⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 15 ||
بعد ما بدات تجري .. خلاصتلها القوة .. حبست فنص الصالة .. واقفة كأنها بدون روح .. تتنفس بصعوبة .. تشوف فضوء مضبب و يتحرك كأنها داخل دوامة .. حست بجسمها ثقييل .. رجليها رجعت متحسلهمش .. مقدروش يحملوها .. طاحت فلرض ..
طاحت مكسلة فلرض و وجها مقابل وين كانو قاعدين .. تشوف فخيال تاع عباد واقفين .. بعدها شافت خيال يتقدم ليها .. ملحقتش تشوف وجها .. تغمضو عينيها ..
شافها كيفاش طاحت .. يدها تنزف .. قلبو تقسم عليها .. حالتها يرثى لها .. راح يجري ليها .. تبعوه عايلتو يجرو .. عزيز و نورا بقاو واقفين فبلاصتهم مصدومين ..
حبط على ركبتو .. رما يدو لنيفها يشوف الا كاين نفس .. اما مكاش ..
رفد يدو .. حط صباعو فوق وريدها .. اما مكاش نبض .. يعني ماتت ..
خزر فيهم و هدر مرعوب .. اول مرة يموت واحد قدامو ..
عماد الدين : مكاش نبض .. عيطو للاسعاف ..
وردة راحت تجري تعيط و هو حط يدو فيزوج فوق صدرها و بدا يدير مساج للقلب ..
قعد هكاك يحاول حتا وصلو الاسعاف .. دخلو يجرو معاهم الحمالة ..
هدر معاهم و هو يديرلها فمساج للقلب ..
عماد الدين : نبضها رجع .. اما خفيف .. نزفت بزاف .. ضغط دمها حابط ..
هدر واحد مالمسعفين تما ..
مسعف : اوك خلينا نرفدوها ..
بعدلهم عماد الدين .. رفدوها فالحمالة و توجهوا بيها لسيارة الاسعاف ..
حطوها داخل و قلعو .. قلع موراهم بطونوبيل عماد و حكيم .. بعدها بشوية زاد لحقهم عزيز بطونوبيل ديالو ..
وصلو لسبيطار .. حبطوها مالاسعاف و دخلوها ديراكت لغرفة العمليات ..
اما عماد الدين و حكيم .. قعدو يسناو برا .. و عزيز كان مور حيط تما يحاول يسمع واش يهدرو ..
هدر عماد الدين و هو يخزر فيدو لي معليين بدمها ..
عماد الدين : شكون هادي جدي ..
الجد حكيم : علمي علمك يا وليدي مفهمتش منين خرجت .. بصح كيفاش عرفت واش ديرلها ..
عماد الدين : قريت من قبل جدي فالاسعاف المستعجل ..
زاد شوية و عاود هدر بلا ميحس
عماد الدين : كانت هاربة ..
الجد حكيم : من شكون ..
عماد الدين : الا بقات عايشة و فطنت راح نعرفو من شكون ..
الجد حكيم : ميكونش عزيز ؟ ..
طلع راسو عماد الدين و خزر فيه مستغرب ..
عماد الدين : علاش عزيز ..
الجد حكيم : حسيتو هاد اليامات ماشي كعادتو ..
خزر عماد الدين فالفراغ .. و تفكر نهار شاف عزيز مالباب الخلفي .. دخلو الشك انو يكون عندو علاقة ..
وقت لي سمع عزيز اسمو .. ارتبك .. مسح وجهو بيدو و بقوة و هدر ..
عزيز : كان لازم نقتلها .. كان لازم نقتلها .. لاازم تموت ..
و ضرب الحيط بيدو .. و فجأة جات فكرة فبالو ..
خزر فالفراغ و تبسم بشر ...
〰️〰️〰️〰️〰️〰️〰️〰️〰️〰️
اوبالاتي 🔥🔥
خلولي تشوو توقعاااتكم طوااال عراااض .. زعما عزيز واش راح يدير .. حكيم و عماد الدين راح يفيقولو ..
لينة راح تفطن و تحكيلهم .. عزيز زعما راح يحاول يقتلها ..
متنسااوش جمجمو كامل الحلقات وصلوهم كامل ل 500 جام عميراتي ..
#ليلوشة
YOU ARE READING
⚜️ الأسيرة و المتدين ⚜️
Action⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
