⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 19 ||
هو غير كمل هدرتو .. صونا تيليفون ..
بعد عليها بلعقل .. وقف عند تاقة و رفد تيليفونو ..
رقم مجهول .. ريبوندا عليه .. ( اليكم المفاجأة ) ..
عزيز : الو .. شكون ..
الراجل : اهلا عزيز ..
عزيز : شكون نتا ..
الراجل : تقدر تعيطلي فاعل خير ..
عزيز : واش تحوس ..
الراجل : ماشي قالك طبيب مدلها 2ml علاش حقنتها بالقرعات فيزوج ..
تصدم عزيز .. لونو رجع صفر .. قلبو رجع يخبط .. حس روحو تخنق .. رما يدو لرقبتو و فتح لكرافاط ..
عزيز : شكون نتا ..
الراجل : المجهووول .. ( احح نموت على المجاهيل انا ههههه متخافوش هادا ماشي نفسو المجهول لي فعشقت سلفي .. ) ..
بلع ريقو عزيز .. حس برعشة سرات فبدنو ..
المجهول : عارف انها راح تموت .. و كي راح تموت مراحش تقولك شكون انا .. لانو هي لي خبرتني .. ضحك معاه ضحكة الشريرة و قص لابال ..
عزيز قعد واقف مصدوم فبلاصتو .. افكار مخلطين فراسو .. اووب فاق بلي راح تموت ..
قدم ليها يجري .. نحالها سيروم من يدها .. و حط صبعو على نيفها .. لقا نفسها ضعيف .. خرج يجري عيط لطبيب ..
جا طبيب .. فحصها .. قالو انو مابيها والو .. مزال مصحاتش برك ..
قعد عزيز فوق الفوتاي و داير راسو بين يديه و يخمم .. و خاايف .. يعني هي خبرت عليه ..
قاعد فغرفة المراقبة .. يشووف فتحركاتو .. تبسم تبسيمة خفيفة .. خطتو نجحت و قدر يسلكها مالموت ..
ناض عزيز .. خرج مالسبيطار .. توجه لدار ..
غير دخل قابلاتو نورا .. راحت تجري عندو ..
نورا : ماتت ..
اما مرجعش عليها .. جاز عليها و طلع لشومبرا ديالو .. تبعاتو و دخلت و غلقت الباب ..
نورا : عزيز ماتت ..
عزيز : لالا .. خبرت عليا ..
خبطت صدرها بيدها مصدومة و هدرت ..
نورا : شكوون لابوليس .. هايا نهربو ..
عزيز : لالا .. المجهول ..
استغربت من هدرتو .. قلبها رجع يخبط فوور ..
نورا : شكون هادا ..
عزيز : منعرفوش ..
دخل لدوش و خلاها واقفة و مصدومة .. افكاار مخربطة فراسها ..
بعد ما وصل عماد الدين للدار .. لقا يماه رقدت .. طلع لغرفتو .. عمل دوش خفيف ..
خرج توضا و صلى .. قعد شوية قرا قرآن .. بعدها حط راسو على مخدتو ..
جات صورتها لبالو .. قعد يخمم فواش سمع .. افكارو مشوشة .. معرفش شكون يصدق .. اما فكرة انو هربت من دارهم بسبب صاحبها كان مقتنع بيها ..
و هو هكاك سمع صوت نورا و عزيز طالعين ..
هدر معا روحو و هو مستغرب ..
عماد الدين : ماشي قال انو يريح معاه ..
ناض مبلاصتو .. فتح لباب .. لقا خالو و مرت خالو دخلو لغرفتهم ..
عماد الدين : استغفر الله .. مالا نلبس انا و نروح ..
〰️〰️〰️〰️〰️〰️〰️〰️〰️〰️
اوبالاتي 😁🔥
درتلكم قنبلة علابالي هههههه خاطيني انا انها افكااار عقلي الجميلة .. اتوقعو تشوو زعما شكووون هو المجهوول .. فكرو شوية و ركزو مليح معا الاحداث لي فاتو بالاك تقدرو تتوقعو شكون .. زعما راح يكشف عزيز بلي هو لي قتل لؤي ولا راح يكوون الملاك الحارس للينوش 😂خلطتهالكم احم احم
جمجمووو كاااامل الحلقات و خلو توقعاتكم متنساااوش ..
#ليلوشة
أنت تقرأ
⚜️ الأسيرة و المتدين ⚜️
Action⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
