⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 29 ||
باسها من جبهتها .. و بعد عليها بلعقل .. حست بنسمة باردة ضربت وجهها بعد ما بعد عليها .. فاقت على روحها فتحت عينها و رجع وجها طمطوومة ..
و هادا كاامل كان تحت نظرات رؤيا .. رجعت تغلي .. لوكان لقات كيفاش تقتل لينة فهاديك اللحظة تقتلها ..
رجعت لدار تمشي و تخبط فرجلها ..
بعد ما غابت على انظارهم .. دار عماد الدين لعند لينة .. خدا نفس عميق و هدر .. رغم انو عارف انو راح يجرحها بهدرتو اما لازم تتحمل مسؤولية افعالها ..
عماد الدين : درت هاكا باش تنحيني من بالها هاد الفترة .. يعني مديري والو فبالك .. مراكيش زوجة الصالحة لي حابها انا .. و ركز على كملت صالحة ( تفوووه جرحني قبل ما يجرحها ..) ..
حست بغصة .. خاصة وقت ركز على كلمت صالحة .. فهمت قصدو .. تبسمت بلعقل و هدرت و هي تحاول تخبي نبرة لبكا لي كانت فصوتها ..
لينة : هييه عارفة ..
حس عليها انها مجروحة من صوتها .. اما محبش يبينلها ..
عماد الدين : طاحت الظلمة و راهو البرد .. ادخلي ..
هزتلو براسها معنى ايه و هدرت ..
لينة : منعرفش الدار .. معلاباليش وشمن جيهة نروح ..
عماد الدين : تبعيني ..
راح يمشي متوجه للدار و هي موراه ..
دخلو لدار .. يمشي و ماعاطي اهتمام لحتا واحد ..
لحق لدروج .. طلع و هي طالعة موراه ..
وصل للباب تاع دارهم .. دار ليها و هدر ..
عماد الدين : هنا .. خودي راحتك مراحش نرجع حتا لليل ..
هزتلو براسها بمعنى ايه .. فتحلها لباب .. دخلت و غلقتها موراها .. اما هو حبط .. ركبت طونوبيلتو و طار بيها لعند صحابو ..
~~ فغرفة نورا و عزيز ~~
نورا : عزيز .. حليت مسألة الهوية ..
عزيز : ايه هايليك .. و جبدلها الهوية المزورة لي خدمها للينة ..
نورا : متأكد مراحش يفيقولنا ..
عزيز : اكيد .. انا لي راح نشرف على عقد زواج ..
تبسمت معاه نورا و هدرت ..
نورا : حمدلله يعني مكاش مشكل ..
عزيز : لالا مزال مشكل المجهول .. ملحقش يكمل هدرتو صونا تيليفون .. ريبوندا عليه ..
عزيز : الو ..
المجهول : اهلا عزيز ..
عزيز : المجهول ؟
المجهول : اييه هاد المرة عرفتني اه ..
عزيز : شكون نتا ..
المجهول : انا شخص على قد ما راني قريب ليك على قد ما راني بعيد عليك .. و ضحك ..
عزيز : واش تسحق ..
المجهول : تتأذى لينة يخرج سرك ..
عزيز : واش يضمنلي بلي مراح تخبر حتا واحد ..
المجهول : رانش قتلك متتأذاش لينة منخبر حتا واحد ..
و قص عليه لابال .. مخلاهش يحكي معاه اصلا ..
حط تيليفون و خبط طابلة بيدو ..
بعد ما دخلت لدار .. تفقدتها كامل .. لقات كلش فيها .. حتا حوايج و لقات .. دخلت لدوش ..
عملت دوش سخون و خرجت .. شعرها طوييل و كحل مشمخ .. لابسة صوغتي دبان غوز كلاغ .. كانت بوبية تهبل ..
ملحقتش تتوجه للخزانة و تجبد حوايج .. دخل عماااد الدين ... و اووووب ....
〰️〰️〰️〰️〰️〰️〰️〰️〰️〰️
اوبالاتي 🔥🔥
اععع نديرلكم شوية رومنسية و نخربشلكم المشاعر هههههه ولا نخليكم هكاك غاملين .. خلولي توقعااتكم .. زعما المجهول راح يعاون لينوش تلقا دليل .. عمادوش راح يحمي لينة من عزيز .. و رؤيا زعما واش راح دير ..
خلوو كااامل تعليق واحد فالرد كي نحط نجمجملكم على تعليقاتكم عميراتي ..
#ليلوشة
YOU ARE READING
⚜️ الأسيرة و المتدين ⚜️
Action⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
