⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 47 ||
نورا : كييبفاش تبعتها لامريكا ..
عزيز : تقعد تما يمات و ترجع .. معا حالتها هادي يمكن تخرف و تفضحنا ..
نورا : مستحييل نخلي بنتي وحدها .. نروح معاها ..
عزيز : متأكدة ..
نورا : ايه متأكدة ..
عزيز : مالا جهزو روحكم .. غدوة صباح تروحو ..
نورا : اوكي ..
خرج من عندهم راح يجهزلهم كوارطهم .. و نورا ناضت جهزت الفاليزات و كل الامور لي يحتاجوها .. كانت تسنا لرحلة هاكا تبعد فيها مالمشاكل .. اما مش عارفة واش قاعد يسنا فيها ..
بعدها كل واحد راح لغرفتو و وصل نهار جديد ..
ناضو صباح .. حبطو الفاليزات بكل هدوء و بدون حس باش ميفيقوش عليهم ..
ركبو فطونوبيل و طارو للمطار .. بعد شي ساعة و نص طلعو فالطيارة .. و رجع عزيز لدار ..
دخل لبا حكيم و وردة على الطابلة .. راح قعد معاهم و بدا ياكل .. هدر حكيم ..
الجد حكيم : دك شوية عيطلي عماد الدين و قالي بلي لينة فطنت .. و ليوم يخرجوها ..
حبس عزيز مالماكلة .. لون وجهو تبدل .. مكانش نتوقع انو تفطن بهاد السرعة ..
عزيز : و مقاتلكمش الا شافت وجه لي طعنها ..
حكيم : لالا مهدرليش عماد الدين على هاد الموضوع .. خلي كي ترتاح نسقسوها ..
هزلو عزيز براسو بمعنى ايه و كمل ياكل ..
نروحو لسبيطار .. بعد ما فاقت لينة روطار .. فتحت عينها بلعقل .. ملقاتوش قدامها .. هدرت معا روحها ..
لينة : عرفتها بلي كنت نحلم ..
غير كملت هدرت تفتح لباب .. خزرت لجيهتو .. و شافتو داخل .. هدرت مخلوعة ..
لينة : يااه صح مكنتش نحلم ..
عماد الدين : صباح الخير ..
لينة : صباح النور ..
عماد الدين : راكي مليحة .. معندكش لوجع ..
لينة : حمدلله ..
عماد الدين : الحمدلله .. يلاه غيري حوايجك ليوم نرجعو لدار ..
هدرت بسرعة و بلا متحس ..
لينة : اخيييرا .. ريحة سبيطار قريب تخنقني ..
ضحك عليها و على عفويتها .. لتفت خارج باش يخليها تغير حوايجها فراحتها ..
اما وقفو صوتها ..
لينة : عماد الدين ..
دار ليها و هدر ..
عماد الدين : وي ..
لينة : تقدر تعيط لوحدة مالممرضات يعاونوني نبدل حوايجي منقدرش وحدي ..
تبسم معاها و هدر ..
عماد الدين : عارفين بلي انا راجلك مكاش كيفاش نعيطلهم ..
حبطت راسها و هدرت ..
لينة : و دك كيفاش ندير ..
قدم ليها و هدر ..
عماد الدين : انا نعاونك ..
حلت عينها على وسعهم و طلعت راسها ليه مخلوعة ..
زاد تقدم اكثر ليها .. و قعد فالكرسي مقابلها و هي قاعدة مقابلاتو ..
طلعلها الروبة لي لابستها بلا ميخزر فيها .. بعدها رما غطا على فخاضها .. و رجع هز الروبة هاديك يحاول ينحيهالها بلا ميوجعها .. بدا يطلع فيها بلعقل .. و كل ما يطلعها .. تخرج اه من فمها .. موجوعة بزااف .. ملقاش كيفاش يخفف عليها المها .. خمم شوية و ملقا غير حل واحد يقدر ينسيها فالالم .. " بوسة "
و اووووووب حط شواربو على شواربها ....
〰️〰️〰️〰️〰️〰️〰️〰️〰️〰️
اوبالاتي 🔥
راني قلشتكم ب 16 حلقة ليوم جاااامي درتها فحياتي اول مرة .. بدااا الحب بداااا و راااح تبدااا الاكشن .. جهزولي روحكم .. مي راح نقوللكم عفسة .. مقدرتش خلااص نعست و عينيا ولاو يحرقووني و كي نتعب نولي نيليكيدي برك .. مرانيش حابة نخسرهالكم ..
خلوو كاامل تعليق هنا .. غدوة غير نكمل شغلي صباح نبدا نكتب .. مبقاش فيها بزاااف بالاكثر شي 15 حلقة ..
اعذروني ولله مقدرت ..
نحبكم بزاااااف و مرسي على تشجيعكم ليااااااا
خلووو كامل تعليق هنا غير نحط غدوة نجمجملكم 😊💜
#ليلوشة
YOU ARE READING
⚜️ الأسيرة و المتدين ⚜️
Action⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
