها ينزف .. حابة تلحق الجد و تسلكو من عزيز ..
وصل لدار .. حبط يجري مطونوببيل و طلع ديراكت لدارو .. منتبهش انو مكاين حتا واحد فدار .. دخل لقاها فارغة .. و مكاشها فبلاصتها .. عيط باسمها ..
عماد الدين : لينة ..
مرجعتلوش .. رجع حبط لصالون يحوس عليهم مالقا حتا واحد .. فجأة لمح قطرات دم فلرض .. طاح منو النص .. خرج اسمها من بين شفافو بدون ميحس ..
عماد الدين : لينة ..
دار فبالو صرالها شي حاجة و داوها لصبيطار .. بدا يجري متوجه للباب خارج .. اما وقفو صوت التيليفون ..
رجع حوس عليه و لقاه ..
و قرا اسم " المجهول " ....
〰️〰️〰️〰️〰️〰️〰️〰️〰️〰️
اوبالاتي 🔥
تالمون تحمست راني نكتب بسرعة 😅😅 ادعوو معايا يا ربي يلحق عماد الدين عليهم .. و لي يقراو غدوة روحو ترقدو و غدوة كملوها انا نسهر معا الخفاشات لي عندي 😅😂 ..
خلوو توقعاتكم و تعليق هنا فالرد تاع الحلقات نروح نزيد نكتب و نولي نحط و نجمجملكم كي نحط ..
ملاحظة : ياك راني نكتبلكم بزاااف و متهليا فيكم .. لي مجمجمتش الحلقات تطلع تجمجم ولله مراح يزيدولي فعمري مي يشجعوني نقدم الافضل ..
#ليلوشة
YOU ARE READING
⚜️ الأسيرة و المتدين ⚜️
Action⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
