⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 45 ||
عزيز : كيفاش عرفت .. واش تسحق ..
المجهول : منسحق والو اما نبهتك من قبل بخصوص لينة .. و راح تدفع ثمن هاد الغلطة ..
و قص عليه لابال بلا ميخليه يهدر ..
خبط رجلو معا الحيط و هدر معصب و دموو يغلي ..
عزيز : يلعن النهار لي عرفتك فيه يا ق*** ..
خبا تيليفون فجيبو و رجع ليهم .. و هدر ..
عزيز : بما انو عماد الدين راح يبقا معا مرتو هنا .. مالا انا ندي بنتي و مرتي ..
ناضت نورا و نوضت معاها رؤيا لي كانت تحت تأثير صدمة .. من حسن حضها انهم مركزوش معاها ..
تمشاو كيفكيف فهاداك الرواق و كي بعدو عليهم شوية هدرت نورا ..
نورا : فريتها ..
عزيز : دليل محيتو بيدي .. مزال كاميرات المراقبة .. و هو يهدر لحقو ميساج من عند الراجل لي كلفو يسوبريمي التسجيلات ..
رجع هدر ..
عزيز : حتا كاميرات المراقبة تحلت مسألتهم .. و رب** متزيدوش ديرو حاجة من راسكم نتي و بنتك .. مبقاش بزال و نتهناو متعملوليش مشاكل ..
خافت منو نورا لانو عندو الحق ..
خرجو مالسبيطار .. ركبو فطونوبيل و طارو لدار ..
بعدهم بشوية .. راحو حتا حكيم و وردة .. بقا عماد الدين وحدو معاها ..
كان قاعد يسنا برا بكل هدوء .. مطلع راسو فسما .. مغمض عينو .. نفسو ننتظم .. يتفكر فاللحظة لي باسها من رقبتها .. يتفكر فرعشتها .. تفكر وقت قاتلو بونوي عمادوش .. صدى صوتها قاعد يتردد فمخيلتو ..
قصو عليه الممرضين وقت دخلو يجرو لغرفتها .. قلبو طاح .. ناض يجري موراهم .. غير وصل للباب .. قابلوه عينيها .. ايه عينيها لي رجع اسير ليهم تفتحو .. عينيها لي خبروه بحكايتها رجعو للحياة ..
يتبع فيها و فحركاتها و ملامحها ..
قاعدة تخزر فيهم مستغربة .. للحظة فقدت ذاكرتها و نسات لي صرا .. اما غير تحركت و حست بوجيعة فكرشها تذكرت كلش ..
دخل بهدوء للغرفة .. بلا متحس عليه .. الممرضين قاعدين يفحصو فيها و هي مركزة معاهم ..
دورت وجها لجيهة لباب لمحاتو .. ايه هو .. ترسمت تبسيمة عريضة على شفافها ..
لمعة الفرحة واضحة من عينها .. اول واحد كانت تتمنى تشوفو كي تفيق شافتو .. شافت منام شباب و هر راقدة .. منام عترفلها بحبو فيه .. ( احم احم حسبتلها كانت تنوم ههه ) ..
هدرت بينها و بين روحها بهمس و بفرحة ..
لينة : ملاكي الحارس جا .....
〰️〰️〰️〰️〰️〰️〰️〰️〰️〰️
اوبالاتي 🔥
جهزوووا انفسكم لبعض رومنسية .. راااح نخبشلكم مشاااعركم فنص ليل .. بصح متحلالكمش .. رانؤ نموت على الاكشن معنتها حطوولي دك توقعاتكم على نهار المهمة بسك راهو قريب و نهاية لكرونرك راهي قريبة ههه
خلوو كامل تعليق هنا فالرد كالعادة غير نحط نجمجملكم
#ليلوشة
ESTÁ A LER
⚜️ الأسيرة و المتدين ⚜️
Ação⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
