⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 27 ||
وصل عندها .. وقف قدامها .. و هدر ..
عزيز : مبروك عليك يا عروسة ..
قعدت تخزر فيه و مهدرت حتا كلمة .. رجع هدر و ملامحو تفلبو لملامح جدية ..
عزيز : اما كالعادة ديما يجو من وراك المشاكل ..
خزرت فيها و ترسمو على وجها ملامح الاستفهام مفهمتش واش قصد ..
عزيز : كيما تعرفي لحكاية لي حكيتهالهم سمعتيها ..
قلبها تعصر وقت تفكرت نظرتهم ليها .. رجع كمل يهدر ..
عزيز : و قرار بابا لي راح يزوجك لعماد الدين .. دك عندنا ليوم مشكل فالهوية ..
خدمتلها فراسها .. صح عندو الحق راح يكشفو بلي راهو يكذب .. خزرت فيه و تبسمة تبسيمة انتصار ..
لينة : يعني راح يعرفوك بلي كذاب و راح يعرفو انو انا خاطيني .. شفت حبل لكذب شحال قصير ..
ركز معاها وقت كانت تهدر و غير كملت طرطق عليها بالضحك .. لدرجة خلا جسمها يرعش .. كيفاش هي تقولو راح يتكش و هو يضحك ..
اووب تمتم قطع الضحكة و خزر فيها بجدية ..
عزيز : راح ديري واش نقولك ..
لينة : لالا ..
قدم ليها عزيز .. وصل لعند وذنها .. كانت راح تبعد اما كبس عليها و مخلاهاش تبعد .. و هدر بهمس ..
عزيز : نقولك سر صغير ..
مهدرتش قعدت ساكتة .. قلبها تحس فيه راح يخرج ..
عزيز : تعرفي لي قتلتو شكون ..
قوات روحها و هزتلو براسها بمعنى لالا ..
عزيز : كانت عندنا جنازة غير كيما علابالك شكون لي مات فيها .. خويا ..
و بعد عليها يخزر فملامح وجها .. معا لول كان وجها بدون ملامح .. كأنها تحاول تربط بين واش هدر ..
اما تمتم ترسمو علامات الصدمة على وجها .. حلت عينها على وسعهم .. حطت يدها على فمها و هدرت بارتباك ..
لينة : مستحيل .. ق قتلت خ خوك ..
خزر فيها الخزرة الشريرة و ضحك على جنب ..
قاعدة تهز براسها بمعنى لالا ..
لينة : مستحييل .. جامي شفت عبد بلا قلب كيما نتا .. جامي شفت واحد يقتل خو.. قبل متكمل قدم ليها بسرعة و غلقلها فمها ..
عزيز : شتت خليه سرنا الصغير .. و دك راكي عارفة واش قادر ندير .. كيما قتلتو نقتل عماد الدين و نقتلك و نقتل حكيم سمعتي .. يا ديري واش نقولك يا راح تكوني سبب فموتهم ..
هزتلو براسها بمعنى ايه و عينها معبيين بدمووع و حموورة ..
نحا يدو من على فمها .. شواربها قاعدين يرعشو ..
عزيز : راح تمديلي عنوان دارك .. و راح تطلبي مني قدامهم نروح نجيبلك هويتك و دوزانك و الا طلب منك عماد الدين تروحو كيفكيف ارفضي ..
هزتلو برسها بسرعة .. و هوما هكاك قطع عليهم صوت الخادمة ..
الخادمة : مدام .. مسيو عزيز الامام راهو جا ..
و راحت .. خزر عزيز للينة .. غمزلها و حط صبعو على فمو و قاللها شتت ..
دار راح و خلاها ..
واقفت مدمرة .. بعد لي سمعاتو .. شخص يلحق يقتل خووه راح يدير اي حاجة .. مراحش يتردد و يقتل عايلتو ڤاع ..
فاقت على روحها .. مسحت دموعها ..
و توجهت داخلة للدار ..
〰️〰️〰️〰️〰️〰️〰️〰️〰️〰️
اوبالاتي 🔥
اولاا مراحش نغلقوو لڤروب 😁 يعني ڤروب كرونيكات اوبال رااح يبقى ...
ثاانيا خلولي توقعاااتكم بخصوص الاحداث لي رانا واصلين ليهم .. عزيز لثاني مرة يسلك .. زعما مرة ثالثة يتكشف .. لينوش و عماادوش زعما يولو زوج و زوجة احم احم ..
جمجموو كامل الحلقااات كبيداتي
#ليلوشة
YOU ARE READING
⚜️ الأسيرة و المتدين ⚜️
Action⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
