⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 46 ||
بقاو يخزرو فبعضاهم .. نظراتهم كانو يعبرو على كلش ..
بعد ما كملو الممرضين خدمتهم .. خرجو و خلاوهم وحدهم ..
تقدم ليها بلعقل .. قعه فالكرسي لي مقابلها .. و هو يخزر فيها تفكر واش كان حاب يدير فالطونوبيل ..
ناض عاونها تقعدت .. و جبدها ليها عنقها و غرس راسو فرقبتها ..
تصدمت من حركتو .. مكانتش متوقعاتها كامل ..
هدرت و هي ترجف .. خايفة يبعد عليها و يصرا كيما صرا الخطرة لي فاتت .. هدرت بلعقل ..
لينة : عم....
قبل ما تكمل تهدر .. قص عليها هو ..
عماد الدين : شتت .. غمضي عينك ..
لينة : بصح ...
رجع قطعلها هدرتها ..
عماد الدين : قتلك غمضي عينك .. و زاد ضمها ليه اكثر و نسا جرحها ..
وجعها .. خرجت اه صغيرة من فمها .. فاق على روحو .. و هدر ..
عماد الدين : سمحيلي .. سمحيلي يا روحي ..
تصدمت اكثر .. بعد ما سمعت كلمة روحي رجعت تفكر انها مزالها تحلم و مزال مفاقتش ولا هادا شخص وحدوخر ماشي عماد الدين لي ضربها لبارح ..
عيات مالتفكير .. ستسلمت للواقع .. رفدت يدها و عنقاتو هي تان ..
وقت حس على يدها دارو عليها تبسم ..
طبع بوسة على رقبتها .. رعشت هر معاها.. زادت وساعت تبسيمتو اكثر ( اسمعو وقيل نبدل اسم لكرو و نكتب الاسيرة و المنحرف ماشي الاسيرة و المتدين 😂 ) ..
قعد هكاك معنقها .. حتا حس على يدها ترخفو .. و نفسها انتظم .. بعدها عليها بلعقل .. حاول يعدلها فبلاصتها بلا ميخليها تحس بالوجع .. غطاها .. و باسها من خدها .. دك نفهمكم كيفاش نص شواربو فخدها و نص شواربو معا شواربها ( ياا ربي اغفرلي خاطيني انا هوما لي يقولولي اكتبي اكتبي ) ..
بعد عليها .. خلاها ترتاح .. و هو عدل روحو فالكرسي و بقا يخزر فيها حتا هزو النوم ..
بعد ما وصل حكيم لدار .. امر رجالو باش يجيبولو تسجيلات كميرات المراقبة تاع ليوم .. اما قالولو انو تسجيلات محذوفين .. تبسم عزيز بشر .. لانو كان معاه و مخلاهش ولا دقيقة خايف يلقاو شي دليل مقاتلوش عليه نورا ..
بعد ما راح حكيم لغرفتو .. طلع عزيز يجري لغرفة بنتو .. دخل ليها بلا ميطبطب .. لقاها تبكي و معنقة يماها ..
عزيز : نوضي جهزي حوايجك ..
نورا : علااش..
عزيز : راح نبعتها لامريكاا .....
〰️〰️〰️〰️〰️〰️〰️〰️〰️〰️
اوبالاتي 🔥
يويويويوييييي تخلصنااا من رؤيا اول مرة عزيز يدير حاجة تصلح يا بن عمي .. و دك راح يبدا وقت الصح .. راح يبداو تحضيرات للمهمة .. فرايكم المجهول راح يعرل وحدو ولا لينوش لي راح تساعدو .. متنساوش بلي راهي مريضة و متقدرش تعس حكيم ..
راني كل خمس دقايق نوض نغسل وجهي ههههههه نوضو اغسلو نتوما تان تخلوني وحدي نقتل لينة هقصم
خلولي توقعاتكممم هنااا
و خلوو كامل تعليق هنا فالرد .. غير نزؤد نحط نجمجملكم
#ليلوشة
YOU ARE READING
⚜️ الأسيرة و المتدين ⚜️
Action⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
